雲南小鍋米線 (已結業)

當天去呢間米線店食LUNCH,叫左1個小鍋米線 $21,加配1個配料 螺旋藻~很少米線店有呢款配料,很健康呢~點知真係好失望呀… 食落口實在太過軟喇~唉~~之前食果次都唔係咁O既~呢次好多酸菜,好酸好開胃呀~ 雖然坐一張餐廳角落的圓桌~坐得迫迫地,仲需要讓返條路比職員~因為這是廚房與樓面的必經之路~另外ORDER鹵水豬頸肉$15,共9-10片~個鹵水汁再加上蒜茸粒,真係好好味呀~

當日收左工,同家姐一齊食dinner~ 叫左1碗小鍋米線 配牛柏葉,點知比錯左牛展......但這是此店推介的食品,錯有錯著,試下先~味道ok o既~入口幾惹味~共6-7片~厚度相約的,棒~ 配料另選墨魚頭~ 唔及上次咁好味,又唔太爽口,有小小un~上菜速度快~服務態度ok的~米線比72分~炸醬好味,有微辣的所在~

呢間舖頭幫襯左五六年喇，除左米線岩口味同埋便宜之外，仲有人情味。唔知由幾時門始，每次去到都係叫一碗兩人人分，如果肚餓既就加底，叫兩碗食唔哂好哂野。每星期都會黎呢度食，一個送23蚊，下午茶仲送豆漿，好抵。每次都坐係同一個位因為要睇電視，餐牌睇都無睇就落單，因為行緊過去既時候就會諗好食咩飲咩。個肥仔哥哥最細心，每次佢落單既話就自動拎多個碗同匙跟俾我。雖然啲碗筷已經俾漂白水整到由黑變左淺色，但真係無損我食米線既心情。今日下午茶時間，有豆漿送。叫左羅白米線清湯走青多酸菜。好多時候佢地會寫小左一樣，有時好味啲，有時無咁好味，但真係好抵食。就好似今日咁，叫左多酸菜但無多到，不過算啦，人地出面多酸菜要加錢直程當一樣送咁，呢度唔洗加錢就當益左自己，哈哈。平時我會叫雲吞，好好味，不過得兩粒。腩肉都好味，不過我唔食得辣所以覺得好辣。順帶一提，呢度個小辣如果唔食得辣唔好點呀，因住辣到成碗食唔到。米線既口感一時時唔同但都唔錯既，尤其是差唔多收舖既時候就好淋，但晏就夜晚無問題既。鐘意呢個米線原因係佢有好多芽菜，本人超鐘意食芽菜，芽菜同米線簡直天作之合！一個有口感一個吸收哂個湯底酸酸辣辣既味道，一個字，正！呢間比

So hot!!所以點左1個涼拌米線 $21配螺旋藻~ 原來係一片片,不像川味店的像蝴蝶結形的海帶呢~但它們一塊又一塊地痴住左....... 大部份也是爽脆的~少部份過軟身~ 有很多酸菜,很開胃呢~個米線配上的醬汁也很夠味~凍撈的米線不及熱吃的米線那麼爽滑呢~份量也很多呢~本身米線附有炸醬~ 是次坐卡位,尚舒適!不用背對背吃米線

