雲壽司 (聯成商業中心) (已結業)

太耐冇食壽司，上網覓食邊間壽司鋪，卑我搵由前米芝蓮推薦餐廳班底開雲壽司。價錢夠哂照地！ $100幾蚊已經有10件壽司食食。想食得和味d, 又有特選套餐/Omakase，$200幾-$300起，真係好抵食！除Omakase外，還有午市定食，下次lunch hour都要過嚟食個壽司🍣有選擇困難症嘅我，直接order特上壽司拼盤$250。Total有10款不同款壽司，每款都係高質壽司，刺身一定比壽司飯大，魚生都好新鮮，魚香味又夠濃。特別推介吞拿魚腩最好味，魚油係一入口就慢慢滲透響整個口腔，吞入食道，你仲feel到個陣魚香味，真係冇誇大！

晚市取消， 好友生日飯惟有轉去午市食好D銅鑼灣雲壽司平時夜晚都要排好耐隊趁WFH 下晝12點就嚟到， 唔洗等位， 太好了！店內全部都係板前坐位咁樣可以睇埋師傅處理料理算係另類視角享受 （笑）LUNCH SET ＄88～＄188 都有， 呢區日本菜嚟講非常化算不過好友生日食好D， 我地每人叫咗個中價位嘅OMAKASE SET， ＄450 有 刺身 4點， 壽司7件， 手卷1條飯量非常足夠女士食上菜時師傅會介紹每樣食品也會推薦邊樣食先食後更佳OMAKASE嘅關係， 上菜嘅都係時下最新鮮食材我自己最愛海膽， 帆立貝， TORO， 鯖魚， 當中嘅廣島蠔配上洋蔥、蘿蔔泥等，再淋上和風醬汁提味加埋肥美廣島蠔， 入口清甜鮮味！手卷都好好食呀～咁好味嘅OMAKASE 加埋一每人around ＄500真係要嚟多幾次先侍應好似有D唔熟手， 不過服務同禮貌都NICE

暫停晚市堂食前嘅最後晚餐，有幸去到銅鑼灣雲壽司食抵食又好味嘅omakase。當日我哋各叫咗「雲」嘅omakase set，$450/人，包咗刺身4點、壽司7件、手卷一條，仲會送埋麵豉湯，以銅鑼灣地區嚟講，呢個價都真係好抵食。先上刺身4點，包括咗廣島蠔、飛魚、赤貝同埋大拖羅。廣島蠔雖然唔算好大隻，但調味恰當，食落清新之餘，又唔會蓋過海水味。飛魚刺身第一次食，食落帶點嚼勁，配上蔥花，味道清爽，又夠鮮。赤貝睇顏色都知夠新鮮，食落彈牙。大拖羅油脂夠哂多，有少少少少筋，但整體唔影響，食完刺身即刻好期待壽司。壽司方面師傅唔知係咪太忙，就無同我哋介紹到，最好食一定係海膽壽司，creamy得嚟味道鮮甜，堪稱完美🤤 其次一定係炙燒左口魚壽司，輕輕一燒就逼哂啲油出嚟，一食入口油香四溢。另外平時男友無咁鍾意食白身魚，呢到白身魚嘅處理、食材配搭等等，都令到白身魚嘅魅力出哂嚟，食完大家都舔舔脷😋最後係蔥花吞拿魚蓉手卷，選用嘅吞拿魚夠哂油分，配埋蔥花中和一下，一路食一路講「好好味啊☺️」總括嚟講，呢到食物性價比高，等疫情緩和後值得一戰！如果你鍾意睇我嘅食評，不妨關注我，支持吓我，謝謝你☺️💕

銅鑼灣 雲壽司屋企都食到omakase😍 今日爹哋收工買咗雲壽司omakase嘅高級壽司返黎比我哋享用😚😚 疫情期間喺屋企都食到omakase超開心💓Omakase 雲 Kumo ($450)Omakase黎講呢個價錢都幾抵食😚 有剌身4點、壽司7件、手卷1條、麵鼓湯1碗。雲壽司用嘅好多食材都係黎自日本，例如海膽，味道甘而肥美，仲好軟滑添😚； 火炙左口魚光澤又鮮甜； 牡丹蝦都又爽又甜； 鯖魚壽司肥美甘魚，魚肉彈滑⋯ 全部都好正🤪

