雲南小鍋米線 (已結業)

呢間小店經常擠滿食客，快靚正兼大衆化，颇受歡迎。叫左小鍋米線小辣加腩肉和牛，腩肉肥瘦適中，牛夠腍有牛味，小辣湯掛滿彈牙米線，小鍋米線本身有肉臊和芽菜，令整體更富口感，加上份量十足，難怪大受歡迎。

荃灣貴為香港嘅天空之城同米線之鄉，飲食行業競爭好大，而我認為以下餐店能在荃灣穩腳立足，全因佢好味既米線同燒豬頸肉！佢嘅豬頸肉外層乾脆，內層肉質鮮美，加上簡單泰式辣醬嘅點綴，味道好到令人一食難忘。

<年初3 食個米線先>🍜荃灣勁多米線食應該好多朋友都知， 但要喺初3 有開有 d難度， 經過兆和街 前後好多茶記都係要加二搶錢🤨 唯一得呢間雲南小鍋米線唔洗加 所以就入左去😂🍴涼伴撈米線 26 蚊🍜豬潤 同豬頸肉 各加8 蚊 🐷因應天氣太熱所以點左個凍撈 . 佢個米線係似上海麵 圓柱身 粗幼適中 比較爽口嗰 d黎 嗰 d酸菜 連埋 d辣汁 我點左中辣🌶大家切記要當佢辣過出面一個 level, 如果佢係中辣 就等於出面大辣😂 我幾鍾意佢撈埋花生食 有 d口感 而佢既豬頸肉 都唔錯 爽口 夠肥膏， 如果味濃香 d會更佳🐷 另外豬潤 個味夠 但就嫌熟左少少 但可接受 煮野食偏慢 , 整體尚算唔錯 , 若經過荃灣 呢間方便 可以輕鬆食下😃#米線 #撈麵 #酸辣 #豬頸肉 #豬潤Score 平均分 <6.7/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#雲南小鍋米線荃灣兆和街32 號

荃灣一間較少人熟悉的米線店，同事話抵過食譚仔，咁就辜且一試。午膳時間來到，都巳經八成客滿，看來頗受街坊歡迎。服務的姐姐雖忙，但亦很友善，老板坐柜枱收錢，但亦有時幫忙落單，互相補位。看了一下餐牌，馬上點了酸辣小鍋米線，加腩肉及墨魚頭。等了十分鐘，終於有米線食。湯底，酸味醒神，辣味十足，餘韻帶甜，與任何一家米線的湯底都没有撞味，别樹一格，甚有辨識性。米線比普通的米線幼，但軟硬適中，又具韌性，掛湯的能力也十分好。腩肉肥而不膩，以麻油炆煮過，鬆軟不柴，好味又有特色。墨魚頭彈牙，没有特色的調味，但就食得出墨魚的原味，比吃墨魚丸更好。碗內還附送了分量十足的芽菜，韮菜及酸菜，相當慷慨。埋單43蚊，米線不連飲品，不算平，但用料足，味道佳，推介各位一試。

黎到荃灣咁多野食都唔知食乜好，經朋友介紹就一齊去左食”肥仔酸辣米線“。 因為好想食紅薯粉所以叫左個酸辣粉加腩肉同一杯豆漿。酸辣粉叫左小辣，冇諗過佢小辣都幾辣下，好彩我叫做食得辣，朋友食唔到就係咁飲水。佢小辣似譚仔既中辣，不過唔知係咪辣得制既關係，唔係太食到酸既味，有d失望。不過腩肉好食，份量都比多得，佢唔係平時既一片片係好似豬頸肉咁長身。食落有彈性唔會過老，雖然知佢辣但可能比個湯底影響曬已經唔太食得出佢辣。 但係都好食!

#墨魚頭豬腸酸辣米線 $41每次去到荃灣都唔知食咩好今次咁啱經過依間米線舖就入咗去好似平時都有好多人排隊🤔好彩我都算早 所以入面仲有好多位依到啲墨魚頭份量雖然少咗啲但係就好爽口 好正！🤤而豬腸份量就多啲 亦都冇乜肥膏依到啲米線比較幼同埋唔會淋但我本身雲桂香都食到中小辣嘅竟然覺得小辣有啲辣😟唔知係咪太早影響到呢🤔評分:7/10

