雲興隆小廚 (已搬遷) 新店位置

牛下清拆前一嚐舊區風味點了土魷肉餅煲仔飯+冰梅骨+金蒜田雞煲冰梅骨先上一試不得了醬汁不會過稀過"杰"過酸雖說是骨但也啖啖肉非常惹味開胃連配菜的白紅蘿蔔都吃了不少金蒜田雞煲起初吃只算普通但吃到底有汁的立時提高分數吃前還是先撈一撈美中不足是骨多肉少要小心吃遲來的煲仔飯估計伙記送錯台以至等了很久(據伙計說這裡煲仔飯是生米煲的)而自己加太多豉油導致有點濕但盛第二回飯時已經不會了燒焦不算很多但飯焦也不是很多飯焦口感也很好不硬也脆外面吃土魷肉餅時多數也會吃到硬身土魷但在這吃完全不會值得一讚在外食飯崩碗崩碟在所難免但吃畢全程都不曾出現此情況甚為難得兩個人合計$141絕對物有所值

十二月二十日(六)今季第一煲的煲仔飯，當然又是這兒啦!由迪士尼搭地鐵出城已是八時半，室外沒有位置，坐外面公園，別有一番風味。餐檯鋪上即用即棄膠檯布，餐具都乾淨，以大掛檔來給分，合格有多了。二人餓得很，叫了以下三樣食物。士多啤梨豬排骨，真的估它不到，真係原條豬肋骨上，啖啖肉，口感豐腴，配合酸酸甜甜的士多啤梨汁，很開胃出色的一道「前菜」。賣相已一絕，只售六十八個大洋便享有如此西餐廳素質的食物，真的令人拍案叫絕。每人不消5分鐘，已把六件豬排骨全部消滅，留在碟上的，只有6條骨。西芹炒雞柳，指明要少油，因上年經驗是吃罷了全碟，餘下的都是油，駭人的。今次很不令人失望，色香味俱全，有光澤得來不油膩，唯有雞肉稍為碎濕濕，如果一塊塊就更好了。友人連薑都說好味呢，介紹我食一片，還不是薑一般的味道吧，真搞笑!壓軸出場是窩蛋牛肉煲仔飯，即叫即煲，上檯熱呼呼，很令人滿心歡喜。一打開，半生熟雞蛋，一下子拌勻了牛肉及飯了。牛肉管它被梳打粉伕擄過與否，畢竟我近來愛找牛肉吃，故味道非常之合我心意。飯也出色，軟硬適中，最重要是趁熱食，放一匙入口，開口是會出煙的。不知是否會在它清拆前再來一趟呢？但我敢言：絕對值得！

期待已久的牛下美食團終於成行...在品嚐過聲名大躁的炭爐雞蛋仔後 , 我們馬不停蹄地前往我們下一站的目標 - 煲仔飯經搵食能手介紹 , 我們早就鎖定了目標商議後我們一行五人點了三個煲仔飯 (分別是土魷肉餅 , 白鱔滑雞 , 窩蛋牛肉) , 2 個小菜 (魚湯雜菜 , 冰梅骨) , 還有辣酒煮花螺 (原先想點炒蛤 , 但友人提點最近的蛤也比較多沙 , 故改為花螺)先上魚湯雜菜 , 啖了一口魚湯 , 不錯...鮮甜卻沒有腥味...果然是雜菜 , 你能說得出的菜都找到 XD"啤酒小姐不停在旁"鼓勵"我們飲酒 ^^"其實我們早就來了一支青島...但人尚未齊 , 不好意思大吃大喝其後煲仔飯和 冰梅骨都來了 , 終於抵不住啤酒小姐的推廣 , 加上又點了辣酒煮花螺 (非常適合下酒的小菜) , 又來了一支藍妹冰梅骨值得一讚 , 醬汁酸甜得來沒有"涸喉" , 證明不是用大量的醋來做出酸味十分開胃 , 忍不住多來一件又一件至於主角煲仔飯 , 一開蓋飯香四溢 , 眾人口水直流不用提點就馬上動手 , 我也不客氣先試土魷肉餅 , 嚐得出肉餅是人手剁的 , 有口感 , 加上土魷...水準保証~再來窩蛋牛肉 , 蛋

