雲家小鍋米線 (328廣場)

营业中

休息中

身為米線愛好者，日常有留意好食嘅米線，呢間喺米線關注組都算出名，佢哋最近喺元朗亦都開咗新店，經過荃灣分店見好多人排隊，等鯊仔同大家試吓味~🍜 肥牛小鍋米線加貢丸同魚肉春卷 $63米線都算大碗，而且爽身有咬口，餸菜好足，湯底叫咗小酸辣，食落酸酸辣辣，湯底都算濃味帶少少甜，唔夠喉可以叫辣啲，魚肉春卷鮮甜彈牙，貢丸大粒爽口，肥牛肉質都幾新鮮。🍜 小鍋米線加貢丸、蘿蔔同豬潤 $55蘿蔔食得出熬咗一段時間，煮得都幾稔，味道清甜，豬潤份量非常之多，偏稔身，唔似出面嗰啲有腥味，幾易入口。🫔 炸春卷 $24春卷有五隻，唔係一般春卷皮，係越南嗰啲網紋春卷，炸得酥脆可口，食落餡料豐富，入面包住芋頭絲，非常香口、抵食。🥚 醬拌皮蛋 $24皮蛋唔係一般嘅皮蛋，用咗金黃色嘅皮蛋，蛋白識落煙煙韌韌，而蛋黃就比較Creamy，醬汁都好夠，唯獨蒜味重咗啲，有少少掩蓋左皮蛋本身嘅味道。

荃灣最好食的米線，非雲家莫屬，兩點去到都仲排緊。兩個人，兩碗米線加兩個小食，再來杯冰凍鹹檸七，大滿足，再排耐些都抵。兩碗米線共七樣餸：牛腩、豬紅、冬菇、蘿蔔、芽菜、生菜、通菜，多菜少肉，全部都新鮮、足料。牛腩香濃軟腍，冬菇厚肉爽口，蘿蔔清甜無渣。湯底香濃但不會過鹹。今天好彩，有蒜泥白肉，豬腩片上鋪滿厚厚的蒜泥，非常澎湃惹味，而且份量真不少。本來想叫口水雞，但今日無緣，改為炸雞中翼，外脆內嫩，好食。

上禮拜帶咗小朋友去荃灣路過搭車嘅時候見到呢間排晒長龍嘅雲家小窩米線個人都幾鍾意食🍜米線 小朋友都係再望吓網上評價都唔錯於是一邊排隊一邊睇Menu睇睇下Menu真係好肚餓🤣🤣勁想試吓佢哋嘅小窩米線排咗半個鐘左右終於入到嚟我第一時間同朋友講要食個蒜泥白肉🥹蒜泥白肉好大碟 表面有超巨量嘅蒜蓉仲有勁多腩肉😆😆 真係好正！🍜小窩米線 腩肉 魚肉春卷 雞絲 豬紅 豆卜 小辣 酸辣可能真係因為太肚餓我嗌咗勁多個餸🤣🤣🤣成碟米線超級豐富😙😙不過如果食咁多個餸建議嗌中辣或者大辣🥹🍜小鍋米線 豬紅 雞絲 紫菜 走辣 $57小朋友超級鍾意食豬紅雞絲同埋紫菜呢個組合就啱晒佢啦☺️配料十足 好多芽菜 唔辣嘅小窩米線都好有風味😌雲家小鍋米線 (荃灣)荃灣沙咀道328號328廣場地下G01舖#米線 #米線關注組 #小窩米線 #小店推介 #香港小店 #雲南小鍋米線 #麻辣 #酸辣 #食好西 #平民食堂 #平民美食 #荃灣美食 #荃灣好去處

30蚊一碗小鍋米線米線真系平到唔信，好食，分量又足！首先湯底夠酸，唔錯，米線軟硬度適中，我又叫左腩肉、螺旋草同豬扒。腩肉系限量供應，偏瘦，所以會比較乾d，味道夠入味。螺旋草比較少見，所以忍唔住嗌呢個健康食品，爽口。豬扒偏薄身，少少乾身墨魚咀冷盤，墨魚爽口彈牙，微微麻辣，喜歡可以蘸上黑醋。味道的確幾好食，難怪咁多人叫蒜泥白肉上台時真系嚇親我，咁多蒜蓉既😂而且系用金銀蒜，令蒜蓉味極大化，岩曬重口味既人！個人覺得偏咸，淡味d會更好好在早左到唔使等位，連外賣都勁好生意！餐廳食物價錢超平，分量多，配料同小食選擇亦多，味道唔錯，難怪咁多人幫襯！

