雲壽司 (聯成商業中心) (已結業)

又係做完gym, 上完好攰嘅堂，係gym room附近揾好野食，一落街就見到呢間壽司店，初頭以為只係係食omakase，原來可以自己order，仲要有優惠，order 10件只係$158 12件都只係$188 咁抵食 即刻入左去坐低 haha入面地去方唔大 但坐吧枱 好有日本小店風味 三文魚肥味鮮甜 火炙左口魚邊 油香滿分 魴鮄（一種我未試過嘅魚） 晶瑩剔透、甜、唔腥 好味😋帆立貝 又甜又大 好耐無食過咁高質嘅sushi hahahaha而且係咁抵食！！誠意推介

銅鑼灣雲壽司是獲米芝蓮推薦、位於黃埔翔太壽司的分店，質素有保證，今天中午慕名而來。餐廳布置充滿和風，坐在bar檯可欣賞師傅認真地製作壽司。bar檯有自助的熱水同綠茶粉🍵🍵點了廚師發板的［翔］，包括10件壽司，一件手卷及麵豉湯，份量十分足夠，吃完好飽足。海膽，燒鱈魚，深海池魚， 牡丹蝦，大拖羅，全部都新鮮美味。最深刻還是大拖羅，好肥美幼滑，有入口即溶的口感。幸好一開門就進店，因為很快就滿座要等位呢。

疫情都持續左差唔多半年時間，冇得親身去日本，又掛住日本嘢，唯有係香港搵間高質壽司食下，幻想下自己去左日本啦！見呢間鋪頭係 Openrice 評價咁高，一於試下係咪真係咁高質！環境：地方細細，總共有十六個位，全部係 Bar 枱形式，坐得都算舒服，唔會話太逼。不過咩都係假，最緊要都係有得坐，唔洗好似斜對面咁食餐飯企到腳仔軟，啱哂我呢啲唔企得耐嘅打壞，哈哈！食物：整體食物質素高質，魚生刺身夠新鮮，手握飯微暖，食落口感軟綿綿，唔會一味凍同埋死實實。一句講哂，性格比高，我哋兩個人午餐時間去食飽計平均每人二百蚊有找，以呢個質素，呢個地段，算幾抵食！事不言遲，睇相：自選壽司12件：鰻魚卷：中吞拿魚腩：三文魚手卷：附上餐牌作各位朋友仔參考：

冇得去日本旅行都想喺香港感受到日本嘅氣息，除咗去日本百貨公司逛街掃貨之外，食壽司亦都係一個唔錯嘅選擇。銅鑼灣呢間壽司店成日都有唔少人去幫襯，望一望佢價錢真係經濟又實惠。雖然座位只係得10幾個，但係仍然冇咁我哋對呢間店嘅興趣。一入到店裏面當然要即刻沖下佢啲抹茶粉啦，桌上面有自助加水器，方便客人可以自動加水。不消一會，我們點的東西到了。廚師發板真係令人耳目一新！上面有新鮮嘅赤貝、帶子同飛魚，仲有青魚、牡丹蝦、海膽，金目鯛等等，整個拼盤個賣相極佳，望落去都知道用緊靚料。師傅精湛嘅刀工令到每一件刺身都好精緻。食完壽司10件後，係時候飲下個熱辣辣麵豉湯好豐富嘅海帶呀！

好耐冇食壽司啦！同朋友再次去到雲壽司，呢度啲壽司我經常同佢講又平又抵食兼真係好好味，今日見早咗收工就早啲去試吓。菜單上面真係太多嘢揀，而且價錢每件$9起，我都朋友最後左度右度，訂咗個廚師發板，分別有「吟」「雲」同「翔」。最後我哋點左個翔，裏邊有10款壽司仲有個手卷餸另外仲有麵豉湯添！咁多款壽司裏面我最鍾意係食海膽，啲海膽多到跌晒出嚟，食嘅時候忍唔住閉上眼睛，慢慢感受海膽濃厚肥美的味道。基本上佢完全沒有腥味，海水味亦不會重得不能接受。另外半粉紅色的肥美吞拿魚腩，油香脂肪非常豐富，魚油滲透左齒縫之間，令人回味無窮呢。香蔥吞拿魚腩手卷是我吃過最好吃的！每一口也有吞拿魚腩碎，加上滿滿的香蔥，口感極為豐富，整頓晚餐是舌頭的大滿足呢！

難得放自己半天假當然要對自己好d，朋友介紹銅鑼灣有間價錢親民嘅壽司店，一於去試試！餐廳不大，裝修源用日本傳統壽司店設計，有一列壽司吧枱，可以一路食一路睇住廚師專業地為大家準備每件壽司，令人有種置身日本嘅感覺。$380的「翔」廚師發辦，共有10件壽司、一件手卷及麵豉湯。每件壽司都相當精緻，件件新鮮，雖然係最平價嘅一款廚師發辦但種類並不遜色。牡丹蝦鮮甜彈牙、中吞拿魚腩肥美甘香、海膽新鮮份量多，味道甘甜，質感細膩，入口即溶、火炙金線鯛魚油甘香、魴鮄肉質紮實，味道清甜、 油甘魚魚油味豐富、真鯛肉質軟綿，魚味十足、深海池魚肉質爽滑鮮甜肥美。吞拿魚腩碎幼細香滑，口感軟綿綿，蔥花及芝麻非常香口。

