霸嗎拉麵 (金巴利道)

营业中

休息中

之前經過見到尖沙咀見呢間霸嗎拉麵長期都要排隊，今日見星期日得閒，終於黎試下。可能星期日晏晝較少人，等左10分鐘有位。店員很有禮貌地帶位，入面裝潢很有日本風。由於本人喜歡吃辣，所以試左個辛辣炙燒豚肉味玉拉麵。辣味剛剛好，不太辣，而湯底濃味濃郁，味道香口十足。豚肉燒得好入味，十分香口，配上辣辣地的湯底好好味。而溫泉蛋也入口即溶。拉麵的硬度可按個人喜好選擇，我揀了適中。我見平日黎食可以加15元換小食，十分抵。

今日約了媽媽行街睇戲食飯直落，第一站去了飲茶，第二站去了睇戲，來到第三站就帶媽媽到人氣拉麵店食拉麵。霸嗎拉麵位於尖沙咀金巴利道，鄰近The One、美麗華等大型商場。門面設計好搶眼，店內設計亦像日本拉麵店。拉麵選擇主要包括濃厚豚骨湯拉麵、雞白湯拉麵和期間限定湯拉麵，還有其他小食及飲品等。炙燒豚肉味玉拉麵拉麵一上枱就香噴噴，熱辣辣。湯底好有層次，豚骨湯底濃厚，拉麵爽滑亦都掛湯。豚肉是厚切的，微微炙過減輕了肥膩感。糖心蛋的蛋白軟滑入味，當然也有流心，高質素。雞叉燒味玉雞白湯拉麵拉麵一上枱同樣香噴噴，熱辣辣。雞白湯底比較少見，相對豚骨湯底比較清新，雞白湯好香雞肉味，喝落不油膩。雞叉燒好特別，整到好像叉燒般，雞叉燒同樣是厚切的，肉質爽彈，味道香濃。糖心蛋的蛋白軟滑入味，當然也有流心，高質素。信州蘋果梳打食完拉麵叫了一支信州蘋果梳打，蘋果味好香甜加上梳打，好滿足。

炙燒豚肉味玉拉麵（HKD 88）吃湯麵喜歡每一口的熊熊覺得拉麵最重要是湯底，乳白色的湯底非常濃郁、稠稠的很有膠質 💕 一喝就知道是放了很多食材去熬的豬骨湯底，可是稍咸，吃到大概一半就忍不住加水 😂炙燒豚肉非常非常棒！表面炙燒得很香脆，厚切豚肉雖只有一片但份量很足。油脂偏少量，個人很喜歡，多食也不會太有罪惡感，而且豚肉嫩嫩的入口即化、肉味香濃。味玉很入味，糖心效果亦很好。拉麵在點單時可以選軟、普通、硬，熊熊我偏好硬一點的，出來的效果正合口味，煮麵技巧真不錯👍🏻📝 評價好食指數：🤤🤤🤤🤤⚪️抵食指數：🤑🤑🤑⚪️⚪️服務指數：😆😆😆⚪️⚪️環境指數：😎😎😎😎⚪️約會指數：🥰🥰🥰⚪️⚪️回頭指數：🤩🤩🤩🤩⚪️

平時經過會見到最少有10幾個人排隊，我老公唔鐘意排隊，所以一直都冇得試。難得今晚我自己一個食飯，就一於走去排下隊試吓新野。等嘅時候前面都有10幾個人，大約等左20分鐘就可以入座。2017年獲大眾點評選出人氣商戶，所以都會有國內遊客排隊。食物：辛辣灸燒豚肉味玉拉麵🍜湯底濃，但唔覺有味精，豚肉比較厚切，肥瘦適中，整到好淋，好正！流心蛋略為唔夠熱，始終都係一早整定。服務💁🏻‍♀️：侍應態度服務良好。排緊隊嘅時候，職員會俾定點菜單紙給食客，可以加快用膳嘅時間和等候時間。環境：不算寬敞。讚揚：-第一個調味碟會用保鮮紙包着，叫食客由下隻碟開始使用，比較衛生，唔會鋪麈。-唔會收加一服務費。泊車🅿️：最近停車場是餐廳對面的The One商場總結：整體好好味。全香港有五間分店。

尖沙咀值得一試既日本拉麵🍜今日星期日同老婆出尖沙咀行街街👫，行到大約六點幾到見肚餓，所以去就搵食。係美麗華商場附近，行過見到霸嗎拉麵🍜平時都好多人排隊食，我地又未食過，所以今日決定去try try入去裝修都幾有日本傳統拉麵店格局，我地叫左兩碗豚肉拉麵🍜再加一客餃子🥟（之後再後加左甜品，老婆想食綠茶雪糕）豚肉十分好食半肥瘦，入口好正。麵質ok，湯夠濃好飲，餃子煎得脆又好味吾怪得平時多人排隊食佢

一向鍾意食拉麵嘅我 霸嗎拉麵都算係我心目中排名幾高，最鍾意就係食佢哋嘅濃厚豬骨豚肉拉麵，因為湯底同豚肉都好好食。今日又諗住嚟食啦～點知見到有個新Menu～原隻龍蝦味玉拉麵🦞 標榜係用原來的加拿大龍蝦，而且價錢又唔貴，所以今日就決定轉下口味。拉麵一上檯都幾震撼，因為龍蝦size都算大隻，即刻覺得性價比好高！櫻花蝦湯底味道好濃郁，不過就唔係好食到有櫻花蝦仔係入邊。重頭戲當然係隻龍蝦啦～咬落去d肉都幾實，應該係因為冰鮮嘅關係。不過比較冇預計過既係食落會有陣雪櫃味，而家個龍蝦唔算好熱，好似煮得唔夠耐癖唔到陣雪櫃味，呢d有少少失手。

