青山灣漁港

营业中

休息中

今日在青山灣這裡吃飯，可能生意太好了，7點鐘來，9點先有海鮮食，店長服務態度非常差勁！！香港服務跟唔上了……可能老板赚钱了，不在管理这个店，差评、差评、下次大家不要来这家店

疫情幾年無見舊同事,終於約到去三聖食海鮮, 首選緊係去青山灣漁港, 環境好坐得舒服,食過幾次,水準都keep到,同事都覺得燒鵝好味比深井食還好,每款海鮮味道都好啱胃口,來料虎蝦,豉油王煮法,個汁好好味,🦐蝦肉彈牙, 南非鮑魚果皮蒸,無過火,果皮都好香,整晚都食得好開心, 職員個個都好有禮貌,幫我換咗兩次碟,連上菜姐姐都好nice,成晚食得超開心

餐廳：青山灣漁港地址：屯門三聖街6號三聖商場2樓2B號舖朋友擺百日宴，係三聖輕鐵站落車，都要行一段路先到，比較難搵紅雞蛋：原來而家唔用紅粉做紅雞蛋，是包紅紙，開頭吃了兩個蛋，很後悔😂之後食唔落鮑魚乳豬全體皮連厚肉，多肉，無咁漏🥢蒸扇貝粉絲好食，扇貝勁大粒，但無味酥炸鮑魚第一次食酥炸鮑魚，原來咁好食，總之前留肚喇，而家飽到食唔落。。。🪿燒鵝好大隻，啖啖肉，個汁都幾好食🐟蒸海魚條魚都好大條好滑

今次又去三聖食海鮮，但係有啲唔同嘅係今次揀咗間從來冇去過嘅一間餐廳青山灣漁港🪸🪸🪸🪸🪸🪸🪸🪸🪸🪸🪸🪸🪸而且我哋今次喺海邊附近嘅小漁船家買咗一啲喺三門仔嘅包公魚同一啲海蝦。🪸🪸🪸🪸🪸🪸🪸🪸🪸🪸🪸🪸🪸呢間酒家嘅經理非常細心，推薦左個煮法俾我哋，仲介紹嗰晚特別新鮮嘅海鮮，所以我哋係叫咗龍蝦「生麵底」，鮑魚，小象拔蚌，蜆。好味，但係味道偏鹹。🪸🪸🪸🪸🪸🪸🪸🪸🪸🪸🪸🪸🪸

偷工減料 帶隻龍蝦 用芝士伊麵上。點知兩隻鉗唔見左🥲🥲🥲成個龍蝦最好食嘅鉗比佢m左… 好嬲😢😢😢🥲🥲同埋蒜蓉粉絲扇貝好鬼淡，冇咩味總結，你值得更好不建議去呢間

疫情這幾年，我和家人常到青山灣漁港食海鮮。通常在附近的魚檔買好海鮮，就拿去這間餐廳加工。疫情期間佢哋生意好好，假曰通常兩輪都坐滿人。但自從開關後，我們去食飯，發現買去的大東星班和大海蝦，都煮得好難食，食落去完全冇鮮味，感覺像雪藏急凍海鮮。我們帶去的新鮮游水大東星通常一魚兩食，但這兩次都煮到好鹹，大海蝦完全冇鮮味，蝦頭完全乾晒無膏（好似雪咗好耐的急凍蝦)。上星期我們再俾機會佢，買了一條兩斤重的游水東星俾佢加工，我哋今次決定叫佢哋清蒸，本想着清蒸，不會出錯掛！但好奇怪，出來的魚還大條過我拿去的，蒸到好老好老。魚眼發黑乾晒，食開魚的人一睇就知不新鮮。條魚被蒸到好老好老，變咗有些人唔知就以為條魚蒸老咗，變咗唔好食。我哋發現帶子，聖子都做得OK，平價海鮮，通常冇問題，這幾次都是較名貴的東星和大海蝦出事，同埋我亦發現煮工亦收得越來越貴，我哋本想着貴都算，煮得好食都無計較。但這幾次除咗貴，仲要游水海鮮食落似急凍貨，所以我們以後亦不會再幫襯。各位去這間餐廳食飯要小心！

