露面手工拌麵料理

营业中

休息中

今日去咗公司附近一間麵店試試😋估唔到都幾有驚喜！重糟醉雞（$58）雞件嫩滑，酒味濃得黎唔會苦澀，仲有一種香甜嘅味道同杞子嘅香味，好食！油潑辣子魯肉biang biang 麵（$55）有啲似魯肉麵，香香辣辣的，麵質煙煙韌韌，吸收曬醬汁嘅精華，正呀～上湯松茸娃娃菜（$32）娃娃菜好清甜，吸收咗鮮甜嘅松茸上湯，味道更上層樓。韭菜豬肉水餃（$30）皮薄餡靚，豬肉餡爽口，韭菜味道濃郁，咬落去有肉汁擠出黎😍好味道！皮蛋豆腐（$35）皮蛋粒配上滑嫩嫩嘅豆腐，再加上酸酸甜甜嘅醬汁，係最佳組合呀！蜂蜜百香果茶（$24）&極品陳年龍鳳檸蜜（$30）蜂蜜百香果茶味道清甜，蜂蜜同百香果嘅香味互相輝映；食完辣嘢飲返杯龍鳳檸蜜，認真潤喉呀！呢間麵店食物味道唔錯，而且性價比都幾高，值得一試！

近排真係超級鍾意食酸菜魚，酸酸味味最啱夏天食晏晝時間真係好多人，要等大概20-25分鐘先可以入座排隊嘅時候已經揀好咗一定要食酸菜魚，原來午市套餐唔使+1<酸菜魚套餐$68>酸菜魚套餐可以揀跟面或者飯，未試過Biang Biang 面，貪得意叫咗酸菜魚都要等幾耐大概等咗15至20分鐘先有得食，魚片煮到有偏淋身，個人都接受到酸菜魚個湯底好酸唔算辣，唔係好食得辣嘅朋友都應該可以接受到，Fatbrown 鍾意佢夠酸同埋夠多芽菜，食得好過癮<台式滷肉拌麵$82>滷肉拌麵套餐跟住一個小食，朋友揀咗手拍青瓜，份量好多，所以Fatbrown 都有跟住食手拍青瓜蒜味十足講返個拌麵，份量唔算好多，滷肉都唔算好多個汁甜甜哋都幾好食嘅

上次因為冇得堂食所以叫外賣 今次就試吓堂食 睇吓同外賣有冇分別先😌-👉🏻鎮店蟹皇拌麵 Hairy Crab Meat Sauce Noodle💲98👉🏻油撥辣子魯肉Biang Biang麵 Marinated Pork with Spicy Biang Biang Noodle💲55👉🏻菠蘿青檸蜜💲24👉🏻滑溜溜香芋鮮奶💲28-唔係食蟹嘅季節 蟹黃可能因為咁而冇咁濃味 不過覺得個汁比上次結身 口感好過上次 同埋堂食嘅話啲麵唔會因為擺內咗而黐埋pat 整體口感好咗 不過我覺得個汁嘅味道好似真係淡過上次 同埋少咗啲蟹黃粒🙈但係整體嚟講都唔錯！魯肉BiangBiang麵比上次好食！記得上次食啲面唔夠入味 比較油 色澤又冇咁靚 今次就入味啲 同埋魯肉都係咁大粒👍🏻嘢飲方面就一般 菠蘿青檸蜜菠蘿味好重 唔太甜 香芋鮮奶味道比較淡 重奶味多啲 如果佢入邊有啲芋頭粒應該會好啲🤨整體而言覺得呢個價錢食咁大碗麵都幾抵食😛佢仲有好多手工麵㗎 我覺得我應該會再去試其他麵😗

呢間餐廳嘅裝修都算新淨，座位之間闊落，坐得舒服嘅。食物方面，叫左呢個鎮店蟹皇拌面。店員伶過來係分開兩個碗嘅，仲有一小碗醋俾我地自己調味。蟹皇汁我地就咁撈落D面，再加少少醋，食落唔會腥，蟹肉唔算多，不過都香嘅，手工拌面就似上海麵，軟硬適中，總體都唔錯。仲有油撥辣子魯肉Biang Biang 面。蟹皇拌面同呢個，我比較鍾意呢個，滿滿嘅魯肉~叫左小辣，不過原來都算辣，食左一兩啖，先來了果種麻辣的辣，對我剛剛好辣得過癮。魯肉係入味嘅，都香口。Biang Biang 面幾滑，皮唔會太厚。正常嘅青瓜，酸酸微微嘅開胃小食。仲加左$18試下松茸雞湯，住家雞湯嘅味道，不過不失。同埋一個重糟醉雞，不過唔記得影相，哈哈，有少少酒味，D雞都唔會腥。我朋友叫嘅香芋鮮奶，少甜。真係唔太甜，正常嘅飲料。

