雲家小鍋米線 (328廣場)

营业中

休息中

平時食太多米線既連鎖店，當然要支持下小店，食返啲貼地、地道風味🤤✨小鍋米線先來品嚐一個酸辣湯小鍋米線，酸辣湯有少許辣，少少酸，幾開胃！揀左兩個餸，肥牛同墨丸，肥牛都有幾多下，正🤤墨丸亦不錯，夠彈牙👍🏻✨重慶酸辣粉呢碗係配煙韌薯粉😚同樣揀左酸辣湯，仲加左腩肉、豬大腸、金錢肚！三樣野都炆得好淋好入味，一睇個顏色就知👍🏻再配上酸辣粉既配料，炸香既花生、酸菜，令成碗野大加分！✨炸雞中翼即炸出黎熱辣辣~炸到外皮好脆，入面依然keep到肉嫩多汁👍🏻亦都幾入味✨醬拌皮蛋呢隻皮蛋係透明蛋白、黃色蛋黃既，而且係溏心！味道比起平時食開果隻灰色既皮蛋無咁濃味，蛋白更加爽口，加上特製蒜香醬汁，值得一試👍🏻✨串燒 - 雞軟骨、蒜心另外仲叫左串燒，兩個都有好香既孜然味，蒜心有驚喜，爽甜無渣👍🏻

放工跟荃灣朋友覓食朋友推介同事之間人氣好高的米線店每星期都會叫一次外賣一於試試7點去到 全店滿座 外面還有約十人在等外賣果然名不虛傳朋友話平時食lunch通常都只叫米線 好少叫小食難得放工坐低食就叫多幾款試下啦涼拌墨魚頭彈牙有咬口 涼拌汁好重蒜味涼拌雲耳好爽口 醬汁跟墨魚頭一樣重蒜味愛蒜人士必點山椒鳳爪泡椒帶點酸味 卻不會太辣用上無骨鳳爪 食得好方便各自點了一碗米線配料選擇好多 豬紅嫩得來是結實的 不會一夾就散豬頸肉一定要點 燒得外面香脆 口感爽口不油膩有成十片  可以跟朋友交換配料吃店員姐姐又友善 忙到飛起都好有耐心介紹小食份量又足 難怪係區內熱門米線店啦

湯底濃味，偏向咸，食完好口乾，不過幾好味,米線同薯粉都食過，正常質素，小辣已經好辣，都係叫返小小辣先岩我，本人食開譚仔三小。餸都幾好幾多幾足。墨魚頭好多粒，其實個名可以叫做墨魚腳，做餸好似無調味，不過湯底濃已經夠味。魚肉春卷有少少粟米粒，少少蒽係入面,都ok,但未夠南記個d好味，面個層皮薄少少，可以厚dd.仲有好多肉碎每啖都食得好均勻。外賣成日都等好耐，又會漏單，預早少少訂。依排外賣app有折，變左超抵食。可以食多幾次

成日經過呢間舖頭都冇認真試過一次，今日就專程去試一試啦🤔。去到見到有好多人等位同買外賣，我諗啲質素都應該要返咁上下🤣。我哋嗌左兩碗麵、一碟小食、一杯飲品。豬頸肉雞翼尖米線（走酸+少少辣）$52豬頸肉好食，份量多，我地兩個人分黎食，每人都食左成4-5塊😏。脂肪位平均，咬落去唔會好油膩，好正啊！雞翼尖滷得好入味，都係個句份量都唔少🤣。米線好好食，佢嘅軟硬度好適中，絕對唔會越食越淋，食落去有啲趙頭👍🏻。酸辣魚肉春卷小窩紅薯粉（BB辣）$37唔知點解覺得個酸辣有少少似星林居，讚美嚟㗎，因為個到嘅酸辣好正😂。食落去個湯底好舒服，唔會有一種好搶喉嘅感覺，唔似用味精去堆砌出嚟嘅👍🏻。魚肉春卷味道唔錯，真材實料食到魚肉，不過如果可以再彈牙啲會更好😌。$7有兩大條真係好抵食！個紅薯粉好彈牙，彈到我食左半個鐘佢都無淋過。我就係鍾意咁樣既紅薯粉，少啲牙力都唔得，唔錯唔錯🥰！涼伴墨魚頭 $42兩個人share既份量，對得住個價錢😜。上面啲蒜令到啲墨魚頭更好食。不過如果唔鍾意食蒜就記得預早講。墨魚頭好彈牙，食落去無渣，大細都岩岩好，一口一舊👍🏻。埋單$141（無加一）