與友人四處在銅鑼灣覓食時發現了一間鋪位細小但疫症時期還出現人龍的餐廳，見等位在望決意取號碼票試試。晚上七時多見餐廳門外輪後座位的人數不繼增加，而食客的種類甚廣，除了香港人外還有外國及日本人光顧！更令我們有決心在酷熱的天氣下仍然繼續等待。等待約半小時後終於可踏進內。鋪面細小，大約可容納10-12人，裝橫簡約主要以雲石枱、木傢具及紅色門布廉組成，既保留到日式風格的樸素，又不失一種高雅格調。全吧枱座位營造出廚師發辦氛圍，食物可直接從師傅手上端到眼前，感覺為食物增添了不小新鮮度。想品嚐到既新鮮又岩時令的魚類當然要選擇廚師發辦，我倆一於試試中等價格的「雲」系列四點包括拖羅、廣島蠔、北寄貝及飛魚，個人較喜歡廣島蠔與飛魚。雖然蠔有點兒細小，但感覺經水輕輕灼過的蠔質感較堅挺，同時保留到生蠔的嫩滑，整體口感更豐富，略嫌浸於過酸之酸醋汁內，有點蓋過蠔鮮味。師傅道飛魚經秘撈醬汁醃過並切成條狀，其後混合薑與蔥撈勻，為平平無其的飛魚增添不少惹味度。略為遜色之拖羅雖然油膩甚多，有入口即溶效果，但其效果被根絲阻擋，加上欠缺了少許魚油脂甘香味，令整片拖羅油而甚膩，幸好沾上檸檬片的檸檬汁，帶酸解去油膩感。北寄貝質感爽口

今日同朋友行銅鑼灣，梗係要食飽野先有力行街啦 ~ 哈 !! 我地搵左間小店食壽司，熱死辣辣梗係要食凍野啦 ~我最鍾意小店，去睇下要唔要等位。平日既中午都真係冇咩人，黎到都唔太駛等位。內裡環境十個位左右，小店就係可以同師傅吹下水，介紹下你有咩正野食，唔錯。我地決定對自己好D，因為店既 OMAKASE 價錢唔貴，我地叫左個 $380 既餐，有10件壽司+1個手卷+湯。師傅有問我地有咩唔食，之後就開始整俾我地喇 !! YEAH ~~ 好餓 ~雖然一次過黎哂十件，但都好吸引呀 !! 入面有 牡丹蝦、大 TORO、海膽、火炙金線鯛、魴鮄、油甘魚、真鯛、深海池、帶子，所有壽司都好新鮮，當然我最愛梗係海膽啦 !! 入口即溶又鮮甜，勁想 ENCORE ~~ 之後就係大 TORO，魚油好豐富，師傅好，因為大拖羅係有筋，師傅切斷哂，真真正正既入口即溶，想咬都冇得你咬，一野頂就已經溶哂 !! 之後就係牡丹蝦，大隻又爽甜 !! 其他魚都好鮮甜，好新鮮 !! 呢個價錢都算抵食 ~食完十件壽司之後，黎左個吞拿魚溶手卷，嘩 !!!!!!!!!! 魚油香到爆燈，師傅有燒一燒D魚油撈飯，呢個手卷都真係好幸福 !最後用個

銅鑼灣新開人氣日本料理 雲壽司，係米芝蓮推介翔太壽司嘅分店，主打廚師發板 Omakase 壽司套餐，所有材料均由日本空運到港。趁而家做緊推廣，外賣滿300蚊，即送 海膽拖羅飯 或 雜錦刺身拼盤 (二選一)，咁抵食一定要去幫襯下！廚師發板 壽司套餐分 吟、雲、翔 3款，主要係壽司件數同價錢嘅分別，刺身壽司按照時令海鮮，由廚師發板，每天不同！我哋就點咗 翔- 10件壽司、1件手卷和麵豉湯。 刺身壽司有海膽、赤貝、帶子、池魚、吞拿魚、鯖魚、火炙銀雪魚。 海膽北海道直送，肥美肉厚，鮮甜嫩滑帶有海水味。帶子新鮮爽口彈牙。深海池魚晶瑩剔透，鮮甜爽脆。海膽拖羅飯海膽 分量十足，絕不吝嗇。 吞拿魚拖羅 肉粒，鮮甜嫩滑，散發魚脂甘香，配上醋飯來食，帶微酸黏口，醒胃易入口， 令人愈食愈想食!

