雲南小鍋米線 (已結業)

昨晚攪完個頭髮都成8:20pm. 同傻鬼2人亂行亂撞去到兆和街在米線/華香雞及蘭州拉麵選擇下, 我地決定試下此店既米線. 我叫左個魚冊酸辣米線(小辣), 傻鬼就叫左個軟骨丸腐皮酸辣米線(小辣). 我就覺得個小辣就一d都唔辣啦..不過d配料落得好多個湯都好正. 魚冊同埋個丸都幾特別應該係佢地自家製造既...不過食完後回家途中2個人已經覺得好口渴, 佢地d湯都放得幾重手味精.

之前終於試咗呢間米線，諗住唔好食咁辣要小辣好喇，點不知好辣，好彩冇挑戰高難度，不過可能係麻辣辣d呱。豬腩肉好味，不過雞翼就普通啦，見有好多報導介紹漈頭雲吞同墨魚卌，都好想下次試食。

呢間舖係我食過晏晝食晏果陣咁多間d麵大大碗，仲有杯冰凍豆漿俾你飲，24蚊真係算唔錯﹗我仲見到大d2個人既叫左個32蚊大大碗既米線2個人分，算係夠經濟實惠兼抵食啦﹗你鍾意食芫茜蔥既話成碗俾你落落個碗度食，都無任歡迎﹗

經常黎呢間食米線.麻辣米線尤其正, 中辣以上辣味最出, 麻同辣兼備,每次食完都興烚烚, 好有快感. D腩肉同雞翼都好入味, 每次都會食.老闆同阿姐們都好好人, 服務殷勤, 叫左野改order都唔會面黑, 仲好有效率o忝!

今日星期日和媽媽上完玄圓學院，便落荃灣這間米線食lunch. 這是我們的第一次，店員幾好人，很有耐性地介紹有乜好食。媽媽點了麻辣湯配豬腸($26 連豆漿)，而我就點了麻辣牛肉麵($28連凍啡)。先說她的吧，因為麻辣湯會配酸菜，所以令到湯酸酸地，雖然幾開胃，但我個人不太喜歡，豬腸是雪藏的但很好豬味，媽媽要了小辣，對於嗜辣的可能不夠。我的麻辣牛肉就真是好麻，它不是那種刺喉的辣，好香好好味，雖然湯面有少少肥，但仍可接受。麵是上海幼麵，較"諗"，正是我喜歡的那種。至於牛肉就偏甜，有少少根，尚算不俗。建議星期一至六來試試，較抵食！

我食過荃灣好多間米線,都唔夠這間好味,我上次食個腩肉腐竹酸辣米線,湯底好夠味我連湯都飲埋.這裡的(呀姐)好鬼熱情,好街坊feel

對嗜辣的人士,一般食肆的中辣或大辣都唔覺好夠味因此,本人未食過這裡的麻辣小鍋米線都叫中辣果然對板!夠麻夠辣配料選了水餃和豬肚,只是一般還是湯底吸引些服務:好街坊feel當晚無乜客,幾個人(老板兼伙記之類)企係度食豐水梨!

星期日晚碌完ling黎佐呢度食米線, 我地全部人都叫小鍋米線再加兩個餸. 呢度一個小鍋米線$18蚊, 有芽菜, 炸菜, 肉碎咁, 我再加佐水餃同雞翼. 整體上我覺得幾好食, 個湯唔錯, 幾濃味幾好飲, 不過D水餃唔知係乜野平價牌子(我斷估佢唔係自己包掛?), 好難食耶~

食左都好多次,食物OK夠味,唯獨是服務態度真係強差人意,次次落單都有錯既,最經典既一次係噙晚,朋友叫左一個大腸過橋米線(唔辣),我叫左一個腩肉+雲吞(中辣)酸辣米線,結果黎左一碗大腸雲吞大辣過橋米線,同埋一碗腩肉酸辣米線,叫個哥哥仔(著條假EVISU圍裙,同假EVISU牛仔褲個個)換返碗唔辣既比朋友算喇,結果佢只係將個碗湯倒左.加返D唔辣既湯落去就算,D辣油仲浮下浮下,朋友問可唔可以換過換唔係咁辣既比佢,佢竟然答:我都係將佢D辣湯倒左,再加D唔辣既上去架咋,你要腩肉一定辣架~! (哥仔,好似係你黎錯比我地,唔係我地唔知佢辣而叫你換喎~!!!)同場加影阿嬸強迫一個女仔調檯,問都唔問個客,就一手拎起個客食緊個碗面搬過隔離檯(已經唔係第一次見,幾乎次次去到都可以見到,唔想比佢夾梗換檯,最好有兩個人以上先好去)

早係幾年前係梨木道O個陣己經食過己經覺得好好食! 依家係荃灣水準俾以前更好食!以前D湯底唔濃,依家好食好多! 我食過幾間米線, 都係覺得呢間最好食! D湯底夠辣又夠濃!諗起都想食~~

自從兩年前被同學介紹到「大辣」(我們對此店的暱稱)後，直至現在我仍然忘不了「大辣」的滋味。秘製湯底加上酸菜等配料，其魔力令人不能自拔。我一星期平均會光顧兩次，但我的同學比我更瘋狂。大會指定品嚐方法：先輕淺一湯匙的熱辣湯底，然後細細的"呀" 一聲，可令身心舒暢。然後再品嚐米線。推介配料：腩肉、豬頸肉本人寫至這裡，已經受不住引誘，準備前往「大辣」「上電」.....

好好好味!~我地係一班中七學生...雖然大辣離我地學校幾遠..就算要搭的士返番學校先趕得切...但我地差不多每人lunch 都落呢間大辣食...d 湯底真係好好味!仲有!! 呢間舖入面....有個神秘人係入面..去到你就知! hehehe!!

呢間米線舖無論湯底, 米線及配料, 小妹都只是覺得中規中矩, 沒有什麼驚喜, 價錢也不算貴, 普通一餐的話都可以一試

23/9下午做完facial就來食個下午茶餐,叫了雞中翼酸辣米線(小辣)$20+凍檸茶$2,小熊就要了腩肉(辣)酸辣米線(小辣)$20+凍奶茶$2腩肉(辣)我都有食,好好味,雞中翼都算大隻,都唔錯,酸辣米線(小辣)湯底有肉碎酸菜芽菜,小辣我同小熊都覺得都算辣(我地都唔係好食得辣),所以食食下我都同呀姐講好辣食唔到叫佢幫我加d清湯,呀姐本來話幫我成碗換過,但我都話唔洗,之後佢都比左一碗清湯比我,碗野雖然有d辣但又真係好好味喎,下午茶餐米線份量都幾多,所以都幾抵食飲品-味道份量同一般茶餐廳果d差唔多,都oklee到湯底可選麻辣分(大,中,小),酸辣分(大,中,小),小鍋(唔辣),送都有很多選擇-腩肉(辣),雞中翼,雞翼尖,牛展,豬大腸,雞絲,雲吞,鳳爪等等