雲家小鍋米線 (328廣場)

营业中

休息中

👍🏻豬頸肉豬大腸小鍋米線 $54豬頸肉厚身又唔韌，肥瘦適中，醃得好入味，少少香茅味，好好食👍🏻👍🏻👍🏻豬腸洗得乾淨，滷得入味又夠淋👍🏻👍🏻兩個餸份量都好多，滿足😋😋😋米線彈牙，唔會煮到淋哂麻辣湯唔會太油，夠麻🌶味道：9/10性價比：8/10-👍🏻豬扒腩肉小鍋米線 $49腩肉係用滷水煮，好入味😋偏瘦，不過都唔怕鞋豬扒係煎既，食得出香茅咖哩既味道，原塊大大塊咁上😋肉質一樣係偏瘦，但都唔怕鞋既👍🏻👍🏻味道：9/10性價比：8/10-👍🏻涼拌墨魚頭 $42墨魚頭勁爽口彈牙😍份量比想像中多味道香辣，鋪左大量蒜泥，勁正🤪另外有配喼汁，不過覺得唔點都得味道：9/10性價比：9/10-📍#雲家小鍋米線荃灣沙咀道328號328廣場地下G01舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #荃灣 #荃灣美食 #荃灣打卡 #荃灣好去處 #雲南米線 #小鍋米線 #麻辣 #酸辣 #米線 #雲家 

晚餐同朋友去荃灣呢間馳名嘅「雲家小鍋米線」到食。當日我哋都早左去，大概6點正左右，都見有有幾個人排隊。我地入到去，佢哋環境係比較迫，啲隨身物品都無位置放，仲環擔心俾啲員工行出行入撞到😂😂，都食得幾吾舒服下。好啦，講一講食物先，本身叫左腩肉既，但最後佢賣哂，所以唯有試佢既蝦卷麻辣小鍋米線，朋友就叫左豬潤炸大腸麻辣小鍋米線，小食就叫左涼拌墨魚頭，本身諗住叫豬頸肉既，不過都係好快賣晒。好啦，食物方面，小鍋米線既份量勁大份，味道都不過不失。相反，涼拌墨魚頭呢個就好食，值得推介。整體來講，呢間環境就真心好麻麻，如果吾鐘意迫既朋友就吾洗諗啦。

週末同朋友諗住嚟呢度食個early dinner，避開人潮，大約黃昏五點鐘嚟到，竟然差唔多坐滿，呢間米線店果然厲害，一來佢美味又抵食，二來可能同生果日報早前嘅推介有關係😆我點咗$43嘅「牛腩小窩米線」，另外再加$15嘅「金錢肚」、$9嘅「豬肚」、$15嘅「豬扒」、$7嘅「生菜」，跟餐加$6要杯「熱檸水」；朋友就點咗$30嘅「小窩紅薯粉」，佢加咗$7嘅「白蘿蔔」、$10嘅「豬軟骨」、$7嘅「韭菜」，跟餐$8嘅「凍奶茶」；另外我哋仲叫咗個$42嘅「口水雞」一齊share😁-「牛腩小窩米線」嘅牛腩蚊煮得好腍，有濃郁牛味😋；金錢肚就幾有咬頭；豬肚好煙韌；我鍾意同時將一件牛肚同一件豬肚放入口中品嚐，非常美味過癮😆；豬扒同米線分開上，用碟裝住，煎得好香口😋；小辣嘅湯底味道濃郁😋- 朋友嘅紅薯粉好滑好美味😋；白蘿蔔好鮮嫩，仲簡直係超甜😋；豬軟骨有咬頭得嚟又幾軟熟😋；有大量韭菜，翠綠新鮮，感覺健康😊仲有，呢度份量好多，超級大碗，朋友同我都食到捧住個肚😆😋

本身想食老闆娘，點知去到先發現冇開，即刻轉場去呢間雲家試下！平時經過成日見到好多人排隊，今日去到排左半個鐘就食到，好開心！店面唔大，得幾張台，而且好full坐滿晒人！我地坐低叫左小鍋米線酸辣跟左豬大腸、腩肉、豬軟骨同埋金錢肚。個湯底加左好多肉碎、茜芽菜同蔥，微酸中帶點辣。大腸同豬軟骨都好淋好入味，金錢肚就好爽口唔係煮到淋晒個啲，腩肉就切得比較細，但整體上都好食既！不得不提雲家既小食做得好出色，我地叫左墨魚頭同蒜泥白肉，都好正，墨魚好爽口彈牙，夾少少蒜點埋個汁食好惹味！之後食蒜泥白肉更加出色，蒜味濃厚肉肉質嫩！

