露面手工拌麵料理

营业中

休息中

露面手工拌麵料理 - 灣仔今次去到灣仔，於是上網睇下有咩野好西食，見到呢間餐廳主打台灣菜，而且有個白布湯麵幾得意，於是決定去試試。當日大約下午6:30左右去到，餐廳門口已經要排隊，店內亦滿座，等左大約15-20分鐘終於可以入去。排隊期間旁邊都已經有Menu可以睇，所以已經諗好哂，坐底就叫得，可以減省食客諗食乜既時間，很貼心。今期做緊一個「冬日限定套餐」可以加錢有手搖。另外都叫了一個「一人拌飯」餐，都幾抵食。「一人拌飯」$88-秘製香槽醉雞-滷肉飯(碗）-野生松茸鮮雞湯(原盅) +$18醉雞味道帶有陣陣花雕酒味，不會非常濃烈蓋過雞肉本身的味道。雞肉肉質很結實，份量都幾多。滷肉飯份量適中，餐廳用的魯肉是用肉粒而非肉碎，脂肪與肉的比例都很適中，魯肉汁味道都幾濃郁，魯肉飯整體味道濃郁香口。另外，加左18$試下原盅的野生松茸鮮雞湯，味道很清甜雞湯濃郁，有小量雞肉於盅內，可見真材實料。「冬日限定套餐」$75-嫩雞白布湯闊麵-滑溜溜香芋鮮奶 +$8另外，當然唔少得叫左碗吸引我試既白布湯麵。湯底味道非常濃郁，不禁飲多兩啖。湯麵內有大量菜粒而且很爽脆，還有有很多嫩滑的雞肉條，大大提升湯麵口感。主角大大塊

清假第二日中午去左睇藍色怪獸第二集，睇完行左陣街又係搵食時間，由銅鑼灣一路行唔經唔覺就到左灣仔的確做人最緊要就係開心，食好西一定係其中一樣開心事唔想諗咁多最好就係叫SET，有飯有麵秘製香槽醉雞 ($58)醉雞酒味濃，D雞浸到入曬味，仲有唔少杞子，養生之選手拍小青瓜呢個係一人餐跟既小食，有得揀雲耳或者青瓜，加左麻油同蒜蓉野生松茸鮮雞湯(+$18)跟餐加$18就有，完全無味精雞湯，絕對推介要加錢飲下，性價比十分高鎮店蟹皇雲吞 ($50)一咬落去有陣陣蟹膏香，透左淡淡既橙色出黎，皮既厚薄岩岩好油潑辣子魯肉BIANG BIANG麵 ($88)套餐有一款麵食、小食、飲品，辣子魯肉麵有得揀辣度，我地揀左小辣，魯肉唔係俾肉碎而係大大粒五花腩，仲有冬菇，手工麵彈牙，好高質既一碗魯肉麵鮮茄牛腩伴麵 ($56)兩大舊牛腩炆到好淋好入味，呢款係伴幼麵，茄醬味道濃，$56一碗好抵食

#灣仔 #oopsie灣仔 #oopsie港島新鮮製作手工拌面🍜超爽口彈牙經常經過灣仔都一定見到係大街既依間手工拌面店性價比高既平民小店😋● 鎮點蟹皇拌面● （9/10）蟹黃配搭既係上海麵，醬汁同麵分開上，依然可以保留麵既質感韌度。蟹黃汁十分濃稠，好鮮甜而不膩。可以輕易食曬成碗😋💰98● 油潑辣子滷肉biangbiang麵● （9.5/10）鍾意食辣一定唔可以錯過！超級惹味，滷肉係大大粒既肉，肥瘦剛剛好，Biangbiang麵係闊條麵，超有彈性同咬口！令人越食越想食💰58● 韭菜豬肉水餃● （9/10）韭菜餃大大粒，皮薄餡多。仲💰32● 巴蜀口水雞● （9/10）惹味口水汁，雞件嫩滑👍🏻💰58食物：⭐️⭐️⭐️⭐️⭐️環境：⭐️⭐️⭐️⭐️⭐️價錢：⭐️⭐️⭐️⭐️⭐️人均：$1xx📍露面手工拌麵料理 (灣仔)灣仔莊士敦道55號地下A號舖#灣仔美食 #foodiehk #foodieig #foodblogger #香港搵食 #香港美食 #香港好去處 #foodbloggerhk

