露面手工拌麵料理

营业中

休息中

嫩雞白布湯闊麵 $68******************************食過一次之後念念不忘每隔一排就會返去encore露面嘅麵食非常好食其他嘢食例如餃子同飯就相對冇咁吸引我每次幫襯必嗌嘅係嫩雞白布湯闊面😋湯底濃郁得黎唔會好鹹滿滿嘅菜非常吸引雞肉嫩滑闊麵夾起好似一匹布咁🤭整體份量好多我仲要連啲湯都飲晒食完超級飽😂***餐廳座位唔多而且頗逼夾晚餐時間基本上都要時間等吓位不過等位時間唔耐好快就入到餐廳嗌嘢食

小編蠻喜歡台灣菜，特別是滷肉飯，很愛那種肥膏。所以小編與友人在聖誕節晚上就選擇這間。小編比較喜歡吃飯，所以選擇「一人拌飯」。「一人拌飯」包括：1. 秘製香槽醉雞2. 滷肉飯(碗）3. 菠蘿青檸蜜（走冰少甜）秘製香槽醉雞小編覺得酒味沒“哥哥添飯 妹妹泡茶“的濃，不過雞肉還算嫩滑，而且給的是雞腿位置，滿口肉。滷肉飯(碗）這個最讓小編失望，鹵雞蛋是可以的，但是滷肉有點鞋，而且有點過鹹，肥膏那層可以的，有點膠膠口感，但是肉那邊不太好吃，香菇配料我都覺得一般，味道挺單調。最後小編吃了幾口就吃不了。我覺得不太像台式食物，比較像是香港版的滷肉飯。菠蘿青檸蜜在沒上主菜之前，這杯先到，第一口的時候蒙了，因為就是水一杯，然後加一點菠蘿，蜜糖不太感覺到，當時覺得它比水更難喝。但是滷肉飯來了之後，這個竟然成為解渴的飲品😅。總結這次經驗是不好，所以小編是不會推薦這間，可能是個人口味不適合吧。

向來鍾意食台灣拌麵的我今次同朋友嚟到灣仔出名食手工拌麵的「露面手工拌麵料理」食晚餐拌麵選擇豐富，仲有酸菜魚、湯麵、餃子、雲吞及小食等，同時設有低卡選擇==========🔹秘製香糟醉雞 $58全屬髀位，加少量杞子點綴雞肉嫩滑帶點花雕酒香==========🔹上湯松茸娃娃菜 $32娃娃菜大棵，鮮嫩帶甜==========🔹啖啖魚肉酸菜魚 (套餐) $78限量供應食品，配Biang Biang麵揀咗小辣配菠蘿青檸蜜 (走冰，小甜)魚肉豐富，新鮮雪白蘿蔔鮮甜冇渣，其他配菜芽菜，酸菜份量多魚湯鮮甜，酸辣度高，油膩感低Biang Biang 麵質感煙韌菠蘿青檸蜜帶淡淡菠蘿清香，甜度適中==========🔹鮮茄牛腩拌麵 $56三大件牛腩厚切腍滑帶點牛香配上大量幼身麵條，番茄味道酸酸甜甜幾開胃==========🔹蜂蜜百香果茶 (熱) $24熱度夠，甜度不高==========免加一埋單$248以灣仔區嚟講定價幾親民，加上地點便利，當區上班一族可以考慮

過左大閘蟹季節之後都有一鋪蟹癮🦀前排灣仔做完野，見到呢個餐廳名好搞笑，當時店內都full左，出面都有2pairs人等緊位，感覺上都幾受歡迎所以就排隊攞位，大概都係等左5-10分鐘內。最想試一定係蟹皇拌麵🦀($98)，蟹皇蟹粉同麵分開成碗上，口感杰身，味道都算豐富，唯一可惜既係吾夠熱。另外嗌左一人拌麵套餐($88)，我自己簡左油潑辣子魯肉Biang Biang麵，因為我都中意食辣所以都好期待，而且包一款小食同飲品，喺香港地食dinner都算幾抵。麵質我好中意，好似刀削麵咁，闊身又彈牙，而魯肉好三層肉，好入味好淋，如果份量多啲就更好。而個辣度都岩岩好。🐥口水雞如果再重口味d就更好！

一向都鍾意食手工麵，見到呢間review唔錯所以lunchtime黎咗試吓。以lunch hour黎講唔算排咗好耐，兩個人大約等左10分鐘就可以入座。揀左lunch set，包左一個小食、一個主食同一杯飲品，人均消費大約$94小食我揀咗雲耳，都算爽口，味道正常；主食方面，我無叫到signature 嫩雞白布湯麵，選擇咗油撥辣子魯肉Biang Biang 麵，要咗小辣，味道ok嘅，麻辣但因為辣油嘅關係，所以覺得有啲油膩！而麵質方面唔算差，都少少彈牙，但唔似係手工麵。魯肉方面比較瘦，所以有啲鞋，但因為我係好怕食肥肉，所以都覺得還好。飲品方面揀咗蜂蜜百香果茶，嗌咗少甜就比較淡啲，一般。整體黎講，不過不失，可以一試。