今次兩個人去食， 我哋兩個都係點 豚肉拉麵， 塊豚肉好大塊好肥美， 湯底又夠濃， 另外我地仲叫咗個炸雞，因為塊臀肉夠大塊，又夠肥美 ，所以嗰啲炸雞我哋都食唔晒， 呢間應該系我糸香港食過最好食嘅豚肉拉麵， 值得推介

大家仲記唔記得霸嗎拉麵啱啱喺尖沙咀啱啱開張嘅時候長期都有條人龍喺嗰條斜路排隊我每次就喺對面街望住好多人就算幾想食都放棄好彩我唔係特別鍾意食拉麵最近有一次行過因為熱潮過咗咁耐 已經唔使再排隊叫左佢哋出名嘅雞白湯拉麵 仲有豚肉拉麵雞湯湯底比起一般嘅豬骨湯底冇咁油膩我特別鍾意雞叉燒唔會好似平時食開嗰啲豬肉叉燒咁有一舊舊肥膏佢哋嘅拉麵亦都係我鍾意嘅幼麵雖然唔係話好食到令人嚇親嗰種但係有下次嘅！下次試餃子我覺得一間拉麵店除咗拉麵要好食之外餃子亦都要有返咁上下水準

同朋友係附近睇完戲都9點幾，近近地又唔使有選擇困難，就食快靚正拉都，呢間仲要有雞白湯拉麵，一般都食開豬骨湯，不過雞湯仲好味。羽根燒餃子 $35，羽根即羽毛，餃子連住一塊輕盈如羽毛的麵粉薄脆，口感很香脆，比一般煎餃子更好食，肉餡幾多，菜肉均衡，唔會好多汁，味道仲帶點辣，幾好味。雞叉燒味玉雞白湯拉麵 $88，雞湯濃而不膩，雞味突出，飲得出個湯熬左好耐出哂味。麵係幼身有咬口，都掛到湯汁。雞叉燒超正，厚身嫩滑，雞肉好彈牙，味玉也夠入味，醬油味與半熟蛋黃好香濃美味。炙燒豚肉味玉拉麵 $88，豬骨湯好濃調好香，不過咸左少少，豚肉經炙燒，有油香，豚肉都係厚身，但肥肉偏多，整體味道不錯。

尖沙咀算是拉麵既集中地好多有質素既拉麵店都唔難揾要講location最方便霸嗎拉麵都算數一數二永遠經過都見到有條龍而且佢係有玻璃外牆就算過哂dinner hour都總是好多人可想而知佢有幾好味今日做野晏左未食dinner自己一個人食拉麵最正九點都排左10 mins先入得好在店員都會好細心比點餐紙你一坐低就到落單今日想食濃味一點叫左辛辣灸燒豚肉味玉拉麵燒汁唐揚炸雞好鐘意係拉麵可以選硬麵佢真係控制再口感岩岩好完全係我鐘意既硬度 真係太正了湯底都冇得頂好濃郁好香 但又唔油膩本身有加葱同荀仲要有我最愛既流心蛋慢慢湧出黎既蛋液 燒汁唐揚炸雞岩岩炸好 熱辣辣仲要好嫩滑成餐質素都好高係好好既宵夜地方

行到肚餓見到無人排隊就入左去，一入去就見到做緊promote龍蝦拉麵落完單就見到原來入面裝修幾得意，好似以前古代既亭咁，幾有feel叫左辛辣豚肉拉麵，好味，食完仲要等多陣先有最期待既.... 嘩真係成隻龍蝦架，而且好味，但講真肉質就真係5算新鮮，但味道夠濃，湯底超正，個龍蝦殼都整碎定，5難剝，仲提供濕紙巾，非常貼心如果有埋辣既味就更加好啦，咁埋再惹味d, 我地今次就自己撈食完左果個辛辣湯，認真5錯有機會會再去食，真係好好味

今日試左霸嗎嘅期間限定，龍蝦🦞味玉拉麵🍜一上枱，嘩龍蝦超大隻😲😲，以為係開邊得半隻啦，點知原來下面仲有半隻，足料一隻龍蝦🦞呀湯底係超濃郁嘅龍蝦湯，超rich超有龍蝦味呀🤤另外試左雞叉燒🐔辛辣雞白湯拉麵，辛辣雞白湯真係第一次試，辣辣地都幾特別，雞叉燒冇佢d灸燒豚肉咁肥膩，個人中意食雞叉燒多過佢d豚肉呀🤭

每次經過都見到人龍的拉麵店,今天和老公剛好在附近就來試試看！炙燒豚肉是燒過的,肉質細嫩,但是肥肉的部分太多,偏肥膩了一點。拉麵是豬骨湯底,味道偏濃,尚可接受。拉麵爽口,味玉保持水準。霸嗎拉麵地址：尖沙咀金巴利道26 號地舖

呢到嘅拉麵偏濃味 油分亦都多咗啲 對我嚟講有啲太重口味 食咗幾啖就唔係好想再食😧可能雞白湯會好啲?叉燒就反而唔錯 脂肪同肉嘅比例幾好 肉質唔嚡 但係整體黎講就真係漏咗啲 應該唔會試第二次😥The soup base here was way too salty, and just a bit too oily. Lost my appetite for it after just a few bites. Perhaps the chicken soup option would’ve been better. The grilled pork on the other hand was not bad, with a good ratio of fat to meat, and it was’t hard to chew at all. Really don’t recommend coming for their ramen though.

純個人口味叉燒太太太肥了...我咬完都要分開條肥膏👉🏻👈🏻蔥...太普通似車仔麵咁款🤔不過比一般拉麵店佢整既時間較耐.旦又唔見得好食過人服務冇咩笑容冇咩好態度...最多比合格底dd