雪國拉麵 (已結業)

擒日係奶奶去旅行既第一日本來想買牛扒返去煮, 但係老公又話不如出街撐枱腳行行下就入去呢間試下, 我叫咗 :泡菜牛肉烏冬餐 ~ 個牛肉烏冬都可以只係啲泡菜好咸, 個餐仲跟個炸餃子同埋冷熱飲品一杯老公叫咗 :野菜叉燒拉麵 ~ 都ok 起碼啲麵唔係淋既但係最唔好一樣嘢就係佢個湯唔熱呢樣最唔掂仲有佢個湯底好淡同樣地個餐都包一個子食, 我地揀咗炸蠔但係都係唔熱既埋單連加一Hk$121 我諗下次唔會再嚟囉

今日同Ms. B黎食Lunch，12:30pm黎到已經有人等緊位，但可能時間尚早，一陣子就入得去。Set Lunch有十幾款，拉麵、飯、定食都有，小食+主菜+餐茶，大概$50/Set。小食有得揀壽司 or 墨魚丸，我地都要左壽司，但有點似街邊$3件個隻，冇乜特別。咖哩牛肉烏冬 - 個湯好稀，都唔係杰撻撻既咖哩，似係一碗湯烏冬，再落一D咖哩汁落去咁冷麵 - 味道都OK，但嫌個芝麻汁唔夠香以Set Lunch快餐既形式黎講，呢度都唔係咁差；如果夜晚既價錢唔太貴既話，都想黎呢度一試。

見新開張, 經過見唔少人在等位, 就試試啦.....點知未等到位就聽到有剛離坐食客又話服務唔得, 又話要投訴....入回正題,點了數款食物,1. 吉列豬扒拉麵2. 咖哩炸蝦飯3. 天婦羅個吉列豬扒 - 真係死實實, 唔夠鬆脆,好鞋好鞋!個炸蝦仲利害, 嘩! 外表真係好吸引, 炸得金黃, 但一咬下去.....超厚的炸粉厚厚的把幼小的蝦仔團團包圍著, 個感覺直頭像飯團包著一條幼蟹柳!!!其實食到咁以經唔使多講個天婦羅, 應該差不多, 咿! 又唔係喎!!....仲差, 真係未食過咁難食! 個蝦真係炸到好難食, 仲出奇地有天婦羅苦瓜!!! 好夏日呀!!我想這個同屬A1集團的應該真的不是日本人經營吧! 要不他們應也沒法接受這樣變種的港式日式食物......!?!?

見前日新開，於是昨晚同男友來試下，可能係新開6:30pm 已經有好多人係門口睇下睇下，地方已經唔大，仲唔開埋另一邊，等位要等 8 檯，好彩後來肯開埋另一邊，等左15分鐘已經有位。我地要左 2 個 set dinner, 1 個係豬軟骨炭燒雞拉麵+餃子, 另1 個係咖哩吉列豬扒飯+沙津, 仲加左個小食 釀雞翼豬軟骨炭燒雞拉麵：拉麵 ok, 豬軟骨好硬, 都唔係軟骨來！炭燒雞好'鞋'口, 好難咬餃子：一般的日式餃子味道, 如果有碟醋就最好咖哩吉列豬扒飯：好香的咖哩, 吉列豬扒都好脆, 男友不斷話好味！沙津：薯蓉+紅蘿蔔, 好好味, 因為有我o既至愛薯蓉釀雞翼：味道 ok, 如果加 d 蜜糖仲好味, 但男友已經話好本來想食壽司, 但係 set dinner 昨晚o既壽司冇三文魚, 於是才叫了餃子.總括來講都ok.

放工番屋企前唔想煮飯, 見新開and 裝修得幾靚... 打算一試... 點知... 食物:咖哩豬排飯:飯 / 肉 / 咖哩汁 份量不均(4:4:2) ... 無配菜 (well,個汁有一舊細過手指公既紅蘿白)飯 - 唔香, 唔夠熱, 用左太多水煮 = 水晶米粥.... 肉 - 大塊, 薄切, 好多炸粉, 全無肉汁 = 死得...汁 - 我諗我係city super 買包咖喱番屋企加熱仲好... 天婦羅烏冬 + 壽司餸 / 烏冬比例ok ,(6:4) ... 但女仔份量, 天婦羅 - 蝦2小隻 + 南瓜 / 苦瓜 / 番薯 各一小片, 炸得耐同油唔夠熱, 炸出黎唔係金黃食, 已經"老"曬(暗色), 唔脆身 ( 直接用"林"身比較正確).烏冬 - 應該ok 掛... 女朋友食得曬... 我無食過... 因為我唔食烏冬既.. 壽司 - 盡展師傅刀工, 薄切+唔新鮮, 飯唔令身... 好似放左好耐咁... 超級市場果d level 作品服務 (仲勁!!)真係唔明點解可以咁差仲收加一 (等好耐, 筷子同餐巾好似茶記咁... 唔係一位一份... 竟然放係台角 要我地自己拎... 都算...)

食過沙田雪國都OK唔錯...所以今日第一日開張...就去試試lunch....(點幾去到拎位)點知門口位姐姐已經話"我0地而家已經暫停0左派飛"我問佢幾時派返....佢話"唔會再派住0架喇...廚房入面已經做唔切..因為我0地之前已經又再派0左一輪飛...但都仲未到佢0地..."一心諗住食雪國....點知就好失望咁過對面維苑食...<--好難食咁0岩我0地一行三人坐0係維苑最邊..0係整整一個鐘裡面...我0地見到不斷有人去雪國拎飛...但係門口姐姐都係話暫停0左派飛...直至lunch時間差唔多都完...已經空0左幾檯...佢都係話暫停0左派飛...唔俾人入"我即時已經感覺到佢0地欺騙顧客....又話已經再派0左0的飛....(實質只見0的人有出冇入)搵咁多藉口話自己做唔切又乜又乜...其實就想自己落場時間長0的嗎(疑問)...？同埋估唔到一間集團式餐廳都會話做唔切...咁究竟佢0地學乜人做生意呢..？