真心鍾意呢間嘅餐廳，地點方便，食物價錢抵食，又大大件。首先，想讃下叫個餐牌夠細心，有好多highlight住「低卡首選」，有寫埋卡路里，啱晒注意健康keep fit嘅OL。望住個餐牌，好多野都好想食：1. 魯肉飯 $25，有滷水蛋，唔洗特登加錢嗌，仲有佢碗飯好多魯肉，唔會好似其他地方唔夠送飯。d魯肉好入味，好味，推介!!2. 第一次見到有酸菜湯小雲吞，$42 咋好平!! 好鍾意呢個配搭，因為我唔太食魚但又好鍾意食酸菜湯，所以fit哂我，比個心!! D雲吞又皮薄多肉，正!!3. 芥香麻醬鷄絲粉皮，好開胃，啱晒夏天食。4. 之後仲有手拍青瓜，白菜豬肉水餃野飲叫咗「極品陳年龍鳳檸蜜」，好潤喉，啱晒我喉嚨乾；菠蘿青檸蜜都好解渴。

呢間野真心抵食，性價比高， 一碗麵份量夠2個人食。 今餐原本打算輕食，但樣樣都想試，叫左好多野， 食到超飽，好在啲野食質素唔錯，冇浪費quota. 推介biang biang 麵，唔係好知咩係biang biang 麵，貪新鮮叫左碗，好似闊條麵，但中式麵味道，口感彈呀，配埋啲肉燥好野味。黑木耳酸甜味較重，雖然我比較喜歡辣，但都ok ge. 個雞湯都唔錯，跟餐加$18。 下次試埋個雞翼，見到隔離枱有叫，賣相不錯，但太飽了， 留下次。

在修頓球場打完波之後肚餓，和朋友一起到附近店鋪食嘢，街上都有不少餐廳，最後揀咗間食麵嘅。牆上有不同畫作menu上有不同麵食選擇《芥香麻醬雞絲粉皮》一嚟到見到一pat一pat嘅麻醬以為好溜，不過經過撈勻之後，味道卻啱啱好，尤其係粉皮煙韌夠彈牙，配埋青瓜絲夠清爽甜。《鎮店蟹黃拌麵》欣賞一整碗蟹黃，口感咸香似羹，配醋食好醒神，麵身幼滑有啃勁。《高湯韭菜餃子麵》韭菜夠香，同肉嘅比例不多不少啱啱好，連麵飲湯好快就ko。《涼拌皮蛋豆腐》滑捋捋嘅豆腐，仲有皮蛋嘅獨特香味，襯托一起是一絕。《白菜豬肉餃子》唔夠喉另外再叫多客餃子，白菜冇韭菜咁香，反而係清清地，點醋食滋味。我們食的時候，我們後面剛坐住婆婆在包餃子很有親切感，難得食到的手勢。

今天路經灣仔的這條街，見到食店門面貼了一張Mirror海報，即刻停低看看，估計店子老闆是其粉絲！？ 還掂一場嚟到就入去幫襯。食店係叫「露面手工拌麵料理」，主打食手工麵，我見到menu有Biang Biang面覺得幾特別，原來係出自陜西，經改良後變得更加薄更加軟，所以叫了個「啖啖酸菜魚套餐」配Biang Biang面再加飲品，份量十足，成碗酸菜魚有好多金魚肉，其實齋睇已經流口水，食落酸酸辣辣特別好胃口，Biang Biang面果然夠軟身，不過要快啲食，如果唔係啲面會黐埋一齊。「鎮店蟹黃拌麵」夠曬排頭，一大碗蟹粉，而面就分開上，再配一小碗醋，先嚐一口夠濃，真係唔知道要用幾多蟹肉來炮製，之後將蟹黃慢慢放在面上撈勻嚟食又是另一番風味。「秘製香槽醉豬手」香槽即係酒，豬手爽口，而且有淡淡酒香，拿來送酒係一絕。「極品陳年陳皮龍鳳檸蜜」飲落喉嚨好舒服，口腔回甘，如果熱飲效果更好。今次食麵有好嘅體驗，印象良好，納入翻食名單。