🥢荃灣關注組推介隱世超咸重口味米線🥢近排睇左米線關注組及蘋果日報大推的一間隱世荃灣米線，感覺逐碗煮又好似唔錯咁，近近地就去左試一試，睇下系咪真系正🥢因為知道呢排被宣傳谷到整日要排隊，所以11:30 就去到當時唔洗排隊，但已經半場人，入到去地下好似溜冰咁滑，大家要小心唔好跌倒，最近收銀張檯，奇怪一包煙仔同火機，仲有對男裝鞋擺左係到，有客入唔比人坐既🥢坐低後需等待30 分鐘先有得食，等待期間開始多人要等位，廚房有一男員工無戴口罩行出來，拿返佢台面上的煙仔火機同好污槽的男裝鞋，之前出出入入廚房，雖然有人報料話佢是送外賣的唔系廚師，但真心覺得如果要出入廚房唔戴口罩已經系有衛生問題🥢個心已經覺得好污槽唔舒服想走，但米線已經送到唯有食啦，賣相唔錯激量多的螺旋藻，吸曬辣湯口味好正，墨魚頭新鮮爽脆有墨魚味，而雞絲份量都非常多，米線煮得爽口有彈性🥢湯底係重口味感覺，辣度叫了小辣剛剛好，但湯底非常之咸，個咸度有點似海水咁，咸到個口好唔舒服好似食左幾粒話梅咁會皺曬皮，螺旋藻索曬d 湯，食到一半已無咩湯，結果食到一半就頂唔住太咸要放棄，但見旁邊枱啲女仔都有要求加湯，可能都係太咸，杯凍檸茶是

近幾日都見好多人推介呢間雲家，咁就入黎試下，黎到都見好多人排隊，佢鋪位比較細，坐位都比較逼，可能多人介紹以加都好多人食，要同人塔枱，想黎食可能要簡d非繁忙時間。點左個8爪魚頭，口水雞同2碗米線佢米線都好大碗，餸都好足料，螺旋草爽口份量極多，另外口水雞都好地道，辣度適中，都好鮮嫩，佢係偏生既。鍾意食鮮嫩冇咁熟既可以試下，8爪魚頭爽口，份量亦都好多，計埋都你42蚊碟，幾抵食，2碗麵加2個餸計埋野飲都係180左右，夠飽夠平。

今日放工後，與友人在中南廣場購物後，突然想食米線，環看四周，見到依間雲南米線店，決定係度享用晚飯！到達時只是晚上六時多，店內已差不多坐滿人，心想這店的菜應不錯，果然，十分正！小鍋米線（走辣、走韮菜）加牛腩、腐竹、紅腸米線份量大，湯底味道剛好，不咸不淡，牛腩是有腌製過的，味道不售俗。意想不到的是紅腸是煎過的，變得更為可口！讚！！小鍋米線（酸辣-少少辣）加豬軟骨、雞翼友人表示湯底十分惹味，配些米線，一口接一口，停不下來！豬軟骨也是驚喜之配料，「韌度」剛剛好，一咬下去，肉質有種融化的感覺，適合友人口味！小食-豬頸肉到此食店的朋友不要錯過此道小食！豬頸肉放到枱上時已帶炭燒的味道，入口外表脆脆的，感覺就像剛烤好的豬頸肉。若不是吃得太撐，定會Encore！如果豬頸肉可切薄一點，相信口感定會更好！原本想叫腩肉作配菜，但當時已售罄，只好下次再來試試！

因為友人好想試呢間米線， 所以見到條龍好長都陪佢等， 等左一個鐘先有得入座。 店舖唔大， 座位比較迫， 同一般米線舖差唔多間隔。我哋一行3 人， 叫左3 碗米線，1 個小食。第一碗 - 涼拌米線（芥蘭+ 豬肚）雖然配菜比同區米線舖貴，但份量都算合理咸酸菜，唔會太咸炸花生， 香酥， 唔會淋曬， 唔會好油芥蘭正常， 唔會太淋豬肚正常， 都有滷水汁味， 唔韌唯一問題係， 我叫咗， 大麻辣，但佢係一啲都唔辣， 又無麻香， 後尾店員比左個麻辣醬我加， 但都係無麻味。2）魚肉春卷螺旋草小鍋米線（小辣）估唔到佢嘅螺旋草係日式包裝海帶， 連陣味都係仲要有硬膠附上但都唔夠佢個魚肉春卷絕， 就咁睇以為有3 條， 其實3 條都切半的，不過好彩係切半， 佢個口感勁實， 一啲彈牙都無， 好重粉味， 都幾難入口。 3）豬紅豬腸小鍋米線（中辣）豬紅一挾就散，友人話這表示豬紅雜質較少，而豬紅口感爽， 唔膠，無腥味，算係較好豬紅豬肚都係無腥味， 唔韌， 而且入面清得乾淨。小食-涼拌墨魚頭蒜蓉幾香， 墨魚鬚有韌有唔韌，， 無咩特別整體而言， 一般水平的米線舖， 要排一個鐘食絕對唔值， 雖然話湯底係用心製作， 但其實好多間

