雪下覓炙

营业中

休息中

今日呢間又有韓燒又有定食嘅餐廳「很有style」，入面係昏暗燈光風，岩晒我呢啲懶有儀式感嘅吃貨🙈*呢間可以用海港城$50coupon架💲前菜嘅豆芽同泡菜都係可以無限加添。泡菜酸辣度適中，好開胃🌶🍖三品•特選燒肉$215三品分別係濟洲五花肉、上和牛肋肉，同新瀉雞爽肉。五花肉燒到連脂肪部份都脆一脆，最好有生菜包住食🥬牛肋肉牛味豐富，又嫩又香😌雞爽肉名副其實咬落真係爽，比較特別。🍖名品牛肋骨配飯$188牛肋骨幾稔，但骨肉分離度可以再做得好啲。蘿蔔好高質，又甜又稔🥕🥕🥕🍶茉莉花水果綠茶$50茶味同柑橘味香濃，而且用呢種器具飲用，即刻儀式感大增~

而家海港城weekend lunch都吾太繁忙而佢呢度又係即時有位同朋友& 朋友嘅小朋友都係要揀間舒服嘅地方呢度 都真係ok我哋一行四人各自叫咗自己個set 4 人前菜先上咁多可以refill 的味道當然係好好芽菜入味又爽我自己就叫咗呢個 海鮮豆腐湯Ok gei 一般嘅水準 同預期差唔多份量都足夠我哋其他人食 水冷麵、炒粉絲、大醬湯坦白講 以份量同價錢計就吾算係抵食只係 計埋環境 服務 衞生 程度同埋地點咁都係可以嘅始終有小朋友 環境衛生同坐得舒服都係重要

朋友又再次約我去尖沙咀海港城行街呀！因為又可以用現金卷！這間韓國菜近排大熱，所以一直想來試吓。午市也可以用現金卷真爽。午市套餐有兩種類的，定食或燒烤全君選擇。我們點了燒烤套餐～～～除主菜還配傅統韓式前菜五小碟，白飯和大醬湯。前菜有泡菜、大豆芽、長青豆、甜薯和辣軟蟹仔。不過只得一人份量，因為見一人前來是五小碟，四個人前來也一樣得五小碟，這樣略嫌少了一點吧！「三品•特選燒肉」(濟州五花肉，上和牛肋肉，新潟雞爽肉）濟州五花肉很厚身長長的一大塊，肉質煎香爽甜，雞爽肉真的很爽嫩醬汁甜甜的。「牛饌燒烤」(名品牛小排，和牛牛舌，A4和牛三角肩和牛三筋)喜歡吃牛的就要點選這款，一碟有四種不同牛肉和部位，牛小排肉味濃，和牛牛舌夠爽身，牛三角肩和牛三筋肉質嫩，油脂分布平均，薄薄一片煎來牛肉味更濃。

呢間真係bookmark咗好耐，終於嚟試到。。。網上bk8點，去到執緊枱，店員就介紹一個優惠套餐，安排入坐後我地睇完哂，最後都係揀呢個餐呢個餐每人6百幾蚊真係好抵，而且飲埋湯，食埋甜品啱啱好。。不枉此行

來到和牛「見学」的第五回合。翻查「戰績」，鄙人原來十年前已經上過一課，難得店子仍在、而我仍覺值得光顧。只是學到的，已還番晒了，unlearnt再學過？不是，是已忘得一乾二淨！有些情、有些教訓，是一生不能忘的……今天這趟，也是「重臨」：是她給我倆線索、過海到灣仔，享受那DA肉眼韓燒。趁手上又有現金券，好應該「報答」一番，並再次試真這裡的和牛！午市到店貼士：可在開店 (正午十二時) 前約十五分鐘，到店門前排隊，「比較有機會入座」。以上是訂座時店員告知的；實地試驗，果然可以消化幾乎整條人龍。今天為了善用現金券、盡量滿足「兩蚊減一蚊」的比例，就不點太貴的項目了；我選了包括名品牛小排、和牛牛舌、A4和牛三角肩、和牛三筋的牛饌燒烤 ($265)。跟最貴 ($398) 的名品尚犢比較，不同的是牛小排換成雪花牛肋骨、三角肩換成韓牛肩肉。這款韓牛單點價近千，相信是「午餐之王」的原因吧！至於同伴，今回點了名品牛肋骨煲配飯 ($168)，試一下這兒的熟食。溫馨提示一下，所有套餐均附一份五小碟的前菜，而泡菜和芽菜是可以無限追加的。雖然燒烤牛肉先上，但我倆今天卻先饗牛肋骨：口味濃帶甜，煮得入味，深深滲進肉內，吃

