雞駅花膠雞米線專門店

营业中

休息中

今日同女朋友去左食，環境都算唔錯，等位等左15分鐘唔算太長時間，不過上去得一部lift，等lift時間長，建議門口左邊行樓梯上去，正餐叫左兩碗米線，一個雞翼，湯淡而無味，d雞柴過柴娃娃，叫兩杯檸檬茶，檸檬每杯得2片比乞丐咁款，食完想慢慢飲埋杯野，第一個侍應問收唔收得野，我話我仲要，准時5分後 第二個侍應走埋黎再問，收唔收得野，我都話我仲要…再5分後 第三個侍應走埋黎問第三次…..想慢慢食既人真心唔建議去，比呢道吹到咁多人食 咁多人走去排。

有好多種湯底揀，例如「招牌花膠雞湯」，「胡椒豬肚雞湯」，「藥膳黄酒花膠雞」等，我就試吓咗「椰子雞湯」，個湯夠濃郁，米線偏淋。啲雞大約只有四舊，唔係多，但係就好滑，唔會「鞋」。要預早去排隊，大約等15至20分鐘。

今日同同事想食米線，知道觀塘駱駝漆大廈有間食花膠米線出名嘅餐廳 (雞駅花膠雞米線專門店)！我同同事揀咗佢哋嘅招牌菜式。我試咗佢哋嘅招牌花膠雞米線，配上一杯檸檬梳打。不得不讚佢的雞肉好滑嫩，好香雞味，再配上厚身的花膠，口感豐富。而米線都煮得恰到好處，彈牙爽滑，個雞湯底好濃郁好味，配埋杯檸檬梳打清新爽口，好適合搭配。我同事揀咗藥膳黃酒花膠雞米線，佢特別讚賞藥膳黃酒湯底，藥材味香濃好味，味道豐富。雞肉同花膠都煮得鮮嫩美味，佢杯檸檬茶有驚喜唔求奇，飲得出佢個茶膽做得好，茶底清澈，而且呢個天氣飲解膩又消暑。假如你唔食米線，佢仲可以轉飯或者米粉，一樣吸引!另外我哋仲叫咗佢嘅金鑽豆腐，炸得非常香脆好味！值得一提嘅係，雞駅門外一直有人排隊等候，證明佢嘅美食真係吸引人！如果你係觀塘附近，一定要嚟雞駅試下佢哋嘅雞米線。雞肉滑嫩，湯底味道濃郁，令人回味無窮，食完想再食。

成日見到呢間雞湯米線大排長龍，決定同朋友試試佢😂我地叫咗兩款米線同啲小食，整體只好普通，冇咩驚喜。❣️椰子雞米線❣️姬松茸竹笙花膠雞米線兩款米線既湯實在太淡！特別係椰子雞，只係得淡淡椰子味，雞味都欠奉。松茸雞湯相對濃少少，但湯底都係唔及格，令人失望。雞肉就幾唔錯，肉質嫩滑得黎唔會好鬆散，而且肥瘦適中，又有雞香味。但個人覺得雞湯米線係湯底更重要，呢方面真係爭啲。❣️麻藥蛋❣️金磚豆腐麻藥雞蛋話平唔平，都成十四蚊粒。食呢啲蛋梗係想食流心蛋黃，但一上檯就見到熟得滯，當堂失望咗🥲金磚豆腐係好食既，豆腐嫩滑熱辣辣，炸皮酥脆。總結：食物質素好普通，可能係期望太高，真係幾令人失望，店員態度亦麻麻。唔值得為呢間鋪頭再排隊，經過諗住食簡單快餐既時候先會考慮。

係駱駝漆緊係行街加食野啦呢度都有好多排隊店而呢間係我回頭客x n次咁多呀🔸 招牌花膠雞米線花膠有三大塊咁多每一口咬下去都能感受到花膠的彈性和鮮美味花膠既骨膠原超足 花膠的風味與米線濃郁湯頭完美融合飲埋d湯仲正 女士到愛雞肉肉質鮮嫩多汁好有豐富的鮮雞味🔸 貴紀雞濃湯米線湯頭鮮美濃郁充滿了雞既鮮味湯頭的口感滑順入口即化 米線充分吸收了湯頭的滋味 正每一口都能品嚐到濃郁的湯汁雞肉斬件之後 雞汁流入湯底 更加入味今次叫左雞髀 啖啖肉好好食 份量都好多🔸 胡椒孜然雞翼胡椒孜然雞翼烤得岩岩好外皮烤得酥脆內部肉質鮮嫩多汁每一口咬下去都能感受到雞翼的肉汁在口中爆裂配合著外層的酥脆口感極大的滿足感呀📍雞駅花膠雞米線專門店📍觀塘開源道60號駱駝漆大廈第三座1樓I室