天氣涼涼食咩好，食晏時候去咗呢間位於灣仔嘅露面手工拌麵料理，店內滿座，仲要等位先入到去叫咗份冬日限定套餐，好大碗熱辣辣嘅 [ 嫩雞白布湯闊麵 $75 ] 個湯清甜好飲，闊麵又白又滑又好大塊，雞肉肉質好嫩滑，份量仲好多，仲有好多白菜；跟餐飲要咗杯 [ 蜂蜜百香果茶 $6 ] 潤喉嘅蜂蜜配百香果，好好飲另外叫咗份 [ 鎮店蟹皇雲吞 $50 ] 一碟有5粒，呈現橙色嘅雲吞皮，皮夠哂薄，餡料夠飽滿，食落有濃郁嘅蟹膏香味，鮮甜好味，咬一口唧哂啲汁出嚟，配埋醋一齊食就最正，必食雲吞呢份冷盤小食，係低卡首選嘅 [ 芥末麻醬雞絲粉皮 $44 ] 芥末味道帶少辣，濃濃嘅麻醬，包括有份量好多嘅雞絲、晶瑩通透，爽滑彈牙嘅粉皮及爽脆青瓜絲，撈埋一齊食真係好正露面手工拌麵料理灣仔莊士敦道55號地下A號舖

花雕醉雞香滑入味，花雕酒比例合理，雞肉部位全部雞腿位，松茸雞湯味道鮮香，38一份不算便宜，但湯夠熱，材料乾淨簡潔。番茄牛腩拌麵好評，首先番茄汁濃厚，不覺得是太多番茄膏調至，反而覺得新鮮番茄味道突出，酸甜比例合理，分量足夠，牛肉軟嫩，並且入味。要了韭菜餃子和白菜餃子，韭菜餃子多汁清爽，白菜餃子清甜可口。最後重頭戲蟹黃拌麵，蟹黃一大碗很足料，蟹味十足，有蟹肉，蟹黃和蟹油，加上醋拌麵，香味得到最大的放大。

一心來食白布寬麵，但竟然賣哂。咁唯有食另一隻寬面，似刀削麵咁，啲面幾彈牙，唔會好淋，湯底清清地咁，但冇太特別，反而佢枱面隻辣椒油，夠麻辣幾好食。另外叫牛楠乾撈面，味道濃啲，重味啲，幾好食既。餃子一般，普通不過，係有辣油加持好啲。野飲加左6蚊冬瓜茶，唔值加，因為同唔使加錢既都係溝糖漿既野。整體來講，不過不失，價錢偏高，可以一試。

灣仔區一個甚少踏足的地步，由於名人揮春展所以到此一遊，早早在網上資料蒐集一下灣仔區有乜嘢好食，（其實都有好多）不過吸引我嘅眼睛這一間特別明顯。。。剛剛開門我絕對是第一位客人，店內位置不多面積也不算大，不打緊速戰速決，要來一個午餐當日就揀選了（蕃茄牛腩拌麵餐配上麻辣雲耳，另加HK$6.要想一杯冬瓜龍眼茶）HK$88.《蕃茄牛腩拌麵》蕃茄汁比較濃稠，面質是採用白身幼麵，吃起來自己覺得粗麵較為優勝，附上的牛腩分別有三件，炆煮得入味夠稔⭐️⭐️⭐️暖和的冬瓜龍眼茶呷一口啲微微帶一叮甜，絕對符合自己要求⭐️⭐️⭐️⭐️至於麻辣雲耳（小食）麻度同辣勁恰到好處⭐️⭐️⭐️⭐️雖然是小店，但姨姨禮貌週週，整頓午餐都吃得開心。★此店只收現金/八達通★

早前見到要排隊，就放棄唔食！今日見到有位就即刻衝咗入去！店舖唔係好大，所以座位都排得好密集！🍜同事叫咗油潑辣子魯肉Biang Biang 麵 （$58），要咗小辣，味道佢話ok嘅，但因為辣油嘅關係，所以覺得有啲油膩！🍜我就叫咗嫩鷄白布湯闊麵（$68），湯底好清甜，有豆乳香味，鷄肉好嫩滑，大大塊嘅麵有「咬」口，整體唔錯，不愧係店嘅其他一款signature dish!

📍#露面手工拌麵料理 #MFJ灣仔 #MFJ中菜人均消費: HKD68有年前左右食過 @biangbiang.noodle 已經覺得好好味，今次再食，依然咁好味！💯 油撥辣子魯肉Biang Biang 麵 $58醃咗嘅魯肉撈麵！ 啲魯肉超級好味，味道剛剛好，一啲都唔會好heavy，而且肥瘦適中！個魯肉汁加埋辣汁撈麵都好好味！個麵煙煙韌韌，成碗嘢都好夾！💯 嫩雞白布湯闊麵 $68之前食過都要再食！因為佢個湯真係好清，同啲雞肉同個闊麵好夾！啲雞肉真係好嫩，啲闊麵成塊布咁大塊，食完成碗飽到上心口！性價比真心高，灣仔區依個價位食到高質嘢真係唔易，而且份量又大！真心推介！✅#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #chinesecuisine #chinesefood #noodles #chinesenoodles #相機食先 #灣仔美食 #中菜

