青山灣漁港

营业中

休息中

為慶祝同事升職之喜，幾個同事一齊嚟到屯門買新鮮游水海鮮🦞，去酒樓加工，選擇咗呢間青山灣漁港。酒樓嘅環境都唔錯，夠舒適，整潔，又企理，酒樓姐姐有禮貌，態度親切友善，服務周到，加工咗8樣海鮮，海鮮加工後味道都唔錯，好味嘅，睇相就知，賣相可以，味道都不俗，而加工費呢度我個人就認為略貴咗一啲，8個加工海鮮➕一碟炒飯➕一隻乳鴿➕茶位🟰2000多，不過呢頭附近嘅加工費都係差唔多呢個價位，所以豐儉由人，睇餸食飯啦，總體而言，都係滿意嘅！

之前已知會了朋友會入屯門三聖村附近工作，又快到十二點午飯時間，就通知友人下來陪我一聚並午飯，朋友提議到青山灣漁港飲茶坐坐。酒樓位於商場內面積很大，裝修新淨、内裏亦很光猛，望去已差不多坐滿了八成多食客。因為我早餐太得遲吃還有點飽，所以只點了叉燒飯、流沙包、豬腳薑、牛肉腸粉。叉燒飯的叉燒色澤光亮柔潤，肥瘦適中而且咬入口仍是暖暖的， 叉燒汁亦很蜜味;但肥的部分原來是帶筋的部位，太韌了咬不動，飯底就軟硬適中。豬腳薑就只是微暖不夠熱，薑就十分老和韌咬入口很乾，而且全是渣十分不滯，豬腳色澤還算可以炆得夠稔而且帶點肉，不過就份量少了點，薑醋汁的酸甜味道調校適中。流沙包的外型做得比較別繳呈螺旋紋，但包又是不夠熱咬一啖入口，包內裏的餡料並沒有流沙的感覺。牛肉腸粉的粉皮不厚尚算嫩滑，而且牛肉也很多。今餐的食物質素尚算可以，如果要和朋友一聚，酒樓環境就比一般酒樓舒適，過以價錢和食品質素來比較，個人感覺性價比就不高;但如要揀個舒適吃飯和飲茶地方的話，還是可以選擇的。

買海鮮🦞上去漁港食飯有炸鮑魚-係每次都要必食既一味，完全無得輸，外脆內軟一啲都無過火芝士琵琶蝦 -自從食過琵琶蝦之後就唔太鍾意食龍蝦🦞大家都可以試下咁食法，啖啖肉🥰豉椒蟶子煎米餅-蟶子流得完全無沙👍🏻煎米餅勁米 脆卜卜個個都搶住食唔夠喉啊😍豆腐煲欖菜骨一字骨參斑兩食甜品芝麻卷 係人手磨既芝麻卷，同埋有限量 所以有機會食到勁開心😋😋椰汁桂花糕 好清香既桂花味又唔會俾椰汁搶過頭👍🏻👍🏻地址：屯門青山灣漁港

晨早去屯門三聖行行，找找間酒樓飲早茶！就去一去青山灣漁港試一試！香菰滑燒賣：豬肉料較鬆散，欠了口感！福果咸雞粥：福果應該是白果，白果唔苦但無味，雞少，有點失望！薑汁糕：薑味較重，適合食薑的朋友！蜜汁叉燒腸：叉燒太乾欠味道！雞飽仔：皮太乾，料亦加入太多薑！雖然新裝修加左部大電視及地方安排寬廣，但食物質素希望可作改善！

去三聖自己買海鮮，搵酒樓加工……已經係喺香港食海鮮嘅一個特色平時買完海鮮，會去容龍別墅食……但係今日為咗方便，去咗青山灣漁港！環境當然沒有容龍別墅咁好……但係，味道沒有比容龍差….以後….都算係有多個選擇……炒蟶子，豉汁味道十分好……唔會過熟，口感很好！另外，就是佢出名嘅炸鮑魚……口感煙韌，惹味…送啤酒一流！唯一美中不足嘅係……這間舖頭的服務，認真麻麻地……落完單，唔記得拎海鮮……問佢拎酒杯，又諸多推搪……可能做咗熟客……服務就會好啲，好多傳統酒樓都係會咁樣….

