雲泉素食中心

营业中

休息中

一行八人八個餸我都唔記得佢地D名食物味道唔係話好出眾, 勝在夠大碟粥飯任裝如果大家去食素食. 記得係入面行下. 內園景色唔錯. 行到後面出口仲有個小市集同士多啤梨園揸車去都十分方便, 有免費停車位假日去都夠玩半日

假日我同屋企人渣車去左雲泉仙館到食齋,75$一個齋菜,我地叫左3個齋菜分別係西檸素雞,齋鹵味,竽頭魚西檸素,齋鹵味雞,對於咁炎熱既天氣黎講最好不過,酸酸地令到好開胃,炸芋頭魚,芋頭夠溶夠香,但美中不足係魚身唔脆,可能已經放左一段時間最後我覺得白粥最正,我估落左腐皮去煮白粥,食落好香好綿

今日同朋友到粉嶺郊遊，行到攰攰地，口痕想搵野食，於是去雲泉仙館嗌左碟鴛鴦卷雙拼做下午茶小食鴛鴦卷雙拼一半係春卷，一半係素鴨，兩樣都炸到脆卜卜，又香又惹味，仲一啲都唔油膩！非常難得！平日食中式齋都好怕啲餸太濃味同太油，呢款雙拼就岩岩好，一人一碗白粥，淨叫一味齋菜盛惠HKD70呢個下午茶四個女仔食都唔錯啊～

好耐無寫食評 忙是藉口 玩APP就廢寢忘餐 一般香港人既通病 今次約左四位好友驅車入粉嶺食素兼玩影相天氣超好 這裡地方好 食物也好是日不太多人 但總要按她們安排搭檯坐 點左三碟 因為這裡碟頭大 曾叫多了 浪費了(之後當然識點)見價格又起了 最平的也要收七十 人多不怕 但對一個客仔來吃如何點菜??這裡不收加一 茶水自斟 白粥白飯任添 最喜歡五柳素仙斑 用上五柳煮既甜酸汁當然味美 自選雙拼 炸春卷及素鴨 前者皮脆香口餡又足  後者就嫌佢口感太淋 雜錦上素 味道唔差 嫌冬菇太少 太多粟米芯 吃下一碗白粥一碗白飯 滿口米香 大滿足

星期日早上,去左粉嶺摘士多啤梨,真係勁甜呀!!!!比我仲要甜(嘔泡!)放o係袋中,遠遠都聞到士多啤梨的香味!!! 一個晚上已KO晒!呢D係留返請老師食o既!!!!老師都話好甜好好食!!!!!!流左少少汗又話肚餓!行返上雲泉仙館食齋先!!!!我們四個人叫左一個套餐 (HK$370),有四個送+一個素翅!!!因為我仲未有胃口,所以食唔晒!!特別是"五柳素石斑",無想過是這麼的"BIG"!雲泉羅漢齋有不同的菇菇,紅蘿蔔,椰菜,雲耳,比街上買的多材料,味道OK啦!  五柳素石斑 條素魚一出,我們就開始嘩嘩嘩!!!真係石斑唔係魚毛仔!!!食時還是十分香脆的,芋頭香滑味道重,炸過但只有鬆化感而唔算太多油,醬汁少少酸,好適合送飯!如意菇時菜不過不失,比較喜歡吃下面的時菜 春卷拼西檸鴨西檸鴨食落無咩味,不過我喜歡這個西檸汁,所以吃了幾件!春卷炸得香口, 入面有芋蓉的清香!不錯!最後是竹笙如意翅因為家妹食飯要有湯,所以就選了有湯的套餐!材料都幾豐富,有不同的菇,竹笙,味有點過咸,而且食落是沒有素翅的,只有粉絲而已.....每個菜大概是70-75元,普遍來說都算是大碟!所以大家叫菜時要留意這點,以我們四人

