雪下覓炙

营业中

休息中

I would say it is the best Korean food in Habour city. Reasonable price with pretty nice food quality and quantity which is better than average. Have tried most of the lunch set menu and most of them are tasty. Sure will keep to use coupon to spend in this restaurant.

當時落單 個員工係企喺隔離 聽住我哋討論落單嘅情況 我哋討論緊單點 定係兩人set 好 男朋友知道我鍾意飲湯 見到過兩人set入面有個Item「人蔘雞」下意識以為係湯嚟嘅 所以就叫咗兩人set 呢一個餐 男朋友當時係講埋「呢過set有人蔘雞湯喎 叫呢個啦～」員工喺正常嘅情況下 個距離係一定會聽到 不過員工冇做糾正呢個動作❗️❗️❗️到食完差唔多嘅時候問員工 個人蔘雞「湯」去咗邊 跟住佢先回覆返 「冇湯得人蔘雞 」之後先發現 個人蔘雞只係一小片肉 已經食咗🤦🏻‍♀️ 個兩人set千幾蚊 咁樣嘅話單點好過啦 我感覺上真係覺得有啲伏… 因為最期待嘅湯冇咗 買單等走人嘅時候 我聽到隔籬枱問同我差唔多嘅問題 🤣人蔘雞湯… 有人同我一樣 … 當堂開心返少少 雖然咁樣講有啲衰 但係算係心理平衡咗啲男朋友就覺得呢間餐廳 啲配料可以refill 啲肉靚 食得好飽 所以佢就覺得冇乜點 都算OK間餐廳

準時到達，於門外排隊。等到我地時話我地遲咗1分鐘沒有枱。我哋係排隊排到變左遲到咋。處理手法嚴重有問題，態度不誠懇，很受氣，十分失望。多人幫襯都不應該如此態度。門口接待仲話點解我地唔行埋去打尖同佢地講聲先，但係我地唔會咁無禮貌唔排隊囉。

打電話訂座晚上7:45，員工回覆一定要7:30入座。問他差15分鐘有乜分別，他說:「有, 因為9:30要截單，如果唔係不能準時收工。」這班員工的工作態度，就算食物再好，也只會讓客人吃得不爽。費事吃到9:00就俾你黑面趕客，吃了也從背脊骨落。Ok! Fine！好的韓式燒烤香港大把。不浪費時間，即刻轉了book第二間。所以對不起，今次沒有食評了！因為未吃已淘汰此店了！

💵 Hkd 100-300 一位午餐推介指數 🥃🥃🥃名品牛肋骨煲配飯前菜的種類比較少，只有泡菜可以refill，但牛肋骨煲份量都算大，跟個紫菜飯，味道我覺得比傳統X家遜色牛饌燒烤Lunch 食份燒肉都幾heavy，跟餐有個湯，有幾個吾同部位的肉，份量吾算多，但都係一樣，雖然肉都新鮮同靚，味道一般般呢個價位應該有更多選擇，但因應海港城推出既優惠卷，減左幾百蚊後價錢都可以接受，如果吾係，應該吾會特別幫襯佢

已經有很久的日子冇食過韓國菜，今晚屋企人決定去呢一間食，book左枱 ，準時到達很快職員便安排座位韓式前菜 都有好多款式,都係最鍾意泡菜，食返兩碟打開味蕾先☺️濟州特上豬五花肉 呢隻肉質淋滑鬆軟食落軟綿綿唔癡牙 濟州特上豬梅花肉 呢一種肉肉味濃厚 有𡁻頭 多吃也不漏豬皮食落煙煙韌韌 不過唔識燒就要小心啲我哋幾個比啲油都彈到眼皮😂 同埋佢嘅油脂比較多，好容易會燒燶醬油鮑魚 呢個比我想像中較硬身 而且味道較淡醬油蟹肉質鮮美 蟹膏口感豐腴 不過最好配飯食呢個就較咸 一啖蟹肉一啖飯才是最美味的