荃灣依間小鍋米線店，抵食丶正宗又有風味👍🏼除咗招牌小鍋米線之外，啲小食同埋串燒都幾唔錯💗我哋叫咗肥牛小鍋米線（$40）同埋淨雲吞（＄38）🥳米線我哋揀咗麻辣嘅小辣，唔會辣得太刺激，米線順口滑溜，肥牛大大片份量好足～而雲呑屬於皮厚款式，餡料啖啖肉。而小食點咗涼拌墨魚頭（＄42）同埋蒜泥白肉（＄39）💗2款我都好鍾意👍🏼 ，墨魚頭好爽口，而蒜泥白肉上面啲蒜片超多，入口啖啖蒜香啱晒偏重口味嘅朋友💗最有驚喜我覺得係串燒🥳特別鍾意四季豆串燒（$10）💗同埋韭菜串燒（＄10），即叫即燒，一端上來已經飄來陣陣孜然香氣，入口充滿鹹香滋味。而雞軟骨串燒（＄16 /2小串）都燒得剛好，唔會乾柴，都唔錯👍🏼下午茶時段（平日2:30-6:30）🥳 米線配特飲只需+＄8，點咗杯熱鹹柑桔同埋冰凍鹹檸七，配辣野同埋濃味嘅嘢真係正🤤小店環境比較簡陋，但係有好多捧場客同埋回頭客 👍🏼平日下晝都坐到滿晒～

每一次有米線癮都會特登出荃灣，已經試過好多唔同舖頭，都比較鐘意食小店，試左咁多間，都係覺得呢間最合口味。今次叫左酸辣紫菜豬頸肉小窩米線（中辣），涼拌墨魚頭。呢間舖頭米線餸都十分足料，豬頸肉有五六塊，另外紫菜都好多。紫菜吸收晒湯汁嘅味道，同湯底十分配合，豬頸肉好juicy，叫咗兩個餸先至食得埋個涼拌墨魚頭，每一樣野個份量都好多。次次食呢一間都冇令我失望，好肚餓都可以飽到捧住個肚走。唯一要批評嘅係，今晚落order人數多，店家係咁收外賣單耽誤左堂食既速度，如果有好多時間嘅都唔介意等多一陣。

好耐冇食米線 就黎試間之前未試過嘅 點知有驚喜😍首先 米線 紅薯粉果啲好抵食 本身麪底加少少配料只係20幾蚊 加幾款餸都仲係好經濟實惠 我要左撈米線加牛肚 螺旋藻同腩肉 特別中意佢醃果啲腩肉嘅味 唔會好辣但惹味 加上爽口 正呀但我覺得佢地既小食先係最令人食指大動 至為出色係涼拌墨魚頭 $42大大碟 2個人係咁夾都食到好耐 墨魚好新鮮 彈口 唔知仲以為係啱啱喺海捉番黎🤣🤣 配上香濃嘅蒜蓉 食到停唔到口呀另外一個正野係炸春卷 $22就有5條 一啲都唔姑寒呀 佢唔係平日酒樓食果啲好硬嘅春卷 而係用網紙包的 所以會比較鬆脆 唔會un到牙肉 啱晒我呢啲婆婆食🤣🤣 加上佢入面包左嘅肉肉好多 唔會好齋 比嘅汁甜甜酸酸咁 越食越開胃呀救命🤪我地2點幾黎食人流都算多 睇黎大家都好識貨😍😛