灣仔其中一間必食之選，次次去親灣仔都心思思想去食一碗，就係佢哋嘅雞湯白布闊麵。我唔知佢個雞湯係點樣咬出嚟嘅，但係湯頭鮮美濃郁，每次我都一定飲晒成碗先走。至於佢嘅白布闊麵，平時冇乜見過出面其他餐廳有得食，佢嘅闊麵面唔係一兩cm嗰啲就叫闊麵面，佢嘅闊麵面一塊起碼有10 cm闊，毆落蛋呀，吸晒啲雞湯味，非常之好食。不過近呢一兩次煮嘅時候啲闊麵面有時摺埋咗，就硬咗少少，如果店家見到可以改善一下。不過佢嘅麻辣小雲吞，之前試過，就唔係幾好食，無論湯底同埋雲吞都好一般，呢個唔推介。

天氣開始凍啦， 午餐真係好想食碗暖笠笠的湯麵，路過首先比佢個雞湯吸引左， 二話不說即刻入去坐低， 三點嘅時間冇乜人， 餐廳寬敞，仲可以慢慢歎， 原來呢間野主力係做手工拌面， 有蛋麵，biang biang面（ 有咬口同掛汁嘅效果），擔擔面，菠菜寬面， 仲有一款好似窗簾咁大塊嘅闊麵， 仲有雲吞，小食，都好多選擇今日餐點：老壇酸菜湯小雲吞野生松茸煎雞湯（原盅）嫩雞白布湯闊麵上湯松茸娃娃菜最鍾意係呢間嘢嘅湯底， 好甜，仲要冇乜味精， 飲咗半碗湯都唔會覺得好口渴

今日難得收早，就同家姐去試吓新菜式，知道灣仔附近有一間食手工面幾好，就去試吓。地鐵站一出行6分鐘就到非常方便，之後我哋嗌咗雲耳，雞翼，同埋兩個一人餐，佢包咗一個小食同埋一個主食仲有飲品，我就叫咗滷肉飯同埋醉雞，家姐就叫咗個滷肉拌麵加雲耳，先講吓個滷肉飯，滷肉嘅味道好有台灣嘅風味而且加咗秘製醬汁去整令到成個味道更加鮮味，以最佳方便食得出好重酒味，肉質好鮮甜，而滷肉手工面味道好吸引，面嘅韌度唔會太過硬，加埋滷肉飯嘅醬汁一齊撈埋嚟食感覺非常良好，除此之外我哋嗌咗個餃子作為小食，佢非常足料而且啖啖肉加埋白菜同埋豬肉簡直係冇得彈，飲品方便我哋嗌咗蜂蜜特飲，非常解渴而且唔會太過甜，個人覺得個套餐非常值得，下次有機會可以試埋其他嘅主食。

放假同屋企人去灣仔行街，中午嚟到露面食午餐。餐廳主打手工拌麵，除此之外都有一啲特色小食同飲品。瑞士雞翼撈Biang Biang麵瑞士雞翼一共有三隻，都幾大隻，雞翼皮滑肉嫩，瑞士汁鹹甜適中，而且入味。Biang Biang麵粗身掛汁，口感順滑、柔韌。麻麻辣辣牛展Biang Biang麵牛展份量都幾多，厚薄適中，有咬口，而且肉味濃。麻辣可以揀大、中、小辣，我就揀咗小辣，麻辣味道惹味，撈Biang Biang 麵幾夾。韭菜豬肉水餃水餃足料，餃子皮夠透薄，一咬充斥住韭菜鹹香，多汁，豬肉鮮嫩。鎮店蟹黃雲吞雲吞皮夠晒薄，餡料飽滿，鮮蝦夠大隻又彈牙，加上餡料內嘅豬肉，令雲吞食落更有口感，蟹黃拌勻餡料𥚃面，所以呈現橙黃色，蟹黃味道濃郁，點埋醋，鮮味更出。豆漿豆漿豆味香濃，飲落順口香滑

