霸嗎拉麵 (屯門市廣場1期)

营业中

休息中

霸嗎拉麵是最近停車場入口的餐廳，我每次在這個商場泊車後都會被他的大燈籠吸引住，今次一落車就好肚餓，即刻入去食。新出了牡蠣的拉麵和飯，就試試佢。廣島牡蠣漬醬油拉麵拉麵的湯底與本身招牌豚骨湯拉麵不同，豚骨湯拉麵偏向油。而牡蠣漬醬油拉麵就偏淡，似用蠔本身的汁水和醬油煮湯，所以湯底較清，又有濃厚的蠔味，適合不好油膩的人。因為麵的配菜較少，我加了味玉，即是味琳醬汁浸的雞蛋。味玉十分好食，味琳和醬油的香味十分吸引，又做到流心效果。廣島牡蠣薑汁石鍋釜飯釜飯像韓國菜的石頭鍋飯，用薑汁和醬油汁煮成的飯十分好味，另外蠔是煎過的，但裏面有蠔汁，十分鮮味，再加上石鍋的飯焦十分推薦。照燒餃子加了照燒汁的煎餃子，肉餡不變。依舊做出網紋效果。如果午市來食，跟野飲會更加抵。

好耐冇食拉麵🍜🥲🥲，呢日即慶約咗個朋友快食霸嗎拉麵*廣島牡蠣漬醬油拉麵 $128*呢個期間限定拉麵，我個fd開頭係咁叫我唔好試，話好易中伏😆但係我都係要食！每碗拉麵有4隻廣島牡蠣🦪，望落全部都好大隻漲卜卜，即刻飲啖湯試下先，好香蠔鮮味，正！麵條一如既往口感適中，配搭肥美多汁嘅牡蠣，好滿足😆*炙燒豚肉味玉拉麵 $93*經典嘅特濃豚骨湯底，拉麵掛湯，厚厚嘅豚肉燒過後更香，肥瘦比較都啱啱好，粒蛋流心👍🏻*雞白湯清酒煮廣島牡蠣漬 $48*另一個期間限定嘅小食，兩隻牡蠣size比拉麵個款細，湯底雞白湯就比頭先清啖，但係帶少少酒味，仲有幾舊勁入味嘅蘿蔔

黎到呢度食拉麵，首先叫咗一個辛辣炙燒豚肉味玉拉麵，當中嘅豚肉，肉汁鮮嫩，而且亦都好入味，加上又微辣嘅湯底，令到成碗拉麵更加可口，拉麵軟硬都啱啱好，加上流心蛋，格外好味，啲荀亦都好爽！另外一半係廣島牡蠣漬醬油拉麵，啲蠔好爽甜，肥美，加上啲拉麵湯底亦都配合得啱啱好，配料好足料！仲有一個羽根燒餃子，外面脆卜卜，內裏好Juicy,肉汁鮮嫩！唐楊炸雞，外脆內軟，而且熱辣辣，裏面嘅雞肉亦都好嫩滑，加埋啲檸檬汁，更加美味可口！

上網見到霸嗎拉麵出咗個新口味，仲要係最愛嘅牡蠣拉麵，梗係要去試一試啦！基本上呢個拉麵平時係唔會食到，脹卜卜的廣島牡蠣，配上濃郁的海鮮湯，鮮味十足，配上日本京蔥，口感清新，每啖湯都有非常重的牡蠣味，愛牡蠣者必試！當然唔少得加返份厚切叉燒，炙燒過的肉,既有蕉香，食落唔會肥膩，入口即溶！辣汁唐揚炸雞，炸雞加上煮過既辣椒醬，辣得過癮，雞炸得外脆入面多汁，食得辣嘅朋友可以一試！人均消費百多元，能吃到廣島直送的特色拉麵，實在不錯！

收到新一輪消費券,今晚同友人食餐"蠔"霸嗎拉麵好多時都推出期間限定,今次就推出廣島牡蠣漬醬油拉麵和廣島牡蠣薑汁石鍋釜飯,既然係限定我哋就試下廣島牡蠣漬醬油拉麵一牡蠣又稱為蠔,足足有成四粒超飽滿而每隻也大大隻脹卜卜,一口咬下爆汁,味道鮮甜又唔腥,係好鮮的蠔香。拉麵麵質爽口,掛滿湯汁,湯底唔會好濃郁,但有種蠔嘅清甜味廣島牡蠣薑汁石鍋釜飯一呢嗰飯上枱時熱辣辣又香噴噴,飯面有四隻蠔,配以一隻生蛋和大量京蒽、蔥花、菇菌豐富配料撈埋食味道好夾,最喜歡石鍋底脆脆地嘅飯焦好有咬口羽根燒餃子一餃子底有層薄薄脆片,皮薄餡料滿滿,非常香脆可口唐揚炸雞一炸雞是即叫即炸,內裡鮮嫩,加埋d燒汁好好味

