雪國拉麵 (已結業)

經常經過這裡.. 今天要坐下來一試!煎餃子熱辣辣.. 味道也不錯..小丸子差得很.. 餡料極少.. 街邊的小食檔還比它好..炸蠔粉太多了.. 雖然是熱辣辣.. 劣..麵豉湯像是用沖劑的.. 差..拉麵湯底淡而無味.. 只有叉燒是可以接受..豚肉飯不在話.. 飯粒硬.. 豚肉更是乾而無味.. 一次便足夠了!

中午想吃日本嘢, 講開又講, 如果新都會廣場有舖出租整間日本料理或做鐵板燒應該都幾好生意, 實在要係呢度吃啲有水準的都幾難, 工業區即是工業區, 雖則有新都會上要賣成五千蚊一千的寫字樓. 撐台腳點了一個是日推介的日式便當, 另外叫了個猪軟骨拉麵加10蚊轉烏冬便當有三文魚刺身, 煎池魚, 泡菜猪軟骨, 厚燒玉子, 配白飯, 味噌湯 --- 三文魚刺身還好切得不算太薄都幾新鮮, 池魚煎得不錯但好咸, 碗白飯都吃晒了條魚還剩一半, 而泡菜猪軟骨就無泡菜的辣味就幾塊煮白菜, 猪軟骨煮得太唸, 己經變到很多肉碎出來了, 玉子豆腐就ok, 甜甜哋.猪軟骨烏冬的猪軟骨就正常一點, 起碼咬落去有口感還吃到猪軟骨獨有的骨, 只是一般猪軟骨的骨都是軟的可以吃埋的, 這家的就很硬, 唯一可取的是烏冬不錯, 彈牙爽口, 來料不錯.

剛看了有廿多個喊面就知不妙...原本想去的"ant"太full，我們人太多，就來了這…要了雪國叉燒拉麵，希望有店名的食物是好的，但原來是味精拉麵，十分味精（味千更好），麵及叉燒也沒有什麼味，吃了同事的一件tempura卷，可以啦。不過她們說烏冬好滑喎。

經過新都會都會望下想試下, 見下午茶時段(3pm開始)一個tea set 包飲品送甜品便試試。送的甜品是2小粒雪到硬的cream puff, 而我發覺雪國和A1是用同一厨房, 那麽現在也知道A1buffet的出品是如何。唯一好處是凍咖啡的奶和糖水是自己調的。我們叫的2個tea set 是豬軟骨泡菜拉麵和滑蛋豬扒飯。 泡菜的份量只有2節手指頭那麽少, 豬軟骨淋, 拉麵和湯底都是普通貨式。滑蛋豬扒飯就是一般滑蛋豬扒飯囉相貌生得唔差, 但結識後先發現係庸才, 市井之徒。這才是真正的食後感

always go there for tea times..more than 3 times...the service is really not very good. btu the food is OK ba..with the price.i usually take tea set so it's about $37/ setnot perfectly traditional ramen.. but still ok(maybe everytime i go i was hungry ;p haha)but the rest of the food (sushi or others) taste bad...its not as bad as some other describe.. still "EATABLE" i would say.quiet shocked to see this has 21 crying face haha.....

今晚又去葵芳行街街, 見呢間價錢唔算貴, 所以入咗去試海鮮湯烏冬: 湯底好鮮甜! 入面有蝦, 青口, 細細粒帶子, 炸蝦天婦羅(浸到淋晒), 半生熟蛋, 炸雞件(又係浸到淋晒), 蟹柳等... 個烏冬有少少失望, 煮得太淋, 一D都唔彈牙 不知名炸物: 跟烏冬的小食, 炸到乾晒! 最離譜就係食完都唔知係咩嚟? 吉列豬扒配蛋包飯: 賣相OK! 起初以為係咖喱汁, 食咗一啖覺得似咖啡味! 吉列豬扒較肥, 蛋包飯唔夠味! 入面的煙肉又係好肥. 整體一般, 下次未必再嚟~

