露面手工拌麵料理

营业中

休息中

露面手工拌麵料理，係灣仔港鐵站 B2出口，行唔洗兩、三分鐘就到，都算好方便。打開餐牌，比個油潑辣子魯肉 Biang Biang麵吸引，最鐘意食重口味嘅野😋(可以點大、中、小辣），朋友order嫩雞白布湯濶麵。先講個魯肉麵🍲，麵質粗實有咬口，軟軟糯糯，質感一流，撈埋半肥瘦魯肉，辣辣地好開胃。而個白布闊麵🍜，又白又滑，入口滑溜，呢隻麵質第一次食，滑到好似食緊腸粉咁😆，配埋個雞絲湯底，令每條白布麵掛上雞湯，非常鮮味。小食order左芥香麻醬雞絲粉皮，好鍾意麻香，掛晒落粉皮真係好香，粉皮QQ軟軟，好咬口😆，大量青瓜絲，爽脆青甜；巴蜀粒粒大雲吞，粒粒脹卜卜，餡料十足，皮夠薄，撈埋啲辣味醬料好好味😋最後，蜂蜜茉莉綠茶好青甜🍹，但如果鍾意飲品較濃味嘅，巨蜂茉莉寒天茶就比較岩🍹

行過銅鑼灣去天地圖書，買完書之後行過見到這間叫露面的台灣面店。看過雜誌介紹他們的蟹皇伴面非常好吃，就決定入去試下。鎮店蟹皇伴面$98看過餐牌，看見有鎮店之寶蟹皇伴面，我當然點這個，名字有貴氣之餘又價錢都不平宜。蟹皇即是蟹膏和蟹油。待應上了一碗淨麵，一碗蟹皇汁和一碗蟹醋，表平上十分平凡卻又不簡單啊！麵條亦非常有有靭性，口感不錯。說到蟹皇汁，不算杰身太味道濃稠厚，喝一口充滿了蟹膏和蟹油味道。要吃首先要將蟹皇汁伴入麵條內，亦可加入自家製蟹醋同吃可減小油膩感。手拍小青瓜$28充滿蒜味的手拍小青瓜，而且清甜爽脆，實在是醒胃之選，送飯面一流。滑溜溜香芋鮮奶 $28不似坊間的台式飲品用奶粉，這個用了鮮奶，再加入香芋蓉，口感真的如名字般滑溜溜!

試過一次Biang Biang 麵幾好食，今日喺灣仔修頓見到呢間決定一試鋪頭坐得幾舒服又乾淨衛生午市有套餐會抵啲先來套餐揀左手拍青瓜，不錯油潑辣子魯肉Biang Biang麵要左小辣驚太辣，下次會試中辣😜Biang Biang麵屬薄身，煙韌，都幾掛汁，野味得來唔會太膩推介😇加左$18要野生松茸鮮雞湯，雞湯幾清甜，唔多油，但菇味唔算好出嫩雞白布湯闊麵呢個推介！！湯底好味，係濃既雞湯底成個配配搭同白布闊麵好夾（白布闊麵有少少似雲吞皮，好滑～～）皮蛋豆腐中規中矩鐘意手工麵既朋友值得一試😎

未試過食個面會咁辛苦。見個手工面個名咁得意，一個人入黎叫左個麻辣牛𦟌xx麵，等左一陣好快有得食。黎到係一碗闊條麵上面有4舊厚牛𦟌，賣相幾正，紅色感覺夠辣（我叫左中辣）急不及待夾起牛𦟌一咬，中伏！咁鬼硬嘅！唔緊要，呢邊係牛𦟌頭，換另一邊咬下......我頂，都係咁硬嘅！換另一舊，硬，再換，硬，再換，舊舊都咁硬！夾起啲面睇睇，堂食都成餅野咁，明顯個面煮完之後放左一段時間先到我食佢。但我坐低冇內就食得，所以都唔知係唔係即煮。張相係我整散左一陣後夾起個底都仲係一餅。然後望番Openrice ge一堆好評，我迷茫了......作為前飲食界一份子，習慣左幾難食都好都唔可以張碟野退番入去，於是乎我默默咁同牛𦟌鬥力，用力咬咬咬咁撕碎啲纖維，換來啲大牙攝滿牛筋後黯淡離去。點解咁硬都食哂啲牛𦟌，因為俾左68蚊呀大佬老實講面質唔差ga, 闊得黎薄，又掛汁（但個汁好單薄，就咁普通辣椒油撈咁，食得呢啲特色面我都預期個汁會複雜啲，起碼好似紅油抄手或涼拌咁）講到底最出事嘅都係牛𦟌，個口感真係一大敗筆。其實煮唔林，可以切薄啲，如果要營造抵食嘅效果，切薄啲但好多塊其實我都會好開心，起碼唔洗搞到我而家打到文末都未撩完牙。