Bookmark了這間很久 它的蟹皇拌麵幾出名不過有次朋友叫了外賣 只見水汪汪的芡汁 結成一團的麵餅 賣相真心一般 所以最後卻步 轉陣試它的嫩雞燴麵😙———————————————————————🐕 嫩雞白布湯闊麵（$68）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯有別於傳統的上海幼麵此處用上扁身如白布的麵相對沒那麼軟爛 但掛湯力也沒那麼強口感和味道都像是比較薄身的餃子皮放進湯勺 再勺起湯 盡喝其精髓乳白色的湯底奶香很夠加上白菜後 清甜濃醇雖不及滄浪亭如此奶香飄溢但已是我心目中第二好吃的嫩雞燴麵😙———————————————————————🐕芥香麻醬雞絲粉皮（$44）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯上菜時被那歪七八扭的麻醬嚇了嚇麻醬濃杰身 拌勻時有點費力🤣不過花生味的確幾重只是吃不出那芥苿香———————————————————————

油潑辣子魯肉一放低已知中伏，同預期及圖片好大出入，以為比錯餐。粟粉芡加煮冰鮮瘦肉，成碟野啡色一劈劈，點會諗到係魯肉？ 調味更加唔駛講，衰過兩餸飯，話係油潑，要左少辣就真係落枱面放既同一隻辣油黎油潑。係灣仔做飲食，一啲誠意都無，比d咁既野人食，買幾多人寫鱔稿都無用，等執。魯肉竟然係全瘦肉，重要好硬，衰過自己煮。只能說垃圾，浪費食物。麵無可能係手工，一定係機造，貨不對版。餐廳無乜冷氣，好焗。 浪費金錢，煮到咁，浪費食物，貼錢買難受，好㷫，無下次。

OT完勁肚餓，同同事去左公司附近的露麵食一人伴麵餐，一份餐前小食、特式伴麵、特式飲品/湯品。小食就是麻辣雲耳和手拍小青瓜，2款小食，都用醋醃過，酸酸甜甜，份外開胃，青瓜涼浸浸，味道好青新，陣陣蒜香濃味。雲耳除了醋之外，用了小量紅椒、青椒、紫洋蔥外，還加入了一些麻辣元素，雲耳爽口、帶點麻辣，味道不錯。京醬䐁肉炸醬麵，每粒豚肉煮得軟熟，帶少量肥肉，比例適中，呢款炸醬係唔辣之餘，還帶少少甜味，加入d青瓜絲的配搭很好，值得一提的是這間是出名賣手工麵，每條麵條都拉得好幼麵，而且口感好滑。鮮茄牛腩拌麵，這個麵的茄醬非常鮮甜，撈麵一流，牛腩肉質很嫰滑，炆得入味，是開胃之選。飲品方面揀左渭溜溜香芋鮮奶和蜂蜜百香果茶，香芋奶很濃郁，不過香芋的揸較為多了少少。百香果茶很清甜，是一款不錯的消暑飲品。芥香蔴醬雞絲粉皮，因為呢份是低卡之選，所以我就叫左黎食，選用了中式的蔴醬，味道較為厚實，粉皮晶瑩剔透，薄身得來很滑，是一款味道唔錯的冷盤。

灣仔多美食就人所皆知，要好味既都唔平架，今日介紹一間叫「露面」既餐廳，佢價錢抵，味道仲非常好！🔹野生松茸鮮雞湯🔹氣溫得十零度，緊係要飲番一碗燉湯黎暖一暖身。推介一下露面既野生松茸鮮雞湯，真材實料，好清甜， 岩晒屋企冇乜湯水既人。🔹椒香麻辣湯小雲吞🔹店內秘製的麻辣濃湯一絕，麻香十足；小雲吞都唔係真係"小",餡料都幾多下，皮又薄又滑，配合湯的襯托下，雲吞的鮮味更突出，令人有食唔停的衝動。🔹白菜豬肉水餃🔹水餃的外皮薄，餡好飽滿，粒粒超大粒，餡料豬肉新鮮，每一口都食到爽脆鮮甜白菜，絕對唔差。🔹嫩雞白布湯闊麵🔹作為店入面既招牌菜，見到大部分客人枱上都有一碗，我緊係唔可以錯過啦。闊麵係好大張麵皮，一口係食唔晒，size 同tissue 差唔多，坊間比較少見。麵皮係煙韌彈牙，口感一流；雞肉非常嫩滑。湯底先係精華，濃郁雞湯極清甜令人有一飲再飲既感覺。.🔹油撥辣子魯肉Biang Biang麵🔹Biang biang麵既質感同刀削麵有點似，口感都係有筋道彈牙，撈麵汁帶有少少辣，令碗麵更加惹味。另外，魯肉份量多，肥瘦均勻，好入味。整體來說，食物的味道非常好，特別係燉湯同麵湯頭都好高質，麵都好彈牙，食物種類繁