📍 📍 雪下覓炙 (尖沙咀)尖沙咀廣東道3-27號海港城海運大廈地下OTG47-48號舖朋友俾左啲海港城coupon 我，父親節個打電話問可以用coupon又咁岩有位就試下佢。好快上了一大堆前菜，有涼拌芽菜、泡菜丶辣醃章魚、醃蓮藕丶醃蘿蔔、醃牛蒡、翠肉瓜雞柳。但只有芽菜、泡菜和酸蘿白係可以refill，而燒肉係無配免費生菜。餐廳嘅抽氣做得好好，食完一啲油煙味都冇。👉A4和牛三角肩肉（厚切）💰295+1😋😋😋.8/5三角肩肉瘦肉和油脂的分布平均，入口後油花也跟著溶化。加幼鹽就可以將牛鮮味提升，牛味濃郁。👉濟州特上豬五花肉 💰178+1😋😋😋.8/5半肥瘦嘅五花肉，放上爐嘅過程唔洗成日反，慢慢逼五花肉嘅油出嚟！食落好脆口😋👉雪花韓式牛肋骨💰345+1😋😋😋.8/5以鑽石形切割牛肋骨，令醃製更入味，受熱均勻，鎖緊肉汁。肉質鮮嫩又有肉汁，點少少海鹽已經好好味😋回頭:maybe ，無太大驚喜，想食燒肉可能去中平價燒肉店，質量也不差，用左coupon 都要700埋單🫠。#kermit食在尖沙咀

"韓國燒烤" 係我其中一樣最愛尼間略點擠迫， 唔知係咪大家都揸住coupon嚟， 《好熱鬧》!!食物質素當然俾一間連鎖式自在韓燒好得多， 唔需要加太多調味少少鹽， 已經好好食。令我食唔停嘅……係佢嘅泡菜小朋友最鍾意嘅送餐機械人， 成為我家《老闆》嚟尼度嘅景點之一 😳😳😳

星期日一家人去尖沙咀搵食。遇著海港城購物送coupon中日子，周圍食店都大排長龍，難得搵到間唔洗等位，外面裝潢好靚的韓式燒肉店，一於試下。一行三人叫左4款肉，有和牛，牛舌，牛肋骨和豬腩肉，同埋一個海鮮煎餅。好快上了一大堆前菜，只可任添泡菜、芽菜和酸蘿白。我地試左豬腩肉，好多肥脂，很好好味但太肥太油，和牛入口即溶，其他的肉沒什麼特別，海鮮煎餅只是一般，太干身。燒肉沒有配免費生菜，有點可惜，燒肉配料約1-200/碟，分量也足，但沒太大驚喜，想食燒肉可能去中平價燒肉店，質量也不差。

此店服務極度有問題，我和屋企人一同3人在22/5晚上8:40pm左右到此店，我見店內至少有2張枱位置，亦上網查看見此店是關10:30pm，所以便諗住吃這店，到店前詢問後，那位店員便進入店內查問其他職員，本來想帶我們進內，但突然出來告訴我們已截單，我便問其實你們什麼時候關門截單，他又好像說不出，我真的不知道這店到底是不想做生意還是有些職員想提早收工所以自行唔俾人進內🥲，希望店長或其老闆能正視此問題。

雪下覓灸外賣 3 之前外賣兩次，一次好評，一次差評。今次就俾多次機會佢，食下佢嘅外賣晚餐。因為太耐冇食燒肉，就叫咗兩個燒肉餐。呢到己經係外賣嘅全部，兩個套餐。賣相真係冇得同堂食比。份量可能都係差唔多，但顏值就。。。基本上，每個餐都係有一碗白飯，一碗味噌湯，泡菜同芽菜每樣睇落都有三分一碗嘅。三品 • 特選燒肉 HKD 215入面有豬、牛、雞三種肉。五花肉都唔錯，大約有3-4塊，係有一兩塊比較肥。雞柳肉係雖然烤得燶咗少少，食落都還可以，都係3-4條，係三樣中比較正常嘅。牛肉係牛肋肉，可能另一個餐成份都係各種牛肉，所以比較之下，會覺得另一份嘅牛肉會比較好食，有2-3件。呢到嘅牛助肉係燒到五成熟嘅。。。名品尚犢 HKD 398呢份係各種牛，有牛舌、牛小排、牛肋骨、和牛三筋肉、貝身肉。老實講，只係分到牛小排同牛舌，牛舌還可以，牛小排口感同味道都唔錯。其他咩都分唔到，只係知有一樣係超級肥，一咬啲油就係個口到爆出嚟，個人唔太喜歡。呢到嘅燒烤外賣，可以要求生肉外賣，之後返去自己燒。因為買果時禁晚市堂食，6點後叫可以幫你燒埋，大概要等半個鐘時間，但個人經過呢次，唔太建議咁做，除非屋企好近或可以好快到，

