雲家小鍋米線 (328廣場)

营业中

休息中

再一次食雲家😋吃過一次絕對會想再吃的米線👍🏻無論幾點黎，店外一定會有長長既人龍，就知有幾多fans特登黎食😋😋一人一碗大米線好滿足😊‼️必點小鍋米線 $31‼️有酸辣、麻辣、麻酸辣配料：芽菜、酸菜、韮菜、蔥、芫茜🌟🌟有辣有豬肉碎，無辣無豬肉碎‼️加餸‼️🌟豬頸肉 $18份量多，大大件，口感爽脆有彈性，肉味濃郁、油份重。 🌟豬紅 $9入味之餘又有口感。🌟金錢肚 $15口感爽脆，易咀嚼入口。🌟豬大腸 $10感比較有嚼勁，且不硬，而且又入味。🌟豬扒 $15切件另上，唔怕豬扒會淋。豬扒口感唔靭，脂肪分佈適中。🌟涼拌墨魚頭 $46每次都會叫墨魚頭，爽口彈牙，配上蒜茸更美味，幾乎唔洗點汁已經好夠味。🌟炸春卷（5隻）$24中意食芋頭嘅你一定要叫，勁好食😋炸得脆口而不油膩。餐牌如下。

傍晚時分同朋友經過雲家小窩米線，見到有2個位，唔使排隊，咁梗係即刻入去食返碗米線。🐙涼拌墨魚頭$46我哋兩個都鍾意食墨魚頭，輕勺過嘅墨魚頭，入口爽彈之餘，伴以炒香嘅蒜蓉，好香口。🐂牛腩小鍋米線$46🥢加 金錢肚$15，豬肚$9，通菜$7☕️飲熱奶茶$10我要麻辣， 中辣🌶️🌶️，大大碗，湯底麻辣平衡，金錢肚同豬肚處理得很好，冇異味，爽口。配料有芽菜、酸菜、韭菜、蔥、莞茜等，小店好慷慨，每一啖米線都食到配菜，惹味又滋味。杯熱奶茶都幾香滑～🍲小鍋紅薯粉 $34🥢加腩肉$10，螺旋草$9🍋飲熱檸水$10朋友就要麻辣，小辣🌶️，一樣有芽菜、酸菜、韭菜、蔥、莞茜等配料，紅薯粉口感爽滑柔韌；螺旋草吸收咗濃郁麻香嘅湯底，麻辣爽口；腩肉亦炆得好焾，成碗食晒🍜😆。

涼拌墨魚頭（$45）份量不少。墨魚頭勁爽勁彈牙，口感一流。撈咗辣蒜蔥醬汁，更加惹味。推薦。腩肉魚腐小鍋紅薯粉（$51）凍檸水（+$3）要咗BB辣，好輕微嘅辣度，下次可以挑戰高一級小小辣。湯底好濃厚，唔算肥膩，好味道（最重要之後冇口渴）。紅薯粉正常。腩肉尚算大件及有啲厚度，唔會碎濕濕，而且鹵水幾入味。魚腐當然用嚟索啲湯一齊食啦。大腸豬耳小鍋米線（$49）凍檸茶（+$3）清湯湯底同樣唔肥膩，調味足但唔過咸。米線正常。大腸鹵水入味，冇臭味。豬耳爽口，肥位少。下午茶時段，凍熱飲品加$3。

🥇好耐冇食既米線😋.荃灣出名多米線，星期五放工前忽發其想，好想黎食呢度既個墨魚頭🤩嚟到之後排晒長龍，好彩都唔係等咗好耐就入到👍🏻不過入到去都要俾啲耐性，要等好一陣先有得食🤣🤣.咁今次就嚟到就叫左薯粉，特別叫咗佢整淋啲，嚟到都唔算好淋😂但老人家我都叫做咬到嘅😝今次叫咗麻酸辣小辣，之後就因為碗野太大碗，食得太慢，越食越辣🤣🐡🐡就叫咗中辣，我飲左一啖已經辣到我傻咗😂扮健康咁叫左螺旋藻，份量超多😆.主角墨魚頭同幾年前一樣好食🤤爽彈得黎又易咬，仲要好夠味👍🏻真係唔係度度都做到😋今次叫埋佢個蒜泥白肉，超多蒜，同埋佢冇同個墨魚頭用同一個汁，唔錯☺️.#fatfat4ever_荃灣 #fatfat4ever

呢間餐廳喺米線關注組度都幾出名同埋聽人講啲小食都唔錯 所以就一於去試吓 嗰日都幾多人排隊 炸春卷（5隻） ＄24春卷炸得幾香脆 同埋餡料都幾飽滿 又唔會太過油膩小鍋米線 （酸辣） $30呢個叫咗BB辣 果然唔係好辣嘅 湯底酸味比較出表同埋都幾多豬肉碎 米線軟硬程度適中總括嚟講 呢間嘅米線果然唔錯（小