前排無意中見到十大米線之選，其中第一就係葵涌雲南小鍋米線，咁我就立即入去睇吓食評啦！原來佢有四間分店，其中一間仲要係荃灣，咁我就立即去試吓！我女友就叫左雞翼蘿蔔雞腎小窩米線（小辣）雞翼雞腎米線都係正常，無伏，但係蘿蔔就出奇地好味，非常之鮮甜，及非常淋，口感非常好，至於小辣湯底就其實都幾辣， 所以建議食唔到辣嘅下次小小辣，湯底就明顯同其他店唔同，辣味非常重！知我就比較鍾意食涼拌米線，所以叫咗豬軟骨豬大腸腩肉，豬軟骨出色嘅，腩肉都強烈推介，但係豬大腸就麻麻，唔使刻意去試！至於涼拌米線就普通啦！因為麻油味較重如果鍾意麻油味較重就可以不妨試吓！仲叫咗個唔知叫咩蛋，味道都幾特別總結來講，味道唔錯，份量好足，價錢唔貴。

是日路經荃灣，已是接近五時但午餐仍未食突然想起荃灣有幾間出名米線上網一看發現附近便有間，於是決定到來醫肚落單時已問侍應無辣是否等於清湯侍應說不是清湯，而且豬肉碎會令湯底帶微辣如果真係要不辣可走肉碎，解釋相當詳細平日食譚仔不辣就等於清湯結果碗湯沒有什麼味道相當無癮聽到無辣不是清湯很慶幸，最後選了無辣的小鍋米線小鍋米線(無辣/配豬軟骨、蘿蔔及唐生菜)米線配料有肉碎、芽菜同酸菜因為肉碎同酸菜既關係，即使無辣其實都會有微微酸辣對於只能食微辣的本人而言剛好先講米線，口感帶點煙韌，麵身不會過熟發脹豬軟骨口感軟腍，很入味，而且食到好多膠原，好評白蘿蔔是白恰的，所以本人會浸在湯一陣等入味才食味道很清甜，不會很老，不錯唐生菜，口感爽脆，但份量偏少，只有三片，有點失望感覺揀白蘿蔔會比較抵食整碗份量亦很足夠，小女生食完很飽唯一大扣分的是食到疑似平日用來「省鑊」的鐵絲相當不安，衛生度跌入谷底總括而言，三餸米線$45一餐，是很平民的價錢總比去中茶記伏來得好本人口味偏向清淡，以酸辣米線而言，湯底味道不算過濃，剛剛好份量方面和餸的表現也不錯但食完會頗口渴，味精應該不少，如不打算加錢跟餐飲最好買支野飲旁身值得一讚是上

食飯時間 求其去附近食今日肚餓 叫多幾樣餸涼拌皮蛋女朋友唔鐘意花椒八角陣味 我又ok喎入門口果陣 見到隔離枱D紅薯粉幾好食 所以決定食紅薯粉 我叫左豬骨湯紅薯粉 餸有豬腸 生菜 腩肉 豬脷 豬骨湯淡淡地 還可以 紅薯粉太滑 冇乜口感我唔鐘意 女朋友反而好鐘意食豬腸好肥 生菜有好多 好少會比咁多 腩肉有D韌 豬脷陣味好怪 但又唔係栗 我都唔知咩果唔知點解間野所有野都好怪 服務態度亦麻麻 最嬲係有樣野我叫左 佢冇黎 仲話屈我冇叫 （落單同送餐唔同人黎 唔知唔緊要 你可以問 但唔好屈我）我諗我唔會再黎食

一直都覺得呢間小店應該不錯，今日見時間尚早帶同好友一齊去一試，點知試完有少少後悔呢......我叫既係雞絲紅薯粉，雞絲好似係用水煮既咁，同比我隻貓食既睇落賣相差不多，食左一啖已經放棄左，紅薯粉係煮到好似煮左十年咁，一d紅薯粉既特質都無，個湯好似落漏左調味料咁淡而無味，朋友叫既係墨魚頭米線，墨魚頭係合格好吃的，但個米線係一半過淋一半過硬，好似分開煮咁，湯都係一d味都無，令我地懷疑係咪個人無左味覺，唯一個鴨腎係叫正常擺得落口