一家人做節，我們最喜愛就是海鮮了，今日來到屯門三聖食，最先要搵一間酒樓（方便煮海鮮）😍這間格局華麗🤭先要到海鮮街買海鮮，檔檔都新鮮難以選擇，我既重點是有大隻瀨尿蝦😍😍「例牌乳豬」也不錯喔☺️ 脆口唔油膩「椒鹽瀨尿蝦」嘩嘩嘩！好大隻🥰 爽口新鮮，重點椒鹽未夠重☺️「上湯龍蝦伊麵底」不太濃我喜歡☺️ 最緊要有伊麵底😂「砵洒煮蠔」😫不太理想，醬粉太多😔「2味-石斑魚-炆」唔錯既..侍應特別推介👍🏻 野味，食到lam lam脷「鹽焗奄仔蟹」好咸，平時應該用粗鹽🫣 但由於海鮮夠新鮮搭夠了🤣「豉椒聖子脆脆面底」估唔到配脆脆底好正👍🏻 聖子熟度剛好，正呀🥰 備註：🔺可能因為夜間，廁所好差！🤮🔺酒樓裝修新淨，服務員態度👍🏻 （不過人手也不是太足夠）

我哋今日叫左忠仔記嘅海鮮，再叫左d點心，包括香煎蘿蔔糕，唔錯，咸水角，好味，家鄉鯪魚球，都晤錯，另外加工海鮮，四隻蒜蓉蒸扇貝，味道一般，椒鹽瀨尿蝦兩大隻，超級無敵好味，白灼海生蝦半斤，都可以，海鮮買左$453，酒樓$289，合理價錢

食海鮮除左流浮山，仲可以簡三聖，三聖輕鐵站落車，步行5分鐘左右，就會到買海鮮嘅檔。買完海鮮，你直接話佢知去咩餐廳，就會有人將海鮮送去餐廳。今日屋企人生日，我地緊係要叫半隻燒鵝賀一賀（$268），多肉juicy，掛住食，唔記得影相啊除左海鮮，真係要流肚食燒鵝。然後再叫左個咕嚕肉（例）（$138），炸到外脆內軟，酸酸甜甜，好開胃。食海鮮點少得芝士龍蝦伊面，連加工（$492），芝士蓋面，香濃芝士味，龍蝦爽口彈牙，而且面底份量十足。我地仲叫左炸生蠔（$216），超香口，肉鮮甜。最後叫多個馬拉盞炒通菜（$98），夠哂惹味。茶錢每位$15，餐前小食2碟$40，需要加一，埋單，四人食，每人$350 左右啦。生日飯食到捧住個肚走啊，好滿足。

約齊腳齊齊入三聖揀海鮮，再拎上去青山灣漁港加工今次已經係第三次光顧，水準依舊，乾手淨腳就可以享受新鮮游水海鮮，掂啊！而且加工費合理吾貴！成袋比哂廚房！好誇張！椒鹽長瀨尿蝦，超正酥炸鮑魚，火喉控制得非常好

我們一行五人去三聖邨買海鮮，海鮮檔推介這間餐廳，果然係好嘢👍🏻 烹調味道好，價錢公道，服務又好😊 記得一定要訂位！特別推介炸鮑魚，又脆又夠熱鮑魚炸得啱啱好😋 聖子煎米粉又係好正👍🏻 米粉底煎到卜卜脆，聖子炒得啱啱好😋

6月30號，我生日的最後一天，一定要來個海鮮大餐。首先去了發記買了1700蚊海鮮，再到我早早預訂的青山灣漁港，我聽別人講海鮮加工是零差評的，我肯定要來試一下。首先四隻大龍蝦兩食，兩只芝士上湯伊面，另外兩只超級芝士局龍蝦，那個芝士很厚很厚，跟一般的局龍蝦是完全不一樣的，他局完之後還要再放麵包糠去炸又脆又軟又香，龍蝦還非常的彈牙。再來一個避風塘炒瀨尿蝦，然後蒜蓉粉絲蒸象拔蚌，豉油王大蝦，鹽水上湯花甲、辣酒日本花螺。再來一個豉汁聖子米粉，鋪底那些米粉吸收了聖子的醬汁，真的非常好吃。最後再叫了半只燒鵝，我們四個大人三個小朋友吃，本來海鮮已經吃不完了，為什麼還要叫半只燒鵝？就因為看到每一桌都有點燒鵝，所以我們還是叫了嘗試一下，真的非常好吃，還一點都不肥，味道真的剛剛好。海鮮味道方面完全是無可挑剔的，就是加工費貴了一丟丟，買單1200幾。不過還是感覺還是值得去吃的。

