雪下覓炙

营业中

休息中

十幾個同事一齊食lunch，walk in好難搵位，唯有㨂啲可以book位/網上拎飛嘅餐廳，咁岩呢間仲可以用海港城coupon😂😂·1️⃣泡菜豬肉年糕鍋配飯($115)每個lunch set都配傳統韓式前菜，仲可以無限refill😏職員會幫手即場剪開呢舊咁厚嘅豬肉，肉質有少少鞋同實，泡菜湯底幾好飲，唔太辣，豆腐都嫩滑，年糕煙韌彈牙😆·2️⃣泡菜煎餅($105)好大塊，我哋十幾個人分，每人都食到一件😂😂熱辣辣好香幾好食

有海港城食券，唔用好浪費。。。試下新餐廳《前菜》只有泡菜同麻油豆芽可無限♾️添加其他只會嚟一次。。。辣辣魷魚🦑（偏辣但好味）《午餐set》海鮮豆腐湯🌶《午餐set》大醬湯配烤牛肉及飯 🍲以為有烤牛肉，大醬湯入面只有菜同豆腐，點知都仲有好多牛肉喺入面

.當晚懶得諗,就叫左”初秋御饌燒烤套餐”; 前菜”醬油蝦&醬油鮑魚”冇咩特別, 先食燒”五花肉”,肥瘦適中,尤其豬皮位置好脆, 再燒四款北海道和牛,肉質好一般,最好係個”和牛牛舌”, 最後就係“海膽和牛飯”同甜品; 成餐最好食竟然係另加嘅”雞爽肉”😅 定價都唔平,服務亦都真係有待改善,本人就應該未必再返嚟食啦🤧.🔻🍽 雪下覓炙📌 地址: 尖沙咀廣東道3-27號海港城海運大廈地下OTG47-48號舖

服務唔得~咁樣做生意~趕客~請著D咁嘅伙記~生意一定少左啦~食完一次~實冇下次~唔係客人嘅損失，係餐廳老闆嘅損失，食物同埋價錢係可以接受嘅不過不失。老闆真係要多D落鋪，跟番好佢啦，執一執D伙記，做客人嘅食到一肚氣就唔係一件好事，雙贏咪好囉。⊙ω⊙記得跟一跟，第一位接觸顧客的員工啦

開開心心一餐生日午飯，結果食到一肚氣為慶祝朋友生日，一早book好枱去食韓燒。黎到已有唔少人係門口排隊等入去，只有1.5個鐘用餐時間。book左12點，但12:05都未開始放人入去。因為門口等個陣已睇定餐牌，入坐後已好快落單😁叫左2個牛饌燒烤，1個A5扒，先黎5碟配菜，而泡菜同芽菜可以無限添加。泡菜好食又唔酸。唔使10分鐘就上埋三碟燒肉。賣相唔錯，分量都可以。男仔就可能唔夠既。一黎緊係相機食先。就快快開爐燒燒肉🤩燒左兩三塊，都未見有飯同大醬湯。就問左個西裝骨骨似經理既人，冷冷淡淡一句整緊，等陣啦。又10分鐘，眼見廚房人流出出入入，周圍附近遲入黎既人都差唔多食完玩手機。但就係遲遲未見飯同湯，只好停手唔燒肉住。😓見靚女加水，就再問下飯同湯既下落。同埋叫佢先關個爐，費事乾燒鐵板啦。待應們繼續係廚房出出入入，再轉眼間又過10分鐘。見塊扒都出哂血水了。😖真係嬲嬲地就再問下幾時會飯同湯。唔通燒哂肉就湯飯咁食咩。😡終於5分鐘過後，又另一個西裝骨骨既人拎左飯同湯黎。講左兩句唔好意思就完了。老實講，佢收咁既價錢，但咁既服務真係好唔得。大把其他選擇。唔會再去，亦唔會推介人去囉。

