雲南小鍋米線 (已結業)

幫襯過無數次既雲南米線，面質非常爽彈，水準每次都保持得很好，唔會好似譚x咁要靠運先食到唔會過淋既米線，湯底亦都唔會好味精，食完唔會好口渴；店內冷氣充足，34度食都唔會辛苦。小食方面豬頸肉太乾、米線配既雞翼都太鞋

已經食過呢間米線無數次，每次係荃灣諗唔到食乜就會食，前晚收工，媽咪話出街食飯，我又捉左佢黎食啦！每次我地都係叫酸辣小鍋米線加腩肉，走青，小小辣。呢度既腩肉唔同出面，係冇舊肥豬肉係上面，又夠入味，岩晒我。我唔算係好食得辣，但呢度既辣係好香，以前我叫小辣都辣到我飛起，所以小小辣就剛好啦。仲叫左一碟燒豬頸肉(食食下先記得影，分量冇咁少的)，都係我每次必點的。埋單剛好$100，我覺得都算抵食了，我自己覺得好食過連鎖果間米線，呢間一定係我最喜愛的米線，沒有之一！

26蚊酸辣米線，魚腐加5蚊，凍檸茶加7蚊，埋單38，好合理。先講米線，麵條煙靭，芽菜特多，食到尾都仲有芽菜！我揀中辣，湯底偏甜，甜甜辣辣咁好好飲麵條仲吸咗湯既味，要魚腐5蚊2塊，彈牙，正常。環境舒服，唔會太迫，不過覺得冷氣開得有啲細。最後，我覺得碗麵好大碗，細食既建議叫少麵。

作為一個鐘意食米線既吃貨🙍🏻 間唔中食返碗米線真係一件幾幸福既事🤠 所以琴日趁返工前就係凍冰冰既天氣下食返碗熱辣辣既米線🔥🔥 今次就食返哩間 雲南小鍋米線💁🏻餐牌好清晰 小食下次可以試 款式睇落都幾多款下☺️ 一碗小鍋米$23 一個餸$5/$7 價錢算平同實惠🎈份量正常 肚餓個陣食 對我黎講岩岩好😬 今次我諗咗好耐嗌咩餸 最後簡咗款唔係間間米線舖都有得食既 仿鮑片😋 由於我唔鐘意食韮菜 所以走咗韮菜🙅🏻 但芽菜 酸菜 肉碎份量都係幾多幾足既👍🏻 我簡咗唔辣 但個湯好好飲 我覺得係米線既精華☺️ 米線唔會話過軟過硬 仿鮑片有三片 味道唔錯既 都幾入味🤤夾埋食咗$28 帶住一份幾濃既滿足感離開💕哩間算係荃灣區我認為幾值得一推既米線舖😘

由於位置唔起眼，經朋友介紹下，終於都可以試下呢間米線！今次叫左兩餸，腩肉同蘿白。我最鐘意食呢款腩肉，因為無左上面白色個層！蘿白都清甜，索理d 湯，無得頂呀！荃灣米線咁多間，我會keep 住食呢間！

好怕食米線食到熱辣辣, 所以多數買番屋企食, 唔鍾意幫趁連鎖米線鋪, 所以行過兆和街入左呢間雲南米線.有小鍋米線或者酸辣米線選擇, 要左後者小辣, 因為米線底本身有牙菜, 酸菜等, 所以餸祗係要左腩肉同豆卜. 腩肉本身有少少辣, 幾入味又林身, 但份量相對少同薄, 唔太夠. 反而豆卜大大舊, 索晒湯又腍又入味, 口感不錯. 而米線夠彈牙, 唔會太林.

行完山，心思思想吃米線。原本以為係尖沙咀某相同店名的分店，原來不是，不過所售賣的大致相同。牛展小辣紅薯粉。幸好不太辣，牛展有兩塊，紅薯粉竟然是入味的，煙韌。配料芽菜挺多的，爽脆，不錯

好多人都怕自己一個人晚餐，尤其女仔，好驚俾人見自己一丁友，不過，自己食飯者，感覺不應該太差一條友晚餐， 米線係最快靚正既選擇譚仔- 我差不多無食一個月， 原因係我每次晚上食完都好眼訓， 昏睡那一種，好奇怪～初試這家米線，一張餐牌， 簡單直接本人很久以前對任何米線的肉碎都抗拒就來個麻小辣試試其實⋯⋯佢無一般麻辣有既花椒八角味有酸菜配料加起來，似酸辣多些餸就正常囉，食到，無特色，穩陣型不過小辣都好夠辣，忍不住要加可樂解辣， 好一點，不過都食唔到落去。最後女侍應給我一碗清湯，勉強才吃畢～ 女侍應跟我聊了幾句，佢話譚仔既辣同呢到唔同， 呢到佢話自己吃中辣都飲唔哂d湯（飲湯！）小店有種樂趣是邊看電視，邊吃晚餐的時候，會留意到那些那些渺小的甲乙丙丁- 又另一個香港人打併的故事

成日俾阿媽鵝：唔好食甘辣呀，食辣冇益架….對胃刺激吖，膽又唔好吖等等⋯但其實，好處都唔少架～血液循環好d啦，美肌啦，降脂同止痛嘅功效～我唔顧得甘多！我只係知道好食同埋好想食！！又黎麻辣米啦，今次我一反常態，密密咁嗌（餸），是關今晚真心餓，午餐係11:45食，到晚餐已經係21:30喇！！十粒鈡冇食過野呀大佬！豬腸幾入味，肥膏唔多，份量如果多dd就好喇，墨丸有咬口，唔會林，免費配菜份量少，芽菜得几條仔，湯底夠辣，好好食，食完大汗直標！爽！朋友仔叫薯，我本身麻麻地薯粉，因為好幾次食過都消化唔好，胃痛（喺出面其他鋪頭食過），而且薯粉口感較悶～以下係photo only，沒有評價，呢個係我朋友叫嘅！食完去按摩嘆下先，荃灣呢度附近都幾多按摩店架，不過好多時都full，如果食野加按摩，我建議大家食前book定先喇～

