雲南小鍋米線 (已結業)

天呀，2020年真太令人心碎，身為在荃灣長大的人類，最喜歡的莫過於已結業的 #雄記魚肉春卷 米線和將結業的 #肥仔米線（哭）門口貼著海報說因疫情和業主不減租，終於也捱不住了，做到9月19日便光榮結業了，如想多吃一次，我覺得你現在要出門了，否則來不及，真的。-其實我說不上有什麼特別好吃，但就是好吃在那個風味嗎？最主要是湯底的調配吧應該，味道很濃但從不覺得口乾。我喜歡吃酸辣、朋友M喜歡麻辣、朋友W 喜歡撈米線、我媽喜歡紅薯粉，好像沒有那一款是特別多人點的，就各有各市場。餸我推薦豬大腸和墨魚頭，墨魚頭超爽彈又很大顆，我身邊的人都愛點腩肉。小食最喜歡炸雞中亦，燒豬頸肉我也愛，其實蒜泥白肉和那個松花蛋都好好吃，天呀我要哭了。-我期待肥仔米線會很快在附近開另一新店（祈禱）

經朋友介紹食咗一次就上癮 成日都會想去食每次都會叫小鍋米線腩肉紫菜豬紅如果有朋友一齊食 就會叫埋佢個酥炸雞翼同埋吉列豬扒 酥炸雞翼好好食 一定要試好 而豬扒都好入味 應該係佢預先醃左每次都會叫凍利賓納

因為疫情，所以今次叫外賣返屋企食。今次叫左‘腩肉雞絲麻辣米線’，麻辣小辣因為要10分鐘車程先返到屋企本身都好驚米線會冧晒，點知一食落口都係咁爽口店家係唔係見外賣而留手冇煮到咁冧身！湯底依舊係咁濃咁香咁麻辣雞絲索晒湯汁，啖啖肉同湯汁腩南依舊保持水準，肉片好爽身肥瘦平均食得出腩肉醃左好耐，好入味湯本身有配肉碎，唔好睇少跟米線既肉碎都食得出冇求其荃灣其實好多米線，但呢間，我一定會再食因為地點方便，又好味

今日和朋友到城門水塘行山，行完坐小巴落荃灣，行完一定要醫下肚，一落車見到這間米線，決定一試😀😀價錢合理米線一向是我的平價飽肚之選，今日叫了豬肚腩肉紅薯粉，米線🍜最重要就係湯底，肥仔米線這部分做得好惹味，而且好足料，芽菜，韭菜，碎肉樣樣齊，雖然略嫌有一點油膩，但實在太好味，我都忍不住多飲兩啖😅豬肚豬肚夠爽，彈牙，亦都好入味，雖然份量都唔少，不過每一粒都好細粒，如果切大粒少少，口感會更好呢腩肉腩肉亦都好入味，夠淋，都係果句，切大粒點就更好整體來講，這碗紅薯粉好惹味，濃濃的湯底實在令人上癮，但飲太多湯就會有啲鹹，所以我唯有叫杯凍檸茶🤪。

來到荃灣，真係有好多野食，其中荃灣最有名既，莫過於是人稱為米線之都既荃灣，曾經上網介紹過在荃灣兆和街有間好味既米線，想試試龍與鳳，約晚上八時左右，見到環境都可以，客人約坐了一半，我和女友就睇餐牌叫野食，我叫左個涼拌撈米線拼蘿蔔及雞絲，我女朋友就叫左酸辣小鍋米線拼腩肉及豬紅，好快就到了，我就覺得份量唔錯，涼拌米線入面本新已經有炸醬配搭，首先米線彈牙，雞絲有雞味，蘿蔔最正，好甜，我女朋友個碗腩肉正，豬紅正常，辣味好夠，我地叫左小辣，都覺得幾辣，下次可以叫幾小辣，總結來講會建議涼拌米線好啲，雞絲 蘿蔔 腩肉必叫，最後埋單$80。

