雲泉素食中心

营业中

休息中

本來係search粉嶺有咩食，點知見到雲泉，咁就寫番段野先，因為真係好好味。我食過兩次，兩次都係跟車會，兩次既食物都差唔多，都係有齋鹵味、羅漢齋、甜酸芋頭魚、炒菜、檸檬素鴨等，全是很傳統的齋菜，但係煮得好好味！小弟有時會食下素食，不過呢度既羅漢齋真係最好食，齋鹵味就唔似其他素食店咁「黃河氾濫」，乾身得來又幾好味！甜酸芋頭魚，好香好熱，唔似有時有ｄ地方會凍左一大陣油味，甜酸味道剛剛好，而檸檬素鴨亦都一樣咁有水準。我記得有一次仲有一味齋乳豬，哈，食落幾可亂真！可能因為我地係團體，白飯白粥任裝，白粥尤其正，連食三碗都唔覺。由於我係跟團體去，唔知本身幾多錢一檯，不過睇過ｄ菜單好似$60一味。題外話，呢度園景都OK，而且又有車場泊車，個場連雙層巴士都入到冇問題，幾合適假日一家人開車去玩。