露面手工拌麵料理

营业中

休息中

It is rarely seen a restaurant mostly serving mixed noodle. Seeing the crowds inside, I guess the quality possibly guaranteed. I was lucky to grab a seat within the crowds. Restaurant was in simple interior with a visible window kitchen. I ordered their mixed noodle deal, marinated pork with spicy biang biang noodle, fungus with spicy sauce as sides. For drinks, I ordered Longan and Winter melon tea. Noodle was soft and in massive portion. Flat noodle was sticky if not well mix with the sauce im

又係放半晝唔知食乜好，周圍兜行到好肚餓，見到門口餐牌有餃子食就呢間啦！本來係想食餃子又比闊麵吸引，問吓店員可唔可以韮菜餃跟闊麵，回覆係唔得嘅😅唔緊要啦！韮菜餃周圍都食到啦！嫩雞白湯闊麵同凍菠蘿青檸蜜先嚟飲品摸到杯身係熱，但係有冰㗎喎！不過瞬間已經溶咗，入口係暖㗎介紹返唔係想像中嘅味道試吓啖湯先嘩！不得了好正好cream好滑闊麵好Q彈唔知係咪個湯令到麵條都滑埋，有啲難夾😅😅我最後飲哂成碗湯，真係好正嗰杯嘢飲我飲咗一半放棄咗早知個湯咁正我就唔叫嘢飲啦🫣🫣🫣

見有食評和foodie推介這間店的主打-- 嫩雞白布湯闊麵， 作為嫩雞煨麵愛好者又怎能不到訪這店試一試呢。白湯係奶油忌廉湯帶點鹹味， 但 一點雞味都沒有。 湯面上嘅油光，應該係忌廉嘅油， 如湯底加入雞湯應該會更好，更香澴。闊麵唔係好厚，吃起像吃上海雲吞皮的味覺，有三隻手指的闊度，麵本身不掛湯，要和白湯一起吃才有味道， 因我第一次吃這種麵覺得還算不錯。雞肉係雞髀肉絲， 口感嫩滑， 雖然係用雪藏雞，但我覺得吃起來真的很滑溜 ，名副其實嘅嫩雞。湯內嘅小棠菜，吃起來帶一點苦味，no good。 我加咗$8杯熱龍眼冬瓜茶， 無龍眼味但冬瓜茶味道ok。

平日下午兩點直入唔洗等位，一心想試嫩雞白布闊麵，點知闊麵賣哂，唯有轉biang biang麵😢碗麵黎到係幾大碗嘅，biang biang麵幾有口感唔會煮到好淋，但係個湯底真係唔得，無咩味，同埋雞嘅份量無其他人講咁多，而且唔嫩，只係普通嘅雪藏雞柳😅之後叫多一份醉雞，醉雞份量都多，可惜大部分都係骨無咩肉，味道方面係ok嘅，都有酒味同嫩滑，不過就唔會再試🤦‍♀️

朋友非常喜歡食台式拌麵，呢日嚟到銅鑼灣就話要試吓呢間露面，咁就一於露露佢😆佢午市有啲套餐咁叫都好抵食，一人拌麵套餐都係$88，前菜有麻辣雲耳，好鬼惹味，主食我試左鮮茄牛腩拌麵，茄味香濃，牛腩勁大舊類似紅燒牛腩咁煮到非常入味同軟👍🏻推介👍🏻野生松革鮮雞湯(原盅）都只係加18蚊就有，非常清甜同滋補養生😋朋友就試左佢既 鎮店蟹皇拌麵，佢麵同啲蟹皇就分開上既，蟹皇大大碗有好多蟹膏同蟹肉，蟹味足夠，默為佢應該有落生粉，撈落麵度係比較傑身嗰種，同另一碗又不同口感小食試左瑞士雞翼$36，幾抵食👍🏻餐飲有龍眼冬瓜茶，甜度適中非常好飲😝

見到咁多人話咁好食 咁就去試下叫左魯肉飯加5隻韮菜餃子 菠蘿青檸蜜同埋叫左個嫩雞白布湯闊麵咁叫完野食 佢就一下飛左張單黎枱面咁可能佢忙啦(4:xxpm)魯肉飯到左 食落去 一般既一般之後杯野飲都到啦 飲左啖 攪勻埋 都係一杯凍水 好清新既凍水嫩雞白布湯闊麵都係一般 餃子都係一般 食食下 侍應姐姐 突然係隔離枱 噴殺蟲水定空氣清新劑 我估就前者 因為有幾隻蚊螆係牆度估佢想殺左蚊螆 但係唔知殺蟲水定空氣清新劑 飄左d黎我張枱度 我係隔離食緊野 你係度噴野。

