霸嗎拉麵 (屯門市廣場1期)

营业中

休息中

想試很久的屯門霸嗎拉麵,仔仔考試和他加油便去試了。<天婦羅軟殼蟹蕃茄豬骨濃湯拉麵>湯底係豬骨味好濃郁+番茄味濃混合很配搭, 很讚; 其軟殼蟹又鮮又脆+大塊海苔; 拉麵煙韌,值得推介。<濃厚豬骨豚肉玉子拉麵>湯底係豬骨味濃郁頗有鮮味; 厚叉燒有少燒蕉香味更適合, 糖心蛋入味有流口, 拉麵煙韌,值得推介。 <燒汁唐揚炸鷄+辛口唐揚炸鷄>這兩款炸雞都很正, 鬆脆+熱辣辣,醃得入味豐富。

今天雖然去了拉麵店，但沒有吃拉麵😂本來只想吃個簡簡單單的下午茶，所以只叫了兩個餃子，竟然喜出望外地出色。餐牌上還有兩個餃子，下次一定會再叫來試。另一個喜出望外是這裡不收加一🧾感覺是想來吃就隨時來吃好了的感覺😂🥟辛口燒餃子 ($38)🥟照燒餃子 ($38)🐷沙律豚肉丼 ($35)🍧柚子雪葩 ($28)...#FoodieS #FoodieS屯門 #餃子 #🥟

一黎到見到蕃茄湯好紅雖然聞吾到好濃烈既味不過飲一啖嘩! 驚喜好香, 好甜, 吾係砂糖甜好足料天歸羅軟殼蟹係炸得好熱, 好香脆點埋個湯又出奇地夾雖然會淋小小，但咬落去有蕃茄湯爆出黎令人難忘拉麵一定要連湯食真係會食到吾知飽建議大家加隻蛋始終拉麵冇蛋又點叫拉麵呢餃子下面個層薄脆吾會太燶不過餃子吾算太juicy炸雞加沙律醬炸雞熱辣辣食先得兩樣都係冇咩特別豬骨特盛叉燒拉麵真係可以2個人share麵量就一般叉燒有5大舊飽到上心口呀

未食過霸嗎不過見門面好有日本feel😂就入去感受下『辛辣炙燒豚肉拉麵』湯底夠濃夠辣，同叉燒、拉麵都好夾『炙燒豚肉海苔味玉拉麵』超厚嘅叉燒，油香好重口感有層次，溏心蛋原隻上，仲有三大塊紫菜『唐場雞件』即叫即炸，熱辣脆口配埋檸檬汁夠曬清新👍🏼值得一試整體黎講，服務ok，食物不俗但餐廳環境略嫌有點痴笠笠嘅感覺

平日夜晚唔想煮飯，去左屯門市中心搵食；諗住出得街就食好少少；燒肉、火鍋店即使受疫情影響，仍然要等位，所以都放棄，轉食碗拉麵，點左2碗拉麵同一份煎餃；炙燒豚肉味玉拉麵外觀靚仔，都幾豐富，豚骨湯味濃雞叉燒味肉雞白湯拉麵味道無豚骨咁濃，但別有一番滋味，如果唔想食咁濃味嘅豚骨，雞白湯係唔錯嘅選擇，值得一試另外叫左個餃子，覺得碟無醋位係敗筆；店員亦無主動提供小碟比我地裝醋，費事又叫人拎又要等，我地就直接倒落碟中點黎食；餃子外觀煎得係幾靚仔，不過就嫌唔太夠熱，可能一早煎定啦，熱同脆多少少會更好

昨晚去咗屯門市中心，突然間想食拉麵，見呢間唔使等位就去食啦。order咗兩款拉麵，一個辣一個唔辣。 湯好濃味，但又唔會話好鹹。 如果兩款拉麵比較，我鍾意唔辣個款多啲。 另外叫咗個沙律炸雞，炸雞好脆，肉質好嫩同埋好juicy，唔會乾爭爭。炙燒豚肉味玉拉麵炙燒辛味雞白湯拉麵沙拉唐揚炸雞