好耐冇打食評，因為實在太忙碌。今日要推介尼間米線真係值得一試！（短短一星期食左兩次）店內其實位置都多，有卡位同長檯。由於本身冇諗住寫食評（冇影menu),不過最後都要寫一寫！首先湯底係較為濃味既，有肉碎係底。我揀左係腩肉，豬軟骨酸辣米線！兩者都做得好出色，好入味。湯底揀小辣⋯⋯真係好辣！米線煮得滑，唔會好生！最緊要食完唔口渴，因為我對味精好敏感！老婆揀左個酸辣粉 加鴨腎！鴨腎好食！爽口，又入味，做得好出色！酸辣粉味道夠酸夠辣！越食越惹味！值得推介！

去荃灣食個飯先翻屋企，本身食過雲家米線覺得個湯底唔錯，諗住行去食，點知經過千色附近，又撞到一間小鍋米線，都幾多街坊食（唔好問我點解知佢哋係街坊）就入去試吓望落餐牌好熟口面，又講唔出邊忽似，openrice一下原來葵涌同屯門都有分店，佢就係轉手ed之後的華都米線😮唯一唔一樣，係米線轉薯粉一樣價錢👏🏻有小鍋、酸辣、麻辣、涼拌，仲有蕃茄湯🍅嗌咗酸辣薯粉bb辣 ($26)加豬軟骨($9)同菜心($6)，係呀小編廢到小辣都食唔到，要bb🥺👶🏼👶🏼先講湯底，話說小編以前中學係柏麗補習，日食夜食華都米線，雖則話轉咗手，但我又覺得個湯底base（味精）都係似嘅，呢度會再鹹同油少少🤔明明我已經寶寶辣，但望落都好似好重口味咁，中辣大辣係咪變油浸鏹水😀平時最愛一啖麵一啖湯，成日米線當拉麵，飲湯飲到變撈米線嘅我，今次真係飲唔落，因為太鹹😂可能下次走肉碎，會望落無咁得人驚嚟到令我轉驚為喜嘅豬軟骨，本身都無乜期望，點知撩下個薯粉，有4, 5舊豬軟骨，份量算係咁🙃望落舊肉都幾肥，但咬落肉唔乾柴，好入味好淋，以為佢啲軟骨係咬崩牙個種，點知一夾，係Jelly啊🤪🤪🤪🤪佢係好淋，好似食緊軟淋淋的啫喱，但奇怪嘅係，曾經食過

放假黎荃灣搵下好野食，原本想掃街既⋯但太肚餓同太熱既關係⋯最後都係入左間鋪頭食米線～估唔到都有驚喜🤗我本身都係中意濃味小小既人⋯同埋中意帶糖味既野食～呢間餐廳都幾岩我口味～試左豬頸肉墨魚頭腩肉貢丸～腩肉同豬頸肉既味道都幾好，豬頸肉係爽既～腩肉甜甜地，墨魚頭個質地係幾好，彈牙，不過佢無咩味道，如果有醃過會好d⋯😝個酸辣湯底都好飲，不過我叫左小辣都幾辣⋯平時食開譚仔既酸辣都唔覺辣⋯但呢個小辣都差d頂唔順😅但係好味既重有個蒜泥白肉～同譚仔果隻係唔同既～蒜頭味重d，味道我覺得好食過譚仔～不過怕有口氣既朋友可能要考慮下，或者諗下辦法整體黎講下次去荃灣都可以去試下～

最近真係經常食米線，幾好嘅平平地兩個人一舊水都落到樓，經朋友推薦黎左呢間雲南小鍋米線，佢講就同我講，話叫肥仔米線，我都搵左一陣先見到。哎啊，激死，原來屯門都有，哈哈。(之後我都喺屯門食過一次，覺得荃灣店較企理，味道亦較好)餐廳位置頗多，冷氣充足，有卡位，有長大枱，一般小店，有心理準備要搭枱。米線分小鍋、酸辣、麻辣、涼拌撈、熱拌撈、酸辣粉同蕃茄湯底，定價$26/28。配料超過40款，一般嘅都有，尤其係我必點嘅豬紅、雞翼都有，我就心滿意足了。餸菜每款定價$6/8/9，價格唔貴另有一般粉麵同多款小食。豬紅、雞翼、蘿蔔麻辣米線 $46/中辣腐竹、豬大腸、腩肉酸辣米線 $49/小辣米線底料有肉碎、酸菜、韭菜、芽菜，肉碎芽菜頗為大方；我忘記走韭，好在韭菜唔多。麻辣湯底中辣有料到，麻味吏持續，夠過癮，而湯底亦未見大量紅油酸辣湯底帶少量酸菜，酸味較弱。米線幼身，夠爽。個人認為雖然無驚無喜，但冷氣夠，有電視睇，食物可以，價錢唔算好貴，冇乜選擇下我地會回訪。

