雲泉素食中心

营业中

休息中

在澳門三大"主題公園"玩樂至深夜, 本來係極之唔願一早起身去"還神"的, 不過既然要來, 就一試家母及妹妹都一讚的齋菜罷。為了等齊人, 先買了$30齋來吃。嘩, 酸齋好吃得出奇, 不過酸, 也不會不夠酸, 吃到啖啖茄汁滋味, 好多地方都吃不到這樣有水準的。咖哩齋更見驚喜! 難得是吃得到咖哩香的。就連平常我不太吃的齋燒鵝也做得好吃到唔停得口! 齋燒鵝沒有別家"硬倔倔"的毛病, 我難得連吞數件! 對齋宴的期待又多一點。等齊人, 要了一尾芋頭魚, 春卷拼腐皮卷, 羅漢齋, 齋鴨以及炸蝦五個菜。$60/碟, 是巨大的一碟, 份量好多。我們五個女流之輩, 若非老人家講"意頭", 是絕對唔會咁叫的。當我叫左4個菜時, 落單的呀姐都叫我地唔好叫咁多, 雖然最後我地一意孤行, 但呀姐這份關心, 令我對此地的好感又多加一分。白飯跟白粥是無限添吃的。白粥真如眾食家所言, 又香米味又綿滑, 是好吃得不得了! 芋頭魚鬆化, 芋頭香滑加上五柳汁, 是個人吃過最出色的芋頭魚(當然, 我吃齋的次數是少之又少)。春卷與腐皮卷皆出色, 個人就比較鍾情脆卜卜的春卷。羅漢齋根據老人家所言, 冬菇是"靚野"之餘, 量亦十分多

Boxing Day帶老媽子到這裡吃齋,因為得兩個人的關係,只點了羅漢齋和五枊素石斑,五枊素石斑炸得很鬆化,芋頭也很酥軟,必吃之選,羅漢齋材料豐富,但味道偏濃,白粥,白飯任吃,粥煲得很綿,好香滑,食得飽飽再去欣賞周圍的景色,臨走時到外賣部買條春卷邊行邊吃,好味到不得了,還買了素鴨及鹵味回家品嚐,亦係水準之作

好多年前來食過一次齋, 倒沒有印象好吃與否了, 星期日同家人參加社區中心舉辦之活動, 行完山來食午飯, 五餸一湯, 白飯/白粥任裝, 最喜歡吃五柳仙斑, 多年沒吃齋菜了, 偶爾一次亦愜意非常. 午飯後又可欣賞仙館內景色, 地方頗大, 可供遊人觀賞遊覽, 放下工作, 優遊自在地度過一個健康的週日.

趁著仍然是復活節假期，來上水雲泉仙館一趟，順道郊遊，另外是想起童年時在這裡吃過的齋，很有風味~~一行四人，點了五味齋，白粥白飯任裝任吃，吃得飽飽~~五柳仙斑、齋拼盆、琵琶鴨、紅燒豆腐、鮑魚菰扒豆苗，各樣水準不錯，當中以仙斑即芋頭魚最為出色，炸得可口，但芋頭做得十分軟滑，但可惜的是較多油。最後加了半打蓮蓉壽包，亦是水準之作，包軟蓮蓉餡十分滑，美味。但這裡的齋始終不及大澳東方小祇園的超水準，但以風味任吃白粥搭救~~

來呢間食店, 一定要食呢到既白粥, 好綿, 好香, 真係好正, 值得一試!另外, 猴頭菇湯都好飲, 我每次都飲兩三碗的, 當然食埋個菇啦

本來係search粉嶺有咩食，點知見到雲泉，咁就寫番段野先，因為真係好好味。我食過兩次，兩次都係跟車會，兩次既食物都差唔多，都係有齋鹵味、羅漢齋、甜酸芋頭魚、炒菜、檸檬素鴨等，全是很傳統的齋菜，但係煮得好好味！小弟有時會食下素食，不過呢度既羅漢齋真係最好食，齋鹵味就唔似其他素食店咁「黃河氾濫」，乾身得來又幾好味！甜酸芋頭魚，好香好熱，唔似有時有ｄ地方會凍左一大陣油味，甜酸味道剛剛好，而檸檬素鴨亦都一樣咁有水準。我記得有一次仲有一味齋乳豬，哈，食落幾可亂真！可能因為我地係團體，白飯白粥任裝，白粥尤其正，連食三碗都唔覺。由於我係跟團體去，唔知本身幾多錢一檯，不過睇過ｄ菜單好似$60一味。題外話，呢度園景都OK，而且又有車場泊車，個場連雙層巴士都入到冇問題，幾合適假日一家人開車去玩。

25日到粉嶺看花展，先到這裡償心願-鼓椒素田螺。上次目到，但未親嚐，已決定一試。鼓椒素田螺：鼓椒極惹味，素田螺無論像真度和口感都好。白粥：保持水準。(說穿了，我是被那純純粥吸引再來的！)最後還外買了五柳素石班、海鮮扒時菜和兩支豆漿。報告：粉嶺花展約4:00pm 出現一個怪人，身上腰包吊著兩支豆漿，左手持兩個飯盒，不停到處拍照。