除了地點隔涉外，真想每個月去跑一轉雲泉仙館，好好細味一下那碗彷如不食人間煙火的白粥。也許有人會問，山長水遠的入去，難道妹記、生記及新興棧等粥店不成嗎？對不起，那是兩碼子的事，妹記的魚湯粥底，又或是生記的豬骨湯粥底，是各有千秋，鮮甜惹味，但雲泉的白粥，不單濃稠適中，入口滿有米香，米粒用明火煮至開花，軟綿幼滑，入口醇厚芳香，老實說，大家還是去走一轉再說吧！既有上好的白粥，素菜又如何？經過多年來的轉變，現在已颷升至$70一碟，粥飯依然是任吃任添，客人先行購票，然後自行找個地方坐好，把購菜單交給工作人員便可以，不過杯杯碗碗，還是自行清洗一下的好。畢竟雲泉素菜早負盛名，每當假期，本地旅遊團又或是個別客人，都把好幾個廳房擠爆了，搭檯是必然的事，而有趣的是，大家都會不期然打量人家叫什麼菜，有時興之所至，交換一下亦試過，這可算是食緣！一家四口的星期天，睡到日上三竿，兩餐併作一餐算了，還未到十二點，已經人頭湧湧。自己先點太太最愛的柳素石班，把蒸熟的竽頭搓成竽泥，再放入石班型的模，然後油泡，再澆上甜酸汁，入口豐腴甘香，外層微微酥脆，囝囝專挑香口的地方下筷，至於中間的地方，就只好由在下攪掂！唉！另一味是豉椒

原來對上一次來雲泉仙館已經是四年前，不知不覺得原來隔了這麼久﹗今次重臨其實和上次一樣都是為了去摘士多啤梨。雖然元朗都有好多個農場，不過我都照去粉嶺，一來以前來過，不用周圍摸，二來可以食齋，絕對是一石二鳥。記得上次的小菜價錢是$60，已包括任食白飯和白粥，亦無忘記當中的白粥質素並不是太特出。四年後，小菜每款只加了十元，在香港這個環境，此加幅算是好輕微，另外就是刪減了二人餐，不過無所謂反正我們喜歡散叫。先到收銀處點餸，正好遇上食飯時間，室內位置已滿，因為我們不想坐室外，收銀員話不坐外面就要等，而且要等阿姐帶位的。我們等了十幾分鐘，看到遲來的食客都紛紛入坐去了，便向收銀員查問，點知收銀員說忘記了我們的ORDER，更以為我們在等外賣而已......之後收銀員叫我們自行入去食堂，食堂內有不少阿姐在駐守，她們一見到有食客入來便會問"你地幾多位?"，然後由她安排坐哪裡。除非人數是坐夠12人大枱，否則點都要搭枱，今次我們搭另外三位食客，一張大枱總共坐5個人，都很舒服啦。現在的食堂比以前搭建出來的簡單飯堂實在豪華多了，衛生情況亦良好。將餐單交給阿姐後，是時候自己照顧自己了。拿取餐具後，便行去外面位置，這

年頭曾經在摘完士多啤梨的時候來過, 因為好食所以再來一次~這間店白飯白粥自助任食, 而且可能那些米質好, 水好, 很好食. 本人食了三大碗粥加半碗飯.雙菇豆苗草菇跟蘑菇都很惹味, 吸收了汁之後非常下飯. 鮑魚菇扒豆苗同上, 一樣的好味下飯.五柳汁魚外層炸得金黃又脆口, 甜酸汁十分醒胃, 就這樣又食了一碗粥.豉椒炒田螺食落去真係幾似田螺, 煙韌彈牙, 美味非常, 又食了半碗飯.蜜糖豆炒花枝片, 幾特別很好食. 最後的紅燒豆腐, 汁濃郁, 好食.