不時會想念澳門小店的蟹皇撈麵，上網見到香港原來都有得食，價錢唔算太貴，就試一試啦。野生松茸雞湯$38叫了個湯暖暖胃，男友形容它是中式的忌廉蘑菇雞湯，覺得很貼切，松茸很多，還有鮮雞件，雞味很濃。一場黎到當然要試一試鎮店之寶鎮店蟹皇拌麵 $98整碗蟹皇另上，金黃色的蟹皇質地略濃稠，掛麵力不錯，相對於拌麵，我更喜歡當沾麵吃。店家亦會送上蟹醋，一起同起，蟹味更加特出。秘製香槽醉雞 $58一向都喜歡吃醉雞，這裡的醉雞很入味丫不會過鹹，浸得很剛好，雞皮稍爽，肉質不柴，中上之選!整體不錯，有機會會再來的！

今日同男朋友去灣仔見到有間裝修幾靚嘅餐廳入到去我哋就決定叫咗幾樣嘢首先我哋就叫咗個野生松茸鮮雞湯真係有啲雞件喺度同埋都幾鮮味幾好飲之後我哋就叫咗巴蜀粒粒大雲吞都幾夠辣 我哋都幾鍾意之後就係芥香麻醬雞絲粉皮份量超多而且個粉皮唔會煮得太淋 好QQ之後就食咗呢個油潑辣子魯肉Biang Biang麵啲麵好Q 而且個汁都幾好幾夠味男朋友就叫咗個黑松露雜菌忌廉菠菜寬面啲菜真係綠色而且食到少少菠菜味而且有少少似食緊西餐咁因為有黑松露同埋忌廉都幾創新

前幾日見天氣幾好就去咗灣仔行吓同飲咖啡，順便就搵咗呢一間評價都唔錯嘅食店食飯，見到佢有幾樣推介嘅食物都想試吓。裏面裝修都幾簡單同埋幾闊落同埋乾淨， 感覺都幾舒服。首先點咗呢一個或流流香芋鮮奶，都幾多人推介而且評分都好高，佢有少少芋泥喺杯底，而且唔會好甜，上面嘅鮮奶應該用攪拌機同冰打過吓，好凍同埋有啲泡沫好好飲， 而且芋頭嘅味道都好充足。，本身想叫多一杯但係冇quota，完全唔覺得漏。另外就叫咗呢個野生松茸鮮雞湯，又係好多人推介，個湯好濃郁好鮮甜，冇乜味精，而且隻雞係黃油雞，大家都見到啲相啲黃油流晒出嚟，真材實料 主菜當然要叫佢嗰個蟹黃拌麵，佢俾咗一碗蟹黃，一碗醋，同埋一碗麵俾你撈泥食，海皇嘅味道都好夠，但係建議大家食嗰陣時一定要加少少醋，咁先可以釣到嗰個蟹黃嘅鮮味出嚟。另外我哋叫咗個10粒小雲吞，其實都唔係好細粒，裏面嘅材料都好充足，有豬肉同埋雲耳仲有其他嘅嘢，同埋個湯都一樣咁好飲。我對對呢餐真係好滿意，同佢嘅評價好一致，推介嘅食物都好好食

-Sour and spicy fish slicesHuge portion with thick and chewy fish slicesA little bit of eatable bonesNot a big dealThe soup has enough sournessPerfect to pair with riceDefinitely will increase your appetite-Spicy biang biang noodleLove this Taiwanese style of handmade thick noodle pastaWhich can absorb all the oil and sauces from the bowlIt’s perfectly thin so you won’t feel too heavy and stuff after the entire bowl-Drunken chickenYes one can definitely taste the wine But it’s at the same time