今日難得早啲放工去咗荃灣食米線，朋友介紹呢間好出名，一於嚟試吓！我哋叫咗兩碗米線，一碗係豬耳，豬軟骨，豬膶米線，同一碗雲家米線，另外仲叫咗個涼拌墨魚頭。雲加米線材料好豐富，有源源不絕嘅雞絲，紫菜，雞翼，台灣腸，肉碎，冬菇，魚春卷，超大份，嚟到嘅份量大到我諗兩個女仔都先食得晒😂😂豬耳豬軟骨都炆得好入味，好淋！佢嘅涼拌墨魚頭幾出色🥰加上特製嘅黑醋，開胃得來又好食，份量亦都好足！因為我哋喺6:00就食飯，仲有下午茶優惠，加$3就可以有杯嘢飲😋😋

最近見到IG都有唔少米線排行榜🤣雖然未係去到對米線咁瘋狂，要試齊On list既米線🍜不過米線對於我黎講都係一個好好既午餐選擇👍🏼而今日就收工後自己嗌左碗米線同小食🍤勁豐富呀！。🐒小鍋米線(酸辣中辣)💰$31👉🏻芫荽+$9👉🏻豬潤+$9👉🏻牛腩+$15👉🏻凍奶茶+$3(下午茶優惠)佢除左有湯米線之外仲有熱撈同涼拌米線，款款都會有幾款配料跟埋，今次就揀左酸辣中辣🌶️本身諗住挑戰下自己😂但原來都唔係好辣，如果中意辣又想食酸既朋友建議可以食酸麻辣配料方面加左3款，一上枱就見到我片芫荽海🥬而豬潤同牛腩都大概有5-6件，份量係一個女仔未必食得哂 。🐒炸雞中翼💰$30@4隻🐒涼拌墨魚頭💰$46🐒秘製豬頸肉💰$47另外都嗌左3款小食，雖然自己一個，但係諗小食食唔哂可以take away就好好地慰勞自己🤣其實係俾藉口自己放肆三款我最鍾意係涼拌墨魚頭🦑因為佢既秘製醬汁辣得黎仲好重蒜味🧄而係旁邊個汁係酸味，集香辣酸於一身👍🏼炸雞翼同豬頸肉就會有個泰式辣醬配埋，同樣熱辣辣十分惹味

係荃灣講起米線 大家可能都會諗起雲家無論堂食定外賣都長期大排長龍 亦係米線關注組人氣之選.ᐟ.ᐟ.ᐟ.ᐟ⸝⸝⸝⸝小鍋米線 配腩肉 魚肉春卷｜𝟰𝟵配豬紅 蘿蔔｜𝟰𝟲除咗湯米線之外 仲有熱拌或涼拌配料多達40幾款 由$7-18不等原本配料已經有芽菜、酸菜、韮菜、芫茜、蔥可以揀酸辣 / 麻辣 BB辣至勁辣任勻選擇湯底濃郁又唔會過鹹⸝⸝⸝⸝涼拌墨魚頭｜𝟰𝟱幾乎每枱都會點 首先真係好抵食.ᐟ.ᐟ.ᐟ.ᐟ墨魚頭好多 一開始仲擔心食唔哂口感爽脆彈牙 而且大量香蔥蒜蓉 最後只有食唔停口(˵¯̴͒ꇴ¯̴͒˵) 大推大推⸝⸝⸝⸝蒜泥白肉｜𝟰𝟬有別一般蒜泥白肉 完全被惹味蒜泥覆蓋( ื▿ ื)肥瘦均勻 每啖夾住蒜泥醬汁無得輸好大份好抵食₍₍ ◟(∗ˊ꒵ˋ∗)◞ ₎₎

行完荃灣搵嘢食，唔知點解荃灣好多出名的米線，今日黎到 雲家 ～嗌咗最多人推薦嘅小食涼拌墨魚，太肚餓嘅關係揀咗4餸小鍋米線。墨魚真係好食入口滑溜、咬落爽脆，面頭鋪滿蒜茸同香蔥，幾開胃。小鍋米線本身湯底有芽菜、肉碎、香茜、蔥，加咗木耳、螺旋藻、蘿蔔同滷水蛋。太多餸，同隔離碗相比，啲湯就要滿瀉。螺旋藻好得意，第一次見，有如其名真係螺旋樣，唔係平時食開普通海藻海帶咁扁平，不過味道差唔多，都係同一類嘢，口感爽啲。份量太多，食唔哂，下次唔好眼闊肚窄🙈🙈

