雪國拉麵 (已結業)

今天來到葵芳睇中午戲,睇完戲順便行下新都會廣埸,見有d肚餓就求其入左依間餐廳,坐底左就即叫菜,今次叫叉燒泡菜拉麵,1上卓更係影相先la..不過d料沉晒底,叉燒食落無乜肉味好淡而且過韌,感覺似放左好耐的,而麵吏湯底不濃不淡算ok,但作為主打的叉燒,竟然甘差就有d失望!

黎葵芳行街行到晚飯時間, 行左好多間都要等位, 所以黎左呢間雪國, 好耐以前食過係麻麻, 不過唔洗等又有服務, 都食多次.要左個鹽汁燒豚肉定食$68, 有兩兜前菜送, 正常味道.個飯黎到都幾大碗, 豚肉肥瘦平均, 加埋D洋蔥食落開胃D, 飯係珍珠米, 咁樣先日式D. 另外個汁都OK, 甜甜地幾夾D豚肉.跟餐仲有餐飲送, 簡簡單單一餐, 勝在1個人100蚊樓下搞掂.

一切由落order開始，先嚟一張叫vivian的臭面（可能因為我要落order打斷咗佢同早安巾之間嘅遊玩時光）覆order時的10.23.45.223.254（你真的認為收咗我餐牌後我會知你覆緊咩？）進餐時的特咸拉麵+湯渣义燒+有肉汁但係咬唔開嘅牛扒+熱的壽司+完全無味嘅豬肉飯（其實廚房裏面真的是廚師嗎？）還有你哋嘅收餐點放嘅客人枱邊都唔緊要（有需要咁大力放落去嗎？突然奇來嘅聲響加一啲飛埋嚟嘅水堅討厭）埋單再送多一張臭面（你好在無名牌）好耐無食過一間裏裏外外都差得咁離譜嘅餐廳！！會好好咁介紹給朋友這用餐黑點

今次去左葵芳睇戲,未夠鐘入場,咪去左戲院隔離餐廳食野lo..我叫左豬軟骨拉麵依碗豬軟骨拉麵味道尚可,拉麵煙韌,豬軟骨較為肥lo,,唔知係咪我個碗係甘!餃子味道較為淡,1定要沾醬食!依碗豬軟骨拉麵份量都夠,整體算ok

今次係第一次有餐廳令我有寫食評嘅衝動，就係呢間葵芳雪國拉麵。上個月同女朋友約咗個friend 喺葵芳食lunch，因為冇乜idea 食乜又成日經過見到呢間嘢，所以就去試下。三個人叫咗一個魚生飯，一個豬扒蛋飯，同一個叉燒拉麵，跟餐兩杯凍檸茶一杯熱奶茶。過咗一陣waiter 送咗三杯類似fruit punch 嘅嘢喺檯上，我同佢講sorry 唔係我哋點架喎，點知佢望都冇望我越叫越走，之後叫咗另一個waitress 幫我哋換，佢拎返走三杯嘢。之後又係第一次果個waiter 拎咗兩杯熱奶茶同一杯凍檸茶嚟，我同佢講唔該我哋係叫兩杯凍檸茶一杯熱奶茶喎，佢又係望都冇望我就走，我不斷大聲叫佢三四聲佢都冇應。我唔知佢係唔係聾啞或殘障人仕，但係咁嘅服務態度我都係第一次見。講到食物質素，我女朋友個魚生飯竟然係熱嘅！難道佢哋唔知唔同溫度嘅食物放埋一齊會好容易有菌？我朋友個豬扒蛋飯，尐滑蛋豬扒勁乾，佢話未食過咁難食嘅豬扒蛋飯。而我自己個叉燒拉麵，拉麵同湯底超級普通，食第一啖已經覺得同一般日本拉麵店嘅拉麵唔同，特別唔好食，另外果兩三片叉燒又乾又鞋，最後我食淨一片叉燒唔想食，都係第一次。總括嚟講，雪國拉麵係第一間令

今日途經葵芳，雪國拉麵必然成為我首選。我同友人大概中午12時到達，由於未到放食晏時間，所以不用等侯便可安排入座。這裏的午市套餐選擇頗多，大部份套餐價格介乎於55元至80元之間。我同朋友都選擇了天婦羅烏冬午餐。這個午餐包括有小食兩件壽司、一碗烏冬及一杯飲品。天婦羅即叫即炸，脆口又干身不油膩。而烏冬非常好味，要用"超正"來形容。烏冬麵身爽滑，而湯底清澈味道清淡，與天婦羅配搭得天衣無縫。總括而言，我和朋友對這餐飯對非常滿意，下次再來光顧！