又到星期六，放假帶媽咪行街食嘢，平時都係行開荃灣，今次走左去間好出名既米線餐廳，2:30去到有10幾人排隊，仲念住過左lunch time 會少啲人，唯有照排，不過都算快，等左15分鐘就有位我地2個人食左一碗好大碗既雲家米線配料：腐竹、冬菇、雞絲、雞翼、魚春卷、蜾旋草，腸仔、芽菜、酸菜、韮菜，蔥、芫茜，另加錢要左一份炸醬同豬潤，好大碗，2個人食吾晒，十分豐富，湯底好夠味，魚春卷好彈牙，炸醬辣辣地，成隻碗滿晒小食係招牌涼拌墨魚頭同秘制豬頸肉 涼拌墨魚頭好爽彈，份量又多豬頸肉即炸，好香口又大件最後加多杯菊花蜜

荃灣內的一間人氣米線店，我到的時間6點多了，但現場已經排起隊了，買外賣的，堂吃的都一堆，可見人氣有多好了！而且他的下午茶時間是去到1830，我剛好趕上了，加配飲品會便宜一點！小鍋米線（30元）紅薯粉（32元）我們各選了兩款不同的麵，來到都是大大的一碗，上面滿滿的料，本身配料也有很多了，有炸醬，酸菜，芽菜等，湯底喝起來的味道濃香，帶有肉香！我都分別叫了酸辣和麻辣，辣度都選了中辣，配合湯底以後，吃起來辣的挺香，而且辣度也夠，吃起來很滿足！米線就滑嫩彈牙，紅薯粉滑嫩中帶點軟糯！牛腩（15元）燉入入味，肉質滑嫩，有牛味。豬扒（15元）用上咖哩粉去醃製，然後經過油炸，吃起來味道很香，而且推大塊。豬舌（9元）質感嫩中帶點爽滑。豬肝（9元）吃起來是粉粉的感覺，但不會乾。豬軟骨（10元）燉得很軟爛，軟骨都燉爛了！肉質鬆化。豬大腸（10元）切成了一條條，吃起來還有彈性，挺嫩的。雞翼尖（8元）滷水得很入味，肉質軟爛，吃起來很方便。炸醬（10元）這其實小鍋內就已經有了，愛吃的可以多加一份。燕皮肉餃（9元）這個吃起來肉香十足，而且入口爆汁。 涼拌墨魚頭（46元）這個非常推薦，吃起來爽滑彈牙，有墨魚香，味道帶點

大年初八過年流流真心嬲荃灣出哂名排隊長要等都預左嫁啦！叫外賣果刻話等15-20分鐘就ok，心諗今日咁好彩等咁少時間（個刻聽到係開心既😉）點知叫左兩碗米線加2個小食都等左45分鐘，叫外賣果時蒜泥白肉、豬頸肉、炸雞翼都已經賣晒得返涼拌墨魚頭同涼拌皮蛋都照要啦點知等咗45分鐘後，拎外賣嗰一刻先話俾我聽兩樣小食都賣晒冇得俾你，我同佢講落單嘅時候話有喎！淨係識得話退錢、退錢、退錢…好食還好食，咁樣做生意唔得囉！下次唔會再幫襯，要將心比心！

荃灣有咁多間米線店，呢間喺我既心頭好👍🏻隔咗一段時間再幫襯，睇下能唔能夠保持水準🤭米線🍜多種辣度勁辣🌶️bb、大中小辣、唔辣可選，我揀bb辣小小吊味就夠😂配料（芽菜, 酸菜, 韭菜,蔥, 芫荽)再加一點酸, 湯底好濃郁好豐富🤗小鍋米線（配豬頸肉、蘿蔔）🐷豬頸肉外皮炸得香脆，肉質軟嫩；蘿蔔都係我必點的，夠清甜又淋！魚肉春卷米線（配燕皮肉餃）🐟魚肉春卷彈牙有口感, 加一點鮮味推薦👍🏼燕皮肉餃餡料足夠飽滿💖小食涼拌墨魚頭🦑墨魚頭爽口有口感, 鋪上香蔥蒜蓉🧄香口美味，再點小小醋汁令味道更豐富，建議單點當小食食😋炸雞中翼🐔炸起外皮有啲脆好香口, 內裡肉嫩又係必點🤗

