雪山冰廳

营业中

休息中

去咗老字號冰室雪山冰廳醫肚，多多支持香港小店💪🏻💪🏻💪🏻💪🏻🍔經典芝士煎蛋牛肉漢堡包 $30熱辣辣上碟，好有香港本土味賣相雖然一般包整得脆脆地 食落幾好味而且個蛋煎到啱啱好一咬落去啲蛋汁必哂出嚟計埋d 牛肉一齊食簡直一流🤩☕️香滑樽仔奶茶 $25呢度啲奶茶唔會過甜奶同茶嘅味道平衡得幾好😙🍗避風塘炸蒜雞脾 $28辣辣地幾惹味炸得雞皮幾香口忍唔住食左好多雞皮 好邪惡🙈雞俾肉依然香滑又唔會太乾電

中午同朋友食個 lunch，之前去過深水埗果間雪山冰廳食過覺得幾好味，見到長沙灣呢度居然有分店，所以就約咗朋友入去食🤤我就叫咗一個海南雞飯。估唔到長沙灣分店都一樣咁有質素，雞肉嫩滑，飯有椰香味，醬汁都調較得幾好味，仲有我最愛嘅醃蘿蔔同埋青瓜❤️朋友就叫咗芝士白汁巨大漢堡扒蛋包飯。個蛋包飯睇落去好水嫩咁，結果一口咬落去，隻蛋果然整得好嫩滑！連埋芝士漢堡扒白汁一齊食，就食到唔同層次嘅味道，份量仲好多，我哋 share 食都食唔曬！！飲品方面我當然要飲佢嘅招牌樽仔奶茶，又滑又香奶茶味，正！朋友話佢叫嘅嗰杯雜果賓治都唔錯，有好多水果同埋蒟蒻～我睇餐牌嘅時候仲見到佢個炸雞髀好似好正咁，決定下次再帶男朋友嚟食先得！！

前幾個月去過一間深水埗茶餐廳，由雪山茶餐廳升級變成雪山冰廳，一間好受街坊歡迎的老品牌茶餐廳，最近開了長沙灣分店啦！店內乾淨簡潔，空間密集座位舒服，來到店剛好在早餐與午餐時段之間，整間餐廳坐無虛席，等了數分鐘安排到二人卡位準備開餐，餐牌與深水埗店一樣，懷舊食物與聯成東南亞食物應有盡有，今次就一試蛋包飯及皇牌推介系列!皇牌推介「經典芝蛋牛肉漢堡包$32」賣相非常吸引，拿上手就知新鮮即製，麵包熱辣辣，散發著芝麻香味，加上厚身又肉質鬆軟的漢堡牛肉，肉汁、芝士、胡麻醬汁及流心蛋蛋汁，全部融合哂一齊! Juicy 得驚人!CP值可以話係甚高! 必食推介!「招牌海南雞飯 $58」用上仿竹身籃的圓碟上碟，觀感吸引，雞肉滑溜，光澤的雞皮下有可口的油脂，配上炸蒜粒、蔥粒、酸菜、酸辣醬及甜醬油，送著香飯粒，是有誠意的招牌雞飯。「南洋咖喱吉列豬柳配蛋包飯$65」咖喱香辣足料，滑蛋蓋飯色澤美，豬扒炸得香脆，雖然感覺有點過火，但不會過分油膩，炸粉不會過厚。港口味雜果賓治跟餐特飲+$9華田曲奇妙趣 跟餐特飲+$15特飲大大杯夠哂一餐解渴用膳，跟餐必叫的飲品系列。香滑樽仔咖啡$15咖啡味濃香，有種忌廉味蓋過了太濃的

一家大細去冰室食飯，貪佢唔止有傳統既茶餐食物，仲做得出色，當然無加一亦係一大賣點。呢度既滿足到屋企人食正餐，又滿足到為食的我食漢堡包歎下奶茶咁，真係幾好。經典芝士煎旦牛肉漢堡32價錢平，芝士溶到靚一靚，就連煎旦都爆漿流心，牛肉做到五到七成熟，芝蔴面包烘過脆脆的，有黑椒味好正，係香港人既味道。鐵板蝦干肉碎啫啫芥蘭72和家人吃飯，他們一定會叫菜食。啫啫有鑊氣，肉末碎半肥瘦，唧唧叫囂，蝦干咸香四溢，平衡芥蘭天然的甘味，咸咸地好好送飯。咸旦黃一字骨72賣相一流，抵食夾大件，排骨炸到脆一脆就沾滿濃濃既咸旦黃醬，落左好多咸旦黃呀不欺場，肉多骨少不太肥就邪惡萬分，卻又美味無窮。椒鹽鮮魷78 即叫既做，炸粉薄，大到嚇死我，鹽份適中不過濃味，魷魚量多又有彈性，加賣辣粉同醋開胃不少。跟餐燉湯加15x2是日係川貝蘋果雪梨燉海底椰湯，大盅而且湯清澈，無肥膏浮面，清潤無負擔，好啱少湯水既我。跟餐樽仔奶茶加15樽仔奶茶濃縮幼滑，冰凍無冰，茶香奶甜。食後感：卡位ok舒服，冷氣又夠，侍應都是大齡阿姐，服務卻不比年輕人有差，做事又快，又不會催你下單，而且才一百左右一個人的人均消費呀！

