雲家小鍋米線 (328廣場)

营业中

休息中

有留意米線關注組嘅一定唔會唔識呢間🤣 小店位於荃灣，主打多款口味嘅小鍋米線，有酸辣、麻辣、麻酸辣同唔辣，老少咸宜，實有一款啱你心水～ 另外亦提供多款特色小食同飲品，價錢親民，想食嘅建議唔好喺繁忙時間去，因為真係好多好多人排隊呀😭雲加米線絕對係選擇困難症人士嘅必點之選，因為樣樣有啲唔使花時間諗食咩餸🙏 呢款有齊腐竹、冬菇、雞絲、雞翼、魚春卷、螺旋草、紅腸、芽菜、酸菜、韭菜、蔥同芫荽～ 小辣等同三小辣嘅辣度，而米線份量都好足，性價比高！配上凍檸茶同豆漿好解膩～ 另一款叫咗淨雲吞，估唔到幾有驚喜，雲吞係菜肉餡，皮唔厚，食落滑溜，調味適中，個人十分推介💕 配料有墨魚頭、蘿蔔、芥蘭、通菜同芽菜，豬扒係分開上，唔怕浸到淋曬，十分貼心呀！小食有炸魚卷，冇雪藏味得嚟而且食落都冇想像中咁油，值得一試！

剛才吃了一碗米線，真的太美味了！首先，米線條細滑，口感非常棒，吃起來特別過癮。湯頭濃郁鮮美，好像用了很多高湯熬制，喝起來讓人感覺特別舒服。而且，這個湯頭還帶點辣味，讓整碗米線更加有滋味！講到配料，這碗米線真的很豐富。有脆皮豆腐、火腿片和一些蔬菜，各種口感完美結合，讓米線更加美味。特別喜歡那個脆皮豆腐，外皮酥脆，內裡軟嫩，真的是絕配。火腿片也很美味，搭配米線吃起來更有層次感。吃這碗米線的過程中，我真的感受到了滿滿的幸福。每一口都讓我忍不住微笑，讓我想起了家鄉的味道。這碗米線不僅讓我滿足了味蕾，還給了我一份心靈的慰藉。總之，這碗米線真的很讓人驚艷，無論是口感還是味道都給我留下了深刻的印象。我非常推薦大家去嚐嚐這道美食，相信你一定會和我一樣喜歡上它。下次還會再來品嚐，期待再次享受這美味的米線！

呢間舖位地方好細週末同平時放工時間都排長龍枱與枱之間逼得好埋試過落完單等20分鐘先有得食去前要做定有耐性嘅心理準備呢間比較出色嘅係小食涼拌墨魚頭同醬拌皮蛋都唔錯加咗特調醬料唔會冇咗食材本身嘅味可以考慮嗌小食碗米線唔嗌餸因為呢間嘅餸個份量係最多我叫過嘅餸裏面冇一款會揸流攤全部都會俾到足堆喺面咁上枱講性價比嘅話呢分面好高分首推腩肉或金錢肚同蘿蔔三樣都好入味滲晒湯仲令個湯加分不推魚肉春卷同豬扒豬頸肉前者呈粉感後者太乾同太瘦同埋呢間可撈可湯又有薯粉算係非常多唔同嘅選擇比起唯一嘅湯底的確冇咁多油亦都冇咁酸同辣整體係比較淡但又冇雲南小鍋嘅湯頭嗰種肉骨嘅甜抗拒重口味嘅話雲家會係唔錯嘅選擇

雲家小鍋米線 @noodlepotcome 朋友食過～強力推介♥️來到開荃灣梗係試試～一睇原來米線關注組同埋米紙都介紹過😆佢地小鍋米線～有多種口味有得簡 酸辣/麻辣/麻酸辣～大中小辣我叫左碗招牌小鍋米線🔥麻辣🌶️小辣本身跟芽菜、酸菜、韭菜、蔥、芫荽辣既更會跟豬肉碎～碗米線勁足料♥️米線🍜超入味～入口Q彈每條米線都掛上肉碎👍🏻勁好味加配餸我簡左～肥牛、燕皮肉餃、豆卜、腐皮 、雞絲～上一枱超大碗～勁足料。涼拌墨魚頭 $46佢地招牌～爽口彈牙～加上大量蒜蓉醬～好清新。麻辣金錢肚 $47金錢肚～食落帶點微辣～愈食愈惹味。凍檸樂 。凍檸蜜 埋單$200唔使🤝👍🏻抵食～足料～推介📍荃灣沙咀道328號328廣場地下G01舖#米線控 #米線 #米線關注組 #荃灣 #荃灣美食 #香港 #香港美食 #美食地圖 #美食推薦 #美食日記 #hkkol #hkfoodie #spicy #麻辣 #酸辣 #墨魚 #金錢肚 #凍檸茶 #豆漿 #美味 #抵食 #平民美食 #肉碎 #好味 #hkfood #foodporn #foodphotography #yummyfood #like #follow