位於銅鑼灣的雲壽司，是一間主打即叫即握的高質壽司店。由米芝蓮師傅坐鎮，食材的選用和食物的擺放，都有一定的要求。食材每日由日本空運直送到港，保證新鮮美味。廚師發辦的價格親民，是對於首次品嚐廚師發辦的客人一個好選擇哦。餐廳裝潢走傳統日式壽司店風格，全部客人都坐上壽司吧台，客人可看到師傳握壽司和切魚生，整體體驗非常不錯呢。餐廳供應壽司為主，並沒有其他熟食供應，愛吃壽司和刺身的朋友仔，必定能大飽口福。魚生種類繁多，密密麻麻的菜單，令人眼花撩亂。中午時段光顧，價錢由 $88-320不等，奉送沙律和味噌湯。廚師發辦，則由$380-680。雲 廚師發辦 $450包括: 四款刺身、七件壽司、一件卷物和味噌湯。四款刺身，包括: 右口魚邊、大拖羅和廣島蠔。右口魚邊新鮮滑嫩，較為味淡，所以要首件品嚐。大拖羅肥美幼嫩，脂肪非常豐厚，在口中緩緩溶化，超美味的! 廣島蠔新鮮，調味略重，味道較濃。七件壽司，包括: 油金魚、金目鯛、深海池魚、赤貝、海膽、銀鱈魚和右口魚邊。油金魚和金目鯛同樣質感夾彈，新鮮鮮甜。深海池魚放上薑蔥，能減緩魚肉腥味。赤貝爽脆可口，厚肉彈牙。海膽滿瀉，令人歡喜。火炙銀鱈魚和右口魚邊，是七件之中

呢間近排係網上面都好出名，主打親民廚師發辦Omakase，最平$380至貴少少$680就可以試到廚師發辦，無理由咁抵都唔黎試試佢本身以為呢個價錢既質素會麻麻地，但食完之後成個改觀哂，我叫左廚師發辦 - 雲包含左四點刺身，七件壽司同埋一條手卷首先上黎既係 大拖羅、北寄貝、飛魚以及廣島蠔。大拖羅切得好有技巧，本身油分多但筋位亦較多，但師傅好用心切斷哂筋位而且上碟時仲擺得好靚，入口即溶，令人驚豔。貝類最易食得出新唔新鮮，呢件北寄貝入口彈牙，有少少清香，好新鮮。廣島蠔配上適當調味，加埋本身帶有既海水味，食落同一般生蠔真係差好遠！師傅特意叫我地將飛魚最後先食，因為相對地比較口味比較重少少，亦都相當不錯～七件壽司，就不逐一介紹，但特別點名海膽好新鮮好香濃，炙燒左口魚滿口油香真係我最愛，其他幾款魚都好新鮮好好味，仲好食過我曾經食過一間$800＠1既廚師發辦。最後一件係吞拿魚蓉手卷，略嫌紫菜唔夠脆口，但入面既吞拿魚蓉充滿魚油香，由頭食到落底都仲有魚蓉係入面。講少少裝修，雖然細間，坐位有少少逼，但裝修日系，乾淨。整野食既師傅有五、六個，serve人既有3個，但全場只係做14位左右既客人，所以服務係好好。

一間低調又高質壽司店-雲壽司晚市有Omakase/自選壽司套餐/指定set銅鑼灣地段，但omakase最平$350已有交易，自選壽司10件/12件都只係$158/188。特上刺身拼盤$320吞拿魚腩、赤貝、池魚、海膽 、牡丹蝦&真鯛。刺身好新鮮，蝦🦐好鮮甜！赤貝肉身肥厚，彈牙鮮甜！吞拿魚腩好厚身，油脂分布平均，入口即溶，油香仲殘留口腔入面，真冇誇張！池魚較爽身，海膽源自日本，鮮甜而且冇腥味，分量都不少！正！整體刺身好新鮮！疫情關係，餐廳有外賣提供，大家齊心抗疫！