今晚補返慶爸爸節，一家去左青山灣食海鮮，同樣先去左三聖既海鮮檔-上記買靚海鮮。之後海鮮檔既人會好好幫我地拎埋去酒家揀青山灣既原因係想老人家可以坐得舒舒服服，樓下熟食檔既餐廳選擇係多，但大多數都坐得迫迫地。咁坐好就order點煮，就食下小食等主菜，小食係蝦子花生，好唔錯，脆脆地幾香口，食多又唔會覺熱氣。可能太多客人既海鮮被掉包既事發生。等等下，伙記就拎左我地買既蟹出黎同我地講「你知道你嘅蟹有大有細？」，我地第一下反應係嚇一嚇，咩事呢😂之後立即話知呀，因為我地分別買左一隻膏蟹兩隻奄仔，大細當然好明顯，之後又覺得呢間酒家都好均真，講清講楚先👍🏻之後就陸續上菜，海鮮係外面買，本身好新鮮，所以就唔多評，重點落返煮果part。蒜蓉粉絲蒸蟶子-比足蒜蓉，蒸既時間啱啱好，唔會過左時間，而且個豉油汁無淋落隻蟶子度，可以自己決定要幾多汁，避免過咸。上湯焗本地龍蝦炸米粉餅底-第一次唔係配伊面，都幾有新意，鍾意米粉定伊面就好主觀啦，龍蝦開邊，啖啖肉，上湯就略嫌太芡汁，一般。油鹽水煮蜆-呢個個味道好食，有啲胡椒味，又有粉絲食，而且清清地，我like~鹽焗高蟹/奄仔蟹-就係佢地有大有細，正常發揮，焗完就一開二，d

端午節一家大小到三聖海鮮街買海鮮再到酒樓加工食飯，今次揀咗去發記買。究竟三聖海鮮價錢是怎樣呢？🤔買咗鮑魚10隻，聖子 8隻，奄仔蟹5隻, 扇貝11隻和桶蠔共$1300，後來再加3斤幾龍蝦$900 買海鮮Total價是 $2200買完海鮮梗係要到酒樓加工啦！青山灣漁港一定要book 㗎！好旺場～🤍脆皮鮑魚- - -加工費 $126🤍豉汁炒蟶子加烏冬底- - -加工費 $162🤍鹽焗奄仔蟹- - -加工費 $192🤍蒜蓉蒸扇貝- - - 加工費 $154🤍酥炸蠔- - - 加工費 $108🤍芝士焗龍蝦伊麵底- - -加工費 $414🤍紅燒王子鴿3隻- - -$174店員建議我哋一開四3隻都夠食了🤍菠蘿海鮮炒飯- - - $168🤍馬拉盞炒通菜- - - $118🤍贈送椰子桂花糕甜品咁多樣覺得最好味/最推薦是龍蝦，嫩滑且細緻，味道鮮美香甜，每一口都是肉，食起來滿滿的幸福感😋😋😋下次可以試吓上湯煮。奄仔蟹蟹膏好香，但係發覺唔係隻隻都有咁多蟹膏，海鮮店員又話幫我揀邊隻多膏啲😅另外叫咗幾罐啤酒、汽水、茶位、小食，酒樓埋單 $2138今次我哋11人，有大有小，買海鮮加酒樓共 $4338 唔知對比出邊

雖然今日唔係假期, 但三聖海鮮街仍然聚集左好多人買海鮮。 今次買左幾款海鮮上酒樓加工, 有豉椒炒聖子, 芝士龍蝦伊麵, 焗奄仔蟹, 辣酒煮螺, 清蒸瀬尿蝦, 另外叫左燒鵝和菜, 味道唔錯呀, 相比起大排檔, 酒樓用餐環境比較舒適, 但價錢和餐廳差唔多呀。

三聖食海鮮就係去海鮮市場買海鮮，再到酒樓加工。九節蝦，外殼好硬，肉身好脆口，好鮮甜，雖然size好細隻，勝在味道搭救。 印象中去澳門食「醉桑拿蝦」都係用呢種蝦。平時食海鮮，好少食鮑魚，因為覺得好韌，好難咬。呢次隻鮑魚用陳皮豉油蒸，肉質好爽，好易咬開，好鮮甜。每次去食海鮮，無論係西貢，布袋澳…炒麵飯都係好好食，唔知係咪因為唔多人叫炒麵飯，負責炒麵飯既師父可以有足夠時間專心製作呢？🤔今次加工既酒樓可能太好生意啦，入座超過一小時先上第一碟白灼蝦，第二碟要再等超過半小時先上，上菜既先後次序都亂晒，冇由淡至濃味咁上菜，希望呢間酒樓會有改善啦。#青山灣漁港酒家 #三聖 #三聖海鮮 #屯門 #九節蝦 #鮑魚 #辣酒煮花螺 #楊州炒飯 #疫情下的日常