和女朋友在新都會行街 見到雪國裝潢幾靚而且有午餐 50幾蚊唔算好抵食 不過見menu d相幾吸引 都入左去試試叫左一客咖哩吉列豬扒飯 凍奶荼少冰坦白講 d waitress既service 真係爭左d好robot 而且我同我女朋友唔係太肚餓 所以諗住share食佢就用d奇怪目光同冷言冷語幫我地落單 好似欠左佢地咁咁樣真係令到我好唔舒服之後走水既waitress態度仲差 唔知佢係咪心情唔好好似發脾氣咁 粒聲唔出將杯凍茶+一杯凍奶好大力放起近我朋友的桌邊將桌都震埋 而且如果我朋友唔為意 撥一撥手就會將杯奶茶整瀉咁樣既服務態度令我地好不滿咖哩吉列豬扒飯: 奉送凍薯溶+麵豉湯.咖哩汁夠傑味夠濃. 送飯不錯. 豬扒份量足夠.不過略嫌炸得太硬.有點哽胃飯都係用日本珍珠米. 本身自己好中二食.凍薯溶上面有沙津醬. 幾開胃麵豉湯:一般麵豉湯. 無咩特別之處凍奶茶: 茶種不夠濃 奶的quality也不夠好 所以可算是好難飲 食物不算是十分優異態度卻十分惡劣好難再幫襯

依間野係我未搬離葵芳時已經出現, 門面就好似好靚, 但從來未試過...星期日同老婆返媽媽度食飯, 又未夠鐘食飯, 但肚又餓, 行過見到一個下午茶拉麵餐, 又執司又凍飲先 30 蚊... 咁抵, 試下無妨啦...坐下就叫左最 common 既豬軟骨拉麵同雞扒拉麵, 另跟壽司同凍檸茶.壽司先上, 一件魷魚及一件炸蝦卷 (一條卷物切開 1/6 左右).... 30 蚊我唔會對佢有要求架啦... 但炸蝦卷凍晒, 少少油益了...拉麵黎到.. 嘩, 個湯白到咁既, 食落冇味... 麵發到林晒... 好彩有七味粉, 真係好辛苦先食完最後杯 COT 真係攞命, 黎到已經冇冰... 飲落真係... 一啖就放棄左去了...依個故事教訓小朋友, 平野真係冇幾可會好...

第一次去吃雪國拉麵就是吃「拉麵」，大概是叉燒這種最普通的吧，但是不好吃，還沒有味千的好吃，價錢又跟味千差不多。一個套餐的餐飲還是那些，比較特別是有提供凍豆漿﹑橙汁。但千萬別上檔！這兩種都很小一杯！而且豆漿十分多渣！之後去都不會吃拉麵，怕了。後來去吃過兩次吉列豬扒丼，在吉列豬排上的蛋幾乎是全生的，但豬扒炸的滿脆的，肉質不錯。大概四十元。也吃過一個咖哩豬扒飯（我是豬扒迷），飯十分多，豬扒仍是十分脆。落order後都要等「好一會兒」才有，而且是空閒時間～～早落單早有東西吃。

果日咁岩要同朋友食飯~ 於是大家就選擇左黎間黎試~而我就叫左剌身晚餐 連飯~ 剌身鮮又夠厚~ 又夠多食完好滿足~ 味道不錯~ 所以真係唔明點解咁多喊...可能下次真係要試下拉麵先知道喊的原因~