尖沙咀某大型商場做緊promotion 有coupons就好好利用😎朋友話好耐無去Korea,我又未食過就揀咗呢一間，網上食dinner set有8折仲可以用coupons 最多5張，計下條數都抵食。個set有鮑魚帶子，魷魚，A5和牛…當然唔少得一定要有前菜啦⋯⋯🥰食韓國嘢就梗係要有專人服侍，店員全程都有同我哋燒，幾好招呼🥰牛有4個部位提供，最好味係西冷好多肉汁，反而牛筋果d位就唔太滑身，比較鞋口！其實都夠食，但朋友仲話要食飯，我哋又另叫一碟菜包啲肉食…好飽lor 😎魷魚好味…鮑魚帶子特別醃製，好想食多少少😂如果無折頭我就唔會叫set..😂大家有coupons可以試吓個set 😄

水凖唔錯，牛肉質素佳，調味適當，湯鍋材料足及熱騰，不過是旅遊區的價錢，最不習慣是晚餐亦是全程自己動手，因此午餐比晚飯抵食。 晚上套餐並不配湯及飯，點肉就只有肉！吃完估計不會飽，所以我們另外加個湯。 雪花韓式牛肋骨 $355如常所見，牛肋骨原條上，備以剪刀。 也許是我們習慣了傳統韓式烤肉店的手法，沒有想過在高級烤肉店需要全部自己動手。原條燒是正路，不過不知道燒到那個程度可以剪，而且剪肉不容易，有點後悔選擇牛肋骨。 論味道，韓式牛肋骨自有過人之處。 濟州特上豬梅花肉 $158肉質亦好，不過燒得時侯流出雪水！辣豆腐牛肉湯 $148材料豐富，有豆腐及之外亦有一只半熟蛋、若干蜆仔及大量蔬菜粒，只是微辣，味道好。 

Came here many times for lunch and tried out all their five Korean bbq lunch sets. Each set comes with Korean side dishes, rice and soybean paste stew. I really liked their soup. It’s very intense in flavour and the beef inside was all very tender..The bbq quality varies each time actually but I loved their Emperor Beef Platter most as it never disappoints. My second favourite was their Chuck Tail Flap in Soy Sauce with Pork Belly. Other sets were ordinary but not much to complain considering th

點了豬皮 明明燒烤店 給我熟的 叫我再燒已變質 不肯退款 打電話去 沒人接社交平台沒人回覆WhatsApp沒有覆再打電話 沒回覆最後訂座才致電給我 說沒有問題 你報食環也會是沒有問題 是我本人的問題

lunchtime 成日諗唔到食咩野，就會過黎尖沙咀睇下雪下覓炙多唔多人。 有時真係等大耐就要放棄呢度唔算開左好耐，環境和食物都幾好，尤其前菜泡菜和醃魷魚係我既最愛一般都有5小碟不同類型既前菜而只有泡菜同大豆芽可以refill平時都係忍唔住要食大醬湯今次係第一次點泡菜豬肉年糕鍋原來都幾有驚喜！上枱個陣侍應會幫手剪開豬肉五花肉同年糕都算足料而且新鮮，肉質比較軟，肥瘦均勻。而湯底就一片紅，有大量泡菜非常濃郁，年糕係鍋度慢慢吸收湯底後都幾入味，口感唔錯。但怕辣就可能食唔到了...餐廳午市都可以用到海港城coupon 食過咁多次都覺得每次食物質素真係唔錯，下次再試下其他野，真係值得再食

餐廳環境好好，係屬於昏暗環境的餐廳，食飽可能會令人昏昏欲睡那種，哈哈~有提供韓燒，唔知係咪因為午餐時間，所以唔係好大油煙~今日叫咗個神仙雪濃湯配飯 $150點咗餐，待應就會上前菜五小碟，我帶住耳機，隠約聽到佢講可以添前菜，不過一個人食，五碟已經好多！泡菜五小碟：韓式辣泡菜、大豆芽菜、韮菜、青瓜及蒜蓉魷魚 (我覺得係魷魚吧!?)蒜蓉魷魚可能好小食，覺得好好食，其他的前菜都係正常發揮因為一個人食，所以前菜已經好夠，不過蒜蓉魷魚表現太出色，所以想添小小~當要求添時，待應同我講得韓式辣泡菜及大豆芽菜可以添，無得添都無所謂，只係覺得味道幾好，而那碟的份量又特別小~無耐個神仙雪濃湯配飯黎咗點講好呢，睇賣相係唔錯的，入面有4-5片牛展片+2舊牛肋骨+好多大葱+小小麵線我覺得「濃湯」呢兩隻字就有點過了，飲落一點濃香味都無，反而係好重胡椒味，冬天飲都幾暖胃的，不過現在連入秋感都未有，就覺得唔係一個好選擇了！牛展片唔入味，可以話只係得牛展味，牛肋骨得2舊仔，一舊瘦的食落都係無咩味道，有一舊肥小小的，食落有驚喜，好有牛香味！不過同個湯的調味係完全無關係的，係牛本身的香味！大葱太多了，而麵線係我覺得最奇怪的，

