雲吞仔 (已結業)

喺Openrice 見到呢間雲吞仔好多好評，一於去試吓。店外有Q版雲吞公仔，收銀處有大大隻嘅招財貓，而店舖內的佈置係尖沙咀、維多利亞港景色的古與今，好有特色。我order左包羅萬有，即係樣樣都有（雲吞、牛腩、牛筋、牛筋丸、墨魚丸、貢丸、豬肉丸、鯪魚球、魚皮鮫、魚蛋、魚片、紫菜）可以每樣都試吓，再加杯熱豆漿。分量十足的大碗麵，咁多餸中，我最鍾意大大粒雲吞、彈牙墨魚丸和魚蛋、牛腩牛筋爽口軟腍、紫菜爽脆，我就鍾意浸林食，粗麵口感嚼勁紮實，湯底有香濃腩汁，真係忍唔住飲多幾啖 ，配埋杯豆味香濃的豆漿，真係冇得頂！我一邊食，一邊睇姨姨包雲吞，真係自家製，即包即食，好新鮮👍🏻，不止老闆為善最樂，店員好親切，有啲熟客到店食嘢，都會傾幾句。