在修頓球場附近覓食，見到「露面手工拌面料理」，從外看到餐廳裏面啲人食得好滋味，一於入去又試吓。鮮茄牛腩拌麵牛腩肥瘦相間，淋滑之餘亦帶有口感，拌麵彈口，與微甜的番茄汁和牛腩味十分相夾。嫩雞白布湯闊麵非常大碗，這款手工闊面滑嘟嘟的，配以鲜嫩雞絲和奶白鮮甜湯底，感覺像一面吃麵一面喝着老火湯，值得推薦給喜歡喝湯的朋友。巴蜀粒粒大餛飩$35有五粒，我選擇了微辣，餡料有豬肉、木耳和紹菜，清爽可口，十分合我口味。秘製香槽醉豬手酒味香濃微甜，豬手爽而不硬，值得推薦。滑溜溜香芋鮮奶28元， 鮮奶裏面有細微香芋粒粒，芋頭香味十足。 這餐廳的食物十分可口，價錢相宜， 下次路過灣仔區我一定會encore此店。

下雨天就會想吃麵😂之前都有bookmark這家的Biang Biang麵，剛好過去灣仔就去試下🤤點了一人套餐的油潑辣子魯肉Biang Biang麵+手拍小青瓜+熱菠蘿青檸蜜，又另外單加了一份秘制香糟醉雞😍手拍青瓜乍看好細碟其實個碟幾深，好似個杯😂青瓜就甜中帶酸又有蒜香，味道比較新穎又開胃，不過我就覺得如果再少一點點油更清爽一些就更好😋醉雞很不錯，皮滑肉嫩又充分入味，每一口都嚐得到香甜酒味，整份骨肉皮比例ok，不會皮油太多或者太多骨，性價比認可🤓重頭戲Biang Biang麵！辣度我選了中辣，感覺正好🤤魯肉七瘦三肥軟嫩入味，煮得剛好的麵條滑爽筋道，拌勻吃又麻又辣又有肉香根本停不下來🤤菠蘿青檸蜜不能走甜只能少甜，雖然我選了少甜但還是覺得有點點太甜😂不太嚐得到青檸味不過有菠蘿味🍍油潑辣子魯肉Biang Biang麵 7.5/9手拍小青瓜 7.0/9秘制香糟醉雞 7.5/9菠蘿青檸蜜 6.5/9OVERALL 7.5/9碳水怪表示下次想試試其他麵😋

今晚來到呢間手工麵店，同朋友食左呢度招牌拌麵同一個小食，價錢平而且又好食，非常推介！ 鎮店蟹黃拌麵麵和湯係分開上嘅，將湯淋上去就會見到好多蟹肉，真材實料。個湯本身好鮮，就咁食會有少少鹹，同麵搭配就啱啱好。個麵底都幾彈牙，吸咗d湯底都唔會太淋。油潑辣子魯肉Biang Biang麵見到個名幾有趣就想試下，因為驚太辣就要咗小辣。一上菜，空氣中立刻飄著辣香味。因為Biang Biang麵係手工制，麵本身就比較寬厚，口感十足。個麵係用湯底煮過，撈起之後配上滷汁豬肉同冬菇，最後澆上油潑辣子。唔會話太乾，辣度都可接受，值得一試！醉雞另外，加咗個醉雞。經典冷盤小食，份量都幾大。酒味偏重，酒香浸透雞肉，肉質脆嫩香滑。個雞本身調味比較淡，可以加少少醋