有追開米線關注組一定會知道呢間米線今日終於有機會黎荃灣試到了真係好旺場，下午3點黎到都仲要排隊呀😆好彩排左15分鐘可以入座酸辣小鍋米線要左小辣，對我稷講都覺得幾辣下但酸辣好出色，愈食愈想食加餸要了金錢肚同螺旋草金錢肚有鹵過好軟淋入味份量真係好多抵食仲有比人推薦既螺旋草真係不得了吸引晒湯汁好惹味入口爽脆，鍾意吸汁既一定要點涼拌墨魚頭呢個小食都好正濃郁既蒜泥味墨魚新鮮爽口搭配上蒜蓉同埋辣汁真係惹味十足豆漿食辣點可以唔加豆漿解辣豆漿濃郁有豆味唔太甜夠健康

在荃灣的雲家小鍋米線，一直都有不少人推介，今日來荃灣逛街，又很久沒吃米線就來吃吧，星期六下午二時來到，大約有十個以內的人排隊，選了食物後，都好快送到，客人流轉速度算是快。涼拌墨魚頭$46來這裡必吃的涼拌墨魚頭，墨魚頭其實並不只有頭，還有腳，它的口感很柔軟，有著淡淡墨魚鮮味，配上大量香口的蒜蓉帶點辣，非常惹味。小鍋米線 酸辣 微辣 $31 豬皮 $10 大腸 $10 通菜$7凍朱古力$8朋友選的小鍋米線，酸辣湯底辣度剛好，酸和辣融和而味道豐富，是用心做出來的湯底，選了豬皮、大腸、通菜，讓我們驚訝的是餸菜很足料，例如通菜在外可能只有幾口份量，這裡是感覺吃不完的多，大腸剪成一條條，比較入味和乾淨，豬皮軟硬適中。小鍋米線 酸辣 無辣 $31 蘿蔔$7 台灣腸$10 通菜$7 豬肚$10 豬紅$9柑桔蜜$11通常米線都食辣，很久沒吃過酸辣無辣的湯底，感覺是印象中傳統的小鍋米線，雖然只有酸味也很香，湯底好喝，我選了蘿蔔、台灣腸、通菜、豬肚、豬紅，台灣腸令我很好奇。它比一般燒烤的台灣腸小，呈粉紅色，味道濃郁，豬肚像豬腸一樣都是切成一絲絲，口感爽脆，蘿蔔大大件夠清甜。

荃灣有好多出名食米線嘅小店，今次就去到雲家潮聖😝食飯時間大概七點幾到達，大概有10幾人排隊，喺排隊嘅時候聽到有人講上次食左xxx好好食，今次要試下xxx，就知道呢間米線店唔係浪得虛名，好多人都再度探訪🤪呢度嘅米線配料特別，例如有台灣腸，燕皮肉餃，螺旋草等等！有小窩米線或涼拌/熱拌米線選擇🤓🍜雞絲螺旋草熱伴米線熱伴米線有花生，咸菜，榨菜作配料，十分豐富，雞絲有點雪味，但可接受！出面好少見有螺旋草，有點似日本嘅昆布，有咬口，感覺清淡！但值得一提涼伴米線嘅醬汁肉碎有點辣，唔食得太辣嘅朋友要注意！🍜魚肉春卷牛腩炸醬小鍋米線(小辣)大大碗米線！魚肉春卷雖然有點油膩，但幾彈牙，好好食😋 牛腩偏瘦，啱晒唔鍾意食太肥嘅我，每夠都好入味！炸醬屬正常發揮，冇乜特別！個人認為小辣都算辣🫣但好惹味開胃，大家記住要因應自己對辣嘅接受程度而決定😉唯一美中不足嘅地方係食完比較口渴🫣要飲返好多水💦

