雪國拉麵 (已結業)

本來諗住去吉吉家, 點知執左...唯有去呢間未試過既, 咁o岩又有想食既鰻魚, ok啦~因為定食餐太大份, 好似有個麵再加壽司幾件同野飲, 所以最終都只係叫左碗鰻魚拉麵其實都已經幾大碗, 鰻魚兩大塊, 半隻蛋, 一堆粟米同好多塊筍一睇個感覺唔錯~食落都唔錯, 鰻魚的確幾好味, 拉麵都幾彈牙價錢係有少少貴, 不過都不過不失啦環境就唔錯既, service都幾好

叫左兩個set, 麵就來了一份, 飲品就來了兩杯, (即係有落單), 等左20分鐘叫個 女侍應跟單, 佢就冇跟過, 再叫另一個, 佢就即刻check機, 跟住走入廚房, 以為好快有得食, 點知再等10分鐘都仲未有. 結果埋單, 佢仲打左2個set價錢, 我話有個set冇來過, 佢地就連一句sorry都冇, 所以我一毫子tips都唔比, 真係想連加一都唔比佢地

去戲院買咗飛等入場前有Ｄ肚餓，見仲有成九個字先開場近近地費事行，見到都坐滿客，應該差極有限啩？一坐低只得下午茶牌就點咗一個鐵鍋牛肉烏冬餐跟鱆魚燒同凍檸荼，諗住再問吓侍應攞個餐牌叫小食，點知答案係「小食晚餐時間至有！」鐵鍋牛肉烏冬----都幾大鍋吓！有菜有五塊牛肉有隻窩蛋仲有幾條春雨（即粉絲），牛肉同烏冬用的當然不是什麼靚貨，但因為生熟程度控制得唔錯所以都入得口！湯底普普通通無特別，因為落咗大量七味粉所以無感覺（在日本只有食烏冬先會落七味粉、食拉麵係唔會落嘅）成個鍋最大優點是夠熱！隻窩蛋浸耐Ｄ都開始熟！鱆魚燒----跟餐有兩粒咬開不過凍嘅！無食到落肚！都唔明點可以整成咁？（在大阪的第一酒店地庫有間食鱆魚燒放題嘅舖頭，要自己燒嘅！第一次自己督督吓整都好食過佢）凍檸荼----唔算難飲不過太少冰唔夠凍！返到屋企寫先知呢度戰積彪炳！一個笑都無！想零的突破真係要努力改進吓喇！其實仲有大把地方難食過佢！佢未算最差！

兩個人吃什麼好 , 又不是太餓 , 真的好頭痛 , 行下行下決定來這裡 , 之前經過時看見好多人在排隊 , 應該不會太差吧 ! 等了 5 分鐘左右就有檯 , 我叫了生薑豚肉定食 , 朋友仔叫了牛扒伴雪魚定食 , 我的豚肉定食沒有包飲品 , 只得麵豉湯 . 豚肉煮得好 "淋:" , 不過 , 味道不夠入 , 有些淡 , 份量也算多 . 朋友的牛扒伴雪魚定食 , 我試過雪魚 , 普普通通 , 就是味道不太夠 . 至於牛扒 , 他說也可以 , 不過 , 我自己就覺得賣相麻麻地 , 一粒粒又不是 , 一片片又不是 , 好像隨便切完上碟就算 . 至於服務 , 沒有笑容就算 , 但是 , 除了幫我們下單那個小姐比較好之外 , 其他的也是面 "膿膿" , 好像想趕客人走 , 下次也未必會再來 .

記十一月上旬晚餐朋友說這裡牛肉飯好味，不甘的情況下被夾到來這裡，甫入店已遭遇到食友情況，就是明明拉麵店有位，卻被帶到另一面的露天自助餐廳，發了火，最後轉回麵屋。感覺好一點，也嗅到拉麵傳來的豬骨醬油味道，建議吃牛肉飯朋友吃拉麵．．．自己要了牛肉飯，因為對這裡的拉麵印象麻麻。中價位的一站式港式拉麵店，幾受市場歡迎的，每晚收工路過都總是爆場；等了等有得吃，牛肉飯碗「個性」不如吉野家，飯談不上熱，幸好還不至於凍，飯多牛肉份量也可以，想要多些汁撈飯，問了有沒有牛肉汁，店員之後送來一碟甜芝麻沙律汁，吃不出用過牛去熬汁，還要是凍的，朋友見狀亦皺了皺眉頭。飯是用珍珠米，幾軟熟的，原碗上的牛汁味很薄，牛肉醃得夠味，粗糙口感配吃飯吃，心情麻麻只吃了小半碗，效果不如吉野家的肥牛般軟熟，朋友大食吃完麵再搶飯吃，隨便吧，反正也吃不完，份量是交足功課。配碟的漬物放在雪櫃抽濕後，看樣子已不想吃，麵豉湯是現成湯包開的，始終是區內人氣商場走高一線的集團式拉麵店，配套用料也可以好一點吧？環境比吉野家好上一點，如果店員唔忙的話，會有免費的麥茶任添，但獨吃日式牛肉飯，還是會到牛肉飯起家的吉野家，朋友的拉麵不怎好，就算吃拉麵也