生日過後的星期一，放一日假獎勵自己，走到了牛頭角下村的雲興隆一試煲仔飯，一來天氣漸涼 (雖則我仍是著短袖衫)，二來牛頭角下村快將成為歷史，確多了一份迫切性。雖然常到九龍灣閒逛，印象中卻較少機會到牛頭角下村用膳，對上一次已經是兩三年前跟大學同學西貢出海後到金利來對啤，記憶一轉已數年，人生真是來得快、去得更快...雲興隆位置相當易找，一坐下來阿姐遞上午市餐牌，細問下幸好也有煲仔飯供應，等二十五分鐘也絕對不是問題吧。一邊等我點的窩蛋牛飯，一邊視察餐廳四周，突然電視傳來一把熟悉的聲音，望一望，一位身形略肥的男人在港台節目中介紹地鐵南區發展的問題，竟然是我的中學同學，原來他已是某少年組織的發言人，可惜西裝畢挺的打扮絕不適合他，還是去當守門員吧! 或者這還不算驚訝，最近我才得知活性乳酸菌飲料代言人 suzuki san 是我的小學同學...廿五分鐘後，即叫即造的窩蛋牛煲仔飯瑞上來，開蓋後真的熱氣迫人，半生熟窩蛋相當吸引，忍不住先吞一半，再將剩下的蛋汁加上醬油伴飯，飯中略帶炭燒的味道，煲底的飯焦燒得剛好，味道不錯，牛肉是用上嫩滑的鮮牛肉，絕對不是以 "牛肉餅" 交行貨，誠意十足。索價三十八大洋的煲仔

天氣轉凍..又係食煲仔飯既時候..去過旺角見依間門口全部都係煲仔飯..諗住佢掂啦..入到去爆晒場..有好多唔同既口味..點左窩蛋牛肉煲仔飯同榨菜豬頸肉煲仔飯..啲餸都 ok..但啲飯太過濕..唔夠煲仔飯既香味..有點失色..要成四十幾蚊個..有點貴..

我竟然響一個月之內第二次食呢間舖, 真係冇乜幾可我會咁做~為既都係忍唔住要帶我男友黎呢度食煲仔飯!!!!冰梅骨$58 開頭食熱辣辣好好食, 配菜係酸紅同白蘿蔔, 金沙骨又酸酸甜甜, 真係好惹味, 如果唔係叫左煲仔飯, 我唸我食到兩碗飯, 不過呢, 都係士多啤梨豬展骨好味好多!!咸魚肉餅飯$38 一大磚實肉咸魚, 一開煲蓋香到.....i like it~不過冇左土魷既肉餅感覺就好似淋左d, 好似冇乜得咬咁, 而且反而因為咸魚太多唔夠飯食添....相比起土魷肉餅煲仔飯份量就啱啱好喇~P.S. 雖然兩味菜都唔及上次叫既好味, 不過煲仔飯的確煲得好正, 因為唔會過乾過濕, 最緊要唔會過燶, 有飯焦得黎唔硬又脆卜卜先難得, 我唸....我會襯佢09年3月31日清拆前再黎第三次!!

薑餅人説要告別牛頭角下邨， 所以星期六晚上便去雲興隆吃殘忍煲仔飯。坐在寒冷的街上，吃著熱辣辣的煲仔飯， 份外滋味， 真的不捨得它即將的消失。天氣凍人就特別肚餓， 但為免過肥， 於是只叫了兩味菜。豉椒白鱔煲仔飯自行下了豉油後再用蓋合上， 飯焦是有的， 但飯則濕了點， 白鱔無泥味但如厚切更好。雙冬羊腩煲真的有我喜愛的雙冬 – 冬菇和冬筍。 羊腩入味夠淋， 羊腩帶肥有膠質， 汁不會過杰味精也不重。遲些再吃其他食肆， 為紀念牛下而倒數。。。