每次到雲泉仙館, 總是為了賞荷花而來, 午飯前已經溜回到市區之中. 這次結伴同遊仙館, 除了觀賞菊花展外還特地來一嚐仙館的素香味; 穿過一個細市集, 兩旁都是傳統零食的攤擋, 相當有趣.約莫兩時許到達素食館, 朋友點了好八個素菜, 印象比較深刻包括有, 脆皮鴛鴦卷, 腐皮卷和春卷都炸得香脆可口; 五柳石班, 炸起來的芋頭十分香口, 加上甜酸配合起來, 食鬼胃口大開, 唯獨芋頭味道有點不足, 質感亦過稔; 雞骴菇豆苗, 雞骴菇香滑但菇味一般; 琵琶鴨十分入味, 相比西檸鴨則有點失色, 西檸汁有點像果醬味道; 其中白粥更是朋友的強烈推介, 白粥質感綿綿, 粥味香滑可口. 同臺一對老夫婦點了一碟像真度極高的齋燒鴨, 我們一班年輕人好奇的指指點點, 最後老夫婦大方的和我們分享了, 簡單的一碟齋燒鴨, 除了香脆可口之外, 還帶著一份人情味~

很久，很久沒有吃齌菜，又有花展，一於死跟！當年吃齌，只會叫羅漢齌、春卷、錦鹵雲吞和粟米粥。這次算是嘗到了新派素食。像真度太高了，假蝦外觀和假腰花的口感，已一流。再試那烤鴨，皮、肉和骨都有！真的服了那些廚神！鄰座的炒田螺，賣相極之吸引，下次一定要試！粥極之綿和香(腐竹的豆香)，到頂仍要來多碗熱辣辣的，因為爐兄話，熱粥更香，爐兄真的"無偷呃我"！最後試了K哥哥的豆漿，香濃之外，還滑一滑，好有口感！我會再去！

難得有網友可以從港島同九龍山長水遠入嚟食齌,仲要有網友車我地去粉嶺,真係唔該晒'k'兄由於有一年一度既菊花展,又要係星期日,當我地2:30pm到達時,人山人海,但好彩d耆英團係準備散水走人,小弟經常到此食齌,所以自把自為叫菜,先要三大碟($60),三小碟($30):大碟:1)五柳石班:即是芋頭魚小弟喜好之一,水準依舊,剛炸起上桌,唔太酸,好易入口2)錦繡雙脆:假蝦同腰花炒青,紅椒及西蘭花,西蘭花今次有d失準,所以食得一半.3)雞骴菇豆苗:一般啦,唔係太差小碟:4)琵琶鴨: 原來"k"兄至愛係鴨,於是後加一道西檸鴨,但係七樣菜又唔好意頭,又再加一碟齌鹵味,終於八碟齌~~~哈哈!5)羅漢齌: 幾入味,呢d菜好少失手6)脆皮鴦卷: 腐皮卷加春卷,炸得好脆,正正正後加菜:7)西檸鴨: 比琵琶鴨'野'味,原來'k'兄係鐘意d汁,d汁酸酸地又清,唔錯8)齌鹵味: 比市面一般少汁,近乎無汁,甜酸變得無咁濕,有d唔慣最後竟然比我地食到第九味菜,因為同檯一對恩愛夫婦,願意同我地分享佢地碟'烤鴨',估唔到最好味係呢道菜,口感有七成似,我地一人一件,佢都無左一半啦!由於晚上仲有另一飯局(其實係兩小時後),我

我都有同o的老人家黎食過.食物幾好,碗粥係好正,最好係有好多車位任泊,唔洗錢,以前仲會見到皆大歡喜係呢度拍戲,哈哈。

在粉嶺區來說,素菜館不多,蓬瀛仙館算是當中一個選擇,但自從第一次試便發覺很多菜是已經先煮好,上檯時只有微溫,之後再沒有幫趁,反而坐小巴,跑到老遠去食此處的素菜.人少時可跟收銀說一聲,是可以以$30叫半碟小菜(原本是$60一碟),但份量很足,而且很多是即叫即煮,味道亦很好,筆者比較喜歡芋頭魚(甜酸醬不會過濃,與芋頭非常配合),炸春卷(即炸,不過好大碟,次次要打包),其實此處最好食的反而是白粥~~~香,綿,滑,有好香既米味,都唔知佢點煲,但一定要試,筆者每次都連盡兩至三碗,真係好夠火路.而且飯粥任食,筆者曾試過六個人叫四個菜.此處附有花園,每年新年左右日子,會有菊花展,皆大歡喜古裝版亦在此取景,但旁邊有一豬場,經常有異味飄過來,入口處有小販在賣土產,都幾得意.