近排天氣熱左就想食啲酸辣野會開胃啲，原來荃灣鹹田街巷仔有間性價比咁高既米線🍜店。雖然格局適適式式，但就坐滿人，應該幾受歡迎！今日點左一個小鍋酸辣米線同小鍋麻辣紅薯粉各一碗，另叫左兩款小食。腐竹魚腐麻辣紅薯粉+腩肉豬大腸酸辣米線可以揀辣度，個人認為少辣係唔食得辣既都食到，穩陣。中辣就已經一開始就無乜嘢，愈食就真係愈黎料🤣酸辣真係好開胃！薯粉同米線都能保持水準，唔會煮得太軟。要講講豬大腸，因為我真係好抗拒食呢樣，覺得好臭，但唯獨呢間試左又覺得無乜嘢同煮得入哂味，好乾淨👍🏻口水雞份量多，個汁惹味夠辣，夠嫩！有樣要讚，唔會俾啲頭尾野，全部都肉肉🤞🏻蒜泥白肉味蕾衝突😋又夠大塊！呢個雖然好紅，但唔辣人士都食到！

公司在荃灣，美食多得是。小妹都鍾意食米線，同事介紹雲家好正，距離公司步行30分鐘都要過去試一試😆😆去到我地排第一，等位連上菜都要15分鐘，上菜速度頗慢。因為太耐無食過紅薯粉，所以叫左小鍋紅薯粉配豬肚同魚肉春卷（好似係名物，必叫），唔辣份量幾多，紅薯粉彈牙好味，食極都好似仲有😆豬肚只屬一般，食完都無特別comment 。魚肉春卷好味，唔算係好熱氣，好啱我，值得點。因為我叫唔辣，湯底唔算出色，而且有d味精，食到尾已經覺得口渴。同事叫辣，d餸入味，但都覺得有味精，好口渴。總括回頭率 2/5因為距離公司太遠，而且等好耐，感覺無咩特別，有味精，我唔會特登行30分鐘過黎幫襯。

🤤 CP值超高超正米線 @noodlepotcome 🤤Geo條👅評分：⭐️⭐️⭐️⭐️💫(5⭐️最高）小鍋酸辣米線配雞絲，豬軟骨同蘿蔔 $49小鍋麻辣紅薯粉配腩肉，豬肚同魚肉春卷 $58涼拌墨魚頭 $42咸檸檬七喜 $10 （套餐加配）凍檸茶 $7 （套餐加配）成日喺荃灣行街今日俾我發掘到一間超高質米線店，行到門口已經好多人等，但好彩等10分鐘就有位！叫咗兩碗米線，一碟涼拌墨魚頭同兩杯嘢飲🤤我碗米線嚟到已經俾我一個好印象，因為雞絲真係絲，唔係求其幾舊雞肉，雞絲搣得好可以吸到啲湯，食落會正好多，呢間做到👍🏻豬軟骨好淋，一啲都唔硬易入口同夠入味，正🤤蘿蔔好甜，食米線我都好鍾意叫😝朋友食豬肚同魚肉春卷，呢間嘅魚肉春卷幾紮實，唔錯😉豬肚幾爽口，我平時少食都覺得幾吸引！最正，正，正嘅涼拌墨魚頭登場，滿滿嘅生蒜🧄同醬汁，超級爽口彈牙加上我超鍾意生蒜，呢個墨魚頭對我嚟講真係不得了🤤🤤諗起都想食😂最後佢個湯底同米線嘅配菜都要值得一讚，湯底唔會太過油膩，食落唔會覺得heavy👍🏻芽菜同肉碎超多，鋪滿成碗米線🍜食完米線飲番杯凍檸茶即刻滿足晒，飽晒😂😂如果女仔食建議少米線都夠，唔好嘥嘢☺️呢間米線我已經介紹咗俾啲fd