星期三晚（26/11），因為工作太忙，忙到連晚飯也沒有時間和胃口食，女友亦很忙，要加班至很夜。趁著天氣有點涼，我提議去食煲仔飯。我和女友收工後來到九龍灣，已經差不多十點了。來到“雲興隆”，當然要食煲仔飯啦，我倆就點了一個蝦乾排骨煲仔飯，再加一碟沙爹牛肉炒時菜。這裡的煲仔飯製作很認真，絕不偷功，但是值得等二十分鐘的。沙爹牛肉炒時菜先來，沙爹味不濃，牛肉亦可能經過梳打粉的洗禮，不過不失，但菜心很綠，很新鮮，如果可以把菜再切細條一點，方便進食就更好了。等了真的差不多二十分鐘，煲仔飯來了。上檯時先蓋著，跟著再打開，飯香撲鼻而來，再看煲內的蝦乾頗大隻，而且食落真的有蝦乾味，不過略嫌排骨有些骨多於肉，飯粒夠硬，不太濕，再加上獨家豉油，美味依然，到最後女友連飯焦亦不放過！

香港的舊式屋邨，轉眼間已慢慢漸被淘汰。牛頭角下邨，其中一個仍在堅守着橋頭堡的，於本年底也會成為歷史的一部份....去年上半年曾居於附近，對這裏尚且有一份感情，何況那些在這裏居住了數十年的老街坊呢 ?決定在遷拆之前再重臨舊地，用足跡及味蕾，再度感受那人和事.....天氣雖然還不算很冷，但因很掛念雲興隆的煲仔飯，第一站，便來了這兒....旁邊的炸魚蛋及煎釀三寶車仔檔仍在。想起不久後這裏便成歷史陳跡，不禁帳然....再隔隣的方媽小籠包想已經解甲歸田了。想吃便宜又美味的屋邨味道，已買少見少....雲興隆的煲仔飯，味道不算是很標青，而且也不算很便宜。叫一個白鱔滑雞，五十三大洋一煲，已追得上外面街店的水平了。白鱔很新鮮，肉很彈牙，絕不是那些一咬即散的普通貨色；雞肉還帶點肉汁，雪味不濃。只是飯濕了一點，而且飯焦有點黐底，用盡氣力也不能將之起....吃完後，肚皮及心靈，也滿足了....臨行前，坐在隣座的老婆婆趨前說 : "後生仔，食煲仔飯有例湯送架，記得問佢要吖"。我點頭微笑，以示謝意....舊式屋邨，就是有這一份人情味了.....時代變了，人情味 ? 在那兒 ?

牛頭角下村現已進入倒數階段,喪鐘隨時會為她響起.作為一名為食之人,要做的,就是繼續光顧村內的食店.天氣轉涼,就想起煲仔飯,由靚女食記建議之下,一行數人來到牛頭角下村的"雲興隆".一同吃個暖笠笠的煲仔飯.坐在外面的摺檯,屋村味道入型入格.由於煲仔飯製作需時,在等吃之時,友人走去買些煎釀三寶來作前菜.如果煲仔飯即叫即有,你先驚.五個人叫五個煲,四個煲仔飯每煲不同,有肉餅,蝦乾鮮魷,排骨,同臘腸雞飯.個人偏好是肉餅煲仔飯,面頭的肉餅入口鬆化有肉汁,加些少醬油吃已很美味.另外的蝦乾鮮魷也不錯,鮮魷滲進一點點蝦乾的咸香,臘腸雞飯是時令之選,煲仔飯同臘味,兩者化不開.而排骨飯就無須下醬油吃也夠味.煲仔飯粒夠筆挺,飯焦就略帶點硬.另一味煲仔是枝竹班腩煲,火喉十足,最愛索盡味的枝竹.本來微涼的一夜,吃煲仔吃到慶恰恰,結果還是要卸下身上的三間外套.末世風情下的牛頭角下村,食客仍是絡繹不絕,小巴站外的大排檔,更有如大笪地般熱鬧.接著一系列的窮鬼飯局,其中一站,將會來到牛頭角下村.