灣仔有間主打食手工麵嘅台式料理店，麵有粗有幼，亦有拌麵/湯麵揀，想食飯嘅都有拌飯揀架。我地兩碗拌麵都係揀左biang biang麵，係最粗果款麵黎嘅，我地都覺得愈粗嘅麵掛汁會愈多而且又有咬口，一致都好鍾意😍一人拌麵有埋小食同野飲，小食我地兩款都試齊，有麻辣雲耳同手拍青瓜，細細碟幾開胃。麵就揀左鮮茄牛肉同油潑辣子魯肉。兩碗麵真大碗，啲汁又好夠多呀，真心食到lam lam脷😋飲品我地一個揀野生松茸鮮雞湯，一個揀香芋鮮奶。雞湯我好推介呀因為真心鮮甜，完全唔係味精味果d湯品！香芋奶都好香噴噴🤩

前個排白熊好有興致發掘地區小店同平民美食(which now dun hv cuz exam is coming AGAIN TT) 剛好喺灣仔就諗住試吓呢一間bookmark咗好耐既麵店～話說我同我住喺灣仔嘅朋友講，我嗰日諗住食呢一間 佢第一個反應就係「好普通唔使特別試」and now i think she is totally right 🥲🙏🏻-🌟-▪️嫩雞白布湯闊麵 / $68平心而論呢碗係OK的 湯底呈奶白色 飲落甜甜地帶有奶油香 有好多雞肉同小棠菜 闊麵有咬口 如果冬天食到都會滿足既～▪️鎮店蟹黃拌麵 ($98)其實白熊好鍾意食蟹所以之前會bookmark呢間餐廳都係為左香試呢款🤞🏻但之後openrice發現有Dcomments話好令人失望🤓果然無錯 中大伏🤓其實見到個樣已經唔太appetizing🙏🏻白麵超級痴埋一舊好似回歸大自然咁變返粉團😂兜所謂蟹黃得好少好少蟹粉味 只是食到少少鹹 + 海量罌粟粉整成既芡😂真心唔好食 食左一陣已經覺得好黏好濟 睇到網上面嘅食評話咩好鮮甜輕鬆食晒成碗 本人覺得有困難🙏🏻男朋友表示Kiki麵嗰個雖然貴D但好食好多-🌟-另外叫左兩杯野飲都幾難飲

招牌{嫩雞白布湯闊麵}湯頭清甜唔油膩嫩雞嚟講 川品同雲南風味小鍋米線 更勝一籌之前食過日式白布烏冬好難用筷子夾起 但佢呢個闊面用筷子都可以輕鬆夾起👍🏽{麻麻辣辣牛展Biang Biang麵} 牛展冧口入味 係細塊咗啲 biang biang麵個賣相就有啲似刀削麵 叫咗小辣都夠味 碗入面都有花椒粒提味手工麵嚟講口感唔錯 偏煙韌{秘製香糟醉雞} 第一次食唔係花雕酒嘅醉雞 香糟偏甜 不過個人喜好鍾意花雕多啲🤣{鎮店蟹黃雲呑}冇影相 正常發揮 唔腥

一間唔起眼 位於灣仔嘅手工麵小店之前見有人介紹白布湯闊麵 完全係我杯茶前排有機會去開灣仔區 終於有機會一試______________________________/ 嫩雞白布湯闊麵 / $68湯底呈奶白色 飲落微甜帶有奶油香 濃郁好夠味 食完啲面都忍唔住係咁飲🥲🫶🏻配上大量雞柳同小棠菜 真係食極都仲有唔係講笑😂雞肉好滑而且唔肥 加埋爽脆嘅小棠菜粒好正🫶🏻闊麵底煙韌有咬口 好滑仲好薄食落係似上海麵嘅味道 喜歡🫶🏻再重少少麵粉香真係一流份量好大 食完真心好滿足 健康足料又好食🫶🏻______________________________/ 油潑辣子魯肉biang biang 麵 / $55另外一碗就揀咗碗biang biang 麵的拌麵~配上帶微辣嘅滷肉同香菇粒 幾惹味滷肉肥瘦適中所以唔會好油膩 拌埋好掛汁嘅biang biang 麵係幾夾不過同闊麵相比 就稍為平凡咗啲 😛______________________________/ 秘製香槽醉雞 / $58/ 老壇酸菜湯小雲吞 / $43除咗手工麵之外 佢哋嘅小食都幾值得推介🤟🏿醉雞好嫩滑 面且好入味帶酒香另外小雲吞 一碗入邊足