之前見過米紙介紹呢間米線舖，關注組都成日有人講，今日終於有機會嚟試吓😁環境就好似大部份米線店一樣，比較擠迫～餸嘅選擇非常多👍 同朋友各自叫咗一個米線，另外加左個小食share～👅涼拌墨魚頭個汁微微辣，墨魚頭爽口！成個配搭非常開胃😋👅蘿蔔芥蘭豬軟骨豬潤酸辣米線呢個酸辣係我鍾意食嗰種雲南米線既酸辣😍餸嘅價錢唔貴但份量超級多！😵😵豬潤俾左成8件😨豬軟骨夠淋夠入味，蘿蔔清甜無渣👍👅腩肉雞絲螺旋藻腐竹酸辣米線食食吓聽到隔離枱想叫腩肉已經賣晒🤐微微辣又唔會韌都幾好食🤗螺旋藻爽口～雞絲份量又係滿到瀉😅👅支裝豆漿加$8就有好抵飲，豆味香濃👍👅熱柑桔蜜#荃灣美食 #雲家小窩米線 #雲南米線 #米線推介 #米線關注組 #豆漿 #荃灣 #小鍋米線 #荃灣米線

荃灣係一個可以打發一日時間嘅好地方，有大型商場之餘亦有街邊小賣攤檔及街市，仲有好多人氣美食店😋，今次去咗呢間長龍店食米線👇🥢小鍋米線（可揀酸辣／麻辣）＄30 加豬紅＄9米線份量非常充足大碗，米線爽滑，豬紅爽口得嚟又Q彈🥢小鍋紅薯粉（可揀酸辣／麻辣）＄32 加蘿蔔＄7紅薯粉份量又係非常充足大碗，質地煙韌彈牙好咬口， 蘿蔔軟腍多汁冇渣⏩兩碗小鍋粉嘅配菜都有芽菜、酸菜、韭菜、蔥及芫茜，仲有啲豬肉碎添，配菜非常充足份量夠多；兩碗都叫咗麻辣小辣，湯底非常濃郁，但又唔會好麻好辣🥢涼拌墨魚頭＄45爽脆墨魚頭，新鮮好趙頭，勁多蒜蓉，香口惹味🥢麻辣金錢肚＄46非常入味嘅金錢肚，麻辣都唔會太辣🥢涼拌雲耳＄22又係非常多蒜蓉，雲耳細細朵好爽口，素食之選豆漿＄10樽裝豆漿豆味香濃魚堅總評性價比 4👍(以5👍為滿分)

必食蘿蔔同豬腩肉～～～放假特登入嚟荃灣食米線，揀咗之前米紙介紹嘅呢一間黎一試究竟，1:30嚟到，隊已經好長。大概等咗半個鐘，比起上次等老闆娘米線嘅經歷好好多。～～～🥢睇完餐牌之後我哋揀咗佢地嘅小鍋米線（內含芽菜、酸菜、韭菜、蔥、芫荽，要叫辣先有肉碎，冇辣就冇豬肉碎），同埋涼拌墨魚頭。～～～🥢酸辣小鍋-配料（腩肉 雲吞 魚肉春卷 腐竹 通菜）🥢麻辣小鍋-配料（豬軟骨 雞翼 豬潤 蘿蔔 燕皮肉餃）酸辣同麻辣兩者各有千秋，各有支持者，酸辣就更開胃，酸香濃濃，麻辣就更刺激，個人偏愛前者。叫咗一大堆配料，當中最鍾意係軟爛嘅豬軟骨，香甜非常嘅蘿蔔，同每日限量嘅入味腩肉。而雞翼亦非常值得一試，鹵水味道恰到好處，而且肉質頗嫩，見到好多人都叫。燕皮肉餃亦都係唔多地方食到嘅配料，幾特別，而就算簡簡單單嘅通菜，份量都十足。～～～🥢店內嘅人氣小食涼拌墨魚頭，則鮮味爽彈，表面灑上香蔥炸蒜等等，香口惹味，沾點少許自家醋汁輕輕提味一下，就非常好吃。～～～雲家小鍋米線 荃灣沙咀道328號328廣場地下G01舖

