影片
食记 (81)
今天来到葵芳睇中午戏,睇完戏顺便行下新都会广埸,见有d肚饿就求其入左依间餐厅,坐底左就即叫菜,今次叫叉烧泡菜拉面,1上卓更系影相先la..不过d料沉晒底,叉烧食落无乜肉味好淡而且过韧,感觉似放左好耐的,而面吏汤底不浓不淡算ok,但作为主打的叉烧,竟然甘差就有d失望!
继续阅读
黎葵芳行街行到晚饭时间, 行左好多间都要等位, 所以黎左呢间雪国, 好耐以前食过系麻麻, 不过唔洗等又有服务, 都食多次.要左个盐汁烧豚肉定食$68, 有两兜前菜送, 正常味道.个饭黎到都几大碗, 豚肉肥瘦平均, 加埋D洋葱食落开胃D, 饭系珍珠米, 咁样先日式D. 另外个汁都OK, 甜甜地几夹D豚肉.跟餐仲有餐饮送, 简简单单一餐, 胜在1个人100蚊楼下搞掂.
继续阅读
一切由落order开始，先嚟一张叫vivian的臭面（可能因为我要落order打断咗佢同早安巾之间嘅游玩时光）覆order时的10.23.45.223.254（你真的认为收咗我餐牌后我会知你覆紧咩？）进餐时的特咸拉面+汤渣义烧+有肉汁但系咬唔开嘅牛扒+热的寿司+完全无味嘅猪肉饭（其实厨房里面真的是厨师吗？）还有你哋嘅收餐点放嘅客人枱边都唔紧要（有需要咁大力放落去吗？突然奇来嘅声响加一啲飞埋嚟嘅水坚讨厌）埋单再送多一张臭面（你好在无名牌）好耐无食过一间里里外外都差得咁离谱嘅餐厅！！会好好咁介绍给朋友这用餐黑点
继续阅读
今次去左葵芳睇戏,未够钟入场,咪去左戏院隔离餐厅食野lo..我叫左猪软骨拉面依碗猪软骨拉面味道尚可,拉面烟韧,猪软骨较为肥lo,,唔知系咪我个碗系甘!饺子味道较为淡,1定要沾酱食!依碗猪软骨拉面份量都够,整体算ok
继续阅读
今次系第一次有餐厅令我有写食评嘅冲动，就系呢间葵芳雪国拉面。上个月同女朋友约咗个friend 喺葵芳食lunch，因为冇乜idea 食乜又成日经过见到呢间嘢，所以就去试下。三个人叫咗一个鱼生饭，一个猪扒蛋饭，同一个叉烧拉面，跟餐两杯冻柠茶一杯热奶茶。过咗一阵waiter 送咗三杯类似fruit punch 嘅嘢喺台上，我同佢讲sorry 唔系我哋点架㖞，点知佢望都冇望我越叫越走，之后叫咗另一个waitress 帮我哋换，佢拎返走三杯嘢。之后又系第一次果个waiter 拎咗两杯热奶茶同一杯冻柠茶嚟，我同佢讲唔该我哋系叫两杯冻柠茶一杯热奶茶㖞，佢又系望都冇望我就走，我不断大声叫佢三四声佢都冇应。我唔知佢系唔系聋哑或残障人仕，但系咁嘅服务态度我都系第一次见。讲到食物质素，我女朋友个鱼生饭竟然系热嘅！难道佢哋唔知唔同温度嘅食物放埋一齐会好容易有菌？我朋友个猪扒蛋饭，尐滑蛋猪扒劲干，佢话未食过咁难食嘅猪扒蛋饭。而我自己个叉烧拉面，拉面同汤底超级普通，食第一啖已经觉得同一般日本拉面店嘅拉面唔同，特别唔好食，另外果两三片叉烧又干又鞋，最后我食净一片叉烧唔想食，都系第一次。总括嚟讲，雪国拉面系第一间令我觉得系极品到要写食评嘅食店，要服务冇服务，要质素冇质素，同样价钱味千好过佢一千倍 (虽然味千质素已经好普通)，唔明点解每日仲有咁多人排队食佢，垃圾食物和服务，又唔系平嘅价钱，唔通而家尐人真系冇要求到呢个地步？！雪国拉面，永久列入黑名单，冇下次。
继续阅读