本身係衝住食餃子嘅心態搵到依間餐廳，點知發現除左餃子之外佢地嘅麵類都好出色嫩雞白布湯闊麵 ($68)：真係好少食到咁闊身嘅麵，麵質幾滑同埋食落有少少煙韌，入面亦都有唔少雞肉同白菜仔做配料至於湯底，佢唔算係好濃厚嘅湯而係偏清甜，有少少似係雞湯加左豆乳嘅感覺，幾好飲而且同闊麵好夾油潑辣子魯肉Biang Biang麵 ($58)：滷肉飯就食得多，但今次係第一次食魯肉拌麵，有驚喜！最欣賞係佢個麵質，以拌麵黎講硬度同韌度都係perfect😌配料方面係魯肉加冬菇粒，味道甜甜辣辣，撈均食好惹味又夠開胃巴蜀口水難 ($58)：辣油好正🤤 食到啖啖雞肉，雞皮唔會過厚韭菜豬肉水餃 (5粒) ($36)：韭菜餃大大粒好足料，韭菜香濃豬肉又多汁，正👍🏻巴蜀粒粒大雲吞 (5粒) ($36)：如果想食餃+辣嘅話就會滿足到

今晚要返學🎒，放工即刻去搵食。lunch time 係fb睇到有人介紹呢間既白布麵，近近地試一試！因為時間尚早，入到去只有幾個人，睇完餐牌，都係決定試”嫩雞白布闊麵”！一上枱比相像中大碗。湯色嫩白但帶點油，白菜仔同嫩雞份量合理。嫩雞幾滑，白菜🥬都鮮嫩。我以為白布麵已經係一片片，但我發覺有d係摺埋，一咬落去好似食緊雲吞皮，好厚身。之後我就遂片遂片攤返開去食，因為好大片，夾夾下其實d手指已經好攰。😅 總結可以一試，味道不算特別出色，食清d既選擇！

灣仔有間手工拌麵專門店，主打拌麵及湯麵，同事話興趣去試吓，叫我做陪客。露面手工拌麵料理裝潢簡潔。主要的麵底有五款選擇，包括擔擔麵、蛋麵、biang biang麵、菠菜麵及白布湯闊麵。迎合不同客人的口味。拌飯套餐秘製香糟醉雞：香糟汁係自家製作，加入話梅及水果，有酒香得嚟帶點果香，雞肉鮮嫩入味。滷肉飯：滷肉大大粒，肉質軟嫩，鹹甜適口；再加上一碗煲煮得不軟也不硬的米飯，一口吸透湯汁的飯加上一口香濃四溢的肉，特別美味！菠蘿青檸蜜：菠蘿味比較多一點，帶少許青檸酸味，味道都唔錯。花生南乳炆豬手：花生份量勁多，豬手可能炆得林滑，未夾起已骨肉方離。感覺份量比較少。高湯小雲吞蛋麵：小雲吞配上蛋麵，蛋麵用雞蛋和鴨蛋做成，甚有蛋香，口感順滑。一口一粒嘅小雲吞皮薄餡鮮，湯底清甜。京醬豚肉炸醬麵：麵醬呈深啡色，除了豬肉還加上大量青瓜絲做配料。食落比較爽口，醬香濃郁好惹味！

Jami平時返工見到呢間餐廳無論食晏定夜晚，長期有人排隊😳😳今日的起心肝排埋一份，終於食到呢間露面手工拌麵料理☺️我哋就叫咗個一人拌飯套餐 $88同一個一人拌麵套餐$88！一人拌飯套餐 - 秘製香糟醉雞🐣加滷肉飯加蜂蜜百香果茶🍯醉雞非常之入味，酒味🍾好夠而且雞肉鮮嫩！滷肉飯🍚鹹香味十足，肥瘦啱啱好，少少油份❣️去配飯食真係一流！蜂蜜百香果茶，百香果味濃郁🥭再配合甜甜嘅蜂蜜，超好味！一人拌麵套餐 - 鮮茄🍅牛腩拌Biang Biang面加麻辣雲耳🌶加滑溜溜香芋鮮奶🥛麻辣雲耳，麻辣🔥🔥得好過癮，勁開胃！鮮茄牛腩🐮個面加$3就可以轉做招牌Biang Biang面，食落🍝夠薄夠輕身又掛到汁，撈埋酸酸甜甜嘅鮮茄🍅🍅同埋鮮嫩嘅牛腩，真係好入味！香芋鮮奶就奶味十足，鍾意香芋嘅朋友就唔好錯過啦😳😳

一心諗住去試白布麵，夜晚6:45左右去到，門口排緊隊，排左陣入到去就叫嘢食，叫埋白布麵之後，侍應就問跟唔跟嘢飲，叫埋嘢飲，侍應先講：白布晏晝已買晒，轉其他麵都好食，點解唔早少少講，又或者門口貼紙最後我哋叫左：麻辣雲耳 - 甜嘅、唔好食燉湯 - OK啦、唔太特別蟹皇雲吞 - 偏甜、唔好食白菜雲吞 - 無特別上湯娃娃菜 - 非常健康、無味嘅結論係就算想試白布麵，但都唔會再去，因為試左其他都唔好食，更加唔會再為個白布麵再去，仲要特登過去食