由於媽媽於每年嘅正月, 總喜歡到雲泉仙館一遊及食齋, 所以今年也不例外。 事實上, 我哋除咗食齋, 主要還是想到老爸的骨灰位前上一上香, 因為先父已長住該骨灰堂。 每年正月, 雲泉都有花卉丶盆景展覧, 所以現時嘅盆栽及花卉特別盛放。 雲泉嘅齋菜以新鮮,同某些種類由自己耕種見稱, 如豆苗等.. 今次見到d菜芯稍為遜色, 而一向又不太喜歡佢嘅豆苗, 因為食時總會有一點點青草味, 好難啃。至於雜錦齋老味又永遠都太乾又冇味, 五柳芋頭魚又經常有食, 最後還是叫咗蜜糖豆炒花枝片,春卷拼檸汁素鴨。蜜糖豆花枝片味道也不錯,但比較油膩!春卷內充滿芋蓉 炸得香口, 但素鴨好似完全冇味, 食落口只有檸檬汁而矣! 最後也要放棄。 雖然餐單上有好多菜式, 但都冇供應。其實每次都要問, 好視乎當日菜舘決定。如散叫齋菜, 每款齋凈售$70 (正月會加一)好失望今次又冇腐皮卷供應, 因為呢度嘅腐皮卷好正, 內有好多牙菜丶木耳絲等, 炸得香口, 食落非常鬆脆好味! 此外, 呢度係白飯丶白粥自助任食, 尤其佢嘅白粥出名煲得又香又綿, 聽講好多人都為此而來。但今次嘅白粥太稀啦, 我仲見到隔離枱有兩位公公婆婆, 加入白飯落

一向是未能食素的代表人物。但這並不表示自己是完全不能以素代餐的。間中吃一頓齋菜下肚，感覺上人也好像健康一點 (儘管許多素菜館弄出來的都很重油)....是日山長水遠走到粉嶺，主要目的在於帶小友到士多啤梨園郁動一下筋骨，摘些草莓回家當成飯後果。開始前，就先到果園正正旁邊的雲泉仙館吃餐齋....說到食齋，外母一定是專家中的專家，故此點菜的任務當然落在她身上了。自己也就樂於花多些時間去看顧經常四圍跑的小友...要了一份五餸套餐，對只有三大一小的陣容來講當然吃得甚吃力，最後決定加幾塊錢買數個吉盒，將剩下的餸菜帶走，一點都不浪費....先來一大碟紅燒豆腐。豉油獻汁相當濃厚；豆腐全切得極大件，豆香欠奉只屬普普通通貨色；油膩程度亦是相當，要送多兩口白飯才能將之吞下肚....如意菰時菜同樣是大大份的夠晒斤両。菰大大片的很淰很索味；菜心夠新鮮，菜青味濃郁....甜酸(此處稱之為五柳)汁魚一向是小弟食齋菜的"賣飛佛"。這裡的外層炸皮弄得金黃又脆口；芋頭茸相當軟滑細膩；甜酸汁十分醒胃的極易下飯，小弟一個人就差不多包辦了半條了....七彩素拼盤差不多將各式的齋鹵味共冶一爐。個人最欣賞極吸味的甜酸齋，伴飯一流；最

一行數人，來一個素食之行，找到雲泉仙館。簡單走過亭園佈置，欣賞過悉心栽培的花奔植物，悠然地坐下來，點了錦繡大拼盆、雲泉鼎上素、豉椒素排骨和香酥琵琶鴨。平日蔬菜水果常吃，但到齋館點吃素食還是較少。大拼盆伴有菠蘿，挺有特式，而當中的各類齋味亦入味易嚼。上素用上菇類、甘荀、雪耳、粟米芯等，芡汁份量適中，味道足而不膩，各類蔬菜做得爽口。素排骨吃下有肉類軟綿之感，豉椒味亦夠，與荷蘭豆、菇類和粟米芯配搭起來不錯。琵琶鴨的賣相做得很像真的肉類，質感和味道也相似，以往從未嚐過，為好味之作，此次對個人而言，可算是新的飲食體驗。日後再行此恬靜之旅，也可重遊亭園，再嚐素食。