父親大人生日，就去試吓呢間餐廳，睇到Menu太多選擇環境又昏暗，於是就選擇了晚市套餐，每人六百幾蚊嘅餐。上餐速度好快，開頭個部長都好有心機幫我哋每一款肉到去燒，但係個爐唔熱，燒完一陣就好似嘥咗舊肉咁。啲肉嘅份量唔足夠，好快就笑完，要食泡菜同埋加多個生菜去包啲燒肉。個套餐包組一款甜品， Tiramisu ，但係冇第二個選擇，屋企人唔食嘅情況下就俾咗晒我食，同埋我訂枱嘅時候講明有屋企人生日以為會寫字牌，點知都係冇嘅，早知如此就去第二間餐廳啦。如果冇海港城coupon就唔好去試啦！龜甲唔飽！

第二次黎食 上次食過覺得服務員態度都好好 野食都叫對得住價錢 所以再黎食過八點九入座佢話九點last order 我地就拿拿聲叫dinner set 650蚊位 最少兩位起首先上泡菜果d冷盤先食食下就黎厚切既燒肉先都無所謂既都係要燒燒肉先上前菜牛肉年糕唔緊要啦都係上遲少少跟住食左半個鐘到都仲未黎韓牛盛合先追問下幾時黎 轉個頭就上埋俾我都即刻燒佢成碟得八塊牛到 我地都食得算快燒到一半無端端夾硬上tiramisu都廢事話佢叫佢拎返入去喇 免得佢拎返入去加料唯有快d燒埋質埋落口 就食甜品啦成程都食唔到一個鐘 好似趕客咁用餐時間90分鐘 我先食得45分鐘姐你趕收工唔係問題 都唔係咁離譜呀個經理仲好笑 問佢你地平時係咪燒燒下咁快上甜品佢話下 正常係燒哂先上甜品 問佢點解我燒燒下就上甜品 佢求其答可能驚就黎截單就話快d上左先我唔係你今日第一個客食set嘛？關截單咩事？ 唔講以為自己食緊65蚊位成班都不知所謂😅

朋友有海港城優惠券所以黎餐廳一試黎到發現餐廳價格『唔同』左明明睇OpenRice 7月尾既餐牌唔係咁舊年11月變一次，今年又一次，真係變心變得好快喔。我地叫左個牛肋骨鍋同薯仔排骨鍋前菜種類算適中，但份量真係好少話係一人份都不為過，更何況我地兩個人。牛肋骨好味，有瘦有肥，煮得口感啱啱好，都有5，6舊。南瓜略嫌唔夠軟，仲有D脆口，唔中意。朋友既排骨鍋肉既份量相對少D，好似燜得幾淋好唔好味就無問啦，因為哩個價錢只會黎試一次，性價比低。

雪下覓炙食lunch已經嚟咗第三次。 再來又來梗係有佢嘅原因：就係我男友真係好鐘意食😅嚟到lunch一定要點呢2款：🍽牛饌燒烤 $258可能本身男友嘅燒烤技術高超&呢間牛嘅質素都唔錯，所以真係次次都整得好好味😋A4和牛嘅質素好難擔保次次切出嚟d部位/厚薄都一樣咁好，值得讚嘅係呢個set4款肉嘅質素好平均，油脂分佈一流，燒約十秒已經好正。佢除咗椒鹽外，仲有洋蔥醬汁都係好好味，甜甜地好解油膩，男友用嚟撈飯咁滯😂呢個set有配埋豆腐大醬湯，好足料又好飲👍🏻🍽牛肋骨煲配飯 $168呢個牛肋骨不但好味，仲要份量都唔少，所以次次嚟忍唔住又點返同一款，食唔厭😂🍽前菜共有5款，其中3款係次次都會轉，我食過薯仔、菠菜、醬醃蠔仔、醬醃魷魚、小白菜，幾款都唔錯😌芽菜同泡菜係可以refill總結：A4和牛質素係好但份量少，大食嘅人未必食得飽，但係就視乎你自己嘅需求。如果去食普通韓燒二百幾蚊任食，質素一般食到中段已唔食，咁我寧願食質素好啲了😬