晚餐叫左們海膽炒飯，難食到不得了。D飯又硬又乾，痴埋一舊舊禁，見圖。得個咸字，又無味。D料又少。個海膽乾到硬唒。有無搞錯。成七十幾蚊。我唔好自己炒。八十個字了耶。

是日下午到新都會商場與家人吃飯，媽媽喜歡吃拉麵，碰巧乘升降機一上旁邊便是吃日本料理的雪國拉麵。餐廳以簡潔的純黑為主，乾淨俐落的簡單佈置毫不花巧，座位與座位之間空間十足，而緊貼後方的是另一餐廳，不過廚房卻貌似是共用。雖叫雪國拉麵，但餐廳也有提供飯和壽司，即使是不好拉麵的父親也能選擇拉麵以外的，加上眼見午餐時段入座率還是蠻理想的（至少有一半客人），既然能各取所愛，當然二話不說便入座。直至食物送來之前肥妹還是對此店抱有期待，肥妹亦承認這次確實失策，沒有事先「做足功課」，在晚上回家後寫此食評時方驚知原來此店負評多於好評。午市套餐的選擇都算頗多，價錢都大致上徘徊於五至六七十元左右，對於日本料理而言價格尚可接受，而肥妹這次點的這個套餐亦包括了一杯免費的熱飲還有一客兩件的小型甜蛋蟹柳反卷及蝦壽司。熱檸水一小杯共有三片檸檬，而對於跟餐免費贈送的壽司當然要求不能高，夾起飯沒散開也沒過硬就可以了。中華冷麵（醬油） $58主角以一只半透的圓紋膠質大碟盛裝送上，外貌還算不錯，但略嫌配料太少，配料並不是什麼特別貴價貨品，就算是給多一點點都不過份吧？配料有六種，包括青瓜&甜蛋&火腿絲，少許醃漬了醬汁甜味的木耳，還

葵芳區的日本食肆不多，想坐得舒適一點的，就只有排長籠的和民，但一個人下班後當然只想快快有得吃，所以雪國是一個我偶然會獨個兒幫襯的日本菜餐廳，因為貪這店不用等位。這店的店員服務態度很好的，主動積極，只要一舉手就很快會來招待的。通常我來雪國都是點魚生飯的，因為我是個壽司癡，特別喜歡帶有壽司醋微酸的壽司飯，所以幾乎每次來都是點魚生飯的。這天再來光顧，我發現餐牌改變了，價是加了點，但食物的種類基本上都是一樣的，而我還是依舊的點了魚生飯配冷檸茶。我喜歡這裡的凍檸茶，因為是可以自己加糖水的，可以自己調教甜味。只是大概五至十分鐘，店員就端上這魚生飯定食來。我記得以前的魚生飯一慣都是用一個日式的膠碗子來盛載，但那個碗子因為用得太久，所以表面的花紋油漆都有點脫落，有點不衛生的。這次的魚生飯，換上了灰黑色的瓷碗，感覺比較乾淨。前菜有中華沙津，應該是現成買回來的，味道沒甚麼特別，只是略嫌份量太少。醃漬物有醃蘿蔔，微酸的，蠻開胃。味噌湯內有昆布和豆腐，味道較淡。主角魚生飯份量其實也頗大的，三文魚、吞拿魚、八爪魚、油甘魚、帶子各有兩片，再加一隻原隻甜蝦。飯是日本珍珠米，味道調得剛好的，甜甜酸酸很開胃，這不難怪我

以前都有幫襯沙田分店。隔左多年無食過，見等位人唔多，同太太去食。一人一碗豬骨湯叉燒拉麵，大概10分鐘有野食。湯...暖的，麵粗幼整齊。淺嘗湯底，除左咸味，乜感覺都無！再食拉麵，質感好似屋企煮個d味千拉麵。附送既餃子咬落去係一團粉咁。埋單$172。這應該是我最後一次食雪國拉麵！