聽過呢間唔錯 想食呢間好耐架啦 所以今日同同事放左工特登黎呢到食首先真係要讚下呢間拉麵嘅肥豬肉 真係好出色 佢燒得好香 但食落又冇戈陣Gas味 雖然得一嚿肥豬肉 但佢好厚 而且仲要食落入口即溶仲有佢隻糖心蛋 入味得黎仲要係流心 好正！而佢個湯底好重味增味 飲落去又唔會太咸 另外想食啲菜嘅朋人 可以叫佢地嘅抄野菜 份量好大份，而且食得出係用左好靚嘅芽菜，佢落左小小嫌佢調味 就咁食又得，放埋落碗麵底浸湯食都得，一樣都係咁好食呢間真係好值得黎試！！！

同男朋友平時已經好鐘意食拉麵，疫情關係無得去旅行，唯有係香港食住先啦！今次試左呢間霸嗎拉麵，裝修非常有日本既風格，叫左個辛辣炙燒豚肉味玉拉麵，有得比你揀麵既軟硬同埋辣度，食得辣既我覺得中辣啱啱好，同埋豚肉相當入味，肥瘦剛好，湯底十分濃郁，93蚊就換到日本既味道，抵呀！

放假天最好就係行街食飯，但疫情仲未完結，只好乖乖地買外賣回家食，呢日去超市買餸，經開霸嗎拉麵，好掛住佢地d拉麵，見外賣仲有85折，好抵食呀，咁就點幾樣外賣返屋企食屯門店都幾大間，等疫情好番，要舒舒服服去餐勁既外賣盒擺放得好恰當，湯及麵都分開放，我點左餐廳主打既炙燒豚肉味玉拉麵，湯底超香濃，拉麵底又煙韌。另外大家見唔見到呢件好厚既豚肉呀? 雖然好厚切，唔單止唔o鞋之餘，亦都好嫩滑，用筷子輕輕一篤，已經可以分開，加埋隻糖心蛋，非常之滿足難怪係餐廳主打拉麵之一。照燒餃子:每份有5隻，雖然唔係一口size, 不過每隻都好夠份量，每隻都煎到金黃色已經好吸引，外皮夠薄脆，入面既餡仲帶點湯汁，配埋夠味既照燒醬，香脆唐揚炸雞:每份同樣有5件，外皮口感好脆口，裡面既雞肉亦都keep到好嫩滑，好juicy

話說昨日的工作比較棘手，差不多三點幾才去食午飯，結果晚餐時間到了但仍未覺得好肚餓(˶‾᷄ ⁻̫ ‾᷅˵) 所以晚餐我就去了霸嗎拉麵，叫了一些炸雞回家，一邊看電視，一邊食炸雞。喔，我還叫了一個細飯，以防萬一肚餓，哈哈。炸雞叫了三個款式，分別是辛口唐揚炸雞，沙拉唐揚炸雞，燒汁唐揚炸雞，每款38元。另外叫了一個沙律豚肉丼，35元。埋單251元，沒有加一服務費，只是有外賣盒一元收費。先講炸雞，其實每款都好食，尤其喜歡辛口和燒汁味，辣得好刺激，刺激到味蕾，餸酒一流。燒汁都好惹味，兩款都皮薄肉多，炸過的雞，不老，還很嫩口，雞皮都食得，食完不感肥膩。至於沙拉，就比較清淡，如果比起剛剛的辛口和燒汁，不過其實沙拉都幾開胃，微酸，肉多，有葱花，當小食，又或者餸飯其實都得。而沙律豚肉丼，本來以為好細碗，怎知原來份量都不小，有幾多白飯，上面又有一些滷肉，和沙拉，食完都飽。滷肉配沙拉的組合，第一次試，都幾新奇新鮮感，出奇地開胃，肉質又不老不硬，很好。

星期日中午不想煮飯，到附近商場買外賣。霸嗎拉麵外賣有兩個優惠可以2選1，全單85折後也頗抵食。本身想點雞白湯，但見有期間限定新款式檸檬豚肉拉麵，就試一下味道如何。一碗拉麵配兩份小食，兩個人吃剛剛好。湯和麵條分開上，令拉麵口感更佳，賣相也較為吸引。麵條軟硬適中，檸檬湯底有驚喜，微微檸檬酸味令湯底更清新。豚肉非常出色，肥瘦適中，油脂令肉質口感更細嫩。餃子煎得香口，韭菜餡料很飽滿，皮薄餡靚的日式餃子。唐揚炸雞雞肉嫩滑，肉汁炸粉夠薄身，香脆惹味。

