露面手工拌麵料理

营业中

休息中

早幾日經過灣仔已經見到呢間嘢！ 咁啱今日出開港島就試吓💃🏻店員安排我哋坐近門口 後尾睇返其他人嘅食評先知有個靚靚霓虹燈係入面！我哋叫咗兩個麵、一個小食同一個湯share 碗麵好大份 我爭啲食唔晒 食到好飽🤣 嘢食嘅價錢好相宜～油潑辣子滷肉biang biang麵呢個手工麵真係好煙韌！ 佢比平時食嘅刀削麵會厚身少少🤏🏻 係一款較粗較厚嘅麵條 呢個撈嘅餸好香口 好好食😋嫩雞白布湯闊麵浸左湯啲麵都唔會淋 都係咁煙靭 呢個湯有少少似平時食拉麵嘅雞白湯咁 比較溫和嘅味道 男朋友忍唔住飲埋啲湯🥸野生松茸鮮雞湯呢個鮮雞湯好夠味 一啲都唔油 可能真材實料所以唔算好大盅～熱陳釀八至十六年金桔蜜飲落去真係同平時啲柑桔蜜唔同！ 個味道係濃郁好多 估唔到會喺度飲到咁正嘅飲品😜環境闊落 同埋好夠人手 服務都唔錯 食完飯唔小心跌咗個口罩落地 職員好好人俾咗一個我🥺❤️