霸嗎拉麵 (屯門市廣場) (屯門)屯門屯順街1號屯門市廣場1期3樓3233號舖突然好想吃拉麵，疫情過後，終於可以同三五知己堂食。特登去屯門市中心搵日本嘢食，搵到一間不錯的拉麵店。炙燒豚肉味玉拉麵$88豬骨湯非常濃郁，奶白色的湯底，裏面充滿了濃濃的豬骨味。大大舊叉燒，肥瘦均勻入口鬆化，吸收了湯頭後更加入味，燒過後有淡淡的鹽燒味！糖心蛋，入口即破，面醮著蛋黃吃更加滋味。拉麵軟硬中，吸收了湯頭的精華。燒汁唐揚炸雞$35唐揚的意思是裹著面粉後油炸的食物。用唐揚方法處理的炸雞可以緊鎖肉汁，做出來的雞肉更加嫩滑！而且粉漿有調味過，非常入味！炸雞份量都多，一個人食好夠。

之前係尖沙咀成日要排隊既霸嗎拉麵，係屯門呢間分店竟然唔洗排，餐廳仲分左兩邊座位，一邊係舖入面，另一邊係商場露天位，舖頭裝修帶日式風格，對於仲未有得去旅行既我，非常懷念日本既拉麵店。廣島牡蠣漬醬油拉麵今次試左期間限定既牡蠣拉麵，湯底好清甜，蠔味好香，廣島蠔有4隻，好鮮甜，拉麵上面仲鋪滿京蔥，同蠔好夾。濃厚豬骨豚肉玉子拉麵豬骨湯底如其名，湯底濃厚，但濃得來又唔會太咸，豚肉厚身而且好大塊，肉質軟熟，仲有半熟溫泉蛋，荀片同埋慕，而麵條係幼麵，煙靭有彈性。

今日無食中午飯的緣故，係屯門市中心找個地方吃下午茶，行經幾間感覺呢間拉麵店坐位舒適，便入去試一試。Set A $83炙燒豚角醬油拉麵配羽根餃子(3件)配汽水紫菜脆的，豚角略肥，整件豚肉有三分之二係脂肪，吃完油膩感重。但價錢合理。

今日早收工去左屯門市行街，行完肚仔餓就搵間餐廳食飯，朋友話想食拉麵，咁啱又見到有期限定牡蠣拉麵。我和朋友都喜歡牡蠣。點左廣島牡蠣漬醬油拉麵和廣島牡蠣漬薑汁石鍋釜飯，再加$18換兩件唐揚炸雞，點左一份羽根燒餃子和彈珠汽水。廣島牡蠣漬醬油拉麵，有4隻廣島牡蠣，大大隻又肥美，牡蠣又新鮮，湯底香濃鮮甜，拉麵又煙煙韌韌唔會過淋唐揚炸雞2件，炸雞熱辣辣，外層鬆脆，內里肉質嫩滑又有肉汁好好味羽根燒餃子，皮薄餡又多又好味。廣島牡蠣薑汁石鍋飯，有4隻大大隻廣島牡蠣，將蛋黃撈埋飯搞埋一齊，令飯粒更加香，仲有少少飯焦好香。

📍霸嗎拉麵 (屯門市廣場) (屯門)屯門屯順街1號屯門市廣場1期3樓3233號舖星期一至星期五 2:30-5:00 有下午茶餐唐揚炸雞味王日式咖喱飯配波子汽水都係$63超級抵唔怪之得咁多學生黎食我就order 期間限定廣島牡蠣潰醬油拉麵$128廣島牡蠣四隻都非常肥美 脹卜卜咁湯底好有海洋嘅感覺另外我仲叫咗一份叉燒 4大片厚厚的不過唔知點解喺凍如果加熱後上應該會好食d🙈不過呢個價錢我係接受☺️☺️包你飽飽😌😌