尋晚(23-12-08 Tue)同男友o黎畀o野人,順便我又要買褲,買完褲就搵o野食,呢個商場係有好多o野食,但o岩心水o個兩間西餐廳都冇o左,研究好耐,想食壽司刺身,咁去元氣啦,點知好多人排隊,於是落o黎呢間.同男友o黎到,見得門口二人位,就同侍應講等另一張.不久都有喇.我o地睇menu又研究好耐,鎖定要套餐,要個好似$80.00o既相撲什錦鍋定食,有白飯,麵豉湯,沙律,咸菜.同飲品,另叫一個好似$28.00o既照燒釀雞翼.我o地等呀等,等o左好耐,都差唔多半個鐘喇,催催侍應,o岩o岩個照燒釀雞翼到o黎,佢幫我o地check相撲什錦鍋定食,話等多陣,就快到.而我就叫佢畀兩個碗仔的.照燒釀雞翼我就臭到好大陣燒汁味,雞翼就得三隻,每隻得一半,個定食都到o黎.但我先食雞翼,果然,雞翼就只有好甜o既燒汁味,係有雞軟骨同豬肉o係入面,但我唔多食得出豬肉味囉.但男友竟然話食到有韭菜味.而相撲什錦鍋唔係好大個,有牛肉,豬丸,雞肉,青口,帶子,獅子狗魚蛋,嗚門卷,甜腐皮,金菇,粉絲,熟蝦,椰菜同生蛋,材料冇問題,都算夠鮮,不過豬肉丸唔知係咪灼耐o左,覺得咬口唔得.而湯就係海鮮湯,淡淡的唔夠濃,食飯加

10.27.記一餐返工的晏仔。沙田雪國是大學時期頗常幫襯的拉麵店，不過印象已經依稀了；近期迷上拉麵，也來雪國一吃吧。　葵芳店前身是波濤餐廳，佔地較大，絕不是正宗日式拉麵小店格局。叫要了午市套餐，包括食物如下：　　小丸子或壽司-我的小丸子又乾又凍，味道當然好不到那裡去；是日壽司為太卷，店方未能因應友人素食要求改成素卷，服務扣一分。雪國叉燒拉麵-我點的拉麵，內容包括3-4件厚身腩肉叉燒，肥肉部分食味不錯，瘦肉位則較鞋；一隻全熟蛋，講明是全熟也知道味道如何吧；麵條爽滑但沒有麥香也不彈牙，最後湯底味道單薄，嚐不出鮮味。總括來說，是碗極之普通的麵。　炒野菜拉麵-聽名字以為這是炒麵，來到卻是湯麵，且是豬骨湯麵，茹素的友人無法食用。後來店方願意將湯底改成鼓油湯底，不過再上還是忘了云卷，顯示此店員工的不夠醒目。最後一杯熱奶茶則不錯，茶奶味均十分香濃，是個頗滿意的句號。　在葵芳搵食就是這樣，飽肚的選擇很多，有水準的卻數不出幾間，這間也是一貫水準。

今晚我同兩位朋友食反，我地三個女仔，7點度到左唔使等位就可以直接入去，落單時，態度已經不好，一, 佢無覆實order，二,有得揀嗰d野，佢無問我揀邊樣，之後有第二個侍應嚟再問返，等左唔使5分鐘，三個套餐開始上，我兩位朋友都叫左同樣的野，豬軟骨拉面，我朋友說豬軟骨好大件，好似煲湯的豬骨一樣，d 骨又硬，湯底怪怪地，而我叫左個咖哩反套餐，d 反一舊舊，套餐包左個沙律，沙律唔好食，我哋三個餐有共同特點，d 野係唔熱的

1. 食物質素低劣!!!我同媽媽嗌咗個海鮮拉麵/咖哩牛肉烏冬/炸雞軟骨2. 首先講個海鮮拉麵...接近40圓的價錢,居然每樣餸料都只得1小樣...3. 至於咖哩牛肉烏冬,除了個咖哩湯底較咸但勉強ok外,個烏冬口感是差的!!!唔軟唔un唔林咁...d牛肉又鞋又un又老...我食咗幾啖...就冇胃口再食落去了...4. 個雞軟骨最好,炸得夠香口, 味道也還是王絢的...當然啊...36蚊...一碟飯的價錢啊!!!5. 其次關於服務態度,同樣唔掂,有個侍應,在替隔離枱倒茶時,不小心打瀉了我們枱少許水,但她沒有替我們抹番張枱不特已...還要一句唔好意思也沒有..仲要只是叫了一句"哎呀"咁就行開咗...真離譜!!!食物 及 服務態度都如此差,真令人大開眼界,最值得奇怪既,竟然仲有頗多人排隊等位...真不明白點解?!我食咗112蚊,都唔知自己食咗d乜!!!我何止自己不會再幫襯,我更會叫朋友們也不要幫襯!!!