今日黎到海港城，行過見到佢地既set lunch都係大概百鬆d一個，咁就入去試下喇大部份既位都係卡位，坐得都鬆動，侍應service都唔錯，見我地d配菜食完都會主動問我地要唔要添，但留意番韓式小菜得芽菜同泡菜係可以refill韓式小菜五款，竟然要醃八爪魚👍🏻👍🏻可惜呢款不能refill今次叫左生牛肉石頭鍋飯一上菜侍應會幫你撈埋，佢有埋d好似脆米既野撈埋一齊，成個口感提升左，每啖都有好似飯焦既脆脆感覺👍🏻👍🏻👍🏻海鮮豆腐湯，略嫌咸味唔太夠，但食得出佢海鮮既鮮味，如果落多少少鹽就👍🏻👍🏻

今日特登約咗個都好鍾意食牛嘅朋友仔一齊嚟試吓，晏晝食嘅價錢抵d😜我哋book咗12:00因為人好多所以都等咗差唔多10分鐘先至入到去！而食晏嘅時間就只有75分鐘！一坐低我哋就點咗個A5和牛，再點一個牛饌燒烤！起初嘅時候送咗好多細細碟嘅前菜，當中芽菜同埋泡菜係可以再加添😍跟住主菜嚟啦，牛肉嘅味道非常之好，多汁，口感都好唔錯！牛脂肪雪花嘅比例都好好，和牛仲要一整塊上，真係見到就開心！付款嘅時候服務員仲話如果有harbour City嘅優惠券可以同時使用，可惜我哋兩個都冇😢

今天午餐跟家人到這裏吃韓燒。這裏的環境十分美，燈光效果讓你覺得自己好像身處雪地裏。而且座位都寬敞，所以坐得很舒服。我們都覺得他的泡菜很好吃，所以不停refill。我們點了他的牛肉套餐。就只有幾塊肉，一個飯，一個湯。我覺得以這個肉的質素來說，他的收費實在太貴。雖然圖中你看到牛肉有雪花，但其實吃的時候他的肉很硬，可能還未有解凍好，而且沒有半點牛味。😣說真的，我覺得有點失望。我覺得可能點豬肉會比較好吃。我想今天午餐大部份的錢都去了租金和裝潢上吧！

朋友推介外加有海港城優惠券就去咗食個牛好一般 好硬 得幾塊 但好貴 完全冇和牛feel感覺好似畀人呃咗咁 完全唔值呢個價另外仲叫咗個醬牛肋骨煲反而好食過個燒肉建議想食韓燒牛嘅就唔好嚟呢度食一般牛嘅菜式就可以

Bk了枱，也要門口排5min，1:30小時用餐，實際得1:25min！叫了二份燒牛肉，普通；醬油蟹，好咸；白飯，唔熱；豆腐牛肉湯，唔辣；米酒，偏酸；成餐飯最好食泡菜，1:25min用餐，極度趕客！

今晚點了《夏》御饌燒烤套餐，每位$650但係個餐無包蔬菜盤，要加$70先有（包一碟韓式豆板醬）。食韓燒點可以無生菜？前菜有八小碟，當中只有泡菜、蘿蔔同芽菜可無限添加。值得一提，紅色兩碟醃魷魚偏䶢，之後夾燒肉一齊食，味道更佳！海膽和牛卷 - 和牛配兩種唔同質感嘅紫菜，加海膽、魚子同埋紫蘇葉，味道清新！如果個牛生少少會更好；朋友就唔太鍾意紫蘇葉嘅味，認為太似薄荷。慶州豬背肉（左）- 質地似豬頸肉，好有咬口慶州五花肉（右）- 👍🏻和牛拼盤，有A4和牛三角肩肉、名品牛小排、厚切西冷、和牛牛舌。真係每件都做到齒頰留香👍🏻起初以為食到呢度應該差唔多食到甜品啦點知個店員攞咗兩塊大過塊面嘅和牛扒仲有生蛋連白飯上黎😳最後呢塊和牛扒醃得不錯由於佢好薄身，入口即溶包埋個生蛋飯食既能降低牛嘅油膩感同時將味道提升到另一個層次🤤甜品 - 迷你芝士蛋糕配士多啤梨果醬果醬嘅酸度適中，有助消滯👍🏻雖然呢間唔平，但性價比算高，吃得出是用優質食材，整體上值門票價！不足的是：只得90分鐘的用餐時間甚短，未能慢慢嘆；水杯太細，成日要麻煩忙到甩轆嘅員工酙水，何不每枱放一瓶水？