心思思又想食日本拉麵，不如試吓新地方，就去咗呢間食。呢間裝修都特別，一入去有傳統麵檔嘅裝修。睇環境確係特別。啱啱開門，人唔多。侍應極力嚟推介食套餐，話呢個抵食。於是點咗份「不怕單一人前套餐」。點咗辛辣灸燒豚肉拉麵，沙律炸餃子，可樂。幾個麵都無蛋跟，另外點咗隻溏心蛋。（我每逢第一次幫襯日本拉麵舖，都會食溏心蛋，成個麵嚟到第一樣食嘅都係佢。一來唔想畀湯浸熟，二來隻蛋煮成點，大概就知道餐廳同個麵水準。）點餐紙無追加項目，唯有自己寫「加蛋」，落單嗰住中年女侍應覆單有講加蛋，但竟然都可以入漏單，要叫另一位侍應加返。味玉：尚算入味。蛋黃外圍已經開始熟，中間部分亦唔太流心了，明顯已經過咗籠，無及時拎上嚟浸冰水。辛辣灸燒豚肉拉麵：嚟到個賣相已知小小伏，得一塊叉燒三條筍少炒蔥花，就沒有其他了。（睇返我之前去嘅兩間拉麵舖碗麵嘅賣相，一對比就會明白。）本人唔係太鍾意食角煮同厚切，因為佢哋普遍都有個問題，就係瘦肉部分好韌好鞋。一如所料，呢間都無例外，嗰嚿豚肉嘅瘦肉部分果然好韌。湯頭飲咗一啖，得死鹹同死辣。麵質還可以，但掛咗汁之後亦變得好鹹。唯一好食嘅係竹筍，食到竹筍味，唔似大部分日本拉麵舖咁浸到無哂筍味。沙律

屯門拉麵王者 - 霸嗎拉麵夜晚涼涼地最岩就係食碗熱辣辣既拉麵，今次大家係屯門打完籃球，黎咗呢間屯門人氣拉麵店 - 霸嗎拉麵，食佢嘅期間限定拉麵。去到餐廳人龍好多，仲有一D人已經係坐係附近等待進場，認真誇張 ! 我地都要等成15分鐘先入到去食呀 ! 餐廳裝修到好有濃厚日本風味，入到黎真係可以一解無得去日本既思鄉情懷，不過唔係播緊日文歌就真係怪少少叫野食係即叫即整既，所以都平均要等10分鐘以上先有一碗麵整好。簡單介紹下3款令CK我印象深刻既食物啦 : 炙燒豚肉味玉拉麵 ($88)呢到嘅招牌拉麵，湯底勁濃郁。麵底揀咗硬麵，食起黎有咬口，唔會食食吓d麵稔咗。重點嘅炙燒豚肉，入口即化肥而不膩。明太子豚角特濃牛乳味噌拉麵 ($108 )用北海道4.3牛乳製成的味噌湯底，香滑順口。湯頭香而不鹹不膩，熬得不錯。拌匀明太子後，掛係幼細既拉麵上，味道唔錯唷～油脂炙燒豚肉海苔味玉拉麵 ($88)賣相大方，三大片紫菜山氣勢磅礴，湯底相對濃厚入味，麵質彈牙軟硬度適中，溫泉蛋有少許溜心，質感順滑易入味，豚肉同樣厚切油脂重，一啖一啖咁將整碗湯都飲哂啦 ! 霸嗎拉麵(屯門市廣場)地址 : 屯門屯順街1號屯門市廣場1期

好耐無入屯門，心血來潮入去行下，難得搵到有兒童餐既日本拉麵店，帶埋小朋友黎一流，仲好岩我仔胃口，平時第2度叫兒童餐總有佢唔食既野，要我地包底，但佢差不多食曬成份！我地另外叫左2人餐，本身諗住求其食，所以只係影左2碗拉麵。其實仲有小食，炸雞，飲品，都幾抵食！質素非常好，都有係日本當地食拉麵既8成水準，疫情下無得去旅行，食下日本拉麵當去左日本。呢間拉麵都算多人，我地都門口企等左一陣先有位，但服務都算唔錯

之前一直都有聽過有人介紹呢一度嘅拉麵好好食，今次我自己就去咗試吓呢一度嘅醬燜雞叉燒味玉拉麵！不得不介紹嘅就係呢一度嘅湯底真係非常之濃郁，係好香濃嘅雞湯味道！而且加上呢一度嘅雞肉叉燒外皮非常金黃香脆！食落去嘅時候好香嘅味道，真係好吸引

嘩！有冇搞錯呀？完全唔抵食！係霸嗎拉麵 Bari-Uma 叫個外賣，$94一個咁細嘅鰻魚飯？價錢都貴貴哋架啦，但啲飯少到好似下午茶個飯咁呀！鰻魚又得半條！🤬🤬🤬🤬🤬🤬一定冇下次！