荃灣係米線集中地就眾所周知，區內有幾間米線舖都好出名，而依間雲家小鍋米線係其中一間好多人都推薦嘅小店，當日用餐嘅時候都keep住有人入黎幫襯嫁🙌🏻不過好可惜人氣涼拌墨魚頭賣曬，下次要早啲過黎食😢**********<雞絲螺旋草紅薯粉> $40<魚肉春卷米線> $35今次叫左一碗紅薯粉一碗米線，佢地係用左滑身個種紅薯粉，口感好煙韌啱曬QQ控🤣湯底有得揀酸辣或者麻辣，兩款味道都唔錯！個人幾推薦雞絲螺旋草，唔係間間米線都有得食，啲螺旋草爽口之餘又可以掛到個湯底🤤**********<秘製豬頸肉> $42<醬拌皮蛋> $22<麻辣豬耳> $38另外叫左三款小食，比較出色嘅係醬拌皮蛋，佢地用左四川醃法嘅黃金皮蛋，個外皮幾Q彈，中間有流心嘅效果！而厚切豬頸肉同埋麻辣豬耳味道就正正常常，勝在份量夠多🤪

𝐎𝐯𝐞𝐫𝐚𝐥𝐥⁣絕對係一間質素唔錯嘅雲南米線💯食物選擇好多，串燒定價好合理～可以食到超滿足😋⁣⁣—————————————————⁣⁣🐷豬頸肉炸醬酸辣米線（小辣）$46⁣湯底酸度唔錯 但我覺得揀中辣會更惹味～⁣炸醬麻辣兼備 成個米線好香口🥰⁣豬頸肉油脂感重 燒得恰到好處☺️⁣⁣🐮牛腩炸醬麻辣米線（BB辣） $48⁣個人覺得麻辣湯底比酸辣湯底出色🍜⁣但牛腩雖然入味 但有少少韌><⁣⁣🐣雞軟骨串燒$16⁣孜然粉味超重，充滿燒烤嘅香味，好抵食😙⁣⁣🧄蒜泥白肉 $39⁣蒜蓉味超重 重口味控必定鍾意haha⁣⁣🐤炸雞中翼 $28⁣外脆內軟 不過不失⁣—————————————————⁣⁣📍 雲家雲南米線⁣⭐️食物：7.5/10⁣⁣⭐️CP值：8/10⁣⁣⁣⁣⁣⁣

<<Thursday Couple 尋食記👣😋>>今日喺荃灣接咗男朋友收工☺️之後我哋一齊就喺荃灣搵啲嘢食🔥本身今日諗住簡簡單單食啲嘢，咁啱就見到一間好多人排隊嘅雲家小鍋米線，好似唔錯！喺外面都聞到好香嘅麻辣味🥳😆🙈而且好多人叫外賣，好彩堂食又唔洗等，所以就入去喇🥳我哋見到啲人落單多數都會叫佢嘅豬頸肉同埋佢嘅腩肉！所以我同佢一坐低就叫咗兩碗主食先！男友就叫咗腩肉炸醬紅薯粉，揀左麻辣湯底，小辣，佢個麻辣味道好！好香！一黎到已經忍唔住偷佢啖湯黎飲😂😂🤣而佢嘅紅薯粉，好彈牙，滑嘟嘟☺️腩肉同一般嘅白肉唔同，佢好似自己醃製過嘅腩肉，同埋比較厚小小，食到佢調味同一般出邊嘅真係好唔同！值得一試🥳🥳之後我就叫咗肥牛金菇酸辣紅薯粉，我覺得我個酸辣冇佢嘅麻辣咁好味！但係酸辣就開胃少少，感覺可以食多啲☺️🥰而肥牛呢同金菇就正常發揮☺️配埋紅薯粉都係好夾，同想講佢入邊嘅肉碎好香！有小小辣，成個湯有多左口味🙈之後我哋叫咗唔同嘅小食，因為見佢嘅豬頸肉咁出名咁，所以我哋都叫咗碟炭燒豬頸肉，發現！真係！好好味！🔥加上佢外面有少少焦燶，成個豬頸肉嘅味道都好香！而且又爽口彈牙，入邊嘅味係又唔會太

讚1.炸醬好味，辣得黎有啲麵醬鹹香，幾似早期既唯一雲貴川風格，同埋都幾多芫荽，米線煮得幾爽滑，叫左小辣但味都幾清爽，湯底唔會好似其他辣米線咁好油，整體係幾好味彈1.環境係有少少油膩