⭐️👉🏻評分: 8/10————————————————————呢間開業60幾年嘅老店、經翻新後再開分店，聽講唔少同學好鐘意係app嗌佢，質素似乎有保證喎！————————————————————🔹 椒鹽豬扒飯炒底 ($58)🔹 經典芝士蛋牛肉漢堡 ($32)🔹 經典樽仔奶茶 ($15).呢個椒鹽豬扒真係好香口，炒飯有誠意、夾雜洋蔥、雞蛋、椒絲，金黃粒粒分明又乾身，唔係hea你個隻炒白飯。😋不過塊椒鹽豬扒就真係夠後生先好食，有三高嘅即刻打橫出翻去😀，炸蒜夠重口味、豬扒入味肉嫩，小pin鐘意濃味嘢就啱哂！仲有啲諗起元朗玻璃屋tim！🥰.店家提我地要小心熱！因為隻蛋一切就會瀨哂嘢～🤩漢堡扒食落帶點爽口、唔會又散sausau咁、加上芝士蛋，同烘脆嘅面包，好滿足！不過如果入面嘅醬係沙律醬唔係胡麻醬可能更夾！🍔.仲試埋樽仔奶茶！🍼賣點係又凍又無冰！我就覺得以預先包裝奶茶嚟講，佢算幾滑，入口唔達喉唔會搞到條脷好鞋！但我自己就鐘意茶味濃嘅即沖水吧奶茶！🥤..✨雪山冰廳✨📍長沙灣青山道413號⏰ 0630-2300.

屹立於深水埗超過60載嘅「雪山冰廳」原來在長沙灣都設有分店，今晚剛巧會到附近看戲，那就到雪山醫肚。分店環境光猛和整潔，感覺舒服，十分旺場但幸好剛有張卡位座。餐牌選擇多樣化，新舊並重，且圖文並茂，誘人非常！懷舊食物如避風塘炸髀、紅豆冰、絲襪奶茶、始祖椒鹽豬扒飯等；新派作品，則有檳城叻沙摻摻特餐配搭日本櫻花蝦炒蛋、日式照燒雞翼撈公仔麵常餐配黑松露炒蛋！《招牌海南雞飯 $54》 （送熱飲，凍飲+$2）油飯太好賣，晚飯時間已售罄，招牌海南雞十分嫩滑，雞味濃。配 《樽仔奶茶 +$9（原價$15）》樽仔奶茶，一早沖泡好，茶與奶的比例恰到好處，夠滑且不會太甜，原汁原味。《時日蒸魚套餐 $78 （跟餐+$6）》配熱飲+$6 配燉湯「薏米海底椰燉赤肉 +$15 」最愛燉湯配蒸魚，今日蒸魚十分肥美，湯清潤。《梅菜菜心炒牛肉 $72》（跟餐+$6）配燉湯「薏米海底椰燉赤肉 +$15 」驚喜的是足夠4人份量，好大碟，喜歡這個配搭，梅菜很好下飯，牛肉腍軟，菜心新鮮。忌廉薄荷朱古力 +$9

同事話上星期食過雪山冰廳覺得唔錯, 今日就叫我lunch一齊去試下😆。去到嘅時間都幾多人, 但上菜速度都幾快, 我地兩個女仔叫左個兩個餐加兩個小食☺️😋 椒鹽豬扒飯(炒飯底)🌶🧂🐷🥩🍚, 椒鹽豬扒好香好惹味, 炒飯粒粒分明, 份量亦唔少👍🏻全日早餐, 有炸魚柳🐟, 黑松露炒滑蛋🍄🥚, 脆皮腸, 茄汁焗豆同丹麥多士🍞, 炸魚柳香脆, 炒蛋幾滑, 但茄汁焗豆嘅茄汁有d稀身, 焗豆少少硬🤔生炸避風塘雞脾🍗, 偏重口味, 但味道唔錯嘅榛子醬西多🍫🍯🍞, 西多炸得幾金黃色, 味道唔錯, 如果再多d榛子醬會更好🙈🤣總結:食物質素ok, 價錢亦都唔貴, 每樣都算大份嘅👍🏻

