霸嗎拉麵 (屯門市廣場1期)

营业中

休息中

今日同先生出來下午茶，他說想吃拉麵，由於我本人對麵食一般般，就叫左一個拉麵下午茶再加炸雞。味道先不說，老公食完就話胃不舒服，又想去廁所，我以為他消化不好。點知，由吃完回家一路肚痛到凌晨，中間屙左幾次，屙到pat pat都痛埋！ 而本人亦有肚痛，肚屙，不過無先生甘嚴重。 (可能拉麵主要他食，我只夾左一箸) 一間食肆，味道唔好可以改進，但是由於出品質量令到食客肚屙肚痛，就真係好有問題！試問甘樣叫人以後仲感唔感幫襯！

而家香港食日本拉麵真係好方便,很多拉麵專門店開放式廚房睇到師傅煮麵 落單好簡單,可選麵條硬度或濃淡,交單後約10分鐘內上菜大致上跟返日本風格,湯底濃度,麵條都依日本分店製作方法設有吧台位置或4人座位濃厚豬骨豚肉玉子拉麵 辛辣炙燒豚肉拉麵加炸雞小食3碗麵都係特濃湯底,只係配唔同既食材湯底係豬骨濃湯,味道入口濃香滑順口感,濃而不油膩既重口味之選,的確好飲湯頭濃稠杰身,更易掛湯麵條上,麵身選用曲線有彈性之餘爽口 玉子蛋芯半熟狀態係流心既 叉燒片係經過炙燒,個肉面帶微焦更香口,煮得極淋身之餘唔會好肥膩炸雞皮薄包住無骨雞肉 香脆可口之餘有肉汁Shop 3233, 3/F, Phase 1,Tuen Mun Town Plaza, 1 Tuen Shun Street, Tuen Mun平均消費$100 評分8/10

最近無得去旅行 無得番出「鄉下」Shopping 之餘，更加慘係無得去食日本野引起就會想食下拉麵，即刻同女朋友走去食番個霸嗎拉麵，貪佢唔駛排隊又叫做唔錯咁樣一去到就有得坐低 但係俾人話我肥咗 所以最後無食到拉麵，而係散叫左一碗湯底，一碟炒野菜，兩隻溫泉玉子同埋一碟紅燒豚肉，自制左一碗「拉麵」俾自己雖然無食到麵底，但係都可以食到佢個個湯底好濃郁，好香豚骨味。而野菜以芽菜為主，好爽，用黎當「麵」豚肉真係好好食，一碟有四塊，太多食唔哂啦至於玉子正常野 無咩特別總結係一間唔錯既拉麵店用黎解解思「鄉」情

屯門市中心拉麵嘅選擇都有唔少，不過霸嗎每次都係我嘅首選！平日晚飯時段都要等一陣位，好在隔離就係大電視，可以睇住奧運等！（嘻）今晚有卡位坐，好寬敞～仲可以望到拉麵廚房好忙碌！一坐低就有冰凍檸檬水飲，讚！點左期間限定嘅檸檬豚肉拉麵，瀨戶內海檸檬原汁+新鮮厚切檸檬+濃郁湯頭！配搭好清新好醒胃！拉麵麵質好順滑～好啱我口味！豚肉係用低溫慢火浸煮，再用明火灸燒，脂香味好突出又唔會太肥膩！大大塊但好易咬得開～非常唔錯！另外點左石燒鰻魚飯，一上菜已經聞到鰻魚嘅焦香味！鰻魚肉好肥美～用石鍋上要小心熱喔！等咗一陣先食，有好香口嘅脆卜卜飯焦！超讚！拌開炒蛋同蔥花食到唔停口～推介！追加左+$18嘅沙律唐揚炸雞！雞肉炸得外脆內嫩，個人比較喜歡配沙律醬，會開胃惹味啲～值得一提嘅係幾個店員阿姨都超好禮貌同服務！要跑兩邊樓面都仲好好耐性同心機照顧食客！見到我哋兩個人食仲主動比多隻碗我地分食物～謝謝款待！

今日星期日同老公黎拍拖，行到市中心好多人，好熱鬧！ 我們想找間餐廳食下少少嘢，老公想食拉麵，最後見這間食評多人like, 所以試一試唔算好多客人，環境都幾舒服，木椅木枱，不過比較窄一點；燈光開明，安靜環境餐廳簡單易選，客人自行點畫所需要的更有不同調味料，又是自己配搭（雞叉燒辛辣雞白湯拉麵）老公點了少辣，味道剛剛好又惹味；雞叉燒好滑又入味，有一件是雞卷；更有木耳絲、青蔥粒；拉麵軟硬剛好（炙燒豚肉拉麵）味道比較濃郁，但唔會好咸；炙燒豚肉肥瘦一層一層，好軟腍的口感；筍片我唔太好，食了幾片，拉麵口感都唔錯（唐揚炸雞）點拉麵加+18可配唐揚炸雞，可3選1醬汁，老公話想試，所以點了燒烤醬汁；但可惜是不熱的，我覺得炸雞一定要熱先好食，老公話味道唔錯，加上唔乾，但唯一是唔熱，咁就減了分