酸辣米線一向係我最鍾意既食物之一❤️，今日黎到食荃灣一間好出名既米線店🛒😆店鋪離荃灣西/荃灣地鐵站🚉 大約兩三個字路程，就係正一間中學對面。7點幾黎到都幾旺場，好彩岩岩有位入去食😆第一碗叫既係腩肉腐竹清湯米線。🍜腩肉大件厚身，份量又多，帶少少辣～腐竹爽口有咬感～若有更多配菜更佳🥗另一碗係腩肉小酸辣薯粉。🍜腩肉份量多到嚇親，唔知係味因為叫單餸😂不過好好食最後都清曬😆酸辣偏向輕手，可能要叫比平時高一度既辣度～🌶炸春卷春卷內有芋頭餡，少少鹹，即叫即炸，熱辣辣非常香脆👍🏻炸雞中翼🐔意想不到地雞翼有啲沙嗲咖喱味😂，有少少泰式風味，可以唔駛點甜酸醬。同樣地都係即叫即炸，脆身而有肉汁～😋

話說發現呢間店嘅原因，其實係因為排隊食格離果間日本蝦拉麵🤣🤣一路排一路聞到一陣陣好香嘅麻辣味，決定一定要搵日黎試🤛🏻過咗幾個星期就同朋友黎試咗啦～ 一人叫左一個米線，再加小食，湯底唔錯，有好多個辣度揀，個湯都幾濃味。但餸唔係特別出色，牛柏葉布D硬，蘿蔔唔入味唔夠淋，但豬軟骨ok ge。最出色嘅其實係呢個手拍青瓜上面嘅蒜蓉！加埋個麵食好好味，個青瓜其實無咩味，同埋比較硬。菜心+麻辣汁，無咩特別，唔推介😅整體黎講，呢間米線嘅湯同蒜蓉醬係好味嘅～但餸普遍都比較普通。

《魚肉春卷+豬軟骨·酸辣·小窩米線》🍜🌶豬軟骨嘅份量都幾多，起碼有3、4大舊，而且炆到好淋，非常入味，是有誠意之作。魚肉春卷嘅口感比起一般嘅煙韌，口感比較似韓式魚糕，比較少見，外皮有炸過，所以脆脆地，不錯的。酸辣方面，小編嗌咗BB辣，感覺唔太辣，但有肉碎同埋酸菜增加番個香味。米線嘅口感唔錯，唔會淋到一pat pat或太硬。《腩肉+豬大腸+螺旋草·紅薯粉》🐷🐷呢度嘅腩肉真係唔錯，難怪係限量發售，腩肉係預先醃好，帶點麻辣，非常惹味，而且辣味可以減輕腩肉幾肥膩感，推薦👍🏻！豬大腸嘅滷水都係醃得好入味，雖然湯底係濃味，但依然食得出甜甜地嘅滷水味，可見烹煮嘅過程需時而且一啲都唔馬虎。小編第一次食螺旋草，佢嘅口感同味道同海帶接近，索埋啲湯一齊食非常過癮～《涼拌墨魚頭🦑》墨魚頭口感彈牙，份量都幾多，加埋紅油同生蒜一齊食，經典雲南川味，令人回味無窮，性價比都幾高。《炸春卷》估唔到雲南米線舖都可以食到我最鍾意食嘅越式春卷，一份有五件，春卷炸得非常酥脆，餡料亦非常飽滿，滿滿香濃嘅芋泥🥰。

一直都知道荃灣就係米線集中地所以今晚放工過開荃灣目標已經鎖定要食米線上openrice睇睇就揀中呢間店面地方唔大 大約20個位左右好彩嚟到啱啱有位唔洗等米線嘅配料選擇都唔少仲有啲比較特別嘅選擇我揀左少辣腩肉燕肉餃螺旋草紅薯粉紅薯粉係圓型粗身嘅 幾好咬口腩肉好入味 少少辣燕肉餃正常發揮螺旋草好特別 外面少有 而且原來係健康食品嚟👍🏻朋友嘅腩肉蘿蔔米線偷左一件蘿蔔嚟試好清甜冇渣 正呀涼拌墨魚頭勁大碟 呢個價錢好抵食加左大量嘅蒜 醬汁帶酸好惹味開胃 愈食愈想食口水雞同樣有好多嘅蒜茸 微辣嘅醬汁雞肉彈牙 雞皮爽口串燒四季豆孜然味好香 唔會太濃出面啲串燒有啲會好咸呢個唔會總括嚟講 呢間嘅米線小食同樣出色果然冇揀錯 唔怪得咁多好評啦