同同事係灣仔做完嘢，順便食埋野先返去～呢間露面聽講幾多人食，就試下😋🔥秘製香糟醉雞 $58👌🏼價錢又唔算貴喎！唔好以為得面頭幾嚿，其實下面仲有😳第一啖入口真係食到好濃烈嘅酒香味，係完全浸透晒落啲雞到！雞皮滑嘅，雞肉都嫩，唔會老，有驚喜喎！🔥油潑辣子魯肉biang biang 麵 $55👌🏼聽個名覺得好得意😂其實係比較薄嘅刀削麵～用咗好多半肥瘦魯肉同埋冬菇～叫咗小辣個人覺得可以再辣啲🤣食得辣可叫中辣起～辣啲應該會再惹味啲🔥芥香麻醬雞絲粉皮 $42 👌🏼見到佢超底卡路里俾佢吸引咗😂以小食嚟講其實佢嘅份量係主食咁濟😆上面啲麻醬撈埋啲粉皮，再加青瓜絲同雞肉絲係超夾🤣又勁清爽！好岩夏天食🥰🔥滑溜溜香芋鮮奶 $28 👌🏼估唔到會有芋頭鮮奶😂我真係第一次飲冇渣嘅芋頭鮮奶，佢做到你知佢放咗芋頭落去，亦都感受到芋頭嘅存在，但佢就好似融入左係鮮奶入面，口感好神奇！同埋係好飲架喎👍🏻

今日和朋友去到灣仔睇畫展，想找間食麵就在附近見到間麵店不少人食緊就入去試一試，星期六都麵餐好開心，最後我們各自叫了一個餐再加一個小食。 一人拌麵 : 油潑辣子魯肉biang biang麵，辣可選擇要了小辣，份量勁多味濃但唔咸，麵吸晒辣汁不錯，魯肉粒味道啖啖肉。小食選了手拍小青瓜解辣剛好。飲品選了免費的菠蘿青檸蜜，幾清新不甜。朋友叫的是一人拌飯，小食秘制香槽醉雞，醬汁少少甜同酒香，雞肉好多而且夠入味。十分大碗的滷肉飯仲加蛋，最後朋友都吃不完。除了飲品仲可以轉湯，就加了$18要了野生松茸鮮雞湯，好鮮甜而且落足材料。另加小食皮蛋豆腐，豆腐好滑身而且皮蛋不少。另外叫了飲品極品陳年龍鳯檸蜜，十分濃郁甜度剛好。

撈麵撈麵讀"咩"啲咪露面囉專門做撈麵既鋪頭!!佢地用d畫做裝飾 同埋個裝飾走簡約風仲好乾潔整潔 酸菜魚biang  biang麵 set $68 仲包一杯菠羅青檸蜜個湯超級好飲個魚都新鮮 鮮甜仲有蘿蔔都係超鮮甜 無渣 100分個麵好似手打甘 煙煙勒勒 QQ的 有口咬 好正蟹皇撈麵既蟹皇汁啖啖蟹肉絲因為朋友食既 我試左少少個汁因為用黎撈麵 所以偏鹹 但係好香超香蟹皇味我覺得可以用占麵既方法食店家仲比左醋 用黎撈蟹皇汁食可提出蟹皇既鮮味秘製香糟醉雞 $58超正！啖啖肉 仲要好爽口！雞皮仲係薄薄冰爽爽qq既而且個醉酒既調味一流 酒味唔會太重非常平均上湯松茸娃娃菜 $32酸菜魚set 仲送杯青檸飲添

今日和屋企人行街路經見到一間做手工麵嘅食店，手工麵都算係我嘅至愛又噤啱有d肚餓就入去幫襯試吓好唔好味先睇餐牌都幾多選擇，有四大手工麵、台式滷肉飯和小食，我哋選左個：鎮店蟹皇拌麵、一人拌飯套餐和韭菜豬肉水餃鎮店蟹皇拌麵：蟹皇、醋和麵分開上，等客人自己調配分量和味道，但我就選擇將蟹皇和醋倒晒落去撈暈個麵，等個麵索滿晒所有醬汁，食落更加美味麵入囗煙煙韌韌，掛滿蟹皇和醋嘅味道，感覺蟹皇嘅濃香，加上醋味恰到好處一人拌飯套餐，有秘製香槽醉豬手、一碗滷肉飯和一杯飲品秘製香槽醉豬手：杞子和酒好香，豬手好入味，肉質入囗腍腍哋而彈牙滷肉飯：份量幾多，滷肉細細粒易入囗，而且肥瘦適中，滷肉和隻蛋好入味，個滷水味好正菠蘿青檸蜜：香甜菠蘿和清新嘅青檸味韭菜豬肉水餃：皮薄餡靚，好濃韭菜味滑溜溜香芋鮮奶：入囗好滑，而且飲到有香芋蓉今次又發現到一間可以再幫襯嘅店舖