雲興隆小廚 (已搬遷) 新店位置

點左兩碗煲仔飯一碗排骨飯一碗北菇滑雞飯兩碗飯需時20-25分鐘整個碗底都是飯焦 好香服務員態度良好除了煲仔飯外 暫時未試過其他食物

兩個人叫左1)四川炸辣子雞呢個送飯一流,咸咸地辣辣地,雞份量多得很,兩個人一定食唔哂幾入味,雞肉質唔鞋2)土魷肉餅煲仔飯有少少失望,首先飯既份量好少勁多飯焦(不過我知呢度既煲仔飯就係以飯焦多出名)土魷切到勁細粒,考刀功咩3)蒜蓉炒肉片白菜仔其實果d唔係肉片,成塊豬扒咁大塊好似好un咁白菜仔都okay既

很想試雲興隆很久了,牛頭角邨快將清拆,現在不試真的不知再有沒有機會...開飯!蒜蓉蝦乾鮮魷飯魷魚沒有什麼味道,不過肉質都頗爽脆至於蝦乾絕無偷工減料,大大粒,而且數量很多,吃下是濃郁的蝦米味道飯…沒有太濃的飯香,但飯仍是一粒一粒的分明,不是大稔沒落油的情況下還有飯焦,不錯蒜蓉粉絲蒸扇貝是日推介,應是新鮮運到罷老闆娘老實說今晚的扇貝雖新鮮,但較細隻,所以每碟加多一隻補數近來吃了不少扇貝,今回都算是較具質數的加上很多的粉絲,配上蒸過扇貝的鮮汁,很好味而扇貝本身亦真的很新鮮,肉質爽,老闆娘無介紹錯西檸雞我喜愛的菜式之一,今次決定一試是很大碟的,加上幾片檸檬不是大酸,雞亦炸得恰到好處,不會太較粉雞肉是頗煙韌的,整碟菜都很配胃很滿足的一天,希望老闆能盡早找到合適的鋪位繼續經營不過老實說,就算找到新鋪,勢必失去了現時的風味,只要你看看文記的新鋪與舊鋪的分別便知一二牛頭角邨,我們是會再來的!

零九年二月中旬晚餐胃納所限，平日很少人少少吃煲仔飯的，多數是跟大隊一起去吃，一來氣氛好、二來也可以多試幾味，是夜來吃牛年首個煲仔飯，多少時因為牛頭角下村將清拆，趕尾班車。在金利來的另一邊，區外人不難找到來，因為入夜後當眼處就有熱鬧得不得了的魚蛋檔，目光一定集中在這裡。拿著相機大無斯樣的走到來，街坊店，靚姐就建議坐到公園一面的圓檯，叻唔切咁話，影起相先夠氣氛麻！今晚唔影，等幾時？對的，今晚唔影，要待重建？不會是這風味了，點下黃鱔煲後不客氣的隨處影了，接單後太子爺也在一旁忙著，開爐加水落米，米已溝好，盒蓋後就這樣等上廿分鐘就可以吃了。自己當然時坐定定可以吃，但太子爺這時又忙著蒸魚，老闆在埋邊開爐炒菜，火光十足！是夜人叫煲仔飯的客不多，煲仔爐陣也不夠澎湃，但影下煲仔直、斜、橫放的樣子，都幾有趣的。打開蓋沒傳來強烈熱氣，黃鱔煲的關係還是要沿煲下豉油提味，合蓋稍焗就吃得，即叫即煮的煲仔飯連茶記也會做，但這裡軟熟，老闆也花了不少心機在揀米上，沒下油但吃到底還有塊塊飯焦，幾好的，配料做得好是Bouns做不好也無相大雅，熱度與飯香比起坤記用炭火燒的猶有不如，但還是吃得過的，尤其是清拆後未知能否吃到這痞

由於今期<新假期-飲食一番>的大力吹捧，小弟在今天情人節決定放棄同老婆食燭光晚餐，而改吃煲仔飯撐枱腳﹗ (真正原因：金融海嘯，錫荷包也)結果，是失望和「非常失望」：不單對那行將清拆的老餐廳失望，更對雜誌記者不負責任的誇張報導非常失望。小弟根據該雜誌的推介，點了：鹹魚肉餅飯($38)，蒜蓉蝦乾鮮魷飯($45)另外再自己點了一客''蒜蓉粉絲蒸扇貝($48)為公正起見，小弟會原文轉載<新假期-飲食一番>09/02/09,492期, p22~23：1) 蒜蓉蝦乾鮮魷飯原文：「充滿蒜香的煲仔飯，魷魚新鮮，蝦乾味帶鹹香，有咬口，飯身也沾滿蒜蓉的香氣。」事實：蝦乾的確是上等貨色，但魷魚就淡而無味，既無鮮味，也無蒜味，竟然連鹹味都冇埋。2) 鹹魚肉餅飯原文：「甫開蓋，毋須用力索已聞到陣陣鹹魚的香味，連生在旁說：「其實以前用梅香伸香目的，不過班客嫌太鹹，所以依家改用較淡口的馬友。」先舀一口飯，飯身軟硬有致，煲中心的飯粒較軟身，食落有層次，鹹魚的香味更滲透入飯身內，令每粒飯沾滿油潤的光澤，至於招牌肉餅口感鬆化，有豬肉的鮮味兼有肉汁，加少許以芫茜、八角等調製的豉油，甜甜的，跟