廿名親友聚會諗住食好d，自攜海鮮歡心歡喜.....一坐低碗碟真係隻隻都好多污漬,要洗多幾洗！原本計啱數一人一隻特大生蚝點知最後有兩個人無得食！？生猛澳龍上碟，食開就知，唔係新鮮彈牙個口感，唔通今時今日仲有偷龍轉鳳呢家野？十斤龍躉斑淨肉分兩味上枱點解咁多魚尾魚旗？腩呢？來料煮海鮮湯個廚話唔得閒攪d魚，個湯只見蜆肉豆腐幾條白菜淡某某，其他都不過不失。埋單煮工仲貴過海鮮，（仲要係質量都唔係原先預計的），感覺做左水魚，太離譜！一定唔會再幫襯！！

今日星期六，雖然天氣有啲陰沉，但係都冇能夠阻止我同家人去三聖邨食海鮮。一家人開心地揸車去到青山灣漁港海鮮酒家，心情都好期待。好啦，唔講咁多啦，直接講啲重點：食海鮮！首先，要讚下我哋買嘅海鮮都十分新鮮。買完海鮮，我哋就拎佢哋去酒家煮。五道菜式都煮得好好味同埋好有特色。特別係果三隻鮑魚，用果皮蒸出嚟，鮑魚肉質緊實，口感實在唔錯。重點係，啲鮑魚嘅鮮味係直程落晒啲豉油度，忍唔住嗌咗一碗返嚟撈晒啲汁。題外話，有人話鮑魚隔離嗰舊沙囊係唔食得嘅，但係我覺得呢度都整得乾淨，而且冇臭味，所以我一併食埋！其次，要講下東星班。呢條清蒸東星班，肉質鮮嫩，魚味好香，簡直係一絕。部分魚可能會有啲腥味，但呢條東星班完全無，證明佢哋魚真係好新鮮。不枉媽媽豪擲$300買咗呢條魚，最後我連魚嘴都食埋！再嚟就係九節蝦。九節蝦雖然細隻，但係味道真係好鮮甜。白灼嘅方式煮得恰到好處，完全保留咗嗰啲蝦嘅鮮味，雖然有啲人鍾意啖啖肉，但係其實細蝦更加能保存佢嘅甜味，點咗啲辣椒豉油絕對提鮮！至於海鮮湯，就有幾點想提出啦。首先，湯內嘅配料係好豐富，有顯肉、豆腐、白菜、魚肉、蝦仁等等。但係，胡椒味真係比較重，可能唔係人人能夠接受。如果對胡椒

一班同事食亞公，揸車去三聖食海鮮，由識路嘅負責買海鮮，海鮮二千幾，舖頭幫手拿到酒樓第一次咁食鮑魚，脆皮包住好特別炒聖子，個米粉索汁好好味，用新竹米粉，正瀨尿蝦唔使講，用手食😋粉絲蒸扇貝，正常海鮮豆腐湯，有白胡椒味，要趁熱飲鹽焗奄仔蟹，都算多膏想追加炒飯，可能太多海鮮單，等左半個鐘都未有，算，走啦，大家最好一次過order.

叫左叉燒餐包及煎堆，侍應表示已落單，等半小時後，見到有一車煎堆推出黎，但並冇送餐過黎，我地即刻問部長跟進order，隔左陣侍應話已經冇晒，車煎堆係有人落左單，但明明我地半個鐘前都有落單其實如果冇，可以一早同客人講，而非要人坐係度呆等半小時，再自己跟進先敷衍你話冇晒浪費大家時間事後部長態度亦十分惡劣，只不斷重覆冇晒，只係做咁多份出黎，冇晒都冇辦法，仲叫我自己去門口寫紙仔要求改善，一副唔覺得無啦啦令人呆等半個鐘有問題ge樣其他食物味道中等，但服務太大問題，可免則免

