霸嗎拉麵 (金巴利道)

营业中

休息中

又係陪牛奶仔食拉麵嘅時候啦～～🍜今日黎到長期排長龍嘅「霸嗎拉麵」排咗35分鐘左邊終於到我地，入面位置唔算好多，唔怪得大排長龍啦🐉叫了一客 炙燒豚肉🐷味玉🥚拉麵沙拉🥗野菜🥬炸餃子🥟再配一杯麒麟生啤🍺🍺拉麵湯底濃郁，豚肉嫩嫩唔會太韌，但又未去到入口即溶個種，但因為佢算半肥叉，整體OK 。炸餃子普普通通，野菜唔算新鮮。**味道OK嘅，不過我真係接受唔到為咗一碗拉麵排咁耐隊，下次門口無咁多人先霸食啦**

香港的拉麵店實在是多的是，但不是太多可以令人有好深刻的印象，不過這家霸嗎拉麵絕對可以一食再食！之前和男朋友在尖沙咀分店吃過之後，喜歡得很，之後越來越大、 越做越好，最開心係分店越開越多，銅鑼灣、中環、將軍澳都有分店。今晚和朋友在尖沙咀辦完一些過年的事，想找一間餐廳吃個快飯，這裏的拉麵可以說是必然之選。通常這裏也有長長的人龍，幸好我今晚十分好彩，不用排隊。今晚吃了雞叉燒拉麵，到現時為止依舊咁正，湯底濃，個雞叉燒爽口又有汁，麵條條條煙韌，吸湯一流。叫了個枝豆做小食，前菜一流，送了啤酒，好爽。多叫了碟餃子，又係好推薦，油份唔高，但餡料勁多。食完非常高興，好滿足，絕對係我全港最愛拉麵之一。

喺尖沙咀美食好多，今日簡簡單單食碗拉麵，一於去霸嗎拉麵。可能時間尚早，唔使等位，直接入座。新款嘅原隻龍蝦味玉拉麵，個樣好吸引，一於試啦。落單嘅時候，侍應已經有講煮龍蝦比較花時間，所以要等多一陣，所以一次過點埋飲品。揀咗水蜜桃果酒，被佢嘅粉紅色吸引，本身唔係特別鍾意粉紅色，但因為呢一期係櫻花盛放季節，桃紅色就令人諗起櫻花美景。混合咗5%天然果汁同埋京都伏見清酒，比起淨係飲酒更加容易入口，甜味比較高，但仍不失其酒香，非常特別嘅配搭。原隻龍蝦味玉拉麵唔使等好耐，就已經可以食得！完整嘅一隻龍蝦，賣相已經好吸引；中間切開一半，輕輕打開，已經會見到好誘人嘅龍蝦肉同埋蝦膏，加上完整嘅龍蝦鉗，的確令人垂涎三尺。龍蝦已經被切開，不會令食客手忙腳亂，能夠保持好好的儀態，輕輕一挑或者撕開龍蝦殼，便可品嚐龍蝦肉的滋味，肉質爽口 清甜，份量十足。配合軟硬適中而又非常掛湯的拉麵，及濃淡合宜的麵湯，吃後也不會口渴，應該是無添加味精之作。配合一整顆流心蛋，滋味更上一層樓。另外還配有西蘭花和木耳，不喜歡的話，可在點餐時剔走，以免不必要的浪費，也確保上碟的也是心頭好。全店免收加一，但清水無限量供應，服務也很周到，令這餐性

我係拉麵控一放假就會去食拉麵以前都係食開豚王但豚王都退步了之後就食霸嗎拉麵辛辣炙燒豚肉味玉拉麵加餃子湯底香濃亦夠辣餃子香口基本上依家每星期都會黎食一次都食左差不多半年今次真係有啲失望餃子底是滿滿的油入口每啖都是油

平時行過都見到間拉麵好多人係門口排隊開咗幾年就排足幾年 成日都好想試但每次都好多人排隊根本唔知要等幾耐 今日放工約咗朋友行尖沙咀行到9點幾諗住搵嘢食嘅時候 咁啱行過見到無人排隊可能9點幾有D夜所以無乜人排隊 但入到去坐低之際門口就開始出現人龍 好彩我唔洗排終於都可以試啦拉麵 小食 飲品 選擇都算多 落單仲可以揀麵嘅軟硬度 同埋油膩程度同朋友一人叫咗一碗拉麵 嚟到嘅時候見到有成隻蛋真係好滿足最鍾意食拉麵嘅蛋同筍 隻蛋真係好好食 重點係佢流心塊叉燒勁厚勁大塊 咬落一d都唔膩個湯味道都幾濃郁 碗麵好大碗 好大食嘅朋友竟然都食唔哂食完之後終於知道點解有咁多人排隊係門口等啦