荃灣區內米線店臥虎藏龍，已經有幾間非常出名，今次幫襯嘅雲家係其中一間，亦都係我喺荃灣區內其中一間最愛。今次同朋友四人行，每人都叫咗一碗米線，另加兩個小食——涼拌墨魚頭同山椒鳳爪，涼拌墨魚頭非常出色，蒜香麻香味濃，墨魚頭爽口，非常惹味。山椒鳳爪味道帶酸，鳳爪爽口，但略嫌唔夠甜味，如果再甜啲就會更好食。米線我哋叫咗幾款餸，包括有：豬扒、蘿蔔、腩肉、墨魚春卷、雞絲同埋金錢肚，我最鍾意嘅係雞絲，有雞味，金錢肚都好出色，富有豐富嘅滷水味，蘿蔔清甜但今次就有少少渣，我哋都叫咗酸辣湯底，非常濃郁多肉碎米線份量極大，女仔就算叫扣抵都未必食得晒。

今晚同朋友去了這裡食小鍋米線，份量同埋味道都唔錯，今次就係點了小鍋米線加埋紅腸、蘿蔔、牛腩，當然還有推介嘅醬拌皮蛋，同埋蒜泥白肉，加埋支凍豆漿就係最佳配搭！小食先上，份蒜泥白肉上面嘅蒜蓉完全鋪滿了爽口嘅白肉，蒜香味道濃郁之餘白肉亦十分入味軟熟！而醬拌皮蛋亦十分好味道，最緊要皮蛋沒有一陣石灰味道，而且配上中間嘅醬汁入口十分配合好味！主角大大碗小鍋米線，廚房不停地響起嘅聲音，新鮮滾熱盪上枱，本身已有芽菜、酸菜、辣豬肉碎等配料，加埋煙韌彈牙嘅米線，大大碗食得十分滿足！而個牛腩炆得十分軟熟，一入口濃郁嘅牛肉味道，正！最估不到就係超淋同軟熟嘅蘿蔔十分多汁同鮮甜！小辣味道加埋酸酸嘅感覺十分開胃！堂食時都十分多外賣落單！抵食大份，支持小店！

最近迷上米線每星期都食唔同嘅米線今次就去雲家唔算等太耐十分八分鐘不過阿姐叫人等位唔派飛記唔到人亂叫人入就有啲無奈地下 枱面 餐牌都係痴立立唔小心啲moonwalk 都似叫咗個墨魚頭豆卜米線點知嚟咗薯粉So9sad 不過叫阿姐換態度都幾好米線都算係還好未去到話勁好食肉碎就真係好多墨魚頭係好食嘅豆卜明顯係就咁放上面冇一齊煮過所以豆卜真心唔推薦叫咗勁辣就冇乜料到另一碗米線清湯螺旋草雞絲紅薯粉個螺旋草同個湯咸得好誇張呢碗就唔太得

近排見唔少人推介呢間米線，嚟開荃灣梗要試試夜晚臨近八點嚟都幾墟撼，等咗幾張先有位不過每枱流量都快麻辣豬腸滷蛋米線$44酸辣魚肉春卷米線$35湯底方面個人認為麻辣唔夠麻，酸辣唔夠酸，但好夠辣(我鍾意食辣但唔算好食得辣)，嗌小辣食到一半開始流鼻水。總括嚟講湯底偏甜，冇坊間咁味精，食完隔咗兩個鐘先開始口乾米線幼滑、偏硬，可能好多人鍾意食呢種口感但個人鍾意淋少少，芽菜韭菜份量都唔少，偶爾仲會食到切碎咗嘅酸菜，配料幾豐富豬腸冇乜肥膏食落唔會好膩，滷得好入味，可能係今晚最出色嘅一樣滷蛋似乎浸咗好耐滷水，質地變咗鐵蛋咁少少硬，蛋黃都係死死實實，不過入味魚肉春卷口感好紮實，帶啲蔥香，味道幾好，不過無我本身期待嗰種新鮮炸出嚟嘅香口，望到嗰陣以為有3條原來每條對切開得1.5條，以$7餸嚟講合理涼拌墨魚頭$42墨魚頭本身無乜鮮味但口感好爽脆，蒜泥係精粹所在，撈咗豉油同醋，食落幾清爽蒜泥白肉$38上枱嗰陣姐姐好細心提我地碟邊好熱，感覺就似乾燒過咁，係熱食嘅，明明都有層肥肉，但就無一般食開咁油膩，主要係蒜泥醬汁滲透晒入肉裏面，香得嚟唔會過油，又幾好食喎嗌咗兩碗米線兩樣小食一杯檸樂，埋單$169，算幾抵食，未到驚