香港人對海鮮是何其熱愛，從每年的驚人消耗量便可知一二，而相信把日本菜當中的刺身壽司說是港人至愛的頭3位海鮮菜式應該沒太多人會反對吧？！前陣子行過銅鑼灣謝斐道近總統戲院附近，發現了一間小店，主打價廉質優的刺身壽司，以近年大行其道的Omakase廚師發辦為號召，但定價一點也不貴，最平$350已有交易，最貴也只是$650，而且還有自選壽司套餐(10件/12件)供客人選擇，都只是$158/188，正宗豐儉由人。小店佔地不多，座位只有十數個，所以不接受座位預訂。店內以簡約日式壽司吧裝潢為設計主調，一行的凍櫃架在師傅與客人之間，裡面放滿了不同的魚生食材，新鮮整潔，看著師傅即席揮毫，對出品自然更有信心。客人與師傅之間相距甚近，除了可欣賞到師傅的刀工和手藝之外，亦方便了跟師傅交流互動，是日式傳統壽司飲食文化的模式，亦是廚司發辦重要的一環。造訪當天因已差不多過了晚飯繁忙時段，尚有少量位置可供即時入座，據店家透露如果繁忙時段通常都要花上一點時間輪候，所以如果大家都想造訪一試的話，記得早點過去取位為佳。今次試了特上壽司拼盤，共包有10款不同的壽司，分別為吞拿魚腩、海膽、牡丹蝦、赤貝、三文魚籽、深海池魚、火炙

又到月尾出糧，係時候食返餐好既黎慰勞自己。呢日早左收工，經過銅鑼灣，見到一間新開既日式食店有omakase食，就自己一個走左入去食dinner。餐廳有三款唔同既omakase可以選擇，價錢由$380至到$680，比起出平啲上千既omakase 抵食。呢款入面係有10件壽司、一件手卷同埋麵豉湯。坐喺度睇住師傅好專業咁整壽司，再慢慢品嚐新鮮又好味既壽司，超滿足！呢十款壽司每款都好吸引，我至愛係拖羅同埋海膽壽司，佢地都好肥美，口感勁好！

今日放工黎到銅鑼灣呢間雲壽司，出名食平價高質壽司，所以門外放工時間已經人頭湧湧，因此建議預先用電話app排隊，省卻等待時間。雖然呢間壽司店主打自選壽司set，但今次我挑選了同樣抵食的omakase set，分別order左第一個GIN set和第三個 SHO set。先介紹SHO 翔 omakase set，包含10件壽司，1份手捲和麵豉湯。私心推介幾款：拖羅壽司，入口即溶，壽司醋飯比例剛好。海膽壽司：鮮甜可口，一口吃滿滿的海膽，很滿足。赤貝壽司：赤貝十分新鮮爽口。蔥吞拿魚茸手卷超多蔥，加上份量多多的吞拿魚茸，大滿足。另外GIN set包括了7件壽司，7點刺身，一份手卷和麵豉湯。刺身方面包括鮑魚，拖羅，帶子，生蠔，虎蝦，象拔蚌等。大愛鮑魚，鮮甜新鮮，蘸上檸檬汁，更能帶出鮮味。最後，以麵豉湯作結。下次會再來嚐嚐自選壽司set，試下其他款壽司。

雲壽司，相信係近排香港人食壽司既熱點！日日排長龍，今日唸住遲啲8點去會冇乜人排隊 點知都要等10張枱，足足一小時先入到去食壽司我就一定係嗌omakase(如果有既話)咁我同友人就嗌咗 呤 $680 同翔 $380首先講吓 翔10件壽司 1件手卷 麵豉湯我唸可能太多人既關係/或者呢度係真係冇人介紹返邊件魚生係咩名啦 咁我就概括講吓啦 壽司有拖羅，帶子，秋刀魚，海膽，赤貝，之後就唔識啦😂不過舊舊都好新鮮，完全唔腥秋刀魚，帶子，海膽味道更上一層樓！吞拿魚蓉手卷我見師父係即刻剁，紫菜仲係脆！之後就到我呢個 呤黎到第一個感覺係好多！咁我唔逐一介紹啦只係推介最好食嗰幾款！拖羅，入口即溶深海池魚，肉質鮮甜 魚油重海膽足糖好豐富，成個口都係生蠔同鮑魚要讚一讚非常好食生蠔海水味重，唔腥鮑魚口感彈牙！同上！最後來碗熱辣辣嘅麵豉湯作總結！總結，排一個鐘食一個鐘，但性價比很高食物質素服務態度亦都好好！我相信我下次都會嚟但係我下次會食自選