雪下覓炙外賣2海鮮豆腐湯 - HKD 120 小菜都係泡菜同芽菜，海鮮本身係湯到嘅，但為咗影相影到有咩海鮮，唯有將放芽菜嘅盒仔轉用黎放海鮮。呢個外賣十分失望！海鮮：3隻蝦，2隻青口，4-5粒未開口嘅貝殼類。蝦係最正常嘅，青口未清理乾淨，果啲貝殼類係湯底撈出黎係未開口嘅。。。。湯：都真係有成磚豆腐㗎！😂就算有海港城優惠卷，都唔建議食！！減完都仲要俾成HKD 70 幾，食嘅只係豆腐，泡菜，芽菜，同3隻蝦。。。。

雪下覓炙外賣1烤八爪魚飯 - $108成個外賣原價 HKD108，如果有海港城卷可以再減50，等於HKD 58 (未包外賣袋同盒錢，大概HKD 2 左右 ）就有一餐。外賣都會有兩款小菜送，泡菜同芽菜，份量一人食足夠。主菜八爪魚份量十足！有2條大觸鬚加少少筒身。八爪魚食落有少少嘅香烤味，最值得一讚嘅係佢一啲都唔韌！十分有驚喜！對一般女士而言，呢個飯可能會比較大份，本身魷魚八爪魚類比較容易滯，加上又有一粒煎蛋同埋飯米飯份量都好夠，就算唔點食米飯，食2條八爪魚鬚都會好飽。以一般男士嘅胃口黎講，呢個飯絕對係好滿足！👍👍👍

餐廳名「雪下覓炙」，在朝鮮時代的文獻中是烤牛肉的意思。料理方式和現在的烤肉相似，被認為是烤肉的原型。Lunch Set配有前菜，大醬湯及主食。前菜分別有泡菜，醃薯仔，大豆芽，翠肉瓜本菇及蓮藕。大醬湯大醬是大醬湯的主要原料，而大醬就是韓國版的味噌，在味道上比濃。這個大醬湯用料很多，下了不少牛脊肉，湯亦吃到濃郁的牛肉味，亦有豆腐和翠肉瓜。 主食選了牛饌燒烤拼盤，燒烤拼盤有名品牛小排，和牛牛舌，A4和牛三角肩及和牛三筋。 名品牛小排牛小排位於牛隻的肋脊部，這個位置的牛肉平時的運動量不大，但是必須支撐牛隻行走時的運動，因此肉質較為厚實並且擁有較多筋膜，油花均勻同時又很結實的肉質，嚐到新鮮的肉汁與軟嫩的肉質。和牛牛舌估計是舌尖部位，斜切成薄片，紅色色澤較深，放在高溫的鐵網上，立馬收縮緊實，口感較有嚼勁，吃起來比較硬。A4和牛三角肩牛三角肩位於牛後腿外側靠近股骨一端，從臀肉中分割而出，主要由闊筋膜肌等肌肉組成。三角牛肉肉質較粗，纖維均勻。三角肩肉瘦肉和油脂的分布非常平均，可以充分品嘗到瘦肉的好滋味，入口後油花也跟著溶化。和牛三筋三筋肉位於肩甲骨內側，三筋肉因為位於肩甲骨處所以活動量較少，係前腕處少

呢日天氣有啲悶熱，一個人去誠品買完書，想喺附近搵啲涼涼地嘅主食，記得《雪下覓炙》嘅lunch menu 有個”醬油組合飯”（即係醬油海鮮飯)，一於試試呢到食lunch 會跟5️⃣款傳統韓式前菜除咗有例牌嘅kimchi同大豆芽(可無限refill ♾️)，呢日另外嘅3️⃣款有辣蟹仔🦀，薯仔🥔&酸蘿蔔～ 前菜慢慢食嚟開吓胃，冇幾耐主菜就嚟喇🔸醬油組合飯 🦐🍳🧄🌶🍚冇諗過賣相咁吸引喎～ 📸📸飯面鋪滿各式各樣嘅食材：醬油蝦、鮑魚、蛋黃、醃製蘿蔔、生蒜絲、辣椒小圈、青辣椒大圈、蔥同韓式紫菜絲～主角醬油蝦同鮑魚泛著油光，見到已經好想大啖食佢落肚～色澤上，作為配角的青、紅辣椒，生蛋黃同蔥花絕對搶fo ~ 😎醬油蝦肥美爽口、鮑魚味鮮有微微嚼勁，將蛋黃同各樣食材同韓式紫菜飯混合，再配埋生蒜絲，將韓式風味發揮得淋漓盡致～🇰🇷🥢MaSiSoYo~~ 맛있어요 💃🏻食韓國菜又點可以少咗一杯柚子飲品呢～呢杯柚子檸檬梳打🍹將今日悶熱嘅天氣完全擊退👊🏼👊🏼