餐廳地方算係舒服, 位置夠大, 台都夠大,唔會坐得好逼.入面有set叫既 拌麵+小食+飲品大約88左右.如果散叫既話大約50-60$左右.先講下d麵底先 佢有擔擔麵 , Biang Biang 麵選.擔擔麵比較痴身小小, 比較吸汁所以成碗麵反而會比較乾小小但口感軟而爽口我覺得如果汁夠多既話係唔錯, 如果汁唔夠會變左好似腸粉唔夠醬油咁.滷肉偏肥口感好香, 有小小入口即溶基本上除左怕肥之外無諗到有咩缺點.Biang Biang 麵既口感就比較爽口為主 , 麵身比較粗 就無好軟既感覺,吸汁力就無擔擔麵咁強, 但相當就無咁易乾 都唔洗太多洗已經幾好食.牛腩份量夠多, 所以好滿足, 醬汁都夠濃,所以味道上唔會有咩問題.雞翼份量多, 味道都岩岩好, 雖然睇佢醬汁好似好多,但絕對唔會過咸,口感鬆軟, 醬汁十分入味. 整體黎講我覺得如果食set既話可能有人會覺得貴d ,但如果散叫既話5字頭我覺得價錢還好.灣仔返工可以試下.

今日試下呢間主打手工拌麵既餐廳，我地叫左一個一人拌麵套餐，配小食同埋飲品/湯，另外再叫多個湯麵試下。《麻辣雲耳》小食我哋揀咗麻辣雲耳，雲耳爽口，麻辣汁辣得嚟帶點酸，非常開胃。《野生松茸鮮雞湯》雞湯嘅味道好鮮甜，入面好足料，松茸同埋雞肉嘅份量都好多，飲落感覺好滋補。《嫩雞白布湯闊面》啲麵真係闊到成塊布，大大塊咁幾得意，咬落去麵質幾彈牙煙靭。湯底係奶白色，飲落都幾香滑，而且雞肉同埋小唐菜嘅份量好多。《台式滷肉拌麵》滷肉有肥有瘦，滷得好入味。滷肉汁好掛麵，拌勻之後每條麵都吸收晒啲滷肉汁。《秘製香糟醉雞》雞肉醃得好入味，酒味好濃郁。而且肉質嫩滑，都幾大嚿，仲有雞髀添。

〖 露面 🍜 灣仔 〗天氣涼咗想食啲暖笠笠嘅嘢？一於試吓灣仔嘅招牌蟹黃拌麵原來張新出左白布闊面食完包你暖粒粒！ 【嫩雞白布湯闊面($68) 】白布闊面感覺係Biang Biang麵同白布烏冬嘅混合體比起Biang Biang麵更加薄身同滑嫩入口又保持烏冬嘅煙韌嚼勁 嫩雞湯非常濃郁又暖胃白布闊面上完全沾滿白色雞湯一入口就滑嘟嘟滑落喉嚨！正！ 【鎮店蟹黃拌麵($98) 】 欣賞小店嘅蟹黃同面係分開上確保麵質依然保持嚼勁 蟹黃質地濃厚杰稠可以完全包裹住每一條麵但相比起下反而白布湯闊面更加有驚喜！ ========================== 好味指數：😋😋😋打卡指數：👍🏻👍🏻👍🏻抵食指數：🤑🤑🤑🤑 ========================== 📍 露面手工拌麵料理 (灣仔)灣仔莊士敦道55號地下A號舖 ==========================

早幾日經過灣仔已經見到呢間嘢！ 咁啱今日出開港島就試吓💃🏻店員安排我哋坐近門口 後尾睇返其他人嘅食評先知有個靚靚霓虹燈係入面！我哋叫咗兩個麵、一個小食同一個湯share 碗麵好大份 我爭啲食唔晒 食到好飽🤣 嘢食嘅價錢好相宜～油潑辣子滷肉biang biang麵呢個手工麵真係好煙韌！ 佢比平時食嘅刀削麵會厚身少少🤏🏻 係一款較粗較厚嘅麵條 呢個撈嘅餸好香口 好好食😋嫩雞白布湯闊麵浸左湯啲麵都唔會淋 都係咁煙靭 呢個湯有少少似平時食拉麵嘅雞白湯咁 比較溫和嘅味道 男朋友忍唔住飲埋啲湯🥸野生松茸鮮雞湯呢個鮮雞湯好夠味 一啲都唔油 可能真材實料所以唔算好大盅～熱陳釀八至十六年金桔蜜飲落去真係同平時啲柑桔蜜唔同！ 個味道係濃郁好多 估唔到會喺度飲到咁正嘅飲品😜環境闊落 同埋好夠人手 服務都唔錯 食完飯唔小心跌咗個口罩落地 職員好好人俾咗一個我🥺❤️