銅鑼灣行街既時候經過幾次都想食，今次終於約到朋友去啦，原來佢地係米芝蓮推介黃埔翔太壽司既分店！店舖雖小，只有一張大吧枱，但整體感覺好乾淨，坐得都幾舒服價錢亦相當親民，自選壽司10件都只係$158猶豫左好耐，最後都決定豪一豪佢，揀左廚師發辦，因為價錢都相當吸引，最平只要$380就食到！翔($380)壽司十件、手卷、麵豉湯壽司包括海膽、拖羅、深海池魚、金線鯛等等，食材新鮮，海膽份量毫不吝嗇，呢個價錢食到呢個質素，真係超級抵啊雲 ($450)刺身四點、壽司七件、手卷、麵豉湯刺身好厚切，拖羅勁肥美💕壽司包括海膽、剝皮魚、帆立貝、左口魚等等，超中意左口魚，炙燒過更充滿油香手卷係份量十足既蔥吞拿魚腩，魚腩同wasabi 平均分佈係壽司飯，所以每一啖都食到d料，唔錯

親民價廚師發辦Omakase推介，分左3個唔同層次類型，分別係（吟）、（雲）、（翔），可以按自己既喜好去點餐，嫌未夠的話仲可以額外自選。 餐廳用嘅食材都係每日由日本直接空運.今次簡左Omakase （翔），壽司10件、手卷1條、奉送麵豉湯。一入到去好有日本feel既感覺，廚師就係你面前即整。.-雜錦壽司拼盤$380 7.5/10分吞拿魚，海膽，赤貝，火炙左口魚邊，鯖魚，魴鮄等等，都好新鮮，充滿油香，最重要值得一提嘅係壽司飯既醋同黏度配合得剛剛好，食落飯粒嚼口，師傅功力值得一讚。味道👅：7.5/10服務💁🏻‍♀️：7.5/10環境🌾：8/10人均消費：$300-600地點：雲壽司 (銅鑼灣)銅鑼灣謝斐道506-508號聯成商業中心地下B號舖

好耐無出街食飯，好想食壽司。壽司是我最中意的野食之一。聽講銅鑼灣開左間新的壽司店，就一於去試下啦。呢間是地舖，地鐵站一出轉左再轉左就到，3分鐘左右啦。我地叫左個翔omakase，有壽司10件，加麵豉湯。10件壽司分別是： 燒銀雪魚，牡丹蝦，赤貝，海膽，吞拿魚腩，真鯛，鯖魚，深海池魚，魴鮄。有d壽司裡面有wasabi，有d壽司裡面無。我覺得最好食是海膽，真鯛，同埋牡丹蝦。海膽真是好足料，大大啖，仲好甜。牡丹蝦隻蝦都好大隻，好彈牙，應該都好新鮮。呢間舖頭上菜都好快，唔會要等好耐。師傅會在你面前即切即整。仲有好多魚生擺在你前面。d飯握得好實，唔會散晒。中意食壽司的你去食下啦。

想平民價錢食到廚師發辦，雲壽司呢度有三個價錢，最平$380，有十件精選壽司仲有面豉湯。食白身魚之前就趁新鮮食左海膽先。果然夠曬鮮甜。跟住就正式由白身開始。剝皮魚，比較有咬口嘅魚通常配番啲濃味嘅魚肝醬係面提味。真鯛，較為爽口而且魚油亦較多。池魚，除左魚油外亦多一份鮮味。青魚，光身魚就需要薑蔥癖腥。赤貝，當然就係夠曬爽口。帶子，居然係爽口嘅口感，只比赤貝多一分軟身。牡丹蝦，大隻鮮甜。炙燒銀雪魚，燒過更帶出油分，本身仲要厚切，食落真係超有魚油味！吞拿魚魚腩，當然壓軸先食。呢個油分最重。呢度勝在速戰速決，客流量好高。好多客人出出入入但全程都滿座。座位距離稍微比較少，身軀比較大份就好容易掂到隔離嘅食客。總體黎講食物質素都幾高，想係有限時間內食到高質嘅食物，呢度係唔錯嘅選擇。

餐廳內部係長方型格局，只有壽司吧枱，座位吾算好多，不過就可以同師傅交流，即製即食，保證新鮮。有選擇困難症嘅我哋諗唔到揀咩，就點左兩個Sets -雲 和 翔。雲有4件刺身 ，7件壽司，1條手卷，麵豉湯。吾好睇佢好似細細件，食到最後超飽！大大隻嘅廣島蠔同肥美嘅拖羅都值得推介！壽司有海膽，油甘魚腩，帶子，鯖魚，吞拿魚面頰等，絕對不是普通貨式！師傅都會講你知個進食次序，由淡味食到濃味👍🏻👍🏻手卷就有葱吞拿魚腩~ 碎吞拿魚腩幼細香滑，軟綿綿的口感加上油脂香，加少少wasabi，再伴以珍珠米飯吃同脆卜卜的紫菜，like 爆。翔有10件壽司，手卷1條，麵豉湯。壽司種類比較多魚類，深海池魚，拖羅，金線鯛，吞拿魚，銀雪魚等等，岩曬喜歡食魚嘅我。有啲仲有輕炙嘅效果，多左一重焦香。