荃灣是米線之城，最為人熟悉是四坡防那邊，小妹對最著名那間感覺麻麻，有時著名了好，反而像川味美食這些小店做得更出色。是日我們又來試新店，隨便來到這裡，見都擠滿了客人，就膽粗粗試下。在荃灣吃米線，價錢很相宜，一碗湯／撈米線連一款餸都不過是$23，很划算！是日天氣很悶熱，凍撈米線走唔甩，就要了份雞絲凍撈米線+木耳絲份量相當大，是三個胃口小的女子份量！雞絲幼細得像時X隆魷魚絲，撈起來很易吃。每份撈米線也跟了炸醬和花生，加添了一份惹味！拌米線的汁是卥肉汁，要了小辣就真的是小辣，整合起來也不錯。除了撈，也要了一份魚腐小鍋米線+牛展相對起剛才的撈米線，這客小鍋無論在份量和味道上都失色。魚腐和牛展各二塊，味道一般，而米線份量也大大減少，大概是撈的一半吧？由於這客米線要了不辣的關係，湯底方面都只是味精湯罷了。加了一客涼拌青瓜味道太濃，青瓜雖然爽口，但失了涼拌可以帶來的清新感覺。現在興diversify，米線店也賣起吉列來？真是老少咸宜？本來對這餐的感覺向算理想，但所謂"日久見人心" ，我倆整個下午都口渴得要死，喝再多的水和其他飲料都解決不了，非常痛苦。小妹心知這是味精帶來的後果，因為我是尤其sensit

今晚放工約了朋友在這裡吃米線,因非繁忙時間,仍可以坐到卡位~冷氣空調剛好今次想試下重慶紅薯粉$19本身送1個配料 墨魚頭真係好好味呀~勁爽口!!! 好少米線店會有呢款配料,又神奇地好味呢!我再加$4要多1客配料,白蘿蔔以為每款的份量唔會多,但係份量也不少呢~大碗,湯底屬酸酸的,很開胃~紅薯粉屬「圓碌碌」狀,很爽滑呀~薯粉本身配料有碎肉,芽菜,花生~好味!

~以下食評屬貴店未加價前的一次光顧~熱紅薯粉 (有湯) 單併 $21我要小辣,點知原來呢間鋪頭只有大中小辣only 我再加1個配料腩肉 (辣)... 再另配 墨魚頭 $4,即$25好大碗....實實在在很多料!!但食左幾口都知道出事喇......真係又熱又辣..........仲見到有好多紅椒碎........加上腩肉 果然幾辣........心感不妙..所以叫waiter扲左杯水...但鼻水仍是不停流下來.....唉唉唉~再次敗給小辣..........慘敗........ 家人見我吃左咁耐仲有咁大碗....又見到我吃到臉紅耳赤的.......我家人便叫坐0係cashier的肥哥哥,叫佢加清湯..之後隔左3min便熱騰騰的端上來....但我舌頭的味蕾已經完完全全的被辛辣感侵佔了............嗚嗚嗚~即使湯底沒有初時那麼辣,但我仍是覺得辣...喉嚨更有幾次劇烈的刺痛感.....哈...當時那一刻明白twins眼紅紅的另一番感受--「我最初臉紅 現在雙眼通紅」...真想不到吃米線也能夠感受的....講返配料先~墨魚頭 很爽脆的~但其實唔係墨魚頭部丫..而係佢o既腳部吧..

呢間同雲貴川都係我既雲南米線之選 ~ 佢既米線比一般米線鋪, 譚仔更有彈性, 而且湯底唔會過份油膩腩肉係必食既, 酸茶都好夠味~ 一餸廿三蚊, 兩餸廿七, 都算合理 ~ 下午茶仲去到六點半潻 ~

唸住去專程食佢個凍撈紅薯粉, 最初食嗰時就覺得幾好味。但食到中段就弊啦!雖然我叫咗酸菜、鴨腎同豬軟骨三種配料, 味道一般。但最大問題係食到最後幾口時, D粉越食越酸, 差D就想食唔完走人添呀!都唔會有第二次喇!

荃灣既米線店試過唔少, 今日嚟呢間食米線, 點了酸辣米線, 小辣, 加腩肉, 米線不算大碗, 聞落都幾香, 但食第一啖就感不妙, 好咸, 落左好多味精囉, 而且一d都唔酸, 可以話無酸味. 跟住覺得好辣, 平時響其他店都係食開小辣, 但呢度既小辣係超勁辣, 等於人地既大辣!!!! 同阿姐講, 俾左碗清湯, 加左落去仍然辣到飛起, 唔係講笑, 辣得嚟仲要苦個隻, 未食過咁差既米線!! 每食一啖就要飲野, 結果剩了大半碗米線, 已經好飽, 因為飲左勁多水, 飽晒!腩肉好少, 切到好細條., 散收收咁嚟呢度千萬唔好坐收銀後既卡位, 因為收銀個位大哥成日踢來踢去, 攪到張凳震下震下咁, 極之騷擾!永遠唔會再幫襯!!