今晚呀媽問去邊度食飯，呀爸突然話食雪山，我心諗深水埗。咁遠？😱😱原來屋企附近新開左一間。咁都無咁驚。😂😂😂本身我個人喜好食西餐，但來到餐廳成家人咁，所以都係跟大隊叫餸食飯lu.....😂😂😂. 一來就睇中個燉湯2人餐，有燉湯又有2個餸，其中一個可以揀魚🐟🐟 或者雞，本身想㨂魚$78，但店員知我地都想食雞，就叫我地叫半隻雞，因為半隻雞淨叫都要$128，所以係抵好多，最後我地叫左個霸皇雞，隻雞超滑，又無骨，唔太肥好好食喎。。之後我地再加$10 upgrade 左個餸松露沙拉骨，一碟6舊，有啲少，其實松露又唔算特別香，沙律醬又有啲酸，我覺得麻麻地。😂😂之後我地再叫左個$78蒸黃鱸，條魚蒸得啱啱好，好滑無乜骨，都幾好食。👍🏻👍🏻 最後食七埋個西蘭花斑塊，炒得好香，斑塊啖啖肉，西蘭花略大舊，如果可以切細少少就perfect lu~~😂😂😂😂. 差啲唔記得講返跟燉湯餐個燉湯。。一啲都唔細，1個可以2個人飲都完全無問題，今晚應該係松茸燉烏雞，好甜，好深包，應該燉左好耐，而且感無味精，係真係幾好飲，真心推介。。P.S. 呢度嘅碟頭都算大，我地5個人今4個餸都夠哂食。👍🏻👍🏻👍🏻

聽講雪山冰廳喺長沙灣開左分店，咁啱又同朋友經過就入左去食。深水埗果間之前食過晚餐，印象唔錯，今次就食午餐。上次食過芝士焗波士頓龍蝦海鮮飯超足料超正，今次就試下其他野，特別想試南洋咖喱。於是就同朋友叫左檳城叻沙海南雞米線、焗南洋咖喱吉列豬扒飯同埋經典芝蛋牛肉漢堡包。焗南洋咖喱吉列豬扒飯︰咖喱香辣足料，蛋超滑，豬扒炸得好脆，但係唔會食到成口油，而且D炸粉唔厚。經典芝蛋牛肉漢堡包︰漢堡扒好厚，蛋有半熟流心既效果，芝士融融地咁，好正，小心唔好太大啖，好熱！檳城叻沙海南雞米線︰香辣，正！一食落口就食到香濃既叻沙味，但又唔會太辣，我自己唔算好食得辣都ok，仲飲左好幾啖湯底添。海南雞好滑，唔錯。唔錯既餐廳，去開長沙灣既大家不妨一試。

今日在長沙灣活動，無意中收到呢度嘅外賣單，選擇十分多但價錢又不貴。見晚飯冇着落，下班便走過來「一個人的浪漫」。在冰室外瞄了一下餐牌，一位壯男侍應出來禮貌介紹。主餐牌跟外賣單無異，於是便進內用餐。裝修主打懷舊風-磚牆、卡位格局，內有一部電視，但只播放明珠財經資訊台(誰會看啊)，冰室內全都是男侍應（想起佐敦的光速餐廳），有點令人生畏。滑溜溜叉燒蝦球炒蛋飯($55)個presentation都幾誇張成隻飛碟咁！白飯上的蛋成張棉被咁厚，仲加左韮黃同葱增加香氣。滑蛋應該是加了生粉水去炒，所以滑得來有點「粉粉」的感覺(不像有些餐廳加忌廉/鮮奶那種「軟滑」)。蛋香欠奉，韮黃及葱的角色也不突出。蝦仁彈牙但沒有鮮味。叉燒是半肥瘦，味道偏鹹，混合偏淡的滑蛋和白飯剛好吧...^^” 吃下來總覺得有點單調，於是便問侍應有沒有甜豉油。其實詢問的時候都有點害怕(因為每個男侍應都大大隻隻)，不過再一次證明，人不可以貌相他們都是非常有禮貌的後來旁邊有個嬸嬸問廁所在哪，一個粗獷型侍應竟然温馨提示廁所濕滑，要小心步行really impressive! 雖然今次呢碟飯唔係好好食，不過佢既服務態度絕對會令我回頭呀！