又去到hea 食lunch既時間🤔平時食紅薯粉/ 米線去開另一間，今日特登去啲未食過既餐廳。「雲南小鍋米線」，經驗話比藍妹知，個餐廳名就叫菜式既種類/款式既，通常都唔好食🤦🏻‍♀️今次又準備試伏......-Menu簡單，都係自己揀湯+餸。-豆漿大枝。-涼拌皮蛋花椒八角味好重，本身藍妹唔係好頂得順陣味🤢陪人食左幾舊，還可以既。-我地叫左響鈴另上，一份有3條，硬係覺得佢有啲林😮唔知係咪錯覺-豬骨湯/ 紅薯粉 / 豬腸/ 生菜/ 腩肉/ 豬脷豬骨湯唔會好濃，不過我覺得似雞湯多啲😂紅薯粉既質地好怪，好彈，又滑，係完全咬唔到，想咬但一下就滑左入喉嚨，口感變到好差🤦🏻‍♀️▶️豬腸，好肥好多膏▶️生菜，好多條▶️腩肉，一開始漏左冇黎，有啲韌▶️豬脷，硬係有啲說不出既古怪-蕃茄湯/ 紅薯粉/ 豬腸/ 墨魚丸/ 魚腐/ 豬頸肉蕃茄湯係冇味嫁😭唔酸唔甜，一飲就知係加左好多水🤯▶️墨魚丸，第一啖真係有墨丸味嫁，正想話唔錯，啲味就冇哂，變到好淡（點解可以咁神奇😱）▶️魚腐，未食過咁薄既魚腐，厚支竹少少🤣有陣古怪味▶️豬頸肉，略嫌有啲粉，味道都係怪-成餐午飯，我講得最多既都係「真係好怪」，佢唔係難食，但味道古怪，令你質疑自己

我好鐘意食佢個涼伴米線 因為我本身唔太鐘意食熱野既人 咁就岩晒我 涼伴叫左豬軟骨加豬頸肉 豬軟骨都好爽口 豬頸肉正常 我叫左小辣 岩岩好 都仲接受到個辣喇 叫左個雞翼食呀都 都幾正 係老水雞翼黎

一向鐘意食米線，黎到荃灣，朋友介紹左我食呢間「肥仔米線」，一試難忘。主食米線我選擇了麻辣湯底，湯底配料用左芽菜、酸菜、九菜等，食起上黎其實好有「南記」既味道，但係湯底比「南記」更入味，酸辣味道岩岩好，每次都忍唔住飲少少湯，真係好好味!至於餸選擇方面，今次我試了生菜、豬紅、魚皮餃、雞翼四餸的配搭，雖然都係正常發揮之作，冇咩特別，但係配合個湯底一齊食，真係回味無窮。小食方面，大家亦可以一試豬頸肉、炸魷魚、炸雲吞，呢三樣小食配合甜酸醬都好滋味，不過真係有啲熱氣，特別係炸雲吞，有瘡瘡的朋友要注意下喇~順帶一提，呢間鋪幾凍檸茶都幾好飲，配搭麻辣米線一齊食岩岩好。總言之，呢間米線雖然唔出名，但真係比其他出名既連繫米線店好食，大家經過不彷可以試下，感受下!!

呢間米線成日都黎食，黎親荃灣，諗到想食米線都會食呢間。呢間唔係連鎖，但係好味過連鎖米線。次次去都滿座架。三哥個D愈來愈差，連D餸都愈來愈唔好食。酸辣小鍋米線加蘿蔔，加墨魚咀。蘿蔔無渣，夠入味，甜。墨魚咀，夠彈丫牙，好好味。蒜泥白肉好正，塊塊白肉都有蒜泥。值得一試。服務就真係一般，話曬都小店，佢地應該係一家人開ge，所以去左咁多年都係果幾個人招呼。卡位幾舒服，其他位就迫少少。但係食物同價錢贏反喎！！！

今日去荃灣睇完戲，行完街又未諗到食咩晚餐，行過見到間小鍋米線，就一心入去試下。環境舒服，夠安靜，唔會好嘈個啲，可以2個人，好好傾下計食飯。我嗌左碗小鍋米線，加雞絲，蘿蔔，清湯碗米線超大碗，完全唔古汁！以前去食親米線蘿蔔無渣已經好好，但今次無渣之餘仲要超甜！雞絲份量好多，都撕得好平均，唔會好大舊！朋友嗌左小鍋米線，加通菜，雲吞，雲吞味道一般仲嗌左份口水雞，雞肉都夠嫩，但係唔夠味，辣油偏咸，無咩辣，但份量都係好足！真係好抵食，食左半碗就食唔曬。所以細食既朋友建議叫小米！