同朋友去完會展嘅展覽，去咗呢度食夜晚飯我叫咗個口水雞飯，佢叫咗個醉雞飯，飯係滷肉飯，包埋嘢飲$88個飯一上到枱嚇親我，我冇諗過飯會咁大份！然後仲有好多冬菇同埋滷肉！口水雞就不過不失啦，d肉都嫩口，食落有醉雞味下次要試吓佢啲麵～

經過開灣仔成日都見到呢間鋪頭好多人食，今日終於有機會trytry😂😂小店面積唔太大，但係都坐得舒服既～一行兩人叫左兩個麵🍜🍜嫩雞喂麵🍜 配瀑布寬麵 湯底呈奶白色，濃厚得黎唔會太膩， 小唐菜同埋雞肉既分量都好多👍👍 第一次食瀑布寬麵，有口感亦有麵香，不會煮的太爛，吃一兩條就夠飽了😂😂第二碗叫既係蔥油拌麵配紅油抄手 辣度大概係小辣，就翻香港人既口味，配既係幼麵，口感不會太軟👍👍 紅油抄手係比較健康既版本😂醬汁唔會太多仲叫左杯無糖紅茶👍👍👍

呢間麵店係我灣仔list嘅其中一間target好早已經比佢嘅手工麵吸引今日終於過嚟灣仔試試佢我哋睇完menu有幾樣嘢都想試不過胃就得兩個，所以試吓下面呢幾樣先啦我哋叫咗個一人餐，同一碗麵一人餐有一小食，一碗滷肉飯，一杯飲品⬇️秘製香糟醉雞小食揀咗醉雞，雞肉好嫩滑同入味，唔錯⬇️滷肉飯份量適中，如果細食女仔可能會覺得多滷肉有肥有瘦，亦滷得好入味會見到啲花椒八角，所以係真材實料入面仲有啲冬菇，另外仲有隻滷蛋值得一試套餐飲品叫咗杯龍眼冬瓜茶⬇️嫩雞白布湯闊麵個湯底好有豆乳湯嘅感覺好好味，飲完唔會口渴，雞都好嫩滑菜嘅份量如果可以再多少少就好啦⬇️⬇️萬眾期待嘅闊麵🤭麵質好滑，掛晒湯，成碗麵好夾👍🏻個餐同碗麵嘅價錢都好合理另外睇menu都好想試佢嘅餃子下次值得回頭試埋佢😋😋

黎到唔一定要食貴價野 意外發現呢間餐廳價錢平民 味道出色 😍之後仲可以去利東街打卡📷🎄🍜嫩雞白布湯闊麵 $68個人極推介🙌🏻成個手工闊條麵好特別 薄得黎好滑身湯底十分鮮甜 濃郁 又掛汁‼️雞件超級嫩滑 啖啖肉簡直係健康又好食嘅選擇🥰✨芥香麻醬雞絲粉皮 $44麻醬賣相怪怪地但粉皮好彈牙 晶瑩剔透 仲有手撕雞絲配青瓜✨高湯小雲吞10粒 $42雲吞皮過厚 正係食到厚厚嘅粉如果皮薄就更好🤪 雲吞餡一啖食晒 唔算特別✨京醬豚肉炸醬麵 $56同我想像中嘅炸醬麵有出入 睇落個麵好乾身 但豚肉嘅汁夠晒多 可以撈埋食份量都好多下 所謂豚肉似滷肉😆✨秘製醉雞 $58凍食嘅醉雞帶點酒香 雞肉嫩滑 份量都好足夠😍整體黎講 不過不失勝在灣仔區平平地搵個落腳點🍴