雲壽司 (聯成商業中心)

難得放自己半天假當然要對自己好d，朋友介紹銅鑼灣有間價錢親民嘅壽司店，一於去試試！

餐廳不大，裝修源用日本傳統壽司店設計，有一列壽司吧枱，可以一路食一路睇住廚師專業地為大家準備每件壽司，令人有種置身日本嘅感覺。

翔

$380

$380的「翔」廚師發辦，共有10件壽司、一件手卷及麵豉湯。
每件壽司都相當精緻，件件新鮮，雖然係最平價嘅一款廚師發辦但種類並不遜色。
牡丹蝦鮮甜彈牙、中吞拿魚腩肥美甘香、海膽新鮮份量多，味道甘甜，質感細膩，入口即溶、火炙金線鯛魚油甘香、魴鮄肉質紮實，味道清甜、 油甘魚魚油味豐富、真鯛肉質軟綿，魚味十足、深海池魚肉質爽滑鮮甜肥美。

蔥吞拿魚腩卷

吞拿魚腩碎幼細香滑，口感軟綿綿，蔥花及芝麻非常香口。