當一間食店,在貴網上錄出"一勝十七和十九負"的劣績,你還會去試嗎?別人可能不敢拿個肚皮去較飛,我一向"犯賤",除了喜歡找好東西吃之外,同時間亦喜愛"破地獄".見到其他人說點差點差,就想試下究竟有幾差.有點不到黃河心不死之心態.我上述所說的只得一勝的食店,便是在葵芳新都會廣場內的"雪國拉麵".四十個食評之中,只得一個好評,差距之大,理應"唔食都知唔好食".但始終未試過,又不能向其他人說什麼.始終要試過才有資格出聲.晚市時間一個人來,店內有位直入.見到餐牌內有各款定食選擇,但我屬意同店名一樣名字的雪國拉麵.始終是店自慢.最能直接代表此店的水準如何.之前食評見到眾人批評其服務,上菜等得太久.是夜冷眼旁觀四周,的確點定食吃的食客,等候時間是比較久一點.一對男女前來,一個吃到碗底朝天,另一個就仍繼續等候定食的來臨.當等到定食來,便輪到坐對面的另一半無所事事,有電話就玩電話,無電話就玩手指.我的雪國叉燒拉麵,不到十分鐘便到.碗內的叉燒色水很怪,又有點似吃越式火車頭內的牛展,又有點像切得過厚的鹵水鵝片.吃拉麵的習慣是先喝其湯,說是豬骨湯,一喝之下,沒有豬骨湯應有的濃甜,似是即食麵湯包沖出來,再喝下去

係日式餐廳飲到凍茶都比較少見.但係又唔錯喎,起碼夠茶味,唔會只有奶味!!兩伴壽司都係無乜味,但未到唔好食,可能壽司唔係主打喇~豬軟骨拉麵個湯底夠濃味,再熱D就好了,豬軟骨都好林好鬆軟,拉麵質感夠粗又爽口.咖哩吉列豬扒蛋飯日本咖哩加上香脆豬扒都係一個絕配,甜甜地的咖哩都幾香,豬扒比較實左少少.算不上好食,又未到唔好食~

都有一年時間沒有踏足葵芳新都會的商店有好大的變化, 特別是地下的那層睇左幾間食店最後都係揀雪國所謂的2人枱, 又係果d由4人變2人ge 台....中間得一條連1蚊銀都過唔到ge隙隔壁台的女人講野好大聲...非常之disturb....我地order左$152 ge二人餐有salad, sushi, 天婦羅, 一人一碗ramen同埋drinks最令我驚訝係....ramen竟然係第一樣野黎!!之後先黎salad同sushi....好明顯上菜ge次序係完全冇夾過d sushi 就好似超級市場ge 4蚊一件壽司, 唔好食而ramen, 我食完之後行街.....發覺好口乾. 要係咁飲水....即係味精拉面...而最好食ge就係salad同天婦羅, 中規中矩埋單160幾....過得去啦

大快活搬左之後，見到開雪國 & A1，本來覺得幾開心，試過先知原來咁難食...tea time 客人唔多，侍應人數唔少，但大多係龜速，order 左拉麵 + 壽司，set 無得揀，一定係蝦壽司，壽司先上，細細件，其實 size 都唔緊要，一 d 都唔好食!舊飯痴埋成舊，蝦又薄又無味 豬軟骨拉麵 & 叉燒拉麵賣相 ok，同味千差不多，拉麵質感尚可接受，但湯底唔香，食完一半都唔想食唔會再黎!

今日同左女友去左呢間店到食晏,之前有朋友同我講千祈唔好來呢間店食,因為好差,今日一試,果然好差!!一坐底已坐得唔舒服,因為枱與枱之間隔得好近,人都過唔到,d小二o既態度係非常唔好o既,佢地只會黑住面幫你落單,跟住佢地d野出得遲,追下佢又黑面,再問下直情唔彩你,個個唔係好似夢遊咁一係就黑面神咁,離曬諳!!叫左個吉列豬扒拉麵套餐同刺身吉列豬扒定食,d吉列豬扒係勁乾o既,完全冇味同冇汁o既,d刺身係完全唔新鮮的,d壽司一夾就散,d湯完全冇味的,要加好多調味料先夠味,d麵完全係唔爽,煮得太差啦,茶餐廳都好過佢n倍!!唉,一人埋單要$63,我覺得去邊度都可以好過佢啦,真係太差啦!!