非常认真的韩国料理好久没有吃过这么认真的料理后了！每一道菜或原料从选材、备料、调味、份量和卖相到入口后的细味都让人可以体会到厨师的认真和要令食客体验到韩国料理的精致和美味。忘了拍他们的泡菜炒饭，材料和入口后的精彩至今历历在目。还有那碗大酱汤，是我至今喝过最足料的啦！不要忘记他们的小菜，那份酱生蚝，没到嘴里已经闻到它的鲜味，放进口腔后简直就是置身到海边闻着海风吃生蚝的感觉…真…..是…太过分啦！谢谢你们的用心！必定再去！

今日encore 一下這韓國餐廳。這家店位於海港城的海運大廈，裝修簡潔摩登，微暗的燈光更有氣氛，午餐有十七款，有韓式飯或烤肉定食，由$88-$398。前菜有好幾種，醃魚仔鮮美惹味；脆肉低爽口，芽菜和泡菜是正常水平，泡菜唔太辣。壽喜燒牛肉飯$195這壽喜燒牛肉飯賣相不錯，牛肉經炙燒，可惜牛肉全是帶筋部分，味道雖有壽喜燒汁的微甜風味，但肉質堅韌，咬不開，也要十分花勁咀嚼，吃了一半要放棄了，然而燒汁白飯是可口的。北海道A5和牛臂蓋扒$318這名為A5北海道和牛，而且帶一點厚度，雪花紋也十分平均。可能是部位關係，和牛肉質爽韌，半肥帶瘦，肉味是ok的，但口感比較韌，而且帶筋，感覺平平。跟這餐的大醬湯水準平均，帶一點肉味和蔬菜的鮮甜味，唔太鹹，也不覺辣，配紫菜飯，韓風味十足。

第一次試這一家餐廳，Lunch set menu 上有12個選擇，我選了生牛肉石頭鍋飯（$105）。侍應會先給五碟蔬菜配菜，而泡菜和芽菜是可以無限添加的。由於我是午飯時間去，人龍大概有10個8個，我等了大約30分鐘才進場，用餐時間是1小時30分鐘，其實非常夠用，點菜後侍應很快便會送上五款小食，大約10分鐘後主菜就到了。如果你期望有很多生牛肉的話，可能你會失望了，生牛肉份量不是太多，但整體味道是很好吃的，我最欣賞的就是他的飯焦，基本上底部全部都是飯焦。比我以前吃過任何煲仔飯更多飯焦，很香很趣口。服務方面侍應服務效率是很高的，但感覺他們比較機械式，沒什麼笑容。

今日去海港城影相，行行企企左度右度，最後由我家兩位大小姐決定食韓燒！因為已經8:00所以冇咩人等位好快就已經可以入得。一入去嘅時候，侍應姐姐已經準備好兩張BB櫈同兩套兒童餐具。因為兩位小姐兩位小姐不停話要食燒牛肉，所以呢我哋今次揀咗無骨嘅牛小排，然後就係大少最鍾意食嘅五花肉同埋厚燒牛舌。當然都唔少得係我每次韓燒都要食嘅豬皮。每碟肉嘅份量都係4-5塊，其實我覺得可以多2-3塊就會比較滿足。除咗燒肉之外我哋都點咗一個泡菜海鮮湯飯，唔知係咪因為喺街食嘅飯香d，我哋要額外再叫多個白飯，兩位大小姐一嚟就已經清晒碗飯。個泡菜海鮮湯唔會太辣，而且有兩隻大蝦同埋一啲青口同小蜆，份量十足！前菜要讚一讚！泡菜同酸蘿蔔係無限添加，仲有泡菜墨魚❤️❤️❤️