每一次去雲家都要排隊不過都值得架因為個米線真係好味同朋友每人叫咗一個小食店員會問你辣度 可以自己選擇麻辣金錢肚 $46涼拌墨魚頭 $46墨魚頭次次都會點嚟食因為佢真係好爽脆加埋啲蒜蓉 辣汁 好好食架金錢肚係第一次試都好有水準呀金錢肚好爽 又入味叫咗兩碗小鍋米線 小辣 $31第一碗叫咗豬大腸$10 腩肉$10豬大腸洗得好乾淨腩肉好入味令一碗叫咗腩肉$10魚肉春卷$9 蘿蔔$7魚肉春卷都幾彈牙蘿蔔就好甜米線份量超級大連埋啲配菜酸菜芽菜好似食極都食唔完不過由於店舖人手唔多所以如果要叫嘢食都要耐心啲等候店員呀見到佢哋都好盡力想好快招呼到每一位客人

約咗荃灣朋友食“雲家小鍋米線”，誰不知撞到風大雨大，唔想失約亦諗住落雨天冇咁多人，原來錯晒，都係好多人，果然D米線係魅力無法擋。“肥牛小鍋米線”及“豬紅韮菜重慶酸辣粉”係今天嘅選擇，D酸辣粉和肥牛米線共同哋有韮菜，葱，芫茜等配料，唔同嘅係酸辣粉有花生，鹹菜，醋同埋肉碎，湯底好鮮，而大量的韮菜，芫茜和嫩滑的豬紅係一大賣點，可以話係食不停口。“涼拌墨魚頭”不嬲係呢間鋪頭嘅招牌小食，見到周圍啲人都嗌咗連同外賣都係好多人嗌，墨魚頭真係超級爽又好新鮮；“醬伴皮蛋”係第一次食，啲醬好特別，今皮蛋更上一檔次，非常之唔錯，價錢又平平哋👍

排晒隊好多人食嘅小鍋米線店～因為店仔細細～要食就要有耐性啦～排咗半個鐘終於到我啦餸比其他米線店多好多選擇～叫咗腩肉小窩米線小辣～有：辣肉碎、芫茜、韮菜、蔥粒、芽菜～腩肉都好入味不過咬落比較硬～叫咗小辣不過食落好辣～唔知係唔係放多咗辣椒油～湯底好濃幾好味～米線份量好多食完好飽食完飲咗成支水之後都仲覺得好口渴～唔知湯底有咩材料呢～一向食開酸辣米線辣嘢嘅我～食完一陣唔知咩事竟然喉嚨痛～睇情況應該唔敢再食

平日晚上六時多已經出現人流，湊個熱鬧就入去吃碗米線。店舖雖小，但超滿座，雖然疫情算過去，但仍然保留隔板，值得一讚。豬頸肉小鍋米線$49 加螺旋草$9因為我不吃麻辣或者酸辣，湯底就沒有豬肉碎的～小鍋米線本身都有配料，芽菜、酸菜、韮菜、蔥、芫茜，想健康點就加了螺旋草，份量多到半個碗都是！女生來說其實不加餸都已經很夠吃，麵量和餸都多，分給男友吃也差點吃不完。豬扒小鍋米線（麻辣）$46 加 魚肉春卷$9豬扒分開上的，比米線先到～魚肉春卷很好吃，豬扒肉偏厚，浸浸湯比較好～有麻辣的湯底看來更吸引！蒜泥白肉$42薄片豬肉比平時吃的偏少油，蒜泥切得夠細粒，雖然吃完成口蒜味但真的很好吃😋飲品是正常發揮，原來豆漿有熱的，下次想試吃辣飲豆漿～熱西洋菜蜜$10凍檸茶$12

二訪湯底米線差好多👎，小食餸菜出色👍！・・・・・・・・・・・・・・・・・・・・🦑 涼拌墨魚頭 HK$45 👍・味道：墨魚頭有醃過。加埋個汁幾出色，係輕身似喼汁。配埋重味蒜粒very nice！・口感：爽彈開胃仲要一口size，一咬即開，0筋！🍜 酸辣小鍋米線 HK$31起餸菜 ＞ 腩肉HK$10、蘿蔔HK$7、豬耳HK$9・整體：餸好食但米線湯底唔得。・餸菜：腩肉入味，肥瘦均稱，不過肉塊時大時細。蘿蔔偏淋但未到入口即融，不過真係好甜0渣！豬耳唔係爽脆size但大條入味。・湯底：得咸，where’s the酸and the辣？個酸只嚟自酸菜⋯冇食酸菜嘅話個湯底淨係鹹only，辣都冇乜。但我嗌小酸小辣，仲有BB酸/BB辣揀添喎-3-・米線：偏淋冇咬口，幾掛湯。・・・・・・・・・・・・・・・・・・・・🤰性價比：中～🤰9衝度：可試～🤰結論：涼拌墨魚頭要食，腩肉蘿蔔都出色！湯底同米線我無語⋯・・・・・・・・・・・・・・・・・・・・環境：預咗係小店逼迫size，衛生程度仍然keep住偏污糟。隔雜枱卡位最入放咗貨都要求二人位逼埋一邊，另一個客人半邊身係離開張枱，癲⋯⋯

