雲興隆小廚 (已搬遷) 新店位置

食過魚蛋河,還是不飽。回家途中順路,在九龍灣站出閘,來食點東西。這裡也是冰室。下午茶時間,不點下午茶餐,便點個飛碟餐,選了咸牛肉飛碟,加杯凍華田。先來凍華田,味濃夠凍,在那酷熱天氣下能夠降降溫,但嫌甜了少許。之後來的咸牛肉飛碟,即叫即製,來的時候熱得燙手,飛碟烘得有點燶,外邊很脆,中間鬆軟,夾著的咸牛肉餡份量一般,咸度適中肉味不重,味道可以的,靠外邊烘得香口搭夠,如果有芝士餡的話就更好,食落更香,只惜沒有。這個時候,電視播著k隆星人實行侵略藍星計劃。檯上那飛碟,是否也是外星派來侵略地球?食畢,回家去。

我住淘大響鋪頭附近啦之前都有去過幾次我鍾意響d up up dup dup 地方找野食呢間就係我兩年前無意中搵到以前同個屋企人呀fd 呀黎食多數叫煲仔飯. 因為係冬天黎同d個度貼既報紙寫既一樣熱辣辣飯焦也是極品d配料也幾新鮮入味配番支大支玻璃樽可樂~ 冇得頂~上次兩個人去叫左個豪仔粥,一個wo蛋牛煲仔反,一個炒蜆埋單110倒我地唔想淨係叫小菜+反又食唔起再貴d (如炒蟹呀貴d既粥咁) 我19歲咋^^煲仔飯既水準永遠都咁高起碼出面未食過更好炒蜆好食但又說不出特別之處(食完冇肚痛就ok!) 是豉椒炒既豪仔粥又係極品! 個度既粥同煲仔飯一樣都係老闆(定手下)慢慢煲熱呼呼沙煲原煲上地方係up dup 同污糟d 但唔係d咁既地方又點會有地道風味?

上次食過雙魚飯，印象大好。今次帶埋太太試吓小菜...煎蠔餅煎得邊位香脆，蠔仔幾大隻，味道不遜名店出品..沙爹粉絲肥牛煲亦唔差--- 沙爹出奇地入味，毫不温温吞吞；肥牛份量亦足，吃得好過癮。如果粉絲可以落多D就perfect嘞..便宜到極，我嘅摯愛...P.S. 估唔到隔咗幾日又嚟幫襯。天氣凉咗，嗱嗱聲整兩個煲仔飯，味道依舊不俗...

見天氣凍, 就趕快去食煲仔飯.懶唔想去西環咁遠, 就去附近食吧!有禮既侍應姐姐推介飲食男女介紹既金銀雙魚煲(即咸魚鯇魚腩) - 鯇魚腩新鮮嫩滑, 咸魚屬梅香, 一夾即散, 和乾身粒粒分明的飯撈均食, 很足味, 飯焦不算很香, 可能豉油問題吧!另加一大羊腩煲(連菜, 選了油麥菜) –大煲才有爐跟, 羊幾肥美,但唔夠蘇, 雙冬(冬菇冬荀)份量夠, 湯底濃, 支竹吸晒湯汁食好味.加埋啤酒一支大約$110, 抵食!

搬新居。要到附近執D嘢，醒起下邨入面有好多嘢食。回想從前跟好友响大排檔露天宣飲，好不快活...以前淨係識响露天排檔，都未試過行入去邨入面D鋪食。今次路過就去試吓先...知道呢度嘅煲仔飯相當有名。就去啦...賣嘅係相當傳统嘅煲仔飯如臘味、排骨等等。見到佢哋熱烈推介小弟稱之謂"生死戀" (即係鹹魚魚腩)。諗都唔諗就order...即叫即製。一等就係二十分鐘。好彩有書在身，可以打發時間...熱辣辣，冇得頂。打開蓋，一大嚿梅香馬友，掂晒。魚腩白雪雪，食落口，好滑，一D都唔腥，醒神...飯粒粒分明，飯焦雖然唔多，但呈金黃色。一刮即起，唔錯...可惜食完有D口乾，味精作怪...二十六洋一煲，响呢度嚟講算唔平，但為咗double fish，冇計la...

呢排開始轉凍早幾日突然好想食煲仔飯記憶中有雜誌介紹過牛頭角下村有間唔錯價錢又平所以捉埋朋友仔黎試兩個人叫左薑蔥田雞煲仔飯($35),菠蘿生炒骨($28)另外跟餐加左4蚊要凍檸茶因為即叫即整既關係煲仔飯預左要等四個字先有得食老闆娘好細心咁問我地生炒骨等埋煲仔飯先上定即時上我地兩個肚仔餓當然食住等啦生炒骨有好多配料除左青椒外竟然有新鮮菠蘿d菠蘿真係好甜但生炒骨就真係太多骨無乜肉食個汁亦偏酸不過都叫滿足左我為食既慾望啦晚市老闆娘會自動送上例湯o個晚遇著係西洋菜紅蘿蔔湯真材實料幾好飲起碼飲完成晚無口渴食完生炒骨都仲要等多一陣先有得食果然無令我失望薑蔥好香肥美既田雞又舖滿飯面唔加豉油都好夠味飯焦薄薄一層成個煲周邊都係份量多又好香脆咁大個女都未食過咁多飯焦既煲仔飯架諗起都想再黎試下其他煲仔飯因為太靚太香既關係食左一半先記得未影相服務態度親切大部份都係街坊黎食食煲仔飯最好味都係o個層飯焦但臨走時竟然聽見有人打黎叫外賣話要走飯焦既田雞煲仔飯我同朋友仔都係第一次見

唔係講笑, 年年都會去廟街食煲仔飯仲一定去食用碳燒果間但總覺得一般般今次去雲興隆食, 嘩, 不得了超好食咸魚魚腩煲魚腩夠滑, 咸魚係梅香, 真正最緊要係個飯焦,廟街果d 係一大舊又硬又苦而佢le 度又溥溥一層趣到不得了( 不過食到未唔趣, 硬返)

1/Mar 走入去食dinner, 叫了細羊腩(火保), $48, 都幾好食,不過太咸, 直至今朝d牙肉仍痛. 另外還叫了黃膳(火保)及魚腩(火保)仔飯.魚腩脯滿整個(火保),好抵食.不過黃膳(火保)都係好咸.