昨晚走左去食呢一間，茶餐廳不嬲都係我既最愛，可以叫餸一齊SHARE黎食，椒鹽鮮魷拼金磚豆腐的確好好味，鮮魷味道咸得黎又幾脆口，食落不乾不油，而豆腐亦都係做得出色，滑嘟嘟既豆腐加上炸香左既脆皮，食落口感一流，總括來說不錯花膠海鮮雜菜煲超富貴花膠海鮮雜菜煲, 花膠份量都唔少, 最鐘意就係佢夠哂大煲, 海鮮味入哂雜菜煲入面, 勁鮮甜, 加上有花膠成個煲餸飯一流梅菜菜心炒牛肉我幾鐘意梅菜既味道, 呢個炒牛肉好爽好嫩, 菜心加埋牛肉既味道食落一流

7點幾食飯時間黎食真係坐無虛席，餐廳既裝潢都係懷舊風而食物既選擇都比較多，基本上茶記有既佢都有。呢度出名既一定係要食佢既生炸肶口感同味道都係呢度先食得到海南雞海南雞整得幾嫩滑，醬汁都係好正宗既，忍唔住加多碗油飯食，估唔到油飯都好好食，齋食油飯都可以食兩碗。油飯SIZE普通，但味道一流！！同海南雞一樣咁正生炸肶生炸脾 - 估唔到可以炸到皮脆肉嫩，一啖更好味，雞皮烤到香脆無肥膏，啲肉又唔鞋，不愧為招牌菜之一。

今日去荔枝角探婆婆，帶佢去樓下茶餐廳食啲嘢，應該係佢帶我去茶餐廳食先啱，因為佢話附近新開左一間成日都好多人嘅茶餐廳原來係雪山冰廳，他們已經在附近好耐歷史，現在再開多間分店！我午餐時間去很多人，好在都唔需要等太耐就有位！我叫咗椒鹽豬扒飯，又辣又香，味道不錯，分量我覺得係多咗啲食唔晒婆婆就叫咗海南雞飯，冰天來說這裏嘅海南雞飯都不錯，雞肉夠林又香！婆婆話好耐都冇食過咁香又滑嘅雞老字號嘅冰廳有口碑有質素，絕對值得支持

食lunch好多次，今日再食完依個椒鹽豬排炒飯忍唔住要幫佢地寫一篇食評！👌🏻豬排夠乾身亦又香蒜係面頭！個炒飯好有獲氣好似係大排檔食咁！真係相當惹味，唯一唔好就係佢太重口味好heavy🤣不過通常越heavy就越好食既....😅收$58真係無得輸！其實雪山都仲有好多好野食，比起好多出面既茶餐廳多好多特色。佢個常餐係咸蛋王豬排公仔面配炒多多士...（$48）唔明點解只得2間分店係好值得一試。💪🏻

又同幾個舊同學返母校探老師，之後在附近食個下午茶，近日好似開左間新嘅老字號冰室-雪山冰廳常餐-有兩款，而我叫左#1，雪山沙茶牛肉公仔麵-沙茶牛肉與外間的沙嗲牛肉截然不同，此店的沙茶牛肉帶點馬拉香料，公仔麵煮得爽口彈牙，配搭起來很有層次感頂級雲腿午餐肉炒蛋配牛乳厚多士-多士很脆，配埋高質午餐肉同超滑的炒蛋一起食，味道非凡爆餡蛋牛治（烘底）- 炒蛋滑，咸牛肉香，餡料滿滿的，再加上少少蔥花令香氣更濃郁，一啖咬落烘至脆身的多士上，就如同名字所述一般，滿滿的餡爆出，香與脆一同爆入口中避風塘生炸脾配紅豆冰 $35-平時單點也避風塘生炸脾$28，下午茶加$7就有紅豆冰飲，抵左邊是紅豆冰，右邊是凍奶茶港式茶走紅豆冰-其中一位舊同學見到個名好得意，加左$9轉飲試一試，港式茶走原指是指奶茶轉用煉奶，再加入紅豆冰中，好有層次，一層紅豆，一層煉奶，一層奶茶，紅豆同煉奶很夾，奶茶茶味定兩者的甜度也得以中和整杯飲品很好飲左邊是樽仔咖啡，而右邊是樽仔奶茶樽仔咖啡-咖啡味很濃香，應該加了忌廉，更滑；樽仔奶茶-茶香奶滑，濃淡適中，奶同茶完美比例南洋咖喱牛肋條撈公仔麵-咖哩汁超濃，有香咖哩味，牛肋條很淋，而且牛肉味完全滲