估唔到觀塘工廈有間主打花膠雞既米線，味道唔錯，價錢夠平民，唔怪得去到門口都排晒隊燒豚肉濃湯米線有4個湯底選擇，我揀畫左胡椒湯底，豚肉燒到好香好惹味，肉質鬆軟，配上爽滑米線，Yummy🤤酸菜魚米線🐟鮮味香濃，酸辣開胃，米線吸晒湯汁，夠晒入味，中意酸菜魚既一定唔可以錯過啊！😋麻藥蛋🥚期間限定就叫黎試吓，一份有兩隻流心蛋，加上濃郁既麻油香味，口感一流！😍悍匪雞翼(胡椒孜然)🐔經典味道既雞翼，即叫即炸，外脆內嫩，夠晒惹味！

今日咁巧係觀塘返工，放工同同事去附近出名嘅花膠雞米線食晚飯。原本約左8點鍾，但係早收工，我地早咗半個鐘去到都已經排長龍。大家都好有耐性排隊等食花膠雞湯，門口都貼左好多食物相，睇到都已經好肚餓。 呢間係小店，環境小小但大家坐埋啲好溫馨，充斥著濃濃既雞味。呢到要掃qr code落單，但係收唔到signal好彩佢地有wifi. 我點左個招牌花膠雞翅，跟餐加12蚊可以買杯凍檸水。配料份量超多都食唔哂，仲有兩舊大大舊嘅花膠口感好爽。另外點左個金磚豆腐，外脆內嫩，有口感之餘入口即溶嘅感覺，超好味超好味。 還點左個招牌花膠雞米線，湯底好清甜，滿滿嘅胡椒雞香味，加埋嫰滑嘅雞件，湯都比我地飲晒，好味又飽肚。

80幾90蚊一碗米線，唔知道憑乜嘢收咁貴，仲要工廠位置。湯唔熱，花膠味好淡，米線量好少，加左雞脾，得4舊雞。。。42蚊一碟炸豆腐，量好少，皮唔脆。半熟蛋味道就不過不失，但$28 兩隻蛋，憑乜嘢？！！！

每次去駱駝漆閒逛， 都見到一樓間花膠雞湯麵大排長龍🧑‍🤝‍🧑👭👬， 今天7點前到， 希望避開人潮直入， 點知都係有人龍😅， 好彩等咗20分鐘就可以入去， 原來人龍係時時都有， 只係長定短。🍭招牌花膠雞上海麵🍜招牌名物當然必點啦。湯係奶白色， 入口順滑清甜😘，米線口感Q 彈爽滑，湯料除咗滑嫩雞件外🐔， 仲有好多厚厚花膠，哈哈，感覺賺了😜。🍭藥膳🍷黃酒花膠雞🐔米線雖然同招牌花膠雞一樣，湯都係奶白色， 但完全係倆樣唔同味道🤔。 鷄湯入口有淡淡酒香，但絶唔濃烈， 唔會有酒嗆味， 感覺好補身🤩。🍭泰泰雞翼🐔皮脆肉滑， 加上甜酸泰醬， 超惹味😙。

滿懷歡喜咁去排隊食好好食嘅米線啦，見呢間評語唔錯喎，有咁多個like like。排除大約半小時之後，終於可以安排入坐環境還算不錯，只是空間位置比較窄點了幾個美食，酸菜魚米線，椰子雞隻米線及蟲草米線，品嚐一下美味湯底完全沒有味道，沒有雞味，沒有椰香味，似用湯粉熬製一樣，雞肉比較苦，花膠同樣有一股腥味酸菜魚也有一股化學味，且沒什麼魚味，感覺奇怪當然只試了其中一部分，並沒有品嚐所有美食，但只係真實感覺，歡迎大家去試排升直機。😀