見疫情好返少少便和家人出去行街, 食嘢輕鬆吓! 今日去了屯門市中心, 經過頂層的霸嗎拉麵, 見到門口餐牌有新菜式及特別推介，環境也不錯所以入去試吓~ 經理很NICE, 說湯底可選少油, 麵更可以選軟/硬度, 很細緻~炙燒豚肉味玉拉麵, 賣相唔錯有大大件豚肉再配上溫泉蛋, 入囗即溶旦黃味道甘香，豚肉肉質淋軟帶上少許肥膏，湯底豬骨味濃，入口一點也不肥膩！辛辣隻燒豚肉味肉拉麵這個湯底有驚喜, 辛辣令人食指大動，適合辛辣控~ 豚肉配上Q彈拉麵也是一個不錯的配搭～野菜雞白湯拉麵唔想食太多肉鍾意食蔬菜的家人，ORDER了這清新雞湯底配雜菜, 又是另一番風味. 最後ORDER了一個炸雞, 是沙拉糖醋炸雞($38) 推介非常抵食，五件大大炸雞，外脆內軟，一咬落去肉汁便流出來, 再配上沙拉非常惹味滿足肚子 .

排隊半個鐘，最後食咗碗翻熱日本包裝即食拉麵！等於超市買果啲！好無誠意仲要賣90幾蚊！日式拉麵最緊要係個湯，新鮮整係會想連湯都飲埋，但係我覺得呢間係全味精開出黎，偏濃味可惜只有好唔天然嘅味精味，係過份味精果隻！食咗頭幾啖已經頂唔順好喊好口渴，食唔到落去，叉燒有陣雪藏味，似煲完湯嘅瘦肉，乾瘦，感覺未經處理好似淨咁煲熱佢，係有兩大塊但難食！個麵同即食拉麵一樣，仲有啲鹼水味，全部嘢都係翻熱好失望，一定唔會再幫襯！

今日去屯門市中心行街，見到大部份商鋪都已經大執位，今次去了唯一不變的~霸嗎拉麵。香蒜辣野菜炙燒豚肉湯拉麵！炙燒過的豚肉,非常香口，而且十分厚，好有滿足感，入口即溶。辛辣湯底味道濃郁，配上大量炸蒜片，非常惹味，另外加咗芽菜和韭菜，不會感到油膩！另外還點了一個招牌拉麵，濃厚豬骨豚肉玉子拉麵，食完之後冇口渴既感覺，流心蛋做得剛剛好，另外還有大量竹筍，味道和福岡吃到的一樣！辣汁唐揚炸雞，炸雞加上秘製辣椒醬，辣得過癮，雞炸得外脆內嫩，水準之作，食得辣嘅朋友可以一試！人均消費約$100能吃到正宗日本拉麵很不錯了！

今日同friend一齊行屯市諗緊食咩啦,諗咗好耐都冇結論,跟住有個friend就話不如食霸嗎拉麵la,佢就話上次食過好好食嘅,咁咪入咗去試下囉,跟住就揀咗個灸燒豚肉味玉拉麵麵質硬身,同埋餃子,炸雞,嗰碗麵簡直係唔知講咩好來形容,你可以諗下一碗麵有幾多樣嘢佢有淨係得一嚿嘅豚肉啦,冇蛋味嘅蛋啦,一個普普通通嘅麵啦,碗湯啦同埋啲竹筍蔥花嘅,你估都估唔到成碗嘢可以係冇味㗎,估佢都估唔到成碗嘢最好食嘅竟然係啲筍,大佬豬骨湯呀得一個傑字完全冇豬骨味,隻蛋係做到糖心嘅但係完全冇蛋味囉,話嚿豚肉巴閉喇得個諗字,成碗嘢嘅味道依家回想起除咗淨係啲筍有味成碗嘢係可以冇味,當時唔敢同啲friend講好難食費事佢唔開心呀,嘩真係難食到想講粗口,個炸雞仲勁仲食到粉,佢啲辣醬我只可以講唔啱我口味囉本人都食得幾辣下嘅,成餐嘢最滿意就係嗰個餃子幾juicy多汁不過就冇乜用啦35蚊得嗰五舊,唉真係呢間嘢貼錢比我都唔會再食,後會無期^^

近期愛上食拉麵, 今晚相約友人去食餐廳裝潢仿似一般的日式拉麵店,以木為主,排有大紅燈籠,座位又坐得舒服餐牌也有好多選擇, 而且仲可選麵嘅軟硬度、配菜…走蔥走荀,仲可少油tim, 隨你喜歡最後我哋叫咗一碗期間限定,感覺幾吸引決定試吓, 另一碗野菜味噌雞白湯拉麵和炸雞小食呢碗期間限定-香蒜辣野菜炙燒豚肉湯拉麵, 它的蒜味超強, 湯底又夠濃, 辣度又唔算好辣, 炙燒豚肉好厚身, 有咬口得嚟又唔會太肥腻, 食得出真材實料野菜味噌雞白湯拉麵-呢碗湯底香而不咸, 雞肉好嫩滑, 野菜又多, 有芽菜、木耳絲和紅蘿蔔絲, 啱晒食素或健康人士食最後加多$18有款炸雞小食,炸雞係即叫即炸,雞肉外脆內軟, 好juicy, 再配上沙律醬更惹味