以前住左廿年都冇去過呢度食, 睇到食評咁好都要走返黎試返下先得!!士多啤梨豬展骨$68 一個好fresh又特別既餸!!! d汁真係好鬼好味架, 酸酸甜甜, 有6舊豬展骨, d肉好滑, 本來有因為冰梅骨平廿蚊而唸過唔叫架, 幸好冇令我地失望!!!沙爹牛肉炒西蘭花$48 依家d牛肉度度都唔好食咁, 成日都係嗱到淋哂, 問男友點解佢話因為嗱過可以存放耐d喎, 唉~想讚既係佢既西蘭花, 好爽脆新鮮唔太咸, 而且唔孤寒都有幾大碟下!!土魷肉餅煲仔飯$38 真係好得!! 土魷浸透唔會乾, 肉餅嫩滑冇得彈, 飯底乾身帶少許燶味, 有飯焦食又唔會黑哂, 落少許甜豉油已經夠哂味!!五香肉丁滑雞煲仔飯$45 垃圾!!!完全食唔落口, 好似肉丁汁蒸飯咁, 聞到陣味已經唔想食, 濕到死, 最慘係我食左件生雞落肚, 嘔都嘔唔切, 將我之前美好既感覺全部打破!!P.S. 要我坐街邊吹大風冇問題, 冇整好膠枱布由佢不停飛揚我可以自己整, 等廿幾分鐘先有野食開始黎我可以等, 中途個場水壺唔夠用拎走我地冇比返黎都唔緊要, but 最忌d野煮唔熟同求其, sorry~呢樣就真係接受唔到喇三人埋單$199

一出地鐡站,沿住天橋行過去,就係牛頭角下村,德福就去得多,相反去牛頭角下村都係第一次,今次除左尋找美食之外,也可以拍下牛頭角的歷史.下午茶餐,先叫XO醬豬扒炒出前一丁+一杯凍奶茶,叫凍飲竟然唔洗加錢,冷熱同價,抵讚~~~凍奶茶香濃,奶跟茶分量剛好,照常大杯.豬扒炒出前一丁,香噴噴,熱呼呼~~~出前一丁爽口,炒到好乾身,加上XO醬既辣味,非常香口好野味,豬扒有好多件,沒有使用鬆肉粉,肉質不會太實,反而比較實在.充滿力量之後,就開始攝影之旅.

2008-9-16我知道今年年底政府會清拆，此舖雲興隆冰室位於下邨14座，鄰近文記車仔麵，我6時到達，立即點咗北菇滑雞煲仔飯，當天是沒有臘腸滑雞煲仔飯供應，有點失望，煲仔飯每個$38，需等25分鐘。… 北菇滑雞煲仔飯到咗，職員幫我打開煲仔飯蓋，我眼見飯有少少濕濕地，唔夠乾身，有一小碗煲仔飯醬油供應，我食落去發覺雞嫩口，但飯焦太濃，幸好是我一個人去食，有1碗半飯可以食，我沒有食飯焦，實在太濃啦！…我太既7時走既時候，都唔是太多人，可能因為未到天冷，不是太多人食煲仔飯！此舖比較起之前我食過其他舖煮既北菇滑雞仔飯，雞是我十分欣賞，好味道。

睇雜誌，以為佢就唻俾曾政府迫遷，piano piano green去食多一次。上次去係馬莎買咗支Pinot Noir，百幾，超抵。今次係屋企攞過去，澳洲2004Shiraz，okay吖，唔錯。士多啤梨豬骨：有Ｄ特色但味道淡咗Ｄ。豆豉鯪魚炒唐生菜：唔知點解一提豆豉鯪魚Ｄ人即話炒油麥菜，炒其他都得嘅，係咪？呢味幾得。金沙炒蜆：我朋友話得，我覺得正常。乾身，Ｄ金沙蒜溝埋辣椒，好辣好正。鹹魚脘魚煲仔飯：鹹魚好香夠鹹味，如果配班塊或鱈魚塊可能仲得。最正係刮得超嘅鍋巴！我朋友見我刮，佢又話要。瘦田冇人耕.......椒盬鮮魷：好腍好香好新鮮（炸出唻）。抵食。

同朋友食左幾次個個士多啤梨豬展骨，比起其他店既什麼生果配什麼，這個真是很好美。我們２個人都可以食完一碟，而且服務態度又好，黎得又快，好適合香港人。哩到最出名既煲仔飯，梗係要試啦，我們選擇左最多人叫的，真係好好味道，一定會再黎食！！