霸嗎拉麵 (屯門市廣場1期)

营业中

休息中

雖然禁咗晚市，好彩仲可以食午市，仍然食到心愛嘅拉麵🍜😍..咁濃郁嘅湯底，而家睇返相都流口水.🍜明太子豚角特濃牛乳味增拉麵$108新出嘅期間限定拉麵😍 湯底係由濃郁嘅北海道特濃4.3牛奶🥛制成，好香滑☺️加埋粟米更加香甜🌽明太子量很足，豚角也很香口，非常足料超推薦的☺️🍜 辛辣炙燒豚肉味玉拉麵$98然後就係我百吃不厭嘅辛辣炙燒豚肉味玉拉麵佢嘅辣湯真係好出色🌶食到成個人都發熱叉燒好大塊，又厚身，油香好出溏心蛋嘅流心都做得好好，每次必點👍🏻

最近霸嗎出左明太子系列既拉麵🍜同埋小食🍖身為麵食達人既小編即刻去左食!!☺️佢個明太子豚角特濃牛乳味噌拉麵既湯就好似牛奶咁😏勁多明太子撈埋落d湯度 令到個湯既味好特別初初都驚牛乳會好膩... 點知一d都唔會!!而且配料勁多~ 豚角入味又軟硬分明大量粟米 蓮藕好脆而且甜甜地 手羽餃子釀明太子就岩哂d懶人🤣佢冇骨之餘仲釀左大量明太子入去外皮做到好酥脆😍期間限定~ 要食就快啦🤩📌霸嗎拉麵📍尖沙咀金巴利道26號地舖📍屯門屯順街1號屯門市廣場1期3樓3233號舖📍中環德己立街22號地舖

明太子豚角特濃牛乳味噌拉麵 $108 最近霸媽出左期間限定牛乳味噌湯底，選用北海道特濃牛乳4.3，令湯頭女滑好creamy，濃郁湯頭配上硬度適中幼身直麵，好掛汁，好好味。配料有一大湯匙日本福岡明太子，同牛乳湯底好夾，明太子分量好多略咸左啲啲，另外角豚肥瘦分明，很有咬口。特別喜歡個糖芯蛋，我可以吃十顆🤤🤤🤤蛋黃靚靚燈色，爆流心，蛋白也有調味，超級正。雞叉燒雞白湯拉麵 $85雞湯也很濃郁，相對牛乳味噌湯清甜，雞叉燒大大塊，肉質嫩滑，幼麵很彈牙，煮得剛剛好，湯也沒有糊掉，很好吃。

🍽🍽🍽🍽🍽🍽🍽🍽🍽🍽1.明太子豚角牛乳味噌拉麵2.不怕單一人前套餐：雞叉燒辛辣雞白湯拉麵+ 沙拉炸餃子+ 雀巢檸檬茶🍽🍽🍽🍽🍽🍽🍽🍽🍽🍽🔼 明太子豚角牛乳味噌拉麵係期間限定，湯底乳白色好夢幻，熱氣緩緩升上，令人好想飲一啖入口湯底因為加咗牛乳好順滑🤤另一方面，湯底會變得比較濃郁，啲湯汁更易掛上麵條到。拉麵拌有明太子，蘆筍、角切豚肉、炸藕、原隻糖心蛋、粟米爐，餡料大埋頭，食完會好滿足。 我係蛋控，餡料最鐘意食原隻糖心蛋，蛋汁係口腔爆出令人欲罷不能，另外食時可撈少少明太子一齊食，更添咸香味🔼 不怕單一人前套餐有齊拉麵、小食、飲品，係滿足嘅套餐，一路食開豚肉叉燒嘅我，今次試吓雞叉燒，入口肉質厚實，但好嫩滑，湯底係辛辣湯，佢嘅辛辣真係有啲料到😆，鍾意食辣應該鍾意食呢碗。小食炸餃子加咗沙拉汁，入口更輕盈，中和油膩感。🔼埋單二百幾

無端端好想食拉麵， lunch time嘅時候就走咗去自己一個試吓呢一間霸嗎拉麵！叫咗一個明太子豚肉牛乳拉麵！整體來講呢度嘅拉麵都幾香，牛乳嘅味道都算幾香濃，而且飲得出好滑嘅味道！幾推介嘅係呢度嘅拉麵，非常入味，而且軟硬適中！好啱我自己嘅口味！價錢就同一般平時食拉麵嘅餐廳差不多，如果想試吓食牛乳湯底嘅話可以過嚟呢度試吓！