第一次食呢間霸嗎拉麵 本身個人唔太鐘意食幼拉面 事前無留意就揀左呢間食 拉面黎到先知係幼拉面🤨 叫左玉子豚肉同淨豚肉拉麵 個湯底好咸⋯⋯⋯⋯ 唯一嗰一舊肉d肉質好乾 完全唔好食⋯⋯最後我都無食哂 間野無下次👎🏻順帶一提 間野無加一👍🏻如果大家有興趣想試呢間店 記得做會員 免費的呢期新會員可以叫玉子豚肉拉麵平10蚊 或者送2隻餃子 不過我唔推介呢碗 好難食又好咸 雞白湯個d就唔知喇⋯⋯⋯⋯

限量牌拉麵每次都帶來驚喜，從網上看到餐廳新推出限量版拉麵，喜歡嚐辣和蒜的我便立即跟家人去試試。先點一份唐揚炸雞(拉麵+$18)，任何拉麵可以優惠價追加唐揚炸雞兩件及自選醬汁一客。自選醬汁可選辛口、燒汁或沙律。選了燒汁，有點偏鹹，也許選沙律更適合，能令雞肉的鮮味更突出。炸雞做得非常出色，完全做到外脆內軟的口感。鬆脆的炸皮下是鮮嫩多汁的雞肉。雞肉肉厚，所以更帶嚼感。我很喜歡試限定拉麵，總覺得限定版的比較好吃，這次也沒有讓我失望。香蒜辣野菜炙燒豚肉拉麵($98)，由於加了大量炸蒜片，拉麵甫上桌便傳來陣陣蒜香。頂層大量炸蒜片，下層是滿滿的爽脆芽菜，爽脆香郁的味道和口感同時存在。湯底辣度適中，是平時吃的小辣至中辣。由於主要味道是辣、蒜和肉味，所以整體口味較重，喜歡重口味者必吃。一大塊肥瘦適中的豚肉，經炙燒後散發出豚肉的油脂香，配上掛滿濃郁辣味湯底的拉麵，味道十分出色。家人點了雞叉燒味玉雞白湯拉麵($88)，雞白湯的味道相對温和柔滑，配上滑嫩的雞肉和溏心蛋，跟另一碗拉麵相比，是一剛一柔的組合。選了軟身拉麵，軟身拉麵掛上雞白湯，更具柔滑感。這碗的湯底比辣味湯底更佳，感覺上湯底的鹹度比辣味湯底少，整體

一家三口又嚟食拉麵，今次先叫了日式煎餃子同燒汁唐揚炸雞，兩樣都是即叫即煎/炸，鬆脆香口。為女兒點了個兒童餐，有細碗雞叉燒拉麵，有杯橙汁同KitKat作甜品。套餐說有玩具，但玩具不知所終？太太點了個天婦羅軟殼蟹番茄豬骨濃湯拉麵，我有試一點軟殼蟹，是酥脆好吃的，份量算大件，但泡在湯太久會影響到口感，如果分開上的話會比較好。而我點了炙燒豚肉味玉拉麵，濃厚的豚骨湯很漿口，滿口都是濃湯味道，豚肉肥瘦適中，肉味濃香，筍條軟又入味，蛋味帶甜。

〰️軟殼蟹蕃茄豬骨濃湯拉麵🍜 $98軟殼蟹咬落有汁！偏淋但好juicy咁，仲有膏！超重🦀味！而且一啲都唔腥臭😋都幾大隻，但如果可以再大隻啲就好😍😜湯底有啲似🍅醬嘅味道～ 偏酸，但食落都幾過癮碗拉麵仲有四塊🍅🤣〰️濃厚豬骨豚肉玉子拉麵 $88豚肉好正！😍😍肥瘦剛剛好肥個part入口即化架！厚度唔錯（我覺得如果太薄好易老👵🏻）湯底都可以嘅不過隻🥚就太甜😣〰️野菜（特選鹽🧂）$20估唔到係芽菜🤣仲有木耳絲、蘿蔔同埋青蔥無咩特別，鹹鹹地，烚菜〰️沙拉唐揚炸雞 $18呢個係追加嘅😝炸雞都算幾大嚿，但係沙律醬完全無沙律味☹️

雞白湯拉面ok, 不過服務員Gina態度非常惡劣，由於我哋早去只有幾枱客，佢叫我地入去座嘅同時間我老公又撳咗飛，佢就話你兩個唔使禁飛，雖然戴住口罩但係我好清楚見到佢個眼神「妙」我地..入去座底首先劈兩杯水係枱面，跟住啲面到左，就問雞白湯係邊位，我遞起隻手示意係我，佢將我碗麵劈喺枱面中間...咁其實你問尼做咩...其實食拉麵我只係expect普通服務就ok, 但係lee位小姐趕客咁，我哋真係唔會再試