同朋友兩個嚟食壽司我哋兩個決定 廚師發板首先會上咗刺身先佢嘅擺設好靚生蠔好新鮮好甜喺張相都望到好肥美拖羅好新鮮 入口即溶淨係食過拖羅我覺得都好值回票價好高質仲有響螺都好甜海膽壽司嘅海膽超多我朋友都話啲海膽好好食好少出去食壽司有咁多海膽仲試咗好多款唔同嘅壽司真係大開眼界啊銀鱈魚好好食佢係有燒過嘅燒得剛剛好金目鯛 鯖魚 金線鯛 魴鮄魚都係第一次食好有新鮮感可以食到唔同既魚類試到好多唔同既野真係好用心係一間有心既店舖最後手卷既吞拿魚係用手切咁樣食好滑口感都好唔同真係好值得一試啊♥️

返舊公司探班，順便食埋個晏，舊同事話附近開咗間壽司店好正，於是就一齊去試新嘢嚕。小小店舖只有圍住廚司一圈的坐位，唔訂位就無位坐坐啊。新鮮食材一眼睇曬茶水自助，加唔加綠茶粉隨你意。見材料新鮮又好耐無食壽司，經一輪掙扎決定揀Omakase翔，有壽司10件、手捲1件、味噌湯，唔使自己傷腦筋去揀。我呢十件壽司有：中拖羅、深海池魚、魴鮄、帶子、粒貝、海膽、左口、銀鱈魚、吞拿魚腦天、鯖魚。日本海膽香軟甘甜左口同銀鱈魚，經火炙過後肉質，充滿油香。粒貝爽口又有嚼口帶子爽滑鮮甜魴鮄魚新鮮甜美，口感彈牙鯖魚甘香肥美深海池魚魚味濃郁吞拿魚腦天是吞拿魚嘅頭頂肉，口感柔滑。拖羅油香十足入口即溶香蔥吞拿魚手卷，魚味十足，加上青蔥香更惹味。最後喝碗暖湯，味噌湯有好多豆腐及昆布，完美又滿足嘅一餐。

講起日本嘢通常都係食放題多，但今日自己一個想食個快飯，咁啱比我見到銅鑼灣新開左間壽司鋪，唔駛立食又有壽司吧檯，就入去試下啦。呢度提供好多唔同嘅午市定食、壽司同omakase。檯就簡單提供豉油碟、茶杯、壽司碟、筷子同濕紙巾，環境都好乾淨。幾經掙扎，最後都係揀左最平嘅omakase慰勞下自己。落單後見到師傅努力整，大概15分鐘左右就完成一共10件嘅壽司拼盤啦。每件壽司都感受到師傅嘅認真，因為每件嘅選料都非常新鮮，不愧為廚師發辦。當中嘅火炙銀鱈魚同火炙左口魚裙邊，經過輕輕火燒後，非常肥美，完全值得encore。唯一覺得餐廳可以改善嘅地方就係海膽壽司，餐廳好大方，係一件壽司上面堆左好多海膽，多到佢瀉左d落黎，所以建議師傅可以考慮加塊紫菜圍住d海膽，咁就落多多海膽都唔怕山泥傾瀉啦！

今日同朋友去完銅鑼灣行街就嚟到鬧市附近嘅呢間壽司小店 雲壽司 餐廳入面只有十多個座位全部都係壽司吧枱好有入本食omakase嘅感覺非常道地 順帶一提 如果繁忙時間食嘅話記得book位 如果唔係就要等好耐食左最平既套餐 翔 $380/位 已經包咗十件時令壽司 一件手卷 同埋麵豉湯帶子 赤貝 甜蝦 大拖羅 灸燒左口魚 海膽同幾件白身魚全部壽司都非常新鮮 個人最喜歡梗係大拖羅入口即溶鮮甜無比 而且油份十足好似喺個口度爆汁 海膽亦唔錯 甜度非常足夠而且甘甘地 炙燒左口魚師傅會將魚嘅油份逼曬出嚟 油香 爆到成個口都係手捲係吞拿魚蓉手捲 鮮味十足而且冇根 十分鮮甜好食

好吃的壽司店啊 店面小小的 圍著四個師傅周圍有一圈台子 地方不大但organize的很好 1點多時間午飯過來也基本上沒有等位子 選了10件的sushi只要158塊 🐟都很新鮮 吃了之前沒有怎麼吃過的池魚 油甘魚 真鯛和真魴鰒 很好吃 常規的赤蝦和甜蝦三文魚腹都很好吃 喜欢