同朋友去拜姻緣石😳😳去完食返個下午茶搵到呢間中式手工麵店手工意粉成日聽中式手工麵好似比較少所以一齊試試佢我地試左招牌嘅油潑辣子魯肉Biang Biang 麵同蟹皇拌麵Biang Biang麵麵質好彈牙但佢又比刀削麵薄身食落就無咁滯但掛汁能力一樣都有小辣嘅油潑辣子魯肉相當惹味微微辣醒胃易入口令人一口接一口不停食蟹皇拌麵嘅蟹皇湯另上麵條幼細蟹皇湯鮮味十足沾少許蟹醋同食，更添滋味我地另外仲叫左醉雞大大件雞脾肉醉雞湯汁好酒香好甜，就咁飲晒都得😂最後仲叫左香芋鮮奶甜度唔駛揀因為唔另加糖靠晒芋泥天然甜味芋泥好幼滑成杯奶好夾好好味！

今晚係銅鑼灣行完街又唔係好餓, 於是就想同朋友輕食輕食, 行過見到E間嘅蟹皇拌麵好似好正咁😍😍, 價錢完全唔貴, 小妹腳仔就不自覺咁走左入去, 餐廳環境乾淨企理,非常光猛!🌟極品陳年龍鳳檸蜜🍋🍯E杯龍鳳檸蜜用左醃制超過八年嘅咸甘桔冲檸檬蜜糖水, 柑桔味極濃, 飲完喉嚨好舒服, 推介☺️!🌟野生松茸鮮雞湯🐔🍲一開始飲湯汁比較淡, 但愈飲松茸同雞嘅味道就愈濃, 飲完亦無口渴嘅感覺!🌟秘製香糟醉雞🍶🐔醉雞酒香肉嫩, 十分入味, 而且有淡淡嘅杞子甜味, 味道唔錯, 推介😋!🌟鎮店蟹皇拌麵🦀🍜蟹皇汁係一碗上而且幾足量, 非常慷慨, 一定夠撈哂成個麵, 蟹皇汁味道鮮甜幾多蟹肉, 唔會太咸味道剛好, 加埋少少浙江醋, 即時將蟹鮮味提昇, 推介😊!🌟輕量魯肉飯🍛雖則話係輕量但個細碗都裝到就嚟要跌要跌咁, E到嘅魯肉同冬菇都非常大粒, 食落幾有口感, 小妹加左少少浙江醋落去, 味道更惹味開胃🤭!

隨着疫情情況有改善，終於可以放心少少出嚟行街，同見下男朋友。不過都預咗銅鑼灣會迫爆，除咗去吓誠品睇書同掃下街，最緊要梗係食好西。之前返工見到呢間新開嘅麵鋪，主打蟹黃拌麵，價錢又唔係太貴，等咗好耐搵機會晚市去食。今日嚟到，即刻叫個蟹黃拌麵，一份酸菜魚配Biang Biang麵，醉雞，跟一杯芋頭鮮奶同蜂蜜茉莉綠茶。啲餸好快到，蟹黃拌麵食到蟹肉，麵嘅份量都夠。酸菜魚就唔會太酸，送麵送飯任君選擇。Biang Biang麵少辣就特別惹味至於飲品，綠茶就正常，杯香芋鮮奶就好多芋頭，啱晒我呢個芋頭控

自疫情以來已經很少外出晚膳，一般都會自己處理最近因為疫情稍為放緩，也萌生了想外出進食的念頭，加上數月來很少和朋友見面，農曆新年過後，決定和朋友聚一聚。這間位於灣仔的「露面手工拌麵」一來近朋友放工地方，二來地方方便就腳。野生松茸雞湯$38野生松茸雞湯，材料十足打開湯蓋已經聞到一陣陣香濃的松茸味道，湯頭奶白色入口十分順喉，加上濃郁的雞味以這個價錢來講實在非常抵飲。皮蛋豆腐$35皮蛋豆腐，這是我最愛的小食皮蛋那獨有的味道，加上滑脫脫的豆腐越食越開胃。醉豬手$58醉豬手，豬手清潔得非常乾淨食的時候一條豬毛也沒有值得一讚，雪白的表面加上濃濃的花雕味道，爽脆的豬皮作為頭盤實在非常醒胃。老壇酸菜湯小雲吞$42老壇酸菜湯小雲吞，份量十足雲吞皮煙煙韌韌得來又非常滑口，加上豐富的餡料一粒粒放在酸菜湯上，不但把味道提升鹹酸味層次豐富，值得一試。台式滷肉拌麵$52台式滷肉拌麵，這間以手工面招徠的拌麵，麵質煙煙韌韌入口非常彈牙，台式滷肉只是配菜，最重要就是這個手工麵，但是這種手工麵一定要現場食不能外賣，因為一定會黐實變成一餅面，只有立即把配料和麵拌好這樣才能發揮手工拌麵的優勢。