最近去了一間超有人氣嘅米線店——雲家小鍋米線！呢間店喺荃灣嘅328廣場，一入去，就滿滿都係人，真係好受歡迎！唯有買外賣。魚肉春卷米線，加了雞翼。講真，我味蕾真係好滿足！個湯底好濃郁，有魚嘅香味，令我食得好開心！再加上啲酥脆嘅春卷同埋嫩滑嘅米線，真係一絕！而且啲雞翼都煮得好juicy，啖啖都係肉汁，令我食得好開心！雞絲螺旋草米線更正！個個米線都有配料真係豐富，有芽菜、酸菜、韮菜、蔥、芫茜，啲菜都好新鮮，而且啲豬大腸肉質亦都好好，好有彈性。而米線就更加爽口，真係好好味！最後，我地又嘆咗啲涼拌墨魚頭，味道好清新，令我地嘅味蕾得到啲放鬆。排隊都抵食！如果你係米線控，一定要去試下啦！雲家小鍋米線 (328廣場) (荃灣)荃灣沙咀道328號328廣場地下G01舖#雲家小鍋米線 #荃灣美食 #米線控 #魚肉春卷米線 #雞絲螺旋草米線 #涼拌墨魚頭 #食評 #foodie #instafood #yum #delicious #foodblog #foodporn #foodgasm #foodstagram #foodlover #foodphotography #foodpics #foodpic

談起米線，一般港人只會想到某一兩家連鎖店。在香港生活的都知道，香港連鎖食肆的味道最多只能算正常、不差、還好、足夠醫肚，想吃得有點驚喜，就要花點力氣尋找街坊小店，近年亦因而衍生出「隱世小店」一詞。米線界的隱世小店，荃灣很多。趁著復活節假期，參考過「米線關注組」之後，選擇到《雲家小鍋米線》試它一試。其實，《雲家小鍋米線》已經算不上隱世了，慕名而去的人不系，且筆者下午二時去到，依然需要排隊，大概要等20-30分鐘，加上都是本地人、附近街坊面孔，由此推斷，味道應該值得期待。米線店點菜的方式都是大同小異，先選麵底、湯底、辣度，次選配菜，三選飲品，最後看看有沒合心意的特色小食。1️⃣「小鍋米線」＋「炸醬」＋「白蘿蔔」＋「金錢肚」＋「凍咸檸七」2️⃣「小鍋米線」＋「魚肉春卷」＋「螺旋草」＋「豬肚」＋「凍檸茶」特色小食：蒜泥白肉在這類雲貴酸辣口味的米線店在香港大放異彩之前，港人的麵食一般都是魚蛋粉、細蓉雲吞麵、車仔麵。其中，車仔麵的點菜方式與米線店類同，自行選擇麵底、湯底、配菜。車仔麵的配菜，筆者幾乎每次都會選擇白蘿蔔。白蘿蔔看似簡單，但要烹煮得清甜入味不帶苦澀、口感爽脆不硬且沒有渣，由挑選到燜煮都不能太馬虎

今晩嚟到我最鐘意嘅米線舖😍 每次嚟都唔會失望，份量大之餘仲要多餸又好食。價錢同幾年前嚟食都差唔多～雞絲螺旋草米線（$49）- 一上枱真係嘩一聲，勁多螺旋草同雞絲😂 螺旋草好爽口，我仲加咗蘿蔔同通菜（各+$7），配埋酸辣湯好夾。小鍋米線（$31）- 本身已經有芽菜同酸菜嗰啲配料，我哋仲加咗腩肉（+$10）、豬脷（+$9）同蟹籽丸（+$9）令佢更豐富。豬脷好特別，岀面較少見。涼拌墨魚頭（$46）- 係呢度嘅招牌菜，爽口鮮甜嘅墨魚頭配上蒜香，超惹味。