役情來襲，又來晚市禁堂食，唯有吃午歺，見屯市霸媽新推饗宴の明太子，最好明太子獨特味道，就來一試外賣還有優惠呢，85折或送炸雞😬😬明太子豚角特濃牛乳味噌拉麵 $108北海道4.3牛乳製成的味噌湯底, 掛在幼細的拉麵上.!味玉係流心蛋，蛋白位置帶有少少甜味，幾特別另外點了一人歺 ＄108 唐揚炸雞 炸得脆身，雞肉嫩滑😝😝配埋汽水雞叉燒雞白湯拉麵湯底質素是不錯的, 因為有食過一D拉麵店, 湯底好油, 味精好重, 霸嗎拉麵絕對唔係呢種, 雞肉嫩滑厚肉, 入口鬆化, 不錯。拉麵還有蔥粒同木耳絲，令拉麵口感更豐富!好大碗👍👍很有日本風味，下次夜晚來外賣，羅返個優惠🤣🤣

創立於2003年的「霸嗎拉麵 」是日本廣島起家的連鎖拉麵店，以「秘製醬油濃厚豚骨湯底」，自家製麵條及炙燒厚切豚肉馳名位於屯門市廣場的這家店，燈光篇昏黃，佈置裝橫也很有日本風格「辛辣炙燒豚肉味玉拉麵」秘製湯底用豬骨、雞骨和大量蔬菜熬煮10小時以上，辛辣味剛好沒蓋過湯底，自家製幼麵麵條掛湯，最打動我的是炙燒過的厚切三層肉，肉質軟嫩可口，油脂豐厚帶有炙燒香氣，溫馨提示：怕肥膩者勿試「雞叉燒味玉雞白湯拉麵」早期行過見到雞白湯成日賣曬，對此期望較高，可惜未符合預期，湯頭濃郁，雞味濃厚，但比較似清雞湯，雞叉燒相對炙燒豚肉亦較失色

天氣又轉冷，即刻同朋友黎屯門市廣場既霸嗎拉麵食返碗熱騰騰既拉麵，餐廳好有日式風味，餐廳用黑色同紅色為主。我地叫咗雞义燒白湯拉麵，雞叉燒嫩滑而肉好厚，個湯底清新鮮甜，同平時食開既豬骨湯有啲唔同，不過一樣咁好味😋仲有期間限定既廣島風擔擔拉麵，豬骨濃湯做湯底味道濃郁，加入麻醬，花生碎同辣肉醬，少少嘅香辣味。唐揚炸雞(2件)，酥脆嘅雞皮入面有勁多肉汁嘅熱辣辣雞肉，加D檸檬汁一齊食好好食。雖然每枱都有一壺冰水，但係我地都叫咗雀巢檸檬茶 

天氣寒冷，晚上跟家人到拉麵店吃碗拉麵。以紅黑為主的日式裝潢，門口放着餐牌，推介限定款式拉麵，限定款式每每帶來驚喜。有別於過往不同款式的拉麵，這次是擔擔麵。店內坐滿了人，餘下吧台座位，剛巧有人用餐完離座，我們便坐在卡位中。看到門外的餐牌有新產品，點了一碗廣島風味擔擔麵($95)嚐嚐。湯底味道比平時吃的其它拉麵濃郁中，鹹味較重。相較拉麵，我較喜歡這擔擔麵的麵條，更能掛上濃郁的湯底，加上本身有如麵線般柔滑，麵上放上豬肉碎粒，一口麵一口豬肉碎粒，呈現麵條與豬肉碎間不同的口感。碗邊還放了一隻流心蛋，流心度跟餐牌上的一樣。花生粒是擔擔麵必備的點綴，麵中的花生粒多，配上比花生粒軟稔卻帶着相似爽口的西蘭花，令整碗麵的口感做得很好。然後點了一個怕單一人前($108)，包括一碗拉麵、一碟小食和一罐汽水。拉麵六選一，選了炙燒豚肉拉麵。豚肉軟腍大塊，拉麵掛上相對柔滑而濃郁的湯底。與擔擔麵不同的是這碗加了軟稔中又帶點爽脆的味荀，口感更配合微爽的拉麵。小食選了沙拉炸餃子，炸餃子最重要還是熱燙香口，頂層的沙律醬令餃子更開胃，也能提升餃子的味道，中和炸餃子的油膩感。雀巢檸檬茶的甜抵消拉麵的熱燙，這個怕單一人前的一人餐