08-12-20豉汁白鱔煲仔飯$45雙冬羊腩煲$88人地話牛頭角村就拆, 話呢度几有風味,去到先知唔係用炭爐煲,唉..都算, 個煲仔飯嘅白鱔地,完全冇豉汁味,唔見有半粒豆豉,連豉油味都冇,飯又爛pat pat羊腩煲好大煲囉, 羊腩係有小小羶味,因為唔知雙冬係冇枝竹, 冇得索汁,個羊腩係煮得淋,不過個汁都唔夠濃味道淡,好似唔夠柱侯醬味定乜嘢,料係好多,有冬筍冬菇馬蹄,但係個汁唔得呢 合共$133

星期一放假，又去開九龍灣，於是來個牛頭角食之旅。(此行是想見證一下香港歷史。)這可能是我成世人第一次來牛頭角下村；為了食，也當看不到食肆後欄的環境吧。叫了一煲窩蛋牛肉煲仔飯，火侯剛剛好，飯粒分明，煲底和邊都有飯焦，而且不算太”窿”。可以和均記一比！她可能會略勝一籌，因為她不用靠油來起飯焦，真功夫也！ (我在家也做不到)可惜的是，牛肉很有問題，幾近無味，又是因為醃過龍，雖然無梳打粉味，但我想有用過。希望其他選擇會好些吧。鼓油也是淡淡無味的，沒有自配的煲仔飯鼓油此終覺得差了一點。由於盡量不出ok，所以要比喊面，心中有點矛盾。

牛頭角下邨一直係搵食平靚正之選,雖然有人接受唔到環境太地痞,本人卻深受吸引,真正為附近居民提供美食,認為o甘先叫地道~可惜到今年3月因為屋邨清柝如此風味真係唔知有無機會再食到啦...>.< 回味冰梅骨$48: 菜如其名叫人一件接一件,回味無窮!本人一向不太鐘意食肉,但知此菜出名,當然要試下~$48街坊價份量絕不欺場,肉軟身多汁,卻又不失"骨"的風味,要啜,要咬~醬汁酸香醒胃,茨不厚不稀,那剛剛好的甜配上點點芝麻香,熱辣辣的,直向口中送~惟一美中不足係骨砍得不太對位,比較多碎骨,整體卻叫人食得心滿意足!! " 立"腸滑雞煲仔飯$45:原意係為左即叫即煲煲仔飯而來,足足要等20分鐘,卻因為冰梅骨太正,飯來到時只食得落一細碗~立腸一般貨色,雞同樣有碎骨太多的問題,飯卻是真正的好!米粒分明,亁身,沒有特別調味卻吸收左雞油,食落滿口香,配一口立腸更叫人感到寒冬中的暖意~雞也爽口有雞味~整煲飯底和邊都結焦,不過我不太識欣賞,有點點燶味~ 整體以份量和質素而言係超值的一餐,無論為左美食定係快要失去的風味,大家都要好好把握最後時間來試下呀!

1星期黎左呢度食左2次飯 1 )窩蛋牛肉煲仔飯 :味道唔錯 牛肉好滑 飯焦亦都好多 唯一唔好既就係啲鼓油無乜味 .. 什菜魚湯煲 :好大煲呀 乜菜都有 啲魚湯亦都好好味 2 )咸蛋肉餅煲仔飯 :個肉餅幾正 有尢魚粒 今次又係好多飯焦冰梅骨 :都好大碟下 不過拎到黎既時候已經凍左 ><酸酸甜甜 我最鐘意 ;)***不過要注意煲仔飯其實都要等好耐所以1去到就要叫定同埋盡量早啲去可以叫住其他餸1路等1路食 ;)