今日放完學去左新都會同個fd打機到左6點左右就陪佢食埋晚餐喇~是關到佢趕住番學冇黎一排 估唔到多左兩間新黎A-1同雪國住開沙田既我當然對呢兩個名字好熟悉喇而且仲對雪國好有期望(實在太掛住佢地個軟殼蟹拉麵)可惜來呢間新店係冇的 -.-"但原來錯有錯著....但係度賣個關子先咁見到"故店" 當然已經一心諗住試喇walk in 直入店子分開左兩個zone我地就坐左open area個邊(都係舊店正d 可以坐bar台睇人整拉麵)坐低睇menu....又頭痛我既軟殼蟹拉麵啊 /口\"坐低睇menu....又頭痛大部份都唔係我杯茶就問下企係附近既waitress有咩好介紹(個fd話呢個女仔好似葉翠翠 @@"我就覺得唔似 但好似另一個明星)佢介紹左No.3 & 9set dinner比我雖然最後我地都冇揀佢既recommendation但佢都好有禮貌同耐性咁等我同答我問題可能因為咁之後次次有野都搵佢幫我地手(但佢比起其他waitress真係好忙...全場走E....係啵 點解冇waiter得waitress既呢間野? 哈哈)講番野食上菜其實都算快 可能勄陣唔係peak hour我地入座個陣都得30%

基本上一個「淋」字可以總括哂雪國既物。雞軟骨略為多粉但炸得唔夠香脆可口；叉燒拉麵既麵質偏淋，欠缺咬口，而且叉燒太厚，好似食緊燒肉咁。整體黎講，價錢同質素唔係好成比例喎，老友！不過諗唔到食乜既時候都可以考慮下既。

中午行過見到新開同女朋友諗住試下....叫了一個鰻魚飯同雞扒拉麵..八瓜魚丸...兩杯凍啡....先來一客八瓜魚丸...放入口到好似食緊兩舊粉團咁...勁難食...即時吐返出來....之後來了兩杯咖啡...加糖加奶前先試了一口....勁淡....杯奶重好飲過佢....我女朋友的鰻魚飯...鰻魚居然是凍的...小小暖都無...我女朋友食了兩淡就無食了....我的雞扒拉麵....麵好林..唔彈牙...雞扒都唔知算唔算係雞扒...因為佢只係得 2片雞件....食落口無乜雞味.....個湯底就最正啦 ....因為勁似出前一丁豬骨湯味囉....最後都無咩點食就走......我以後都唔會再去

今日就係o係無可選擇下去左雪國拉麵...因為在午餐時間到處都好多人排隊....同朋友3人..見到門口既menu好似都唔錯...就入左去啦...4人叫左...4個set lunch雪國叉燒拉麵.....野菜拉麵 ....泡菜豚肉拉麵....咖哩吉列豬扒飯....當中既叉燒都唔錯...但其他2個拉麵完全唔得....唔彈口不特止...仲似即食麵.....湯底仲好味精....而果個咖哩吉列豬扒飯....完全無咖哩味...仲係凍既添....而佢送果個八爪魚丸....好粉....1d都唔好食.....而且上菜速度奇慢...等了差不多半小時....唯一可讚的是大碗和會主動添荼

裝修點綴簡潔, 是唯一可讚既point味道...炸豬扒, 炸蝦....厚厚的炸漿, 配搭粗糙而無味的肉質, 差, 前菜所選配的壽司, 比起大型超市的貨色還要難食...米飯太濕太糊.....差差 服務...只可以用混亂來形容, 叫一個餐, 可以漏左前菜唔知, 要追問先俾番, 隔離桌仲慘, 成張單漏左, 個侍應仲若無其事話無落過單, 叫個drink, 好耐好耐先送來, 終於到最開心既時刻, 埋單走人, 居然叫三次先成功埋到單, 前果二個侍應唔知埋單埋左去邊, 找錢果陣仲要同另一張桌調亂了 抵食...晚餐來計, 價錢hk$60 / 位, 中上價位....但係以甘既質素, 其實有很多梗好的選擇未必會再去, 除非有很大的改善

lunch到雪國拉麵, 失望而回!!!lunch set可以配壽司或八爪魚丸...我地點了壽司, 但原來壽司無得揀, 廚房出咩我地就要食咩...結果出了太卷同唔知魷魚定墨魚壽司... 壽司 - 飯硬, 感覺唔新鮮, 我地一度懷疑係隔離A1前一晚BUFFET淨底既壽司, 所以無得揀...早知揀八爪魚丸好過... 吉列豬扒拉麵 - 豬扒很厚, 很林, 可惜係炸得不像吉列豬扒, 似一塊煎豬扒而已... 湯底選了豬骨湯, 幾清, 拉麵幾有咬口, 唔錯 豬軟骨拉麵 - 豬軟骨很入味, 不錯, 麵豉湯底有少少咸左d.總括黎講, 成個SET得D拉麵係較OK都係個麵, 其他一括麻麻...