露面手工拌麵料理位於莊士敦道，在灣仔地鐵站走5分鐘左右就到了，他們主打手工拌麵，款式帶點中西合壁之餘，味道也蠻化算好吃。當天分別點了2款麵，鎮店蟹皇拌麵 (HKD98)及黑松露雜菌忌廉波菜寬麵 (HKD66)，蟹皇拌麵麵質較幼身，口感非常順滑亦十分掛湯，蟹黃味道不算很濃，不加蟹醋吃完整碗也沒有膩感。黑松露波菜寬麵散發著天然的波菜香，吸飽了黑松露忌廉的味道，感覺有點在吃意大利麵，我還蠻推薦的！原盅野生松茸鮮雞湯 (HKD38)，湯頭顏色不算深，但味道鮮美香濃，清香而不寡，是個營養價值極高的養生湯品，應該是零味精，喝後完全不口渴。小吃有韮菜豬肉水餃5粒 (HKD30)，餡料新鮮，味道也不錯，如餡料再飽滿一點會更好。

一向鍾意食陝西Biang Biang麵，上網查到灣仔呢間『露面』主打手工麵，包括：擔擔麵、蛋麵、biang biang麵、菠菜麵及白布湯闊麵，難得去開灣仔就去試下！ 鎮店蟹皇拌麵（$98） 身為鎮店之寶，點都要試下！蟹粉及麵條分開上，食嘅時候將麵條沾一沾蟹粉，就可以每一啖都食到蟹粉嘅鮮味！蟹粉每日新鮮拆出，蟹油用大閘蟹嘅蟹殼炒出來，難怪蟹粉咁有光澤！如果蟹粉濃稠D就更好啦，味道會更加濃郁！擔擔麵比較幼細，但口感其實都好紮實，亦容易掛汁，手工麵果然口感特別唔同！餐廳仲細心地配上自家蟹醋，中和大閘蟹嘅寒涼！ 鮮茄牛腩Biang Biang麵（$58） 鮮茄牛腩拌麵本身跟陽春麵，所以加$3轉左做Biang Biang麵。Biang Biang麵真係好好食，有一定厚度得嚟，口感煙韌而富彈性，唔會話好厚實，麵條嘅每分每吋都掛上酸甜濃稠嘅鮮茄醬汁，酸甜開胃！牛腩亦炆得好淋好入味！推薦！ 芥香麻醬雞絲粉皮（$42） 呢道雞絲粉皮賣相吸引，配料雖然同平時食到嘅基本一樣，但粉皮自家製，強調低卡路里，即刻大大減低邪惡感！ 巴蜀粒粒大雲吞($35) 雲吞大大粒，皮薄餡多，口感唔錯。餡料紮實飽滿，淋上面嘅醬汁

「每個人心中都有一碗麵。」 灣仔新開咗一間主打手工麵嘅台式小店，見到 menu 嘅菜式幾特別，好奇心驅使吓同朋友嚟咗一嚐佢哋嘅菜式。小店走人情味路線。入面裝修簡約摩登，有可愛嘅公仔係度食緊麵嘅霓虹燈。Menu 講名堅持用每日新鮮製嘅手工麵做菜式主食。整體嚟講都唔錯嘅，價錢實惠，菜式比一般台式小店多。Menu 有介紹好幾款手工麵條， 鎮店蟹皇拌「每個人心中都有一碗麵。」 灣仔新開咗一間主打手工麵嘅台式小店，見到 menu 嘅菜式幾特別，好奇心驅使吓同朋友嚟咗一嚐佢哋嘅菜式。小店走人情味路線。入面裝修簡約摩登，有可愛嘅公仔係度食緊麵嘅霓虹燈。Menu 講名堅持用每日新鮮製嘅手工麵做菜式主食。整體嚟講都唔錯嘅，價錢實惠，菜式比一般台式小店多。Menu 有介紹好幾款手工麵條， 鎮店蟹皇拌麵 ($98)呢個時間都仲可以食到蟹皇拌麵過吓口癮真係唔錯～ 價錢實惠，拌麵幾彈牙，橙色嘅蟹皇醬見到都令人開胃。汁嘅味道就偏鹹，濃郁度可以接受，仲有少少嘅蟹膏係面，算系精緻。 嫩雞白布湯闊麵 ($68)店內嬸嬸介紹試埋呢個闊麵。呢個可以話係一麵兩食，大大碗 (比平日雲吞麵 size 大兩倍)，湯底系清湯嚟，有菜