胃口欠佳, 不過都要食野架睇完戲都10點, 當食個宵夜難得同個港島人黎下村食, 點都要去間出名既鋪頭試下去左雲興隆食, share 左個窩蛋牛肉煲仔飯$38-$45/ 煲仔飯, ok la 價錢最鍾意食飯焦, 所以成日食煲仔飯都好晒野d 飯黐底黐得耐好快燶晒又食唔到今次哩個叫ok 啦, 不過d 豉油好似唔係幾夠味煲仔飯最好食窩蛋, 睇住隻蛋由生變熟真係幾過癮不過叫煲仔飯要等25min, 好彩間野有電視, 打發下

是晚得12度, 友人事忙, 9點先食晚飯, 在飢寒交迫下, 建議食雲興隆的煲仔飯, 暖暖身子. 左揾右揾, 原來喺文記門口直入就係2行點了:沙嗲牛肉金菇煲($48): 好多菜色都好似好好味, 不過第一次黎, 唔敢太突出, 叫個沙嗲牛肉金菇煲, 起碼有保證, 普遍都唔會太難食; 這裏的都有十片多肥牛, 2人吃下飽左一半窩牛飯($38): 送上黎熱辣辣, 即刻篤爆隻蛋, 撈撈撈, 撈出一碗帶有滑滑蛋絲的牛肉飯臘腸滑雞煲仔飯($48): 吃下很軟滑, 雞件該是揀選了連筋肉部位的, 唔會嚡口雖然有室內座位, 但我們堅持踎街邊, 儘管寒風刺骨, 但這樣吃起來的味道就是不一樣. 環境服務衛生等不可強求, 連2罐可樂+冰底埋單$149, 幾抵食, 食完全身暖笠笠, Good!

是日去到鼎鼎大名的雲興隆一嚐傳說中的"末世煲仔飯"戶外大排檔仲要與人搭檯,入夜微涼,由下單起等足半個鐘才上桌,但當阿叔送上煲仔飯,打開煲蓋,落下豉油的那一剎那,所有的怨言都飛去了九霄雲外,整鍋飯由生米煲成,米飯粒粒飽滿,香氣撲鼻,食落更是無比滿足,飯焦脆而不燶,雞塊亦是香滑異常,美中不足的是雞肉碎骨稍稍多了些評價四個字:名不虛傳~

兩個人第一次去食,就點咗個,冰梅骨,炒菜,煲仔飯,一坐就叫餸菜,10分鍾有個冰梅骨,再等10分鍾個炒菜嚟喇,再等再等多20分鍾個煲仔飯先至到,啲飯太過濕..差仲有冰梅骨,炒菜,嚟到果時係唔熱架!咁凍既天時點食吖...永遠都唔會再去食架刺!

愈是失去才會懂得珍惜，距離牛下被拆卸的日子寥寥可數，加上這類型的舊式屋村在香港已經買少見少、快要成為集體回憶了！OpenRice最近好像有陣「牛下熱潮」，多了關於牛下的食評和推介…令本先其實不太在意的我也被吸引過去，以味蕾去感受、留住回憶~ 第一站 – 雲興隆小廚。天氣涼涼的，最適合吃煲仔飯暖暖胃！因為只有我和男友二人，而且又有下場 (無名炭爐雞蛋仔)，所以根據Openrice食家的推介點了兩款小試牛刀！窩蛋牛肉煲仔飯($38) – 侍應落單時已聲明要等廿五分鐘，即叫即煲的…等等等等，終於到了…打開熱騰騰的，半生熟雞蛋很可愛呀！一上桌心急沒拍照就被我拌勻了…飯不會太濕剛剛好的，但牛肉大概是被梳打粉伕擄了肉味，已經沒有了牛肉的味道…淡淡的…至於飯焦呢，30%金黃色；70%濃了…黑色的！金黃色的脆卜卜不會太硬，黑的也試了點…苦的！另外，我和男友都覺得這兒的鼓油很淡，只為飯添了色水，卻遜色於調味~冰梅骨($48) – 賣相相當吸引…醬汁酸酸甜甜很開胃的非常惹味！金沙骨骨肉均稱，啖啖肉之餘又可以「論」下骨，I LIKE IT！配菜的白蘿蔔和紅蘿蔔與醬汁是完美的配合，連我對白蘿蔔有所抗拒也吃了不

３條友前日在德福睇完戲，凍凍地行過來開飯。５點幾已經開始有客，點了三個煲仔飯：窩蛋牛肉（＄３８）ｘ２，五香肉丁滑雞（＄４８）ｘ１，加碟炒菜心，３支Coke，多謝一百八十幾元．因為較為早開飯，未餓，以為食唔哂，點知愈食愈開胃，幾條友飯焦都摌埋，煲仔飯襯熱食係唔同ｄ．飽到脹哂．