以前黎開荃灣, 一定去長龍店食酸辣米線, 因為佢地做既腩肉,加埋多蔥,真係REALLY GOOD, (其它如雞翼, 魚旦, 水餃, 真係不敢恭維 ). 但實在太...............多人啦, 亦都因為咁先有機會發掘新名店.位于兆和街呢間野, 搭小巴成日經過, 所以以血肉之驅試試!!我覺得不比長龍店差, 應該直情有得'綑'添.呢次Order左腩肉, 炸醬, 墨魚頭, 酸辣米線, 野飲好似加5蚊湯底 - 我覺得非常正, 酸酸辣辣, 酸辣我覺得恰到好處 '師父'我相信一定有d 腩肉 - 我認為同長龍店平分秋色炸醬 - 通常我加炸醬係想個湯好飲d墨魚頭 - 好脆, 好有'0趙'頭, 絕對值得一試另一次試過紅薯粉, 呢味好野, 烟烟unun咁, 非常好口感

上次試過大排長龍既名店, 老實講真係好一般因為我發現對比起呢間真係幾好食我叫左個腩肉牛腱麻辣米線(中辣)一上枱, 見個湯唔太紅, 以為唔會好辣點知一飲......嘩...好正唔太酸但OK麻辣牛腱普普通通, 都有滷水味ge, 不過下次可以唔叫腩肉就真係唔錯, 份量足又入味酸菜都OK~但唔夠酸總括黎講真係好唔錯啦一定會返轉頭!!

呢間係我同老公當年既拍拖食店，一個禮拜去兩次，結咗婚之後中間都有一段頗長時間無食，近月先起公司同同事有時叫返呢間。自從裝修後，我覺得味道有點唔同咗，感覺是湯底多咗好多香料，同以前嚟講都各有各好食啦。米線量不少，頗彈牙，有時外賣來到公司仲有幾個字先食飯時間，放咗幾個字都 ok，當然即食會好很多。湯底酸酸的，尤其我鍾意食酸，每次叫一定叫多酸小辣。腩肉 ~ 夠味，香料味重，唯然整片都好瘦，但又唔會好嚡同靭水餃 ~ 皮小厚，但裡面韮菜等配料好好味大腸 ~ 洗得幾乾淨，香料夠，令佢好入味但唔會感覺到肥膩墨魚頭 ~ 細細粒，幾爽幾好咬，但完全無味，只能靠湯腐竹 ~ 也是要靠既餸，垟而佢本身有豆味，再索湯，好味鳳爪 ~ 無驚喜蘿白 ~ 好甜但………..似用糖水浸出嚟既甜囉......不過感覺味精重了點，食完會有點口渴......

上星期日同朋友行 citywalk, 果然冇估錯, 好悶....... 於是走番出黎行下行下, 去咗呢間食雲南米線, 見到有個低脂紅薯粉, 試下啦, 低脂夠吸引, 不過老實講真係一般般, 又酸又盛, 加咗菜同牛輾 , 可能我唔食辣, 冇咁好食, 不過我男友食酸辣, 佢都話係普通料, 廿幾蚊嘥錢........

今次我要同大家推介既我每個禮拜必食既雲南小窩米線。自問係米線痴，食均荃灣既所有米線舖，始終都係雲南小窩米線既味道最好，d米線雖然幼身d，但係卻是我食過最彈牙既；而d湯底又可以調教到我最喜歡既酸辣味道，係我每次食完都要再返轉頭既動力。所以我話佢係荃灣首屈一指既！雖然間間米線舖既配料間間都差唔多，而此間既腐竹一定唔可以錯過，超好味！讚！