呢間野啲辣唔係一般人接受到，如果你接受到呢間野既小辣，咁你就接受到三哥米線既大辣喇。呢間野啲米線，本身包左肉碎，呢方面我覺得幾好，因為有啲店要另收幾蚊。環境方面我覺得幾寬敞，晚上七點食都唔滿

This restaurant is located in the heart of Sheungwan and serves Yunan noodles at its finest. The concept is create your own noodles, picking and choosing your own ingredients, with soup or without and the type of noodles. As seen in my picture, I opted for no soup, rice noodles (which are actually quite firm and chewy) and pigs blood, pigs ear, peanuts, pork intestines and fatty beef. I've actually had the soup version before, in whcih the soup is spicy/sour and has great flavor but my personal

好耐無去食過喇，好掛住佢個墨魚頭今日新同事去攞位先，但公主我成日都唔記得間嘢叫咩名，淨係記得有個員工個樣勁似少林足球嘅六師弟，所以叫同事裝下邊間入面有個六師弟就入去啦😂😂😂😂😂因為真係太似嘅關係，同事搵到之後都笑到傻😛😛😛😛😛一坐低，其他侍應都無乜點理我地，張枱又未抹過一陣，阿六師弟一番嚟就拿拿聲抹枱落單，超勤力，如果其他人都係咁就好好多～酸辣小鍋米線配墨魚頭墨魚頭係公主我每次必叫嘅因為唔係間間有得飯，每次亦必叫酸辣小辣因為真係幾辣下，而且真係超大碗飽到上心口捧住個肚。隔咗咁耐無食，點解今次好似細碗咗嘅？之但係食完都係好飽，不過大食同事覺得唔夠😳😳😳墨魚頭依然好食，又爽滑又彈牙又入味，正！如果再多幾舊就仲好。而且又有好多芽菜，酸菜同辣肉碎，啲料好豐富。酸辣又夠酸，但小辣已經好夠，太辣就會搶晒啲酸味，依家剛好中和晒。不過同事果碗雖則都係叫小辣，但好似俾錯中辣佢，食到佢淚流滿面😭😭😭😭但佢都覺得係好食嘅～總結：雖然比以前細碗咗，但公主我已經好飽好滿足了。而且墨魚頭真係唔係間間有，又好味，正正正正正！😋😋😋😋六師弟真係好勤力，所以公主我極度懷疑佢其實係老闆～

尋日(30-11-2014 Sun)朝11點幾,同男友出尖沙咀前食個晏,先去青山道健康工房,但已經執o左,變o左美食坊,睇吓有冇飯食?有,有咖哩飯,咁入去啦,睇睇價錢,嘩!$48.00,唔係o掛?唔怪得冇客人啦,我o地即走.咁去翠苑啦,去到,亞姐問幾多位?我答兩位,亞姐就指我o地搭門口o既卡位,今日假期比較多人,原本OK o既,不過男友唔想坐o係風閘底,於是調位,佢去坐張長方枱,o岩o岩拎茶o黎o既亞姐見到,就同男友講唔得,男友就話唔想坐風閘之下.亞姐就指入面話o個張方枱,但男友已經唔高興要走人,因為就算唔得,都唔應該喝佢.咁我o地又行入兆和街啦,第一間好似係蘭州拉麵o既爆滿,繼續前行,見到呢間食米線o既又冇乜人,就呢間啦.我o地坐低,男友提我啲o野辣個喎,我問有唔辣o架?我o地諗定o左叫啦,我要$38.00o既鹵水豬頸肉米線,問唯一o既男樓面(應該都係老闆)係味唔辣?佢就即時寸我辣唔辣自己講. 咁我話唔辣.男友要$23.00o既涼拌紅薯粉,加$6.00o既豬軟骨同$5.00o既魚腐.最後我話要杯豆漿,男友都要,即其兩杯,每杯$6.00.落完單等, 陣,兩杯豆漿到o黎,之後我o既唔辣

荃灣真係超級多米線店,今次來試呢間雲南小鍋米線.店子感覺不太乾淨,可能係色調問題叫了一個撈薯粉,蘿蔔和腩肉加飲品TOTAL$48.腩肉入味咸辛,雖不夠肥美但總算惹味.蘿蔔少少甜但有不少渣.薯粉煙韌,十分索汁但好滑,好難夾起.但以上既全不是重點,重點係個汁超級酸,身為愛酸之士既我都頂唔順一碗薯粉係好似食醋咁.我諗我都頂唔順,普通市民都唔掂.建議來呢度食湯米線

今晚7pm入餐廳,點知無晒卡位…之後有張卡位的人客走左,點知黎左4個不斷以粗口高談闊講的4個傢伙… 本身餐廳幾靜,點知我地隔黎張卡位,o黎左果4個客人..簡直係影響食慾………搞到我同對面個朋友講句野都要好大聲…哼!!!我揀左個撈紅薯粉(配1餸,多酸) $24紅薯粉粗圓身~口感還不錯,但唔夠川味紅薯粉店那麼QQ,好多酸菜~很好!!食完唔怕「濟」~配料揀左螺旋藻