如果有睇開fb米線關注組, 應該點都聽過”雲家小鍋米線”, 我都好奇黎食佢嘅米線✌🏻. 排左好耐先有得食呢. 🥢麻辣肥牛小鍋米線Menu上大部分米線30蚊起就有一大碗好抵食, 我揀左肥牛仲+10蚊加餸食豬大腸. 肥牛好足料, 我鐘意d肥牛唔會過量地多肥膏, 店家嘅肥牛夠高質又勁入味. 配料豬肉碎, 芽菜, 酸菜, 韭菜, 葱睇得出廚師大大力落, 實要令到個米線夠哂香夠哂出味, 米線腍軟度perfect, 最讚係小鍋湯底, 飲！🥢豬紅韭菜重慶酸辣粉QQ酸辣粉好好味呀, 豬紅多又好味, 加左大大粒雲呑食完真心飽, 估唔到豬紅同韭菜嘅份量多到爆!!!🥢好得人驚地, 我地不知不覺嗌左平時喺_仔一定會嗌嘅餸😌, 有驚喜要推推.🥢蒜泥白肉CS地估唔到蒜泥白肉都係打卡嘅菜式! 店家用上大大量蒜泥完全覆蓋住肥美腩肉, 務求令人每一啖都重口味勁正, 每一片腩肉又長又厚切好抵食.🥢醬拌皮蛋Li款蛋蛋個蛋黃好黃呀, 同平時食開黑色黃係另一個口感. 食落係溏心口感滑滑的, 蒜蓉令到皮蛋味道更香更濃.🥢豆腐大大枝都只係+8蚊ja! 解辣首選.

知道雲家前排係元朗開左分店🏬 就估到佢愈黎愈出名啦🥰 荃灣店.. 我7點幾黎到已經排曬長龍..佢既涼拌墨魚頭係勁好食🥹 但我食唔到咁多野～ 唯有加餸過下口癮🥹 叫左個麻酸小辣既小鍋米線～ 要墨魚頭同埋台灣腸💓 其實成個碗底都係墨魚頭😶 影唔到咁多～ 好新鮮爽口🥲 見到佢哋係用江西米線，真係好好食😋 夠曬幼滑爽口🍜 而且掛湯力十足～ 食過幾間好食嘅米線都係用江西米線😍❤️另一個叫左麻辣肥牛小鍋米線～ 加豬大腸😀 豬太腸切左條😆 都幾特別～ 煙煙韌韌咁ʕ •ᴥ•ʔ 肥牛份量都好充足😛 都幾嫩口仲有個小食～ 雞翼😋 炸到金黃色😆 外脆內嫩😋

睇住啲食評同埋like數，所以去荃灣買餃子，順道先揀去呢間米線試吓，失望到不得之了。所謂每日限量供應嘅腩肉，似湯渣又唔入味，完全唔明點解咁樣都係特別推介。米線煮得好淋，完全冇咬口。通菜淥熟過頭，又係淋。豬耳叫做可以，不過冇乜味道。叫咗中辣嘅酸辣湯底，又唔酸又唔辣，冇味道。唯一比較可取，可能係個份量，真心好大碗，正常女仔一定食剩，建議衝量一下食量先 order。我真係想問吓，點解會有咁多人like呢間米線同埋點寫得出咁多好評。

到咗食飯時間，餐廳外已經聚集人群，有叫外賣又有排隊等位，所以就跟住排吓啦小鍋紅薯粉🌶️薯粉係粗管有彈性 好滑嘟嘟 碗粉入面有好多配菜 芽菜 酸菜 肉碎咁湯底幾惹味 酸味同麻辣味都好夠 食完條脷會痺咗金錢肚🐃滷水味滷得好入味 口感有少少彈性墨魚頭🦑份量都幾多 新鮮口感彈牙 推薦腩肉🐽有少少似豬頸肉 薄薄一片 唔算嫩但夠入味秘製豬頸肉🐖一大塊豬頸肉切片 香口 肉質嫩過腩肉 好食手拍青瓜🥒青瓜清新大碟 有麻油香 酸醋都幾好味

喺網上見到雲家雲南米線係全港最好食米線嘅頭五名之一，心唸點可以唔試下佢！今日係中午去食晏就，咁啱去到冇乜人排隊，等咗3-4個字就有位，好開心！入面鋪頭較舊，座位都較窄，不過唔緊要，最緊要係米線好食🥳點咗個招牌雞絲螺旋藻小鍋米線酸辣小辣，非常非常大碗！啲雞絲同螺旋藻係多到傻咗！好開心呢間米線鋪可以咁足份量，對大食嘅我黎講真係大正！湯底本身跟埋平時米線鋪都會見到嘅芽菜、肉醬、芫荽、蔥等配料，佢啲米線淥得啱啱好，唔會好冧又唔會好硬身，雞絲係手撕雞絲，連埋螺旋藻撈埋個湯一齊食係非常非常之好食，每一啖都食到每個配料嘅精華仲點咗個出名小食墨魚咀，佢份量多之餘仲有好多蒜蓉蒜油嘅香味，就好似用緊一個好平嘅價錢食緊出邊百幾蚊先食到嘅蒜蓉蒸海鮮咁。總括而言今餐真係食得非常之開心、滿足、抵食！