雲家嘅米線出名係人都知，佢哋位於荃灣嘅店舖更加係晚晚都水洩不通。依間餐廳主要以平價又高質嘅米線同豐富嘅配料俘虜顧客嘅心。餐廳嘅佈局都幾平民化，位置雖然唔係好大，但係就可以坐到好多客人。麵條方面都係先揀自己鍾意嘅麵條種類，再配上唔同種類嘅自選材料，例如腩肉，豬扒等等。除咗主食之外，其實仲有小食可以選擇，例如炸雞翼，皮蛋等等。我今次就要咗米線同埋佢哋嘅紅薯粉，配菜方面就係豬扒同埋腩肉以及係豬軟骨等等。小食方面，我就要咗佢哋嘅雞翼。雞翼外皮香脆，入面有充滿肉汁，真係幾好味。其實佢哋食物嘅份量都比較多，再加上材料豐富得來，也保持到食物嘅水準，所以我間唔中都會嚟。

香港米線關注組人氣之選連米紙都有介紹過嫁！！肥妹假日兩點幾三點到都要排隊雖然店內環境唔大，座位唔算多米線即叫即製逐碗煮，所以製作需時—-✄———-✄———-✄———-✄———-✄—-✾ 小鍋米線 $30芽菜｜酸菜｜韮菜｜蔥｜芫茜自選配料 $7-18雞絲｜螺旋草｜蘿蔔｜魚肉春卷｜豬軟骨米線大大碗，相當足料湯底肥妹揀左酸辣，湯底好濃！酸中帶辣，酸辣比例平衡好好米線口感爽口滑溜，唔會太淋一夾就爛！！雞絲同螺旋草份量多，吸曬湯汁蘿蔔清甜無渣；魚肉春卷大條味道正常豬軟骨大大件，軟腍入味✾ 涼拌墨魚頭 $45墨魚頭份量十足，口感爽彈用上秘製蒜蓉醬涼拌，濃郁蒜味十分惹味，大推比愛蒜人士🙌🏻✾ 秘製豬頸肉 $46豬頸肉厚切，肉質爽嫩油脂滿滿，十分香口✾ 豆漿（跟餐）$8豆漿原樽，味道唔太甜✾ 凍菊花蜜 $12菊花味比較突出清甜滋潤

雲家小窩米線喺荃灣受歡迎係人都知，最近天氣凍，我又嚟到呢間米線鋪食晚飯。佢哋嘅米線夠晒大碗，我今次呢就要咗佢哋嘅小窩米線，配料依然夠晒豐富，包括芽菜，酸菜，韭菜等等唔同嘅材料。餐廳提供嘅米線依然好彈牙，份量又夠多，加上湯底入口都唔會太過鹹，所以食完都唔會覺得太口渴。配菜方面，我就揀咗佢哋最出名嘅腩肉，腩肉依然係保持到肥瘦均勻，煮得夠入味，所以每一啖都食得好滿足。喺小食方面，我就叫咗雞中翼，外皮炸得非常之酥脆，雞翼入邊嘅雞肉依然保持到肉汁，所以都幾好味。整體來講，雲家嘅食物質素依然保持得好好，加上價錢都唔貴，所以都幾抵食。

米線狂熱者🔥終於黎報到🤭！👍🏿湯底不會太油！👍🏿餸份量好多！好似進入了大人國👦🏻🏰推薦：✨麻辣湯底>酸辣湯底平時鍾意酸辣湯底多啲，但發現呢個既酸辣湯唔係好濃，麻辣更新！！✨雲家米線$60雲家米線超抵食！佢有雞絲、雞翼、魚肉捲、螺旋藻、超大冬菇、仲有唔記得了😂佢每樣配料都好多、有啲幾大！特別係菇、仲要吸湯入味😆💖雞絲都好味！呢個既每個配料都好味🥳✨螺旋草份量好多！係平時餐廳既至少double🤩好好味！不推薦：🫤醬拌皮蛋唔好味啲醬可能食唔慣，仲有一粒苦苦地._.🫤豬頸肉好多人推薦，但我覺得未如預期好’巷‘咁，但2022最後一餐要self love🥹😆💖叫了一個比較貴的配料：豬頸肉san ！份量係多，但唔係特別香，我想小食既豬頸肉會更香！Super drink! This meal yum and happy!