觀塘打工狗終於初嚐到工廈出名米線😍成功係6點45分達陣，等咗8分鐘左右就入到了😎招牌花膠雞米線 $73沙魚骨魚湯軟殼蟹米線 $68睇yahoo food介紹鋪頭雞湯膽，每日先熬，用豬筒骨、西施骨、三黃雞，以大火煲三小時，去油隔渣而成😱飲落真係好濃郁雞味‼️舖頭選用三黃雞，啖啖肉仲有雞翼，口感鮮嫩🤤花膠份量都好多，而且都幾大嚿😚 軟殼蟹炸得啱啱好，入口鬆脆😆招牌米線加咗$5轉咗每日鮮製上海麵，各有各好，米線較爽口但上海麵比較掛湯👍🏻金磚豆腐 $45即叫即炸，上枱熱辣辣😋外脆內軟，食到唔停口🤪雞駅花膠雞米線專門店觀塘開源道60號駱駝漆大廈第三座1樓I室雞駅花膠雞米線專門店

今晚教會bg前速食觀塘駱駝🐫漆雞駅，6點幾去到5成滿，侍應叫我坐bar枱，QR code 🧑‍💻 order，但收得一格，皓彩有Wi-Fi，叫咗A5姬松茸竹笙花膠雞🐔脾米（$88）同D3桂花烏龍冷泡茶 ☕️ （$18），上菜都快。米粉上時飲咗湯先，唔算濃，二撇雞好d，雞脾滑，但斬骨太碎，好麻煩😣，冷泡茶唔錯👍🏻，皓清香。坐唔夠50分鐘俾阿姐趕走咗，只收現金，原來出面有十幾人排緊隊等，不過我都係時候返教會

平日3點幾去唔洗排隊～坐低叫左碗招牌花膠雞米線湯底：唔咸，飲完唔口渴雞：白切雞咁，算滑花膠：有少少腥，寧願佢無味份量：少左少少，女仔一個食都未飽（建議可以多少少🫠)

駱駝漆真係為食鬼嘅天堂😆美食好似食極都食唔哂🤤🤤今次去咗一間又係想試好耐嘅雞湯米🐣🐣花膠雞煲翅配飯 ($98)鍋上嘅雞煲翅一路食都保持熱辣辣😁花膠同翅都算足料，花膠煲得入味夠腍😋相比之下翅較為遜色，仲係有啲硬🫣雞肉肉質鮮嫩唔鞋，雞湯濃郁夠味，配飯一流👍🏻🥥椰子雞米線 ($60) 米線上枱淨係聞都聞得出好香椰子味🤤一飲湯完全體會到椰子嘅清甜🥥雞肉同樣鮮嫩多汁😙但令我最驚艷係佢嘅米線🤩米線滑嘟嘟又帶煙靭，平時怕食米線粗鞋，或者煮到太淋嘅質地可以黎呢度一試😛第一次食米線會後悔自己叫咗少米線😂😂講起都想再食🥹🌽椒鹽粟米 ($38) 粟米本身唔算好甜😂不過調味唔太重手，輕輕灑咗鹽同炸蒜，所以食得到淡淡粟米香🌽凍檸檬薏米水🍋（+$18）

雞駅我唔係第一次嚟記得第一次係剛開張無耐嘅時候嚟食當時叫咗招牌花膠雞米粉 湯好好飲 夠濃 一定要襯熱飲第一次無加錢轉雞髀 係雞胸+雞翼 今次我幾大都加錢轉雞髀🍽️胡椒豬肚雞 ($60)*轉米粉 *轉雞髀 (+$10)*凍檸茶 (+$8)胡椒豬肚湯我係屋K煲暫時都未成功過奶白色嘅湯 胡椒味好夠但唔會太辣 個湯好好飲 米粉都可以索曬D味轉雞髀真係完全唔同!正好多 仲有幾塊豬肚呢幾日天氣比較濕 今日試呢個胡椒豬肚雞湯米粉真係好適合🍽️麻藥雞拌麵 ($68)*凍檸水 (+$8)我個嘴刁同事試呢個 佢第一次嚟佢都話好夠味 好食 清曬!🍽️悍匪雞翼 ($42)雞翼有4隻 生炸完都仲係好大隻 熱辣辣新鮮即炸 胡椒孜然味調味恰到好處