與很久沒見的兩位朋友共聚晚餐,而我地0係新都會廣場覓食,之前lunch試過0係呢間餐廳食覺得不錯,所以俾個機會佢,試下dinner先~有多款dinner set,但朋友又想試小食+拉麵+烏冬~所以決定點一份 2人餐 $167其實單單睇份menu唔覺得貴,大眾化的dinner set價錢~套餐有2款拉麵,2款小食,1份刺身特盛,2杯飲品~:chopsticks: 1碗叉燒拉麵及1碗豬軟骨拉麵—味道尚可的 豬軟骨的質素6.7分~ 而叉燒很大片~拉麵唔會過份軟化,湯底麻油適量:chopsticks:刺身特盛上菜時當場感到無比的無奈….因為呢碟刺身實在太細碟,份量又太少~只有2小片3文魚,一般的厚度,唔算特別肥美..而8爪魚刺身一般….wasabi就好夠辣~當日喉嚨感到少少不適,我將刺身沾上少少wasabi,刺痛我的喉嚨…help…:chopsticks: 野菜天婦羅很一般的貨色,如港式的煎釀3寶似的….個甜豉油尚配合到天婦羅..有冬菇,茄子,青椒,大件炸蝦…:chopsticks: 炸墨魚頭不好吃,得個「炸」字,同街邊貨尤魚酥都可能好食過佢….過多油 身為一間大型的日式料理餐廳,咁o既質素

平時成日經過我地都會過其門之不入，因為以前試過佢0既拉麵後，就覺得唔好食，因為比較咸又唔熱外，叉燒都好比較硬，所以我地都唔會響呢度食拉麵。今次因為我洗完牙，牙仔軟，所以黎左呢度食。我地係星期日0既就下午茶時間黎食，餐廳無乜人。座位很多，也頗舒適。我地分別叫左生薑豚肉燒定食同天婦羅定食。生薑豚肉燒定食份量頗多，肉味濃，但對我來說是比較韌，米飯很白，不似普通茶仔的雜米。而天婦羅的炸蝦份量十足，原來天婦羅中有三文魚的，大大件，而且餐飲還可以選擇橙汁。對住咁舒適0既環境(其實同A1 Restaurant共享的)，層次高檔的新都會廣場來說，這個午市定食算是不過不失。 

今日返工冇拎飯~又係Offices 做到頭暈眼花,打算自己出外用餐~**雪國拉麵**之前同朋友一齊食過一次咁大把, 不過記憶中幾好食~~因此,我就在雪國拉麵用餐啦~~~~~嗯~人不算太多,不用等位~餐牌上選擇都幾多下~可是花夕眼亂,女人選擇困難症….突然比我發現人地桌上個個三文魚好餐吸引呀~所以我決定跟佢一樣~個名我都唔係好記得啦'睇相啦~黎到既時候,有一陣陣既香咪~食落去三文魚好肥好油下~都幾正~加埋啲沙拉醬都好夾架啲味道~服務都唔錯既~但杯凍檸就太唔得啦~始終茶餐廳既最正~!!BTW, 呢餐幾好食既, 但就係貴左啲! LUNCH成85蚊,份量都唔係好夠呀!!

尋日(26-10-2013 Sat)等男友放工後睇戲,o岩o岩可以食完飯至睇,我o地先搵o野食,男友冇idea,而我又有少少唔舒服,就建議o黎我記得食過一次,唔係咁好食o既呢間食拉麵.(o個個食評: http://www.openrice.com/restaurant/commentdetail.htm?commentid=1959926&tc=sr2rvw&con=rvw)我o地o黎到都唔係好多人,坐低後,男友要$62.00o既叉燒沾麵伴熱沾醬,飲凍檸茶,我要$70.00o既天婦羅烏冬,飲凍檸水,加個$58.00o既煙三文魚忌廉芝士卷.好快,兩杯o野飲到o黎,糖水要自己加o既,呢個正常冇問題.然後男友o既叉燒沾麵伴熱沾醬到o黎,原來連熟蝦壽司同卷物各一,拉麵原來唔係凍係熱o既,就咁食唔蘸醬汁係冇味,而佢o既醬汁夠杰身,味道亦濃,叉燒係瘦叉燒,口感比較硬.然後煙三文魚忌廉芝士卷到o黎,共有6件,其實呢個都唔使要wasabi,一啖食落去,用飯同蛋中和煙三文魚同芝士o既鹹,味道o岩o岩好,都算唔錯o既.而我o既天婦羅烏冬都到o黎,同樣都有熟蝦壽司同卷物各一,烏冬湯係簡單o既醬油,味道冇咁濃

Ordered Deluxe Ramen set for lunch. It comes with a side and a drink for over $60. You get to choose dumpling or sushi for side-dish and coffee or tea for drink. I chose dumpling and ice-coffee.First the ramen. The broth is a little watered down for my liking. The deluxe comes with a bunch of different meat. Japanese ni-buta/cha-siu, pork neck meat, pork w/ cartlige, egg, kelp, naruto, negi. The broth and the kind of noodles they use is a mismatch. None of the meat went well with the broth or th