其實久不久都會到這邊吃素,因為雲泉的齋菜確實是很不錯!! 如果是齋期或假日的話, 這邊可是室內外都坐滿人的!!不知道是不是有裝修的關係, 因此每次到來, 收銀處都處於不同的位置!! 其實$70/一個齋菜普遍來說是有點偏貴, 但當嚐試過他們的齋菜後, 這著實是一個值得的價格!!款式不是很多, 但精彩的, 數道菜已足夠!! 五柳素石班因之前吃過有經驗, 所以都會通知阿姨們醬汁另上...這樣, 一來不會影響脆度, 而且甜酸醬的份量可自己控制,再者, 若吃不完要打包的話, 口感也不會被醬汁影響!! 外層的脆度很好, 內裡的芋頭腍身, 雖然碟邊看似是油膩, 但吃進口時完全沒有油膩感!!相反地, 十分美味!! 鮑魚菇扒豆苗鮑魚菇十分爽口, 這邊的豆苗並不是我們日常吃到的那些...而是很幼嫩的那種!! 吃起來感覺很好, 沒有多餘菜渣!!但味精感有點兒重 鴛鴦卷雙拼記憶之中, 上次好像不是拼西檸鴨, 而是拼腐皮卷的!!西檸鴨的醬汁不錯, 不會過酸或過甜...春卷脆口, 而且材料豐富!!精彩的來了, 不要少看這碗白粥...它的清甜真的不是普通粥店可以吃到的,這就是本人長途跋涉走到這邊來的原因!!很香的

早幾年前,差不多每個月都會光顧一次的地方,那碗充滿米香的白粥,軟綿香滑,每口彷彿都將白米精華都提煉出來,實在令人迷戀!今天依然記得遠去的老爸,在人生最後的一段日子,雲泉仙館的那碗白粥,他竟然可以一口氣吃下三碗,之後再也不能跟我四處跑,望著一椽一木,亭台樓閣,有不少地方已經修葺過,把回憶都漸漸褪去……!湊巧心血來潮,拉了家人走一趟,以往破落的景象,如今已大大改觀,不少臨時搭建的地方,都轉往室內,光潔明亮得多,至少蒼蠅都少了點在齋菜上飛舞.十多年前只不過三四十圓一碟齋菜,如今已升至七十圓,加幅近一倍,幸好水準多年來都保持著.菜單跟售票形式多年不變,亦是先買票,然後隨意找個地方坐下,再將菜單交給工作人員就可以了,而碗筷放在一旁,悉隨尊便.而白飯跟粥,如果在戶外,便會用鐡桶盛好,但很容易便會冷卻,未免美中不足.可能是早了點,起初客人不多,相隔不到半小時,整個大廳差不多都坐滿了客人,可見雲泉地點雖然隔涉,但慕名而至的人可不少.有大有小,五個人就四碟菜剛好.先來一碟五柳素石班,還記得第一次接觸是在圓玄學院,已經三十年前的事,而雲泉的齋菜一向有保證,今天不知什麼原因,看造型真的似一條魚嗎?那個倒模真

今天相約友人一行四人到雲泉仙館吃齋順便來個郊遊輕鬆一下。沒有駕車於是從市區轉車到粉嶺東鐵站的公共小巴總站乘搭52K專線小巴，於雲泉仙館站下車，車費$4.80 要吃齋的話首先需要先到餐房外的售票亭擇選自己喜好的套餐或菜單，付款後到餐房找位置坐，然後工作人員會憑食物訂單安排食物上桌所有碗筷和加添粥飯都是自助形式 餐後可自由參觀雲泉仙館的亭園和佛殿建築，環境相當不錯，適合一家大小遊樂

因為有私家車，所我覺得入嚟雲泉仙館食齋都幾方便。平均每年都會嚟兩次，對上次黎係入春，今次就係入冬。老實講，依度都係清涼天氣嚟會好啲，因為個食堂都唔係好大，如果要坐出面食就無冷氣。今次4個人食，叫咗個$320套餐，有5個齋菜。好多款式，叫套餐又得，單叫又得白飯同白粥任食，我最欣賞就係佢嘅白粥，好好味！ 所謂拼盤，即係齋鹵味。我數過，肯定佢係有7款，其中有款仲真係好似叉燒(讚呀)芋頭魚，外脆內軟真係好大條，食到好夠喉(讚讚讚)春卷新鮮炸起，掂！最surprised係腐皮卷，個汁係檸檬汁，酸酸地即刻開胃哂。豆腐香豆味而且夠滑，底下有好多白菜仔同菇 依個就冇咩特別，菇同菜心，菜心老咗少許4個人食5個齋菜，淨好多食唔哂，買咗三個飯盒(1蚊一個)打包返屋企食飽當然係逛逛花園，荷花池係邊到地方。可惜......冬天了，荷花謝了.......