價錢貴，以為味道會有保證，但其實非常普通。個湯頭感覺同一般超級市場買返去自己煮無分別，一d都無豬骨香味同膠感，我去其他拉麵店習慣食完麵會飲幾啖湯，呢間我一啖都唔想飲。唯一可以俾like係隻蛋。份量少，男人的話肯定要加麵，我本身唔大食都唔飽要加麵。最值得一提係d員工個個掛住吹水，叫佢地做野好似阻住佢地傾計咁，尤其係收銀個後生女，一路埋單一路同隔離果個吹水吹到忘我境界，問多佢一句個樣唔耐煩到想鬧人咁。唔明憑乜要收人加一。呢間野絕對唔會有下次。

上堂前仲有啲時間又有啲肚餓，仲去左食下午茶拉麵～估唔到拉麵都有Tea Set，價錢非常實惠！包一個拉麵，小食同飲品！我自己就揀左 B 餐拉麵就麻麻地，個雞白湯雖然濃味但自己唔係咁喜歡！炸雞就唔錯！

｜辛辣炙燒豚肉味玉拉麵｜湯底微辣，味道質感好濃厚，足夠麵條掛滿湯汁，上面除左溫泉蛋，仲有炙燒豚肉五花腩，加上蔥花超吸引～｜辛口唐揚炸雞｜即叫即炸好香口，外脆但內裡滿有肉汁，肉質好嫩滑，帶少少辣粉同七味粉調味，好惹味～｜廣島風擔擔拉麵｜偏少湯，比較似沾麵，同樣湯底好濃郁稠杰，掛晒落拉麵好食，溫泉蛋味道同流心效果一流，加有肉碎、花生粒、蔥，中日混合呢個特色又唔錯喎～｜蜜瓜酒｜香濃蜜瓜味但偏甜，一邊食拉麵一邊飲味道都好配合～｜綠茶可樂｜好得意有可樂味得嚟又有綠茶味～

霸嗎拉麵今日放工好得閒，約埋家姐去食個拉麵先，因為呢間見到好多次，都想試好耐！廣島風擔擔拉麵因為我唔係食得辣，但見到呢隻係新出，當然要試試啦，亦叫職員轉小辣。當真真係唔算好辣，仲接受到。而隻蛋係流心蛋，唔錯。不怕單一人前醬燜雞叉燒辛辣雞湯拉麵叉燒幾厚，咬落去口感唔錯，幾淋，脂肪比例唔高，所以幾好味。湯底感覺上比擔擔麵微辣一些。但辣味唔會停留係口腔停留太耐。沙拉炸餃子兩隻正常大小嘅餃子，炸得幾脆口而又有肉汁。食落唔錯。

豚肉拉面就食得多，但檸檬口味嘅拉麵就真係未試過，呢排天氣仲係勁熱，一於試吓檸檬口味豚肉拉麵，睇吓口感係咪真係冇咁油膩，霸嗎拉麵位於屯門巿廣場嘅頂樓，每晚收工經過都會大排長龍，可想言之個質素一定有返咁上下，估唔到同幅相一樣，真係有檸檬喺上邊，食落去有微微地嘅酸，可以減去豚肉嘅油膩感，湯底同樣亦都冇咁濃，非常開胃，唔覺唔覺都可以食晒一碗，另外我哋仲叫咗餃子，外表煎到脆卜卜，但個餡都仲係非常Juicey, 唔知檸檬豚肉拉麵係咪限定，而家香港一連365日都咁熱，得閒食一碗都唔錯！

屯門市廣場都有唔少拉麵店，呢日黎到霸嗎拉麵，見到佢有期間限定的特別口味，就試一試先呢日時間都算早，未有太多人等候，店員好快就安排到入座拉麵未上之前，就想食下開胃小食呢份辣汁唐揚炸雞，每件都大大塊，鬆脆可口，咬開仲係熱辣辣，雞肉多汁，而且辣味好夠！愛食辣既人一定會滿足濃厚醬油豚角拉麵，豚角份量多，而且軟嫩，吸收晒醬油湯的味道，但整體唔會太鹹期間限定：辛辣檸檬豚肉拉麵，見到呢個配搭真係好得意微微既檸檬酸味混入了辣湯，形成酸辣既感覺。而豚肉細滑，唔肥膩，表面既微焦增加左風味麵條亦彈牙另外，呢到只需$20就可以叫一份替玉，男士們唔需要擔心份量唔夠