星期六做節去勁多人，唔知關唔關開關事定近新年…d呀姐waitress 都唔多理人，叫完餸都等左半個鐘以上先有野上…地下同餐具都有d污糟，但overall 煮得都ok除左個蠔一般，不過可能係買嗰種台山蠔本身無乜味(賣海鮮個呀姐仲recommend….🙁)#餐前小食 唔知咩花生，幾好味，面嗰層似蝦片😍#蝴蝶蚌 比想像中大隻多肉，鮮甜無沙，好味😋👍🏻推薦#龍蝦🦞芝士伊麵龍蝦買貴左🙁…但ok肉質爽滑ok👌原本想試煎米粉底但太多人餐廳唔做，叫左芝士伊麵底，伊麵一般#酥炸生蠔🦪 呢個一般，蠔無乜味#重皮奄仔蟹 第一次食呢種蟹，比我想像中好食，雖然膏唔多，但肉甜👍🏻#雞油白菜仔正正常常啦無糖水送，唔開心☹️

Throw back to the day before 冬至, I had my dinner with relatives in Tuen Mun. We picked our seafood in 發記海鮮(Fat Kee) and the uncles there are super friendly and would suggest the amounts of seafood you should buy for your group of people. Great variety of seafood you can find there too! Turn out we bought ~$1300 super fresh seafood there and the staff would help us to take them to our dinner place.---For the dinner, we went to Tsing Shan Wan Seafood Restaurant. I've been there several times and t

首先多謝阿公阿婆請客因為今晚真係食阿公係外面海鮮舖買咗幾款海鮮嚟到「青山灣漁港」加工+炒飯+炒菜，7位大人加工費連2款小菜加茶芥差唔多成為仟柒蚊！價錢方面接受到，因為最最最重要係要煮得好食先得嚟得三聖邨海鮮街全部🐟🦐🦀️必然新鮮游水！可能今晚酒樓太多客人，廚房做到踢晒腳卦！今次係我食過咁多次唯一一次个人覺得有2⃣️款菜式有啲失準分別係最貴加工費嘅龍蝦🦞和聖子，其他加工之後都不過不失，最可惜係一開始叫侍應留咗芝麻糕到尾聲竟然話同事搞錯俾咗其他客人食咗好掃興

呢間位於屯門三聖邨既酒樓，有極高質既海鮮晚飯，但由於位置問題，認識既人不多，但我覺得青山灣漁港質素遠比大集團好，而且位於三聖邨，方便在附近海鮮店買新鮮海鮮再到酒樓加工👍😋每次來都座無虛席豉椒炒蟶子🥢豉汁味道十分好，蟶子也不會過熟，口感很好很彈牙🫶🥢酥炸桶蠔脆漿炸得金黃通透，香脆可口，桶蠔夠Juicy，必食推介👍🥢上湯龍蝦龍蝦肉質爽彈，簡單地配上上湯烹煮已經很好吃，可惜唔記得加伊麵底🥹🥢椒鹽瀨尿蝦廚師烹調得好，椒鹽𥚃加入蒜香，熟度也剛好，瀨尿蝦肉很彈牙，很美味😋🥢椒鹽鮑魚椒鹽味道不錯，可惜煮法唔夠乾身，而且鹹咗少少📍 青山灣漁港地址: 屯門三聖街6號三聖商場2樓2B號舖

去上記買咗西澳龍蝦、扇貝、膏蟹、花甲皇、瀨尿蝦、龍躉，之後去三聖商場2樓青山灣加工，出品不錯👍🏻加工方法：西澳龍蝦上湯伊面-龍蝦烹調時間啱啱好，唔會浪費咗龍蝦肉嘅爽脆口感粉絲蒸扇貝-蒸扇貝時間可以減番2-3分鐘更完美！鹽焗膏蟹-全晚最好食嘅一款加工菜，將膏蟹嘅creamy迫出嚟，而且呢個方法無流失到珍貴嘅蟹膏😸豉椒炒花甲皇-味道啱啱好，最怕一落豉椒就過咸椒鹽賴尿蝦-食完唔會覺得太熱氣，都係一樣keep到鮮味！炸肉骨龍躉-酒樓推介話係招牌加工方法，出面少見，香口惹味！再叫咗個臘味炒豆苗，臘味咸咗少少，豆苗份量好足夠，整體好食！甜品送咗個桂花椰汁糕，無諗到出奇地美味！為今晚嘅海鮮餐劃上完美句號💓同場竟然有藍妹生啤！比起支裝好飲好多🤤