涼拌米線一個是豬皮，豬片沒有什麼味道，豬耳都一般，兩個餸的份量都很少，通常吃到三分一的時候已經沒了，最後就只是淨米線。撈米線會有花生，酸菜，肉燥一起撈。另外小食是炸雞翼反而雞翼更加好吃，推薦雞翼

22-7-2019 (Mon),又麻煩老公嘅男友人NT 嚟我屋企整電腦,今次NT揀食呢間,唔使我哋去自己外賣返嚟,用 網上外賣平台就可以.佢同我老公都揀咗要食咩後,我就幫埋我爸爸揀,然後落單.老公要$34.00嘅熱拌撈紅薯粉, 有炸醬、酸菜及花生 , 無湯,微辣,加豬皮,鳳爪同螺旋藻,合共$58.00.NT要$31.00嘅小鍋米線,有肉碎、酸菜、韮菜及芽菜,要小辣,加紅腸,雞中翼同豆卜, 合共$55.00.幫爸爸揀$34.00嘅熱拌撈米線,走炸醬、及花生,有酸菜, 無湯,加豬軟骨,豬皮同魚皮餃, 合共$62.00.我要$31.00嘅小鍋紅薯粉,有肉碎、酸菜、韮菜及芽菜,無辣, 加豬紅,魚腐同響鈴, 合共$58.00. 然後要埋佢$46.00嘅炭燒豬頸肉.Foodpand準時送到嚟,一大堆, 七國咁亂,因為冇俾到張單我,我都係寫呢篇食評時上網睇返我嘅record,所以,o衣o家至發現,原來漏咗俾響鈴我.講返嘢食,炭燒豬頸肉份量超少,而且薄切,食落乾爭爭,味道似蜜汁叉燒,超失望.味道:0.5分我嘅紅薯粉呢?粗身.口感腍唔煙韌,又失望啦;而我唔覺有肉碎同韮菜,酸菜就有少少,芽菜有好多,而本身

很少米線店有墨魚嘴呢好煙韌彈牙這次只叫了一餸，主力試小食即叫即炸麻辣炸雞，皮脆肉滑，點麻辣汁味道剛剛好好味道麻辣蓮藕無咩麻辣味但醃了酸醋好醒胃，老公覺得太酸，但我覺得還可以呀女人就是喜歡酸滇川松花蛋味道沒有皮蛋濃厚，如果有麻辣口味會更好幾款小食都唔錯，可是全無麻辣口感呢🙈

星期日看完電影後決定落荃灣吃晚飯雖然經常到荃灣吃飯，但這間米線卻是第一次嘗試店舖座位數量都算頗多，座位與座位之間都不會太狹窄今次點了兩碗米線加飲品P.S. 兩碗米線都走了酸菜麻辣米線小辣 - 豬肚絲雲吞米線煮得剛好，不會出現過淋或部份沒有煮透 麻辣味道十足豬肚絲下次都有機會encore雲吞比較失望，內餡為椰菜絲配豬肉，味道一般麻辣米線 - 豬紅配雞絲想不到雞絲份量這麼多，但值得一讚的是真的手撕而不是切出來豬紅入口滑滑而且經過上湯浸泡如果下次再有機會可以嘗試其他餸菜

回味鴨腎墨魚頭酸辣小鍋米線- 湯底辛辣酸香，帶肉碎甘甜，刺激- 滷水鴨腎偏硬但很入味- 墨魚頭鹹鮮爽脆，滲出淡淡海水味- 米線偏硬，頗掛湯- 芽菜間夾雜著辣椒碎，辣到流鼻水

荃灣隱世米線舖非肥仔雲南米線莫屬普通小窩米線我食唔辣都非常惹味米線湯入面有些酸菜，酸得過隱，唔辣亦十分夠味另外小食方面有個皮蛋亦十分特別，係第一次見透明黃色的皮蛋另外炸雲吞易炸得十分脆很好吃總括肥仔米線喺荃灣最好味的米線鋪