除了工作以外，已有一段時間沒有外出，這日終於踏出家門，到商場逛街，走着走着，看到餐廳門外的新出品很吸引，便在這裏吃個拉麵作午餐。將近下午茶時段，看見門外仍有人等候入座，我便直接打包拉麵離開。讓我駐足的是期間限定的黑松露雞叉燒雞白湯拉麵($93)。期間限定的拉麵往往帶給人驚喜，早前吃過的大隻厚肉龍蝦拉麵令人印象深刻。這次期間限定拉麵的焦點是黑松露，帶着讓人垂涎欲滴的松露香。拉麵的另一個主角——厚切的雞叉燒，軟腍得入口即溶。雞叉燒配上柔滑香郁的雞白湯，而帶點煙靭的拉麵掛上雞湯。可先喝一口雞白湯，再嚐一口放在雞叉燒上的黑松露，雞白湯與松露的芳郁在口中，讓人齒頰留香。沙拉野菜炸餃子($38)，有時候我喜歡原味的羽根燒餃子的原汁原味，有時候喜歡這個加了野菜和沙律的清新口味。炸物加上沙律，為乾身的炸物加點清爽酸甜。底下是爽脆的野菜，新鮮的野菜減低炸餃子的油膩感。炸餃子外層香脆，內裏的蔬菜多汁，外脆內軟，配上綠茶可樂很合適。綠茶可樂($25)，幾乎每次來都點一支綠茶可樂。吃拉麵不少得可樂或綠茶，這支綠茶可樂，既嚐到可樂味，又嚐到解膩清新的綠茶味，比光喝可樂或綠茶更讓人舒暢。濃滑的雞白湯拉麵和脆口炸餃

有排冇得去日本 🇯🇵太掛住地道嘅日本美食啦 😌😌屯門市廣場搵嘢食，就嚟食個拉麵拉😝疫情下店員嘅防疫措施做到足 👍👍見到佢哋盡量將食客分開，有足夠距離😌😌而且見佢哋清潔消毒做得好好，放心曬😬😬開放式廚房 更加確保乾淨！點了炙燒豚肉味玉拉麵 即是日本嘅感覺返曬嚟拉麵彈牙有韌性，湯底好濃沃 😋😋但係濃而不膩嗰隻叉燒非常厚切 肥瘦適中 特別鍾意佢嘅流心蛋，口感唔錯 😛老婆想食飯 叫咗豚肉石鍋飯 ，很足料，豚肉鋪滿曬，熱辣辣 真心唔錯😋😋屯門來講呢間都算係我哋嘅首選拉麵店，繼續支持！

以前減肥，有段時間實施低碳飲食，唔可以食咁多澱粉質，外食成日食霸嗎拉麵，因為佢$58 就有得叫佢最出名嘅炙燒豚肉，塊塊2cm 咁厚，而且仲有成4塊咁多，就咁食豚肉都食到勁滿足勁飽。 .而家減肥成功，隔咗一段時間冇食了，今日心癢癢叫外賣食返，份量同水準依然keep 到，我仲叫咗個雞叉燒雞白湯拉麵同屋企人happy share😄👉 炙燒豚肉：必點！塊塊2cm 咁厚，肥瘦適中，入口即溶，食落又油膩、感覺超正！. 👉 雞叉燒雞白湯拉麵：第一次食，湯頭幾濃郁，拉麵有軟、中硬三款面選擇，我自己偏好軟硬適中嘅拉麵，食落口感掛汁效果感覺最佳。 而雞叉燒脂肪比較少，食落肚罪惡感冇咁高，如果想唔想肥肥，又可以食到好嘢，食呢款就比較適合

疫情下當然最好自己煮，不過日日食住家飯真係會厭🤭，所以今日決定吃外賣，久久都沒吃拉麵了，同老公專程走到屯門巿中心的霸嗎拉麵，想念了你的豬骨湯底同厚厚的豚肉唷🥺。由於外賣拉麵的拉麵及湯會分開二個外賣盛裝，所以拉麵質地依然可保持爽口，一條條，分明的，並無變淋。真的好喜歡霸嗎大大舊厚切豚肉，好有口感，好滿足，而且豬骨湯濃而不膩，真的好吃，我吃到就連一口湯都快沒有了😆！石鍋燒豚肉海老飯由於每次都是點拉麵，老公說沒新意🤭，不過不試不知，原來炒飯好惹味，竟然好有獲氣，而且用料多及新鮮，囡囡還搶住吃。看來又多一款美食可以選擇了😋。