一個一吃難忘的湯麵，源於一個香濃的湯底。重點先介紹湯底，醬油味香濃，而且味道剛剛好，不會太咸，食麵的時候總是一口麵加一口湯。 本人吃辣的，所以點了一個辛味豚肉更香口。麵底是白幼面，店舖聲稱是自家手打的，而且下單的時候可以自行選擇麵底的軟硬情度，我選擇的是一般軟硬度，很有質感。可額外配溫泉流心蛋和紫菜，不過本人覺得溫泉蛋過熟了，不夠流心，還有改善的空間。還有，下載一個app 叫 Storellet, 加入會員。新會員立即可以免費兌換一份羽根燒餃子，而且每次可以消費存積分，每消費HKD10有1分，20分起就可以兌換波子汽水，很適合我這個常客。

#小秘書 每次行過 #金巴利道 霸嗎拉麵 Bari-Uma 門口，都會見到一條長長嘅人龍，#小秘書 成日都有衝動走埋去排隊試吓😚 今日咁啱約咗朋友喺 #尖沙咀 食lunch，大家又唔係好趕時間，就去 #霸嗎拉麵 趁吓熱鬧啦🥳原來 #餐廳 地方都唔細，我哋大概等咗十分鐘左右已經有位🥳 #室內裝修 充滿 #東洋味道，餐廳以 #手繪畫、各式 #燈籠 嚟裝飾🏮 嚟得幫襯，#小秘書 梗係要試吓佢哋嘅 signature #濃厚豚骨湯 #炙燒豚肉味玉拉麵 啦！睇落去雖然塊 #厚切豚肉 肥嘟嘟咁，食落一啲都唔油膩，不過湯底對我嚟講就濃咗啲... 間中食吓都ok嘅😋 而朋友點嘅 #雞叉燒味玉雞白湯拉麵 都唔錯，#雞叉燒 原來真係用雞肉捲成，肉質好嫩滑👍🏻 朋友仲同我鬥快乾咗碗湯㖭😆🍻

好耐冇食拉麵，又同朋友係尖沙咀行開，於是上網搵下最近有咩拉麵鋪好食，結果就搵到呢間霸嗎拉麵了，呢間落單都係自己寫紙，有得揀麵既軟硬度啦，仲有少蔥少苟唔同配料呢啲例排野，但我第一次有埋少油呢個選擇，睇黎好多餐廳都要走健康路線啦，但我就冇叫到少油既，首先講個流心蛋就真係perfect本身自己好中意食，最令我印象深刻係個湯，拉麵最重要就係個湯底，唔會話太咸，最驚食完會好口渴，呢個湯濃得黎好好飲，食完我都飲咗幾啖，之後舊肉亦都好好食，半肥瘦就剛剛好，叉燒夠入味，唔會話好似平時個啲冰鮮無味肉咁，所以我都大大力推薦大家試下食呢間霸嗎拉麵！

成日見到咁長龍，今日OT放工happy friday ,諗住放縱下，就黎食拉麵。澱粉質好肥，但朋友一路都話有新嘅龍蝦拉麵，忍唔住都要黎試下。真系好似好特別咁。坐底侍應即刻俾咗兩杯水，填紙仔落單，同日本的拉麵店簡直差不多。重點佢裝修都很日式。希望食物比的起日本的素質。朋友是食肉怪，叫了碗勁多肉的拉麵。試咗一塊，真的好肥美，湯底是豬骨濃湯，有小小辛辣漿，好好飲好濃。朋友給了所有配菜給我，荀及黑木耳都得好味。我的龍蝦拉麵都上來了。好大只龍蝦，好正。賣相簡直滿分。湯底系濃濃的海鮮味，配上多肉又有黃的龍蝦仔，好滿足。仲有個溫泉蛋，好JUICY.今餐肥咗都掋，香港有間無得輪的拉麵店，好正。

這家餐廳每次經過都很多人排隊，難得看完戲沒有點晚沒那麼多人排隊了，一定要進去吃吃看。朋友點了辛辣拉麵，紅色的湯看上去很辣但其實還好，不會辣得吃不到。湯不會很咸，餐廳是用豚肉，不是叉燒，但我覺得豚肉更好吃，厚厚一塊，肉質很軟，脂肪的地方入口即溶，而且因為煮了很久，已經沒有油，好健康又好吃的肉，一點罪惡感都沒有。我點了豚肉飯，想試一下拉麵店的飯，想不到很驚喜，石鍋靚豚肉的油熱到飯裡去，而且加了蛋很香，最後還用飯伴進拉麵湯吃，又一個新吃飯，味道又更濃郁，大家一家要這樣吃吃看。

之前經過見到尖沙咀見呢間霸嗎拉麵長期都要排隊，今日見星期日得閒，終於黎試下。可能星期日晏晝較少人，等左10分鐘有位。店員很有禮貌地帶位，入面裝潢很有日本風。由於本人喜歡吃辣，所以試左個辛辣炙燒豚肉味玉拉麵。辣味剛剛好，不太辣，而湯底濃味濃郁，味道香口十足。豚肉燒得好入味，十分香口，配上辣辣地的湯底好好味。而溫泉蛋也入口即溶。拉麵的硬度可按個人喜好選擇，我揀了適中。我見平日黎食可以加15元換小食，十分抵。

今日約了媽媽行街睇戲食飯直落，第一站去了飲茶，第二站去了睇戲，來到第三站就帶媽媽到人氣拉麵店食拉麵。霸嗎拉麵位於尖沙咀金巴利道，鄰近The One、美麗華等大型商場。門面設計好搶眼，店內設計亦像日本拉麵店。拉麵選擇主要包括濃厚豚骨湯拉麵、雞白湯拉麵和期間限定湯拉麵，還有其他小食及飲品等。炙燒豚肉味玉拉麵拉麵一上枱就香噴噴，熱辣辣。湯底好有層次，豚骨湯底濃厚，拉麵爽滑亦都掛湯。豚肉是厚切的，微微炙過減輕了肥膩感。糖心蛋的蛋白軟滑入味，當然也有流心，高質素。雞叉燒味玉雞白湯拉麵拉麵一上枱同樣香噴噴，熱辣辣。雞白湯底比較少見，相對豚骨湯底比較清新，雞白湯好香雞肉味，喝落不油膩。雞叉燒好特別，整到好像叉燒般，雞叉燒同樣是厚切的，肉質爽彈，味道香濃。糖心蛋的蛋白軟滑入味，當然也有流心，高質素。信州蘋果梳打食完拉麵叫了一支信州蘋果梳打，蘋果味好香甜加上梳打，好滿足。

炙燒豚肉味玉拉麵（HKD 88）吃湯麵喜歡每一口的熊熊覺得拉麵最重要是湯底，乳白色的湯底非常濃郁、稠稠的很有膠質 💕 一喝就知道是放了很多食材去熬的豬骨湯底，可是稍咸，吃到大概一半就忍不住加水 😂炙燒豚肉非常非常棒！表面炙燒得很香脆，厚切豚肉雖只有一片但份量很足。油脂偏少量，個人很喜歡，多食也不會太有罪惡感，而且豚肉嫩嫩的入口即化、肉味香濃。味玉很入味，糖心效果亦很好。拉麵在點單時可以選軟、普通、硬，熊熊我偏好硬一點的，出來的效果正合口味，煮麵技巧真不錯👍🏻📝 評價好食指數：🤤🤤🤤🤤⚪️抵食指數：🤑🤑🤑⚪️⚪️服務指數：😆😆😆⚪️⚪️環境指數：😎😎😎😎⚪️約會指數：🥰🥰🥰⚪️⚪️回頭指數：🤩🤩🤩🤩⚪️

平時經過會見到最少有10幾個人排隊，我老公唔鐘意排隊，所以一直都冇得試。難得今晚我自己一個食飯，就一於走去排下隊試吓新野。等嘅時候前面都有10幾個人，大約等左20分鐘就可以入座。2017年獲大眾點評選出人氣商戶，所以都會有國內遊客排隊。食物：辛辣灸燒豚肉味玉拉麵🍜湯底濃，但唔覺有味精，豚肉比較厚切，肥瘦適中，整到好淋，好正！流心蛋略為唔夠熱，始終都係一早整定。服務💁🏻‍♀️：侍應態度服務良好。排緊隊嘅時候，職員會俾定點菜單紙給食客，可以加快用膳嘅時間和等候時間。環境：不算寬敞。讚揚：-第一個調味碟會用保鮮紙包着，叫食客由下隻碟開始使用，比較衛生，唔會鋪麈。-唔會收加一服務費。泊車🅿️：最近停車場是餐廳對面的The One商場總結：整體好好味。全香港有五間分店。

尖沙咀值得一試既日本拉麵🍜今日星期日同老婆出尖沙咀行街街👫，行到大約六點幾到見肚餓，所以去就搵食。係美麗華商場附近，行過見到霸嗎拉麵🍜平時都好多人排隊食，我地又未食過，所以今日決定去try try入去裝修都幾有日本傳統拉麵店格局，我地叫左兩碗豚肉拉麵🍜再加一客餃子🥟（之後再後加左甜品，老婆想食綠茶雪糕）豚肉十分好食半肥瘦，入口好正。麵質ok，湯夠濃好飲，餃子煎得脆又好味吾怪得平時多人排隊食佢