影片
营业时间
今日营业
11:30 - 21:00
星期一至六
11:30 - 21:00
星期日
全日休息
*劳工假期休息
以上资料只供参考，请与餐厅确认详情
-
网上订座即将推出
招牌花胶滑鸡浓汤米线招牌花胶鸡米线 ($68)汤底用咗好足料嘅三黄鸡熬煮，花胶同鸡肉嘅鲜味，汤底浓郁又清甜无味精。另外，鸡肉十分鲜嫩，唔系雪藏鸡，加$10仲可以转鸡髀，鸡髀肉质更鲜嫩丰满！仲有4,5块花胶、爽口木耳、甘香虫草花，$60几蚊真系性价比十足！最尾仲成碗汤饮晒！🌟 评分: 8.5/10酸菜鱼米线 ($68)鱼片鲜嫩，酸菜带少少微辣，汤底酸酸甜甜非常开胃，好啱钟意酸嘅朋友。米线软硬适中，有少少弹牙，吸收了汤汁的味道，口感一流！🌟 评分: 8.5/10金砖豆腐 ($42)金砖豆腐外脆内嫩，外皮好金黄酥脆，豆腐十分软滑，口感相当丰富，仲有椒盐嘅香味，真系好值得一试！新鲜出炉热辣辣，差唔多枱枱都叫呢款小食，十分推荐！🌟 评分: 9/10冻柚子蜜 ($12)清新解腻，柚子的香气十足，甜度适中。🌟 评分: 7.5/10🎖️整体评分🎖️ ❤️ 味道: 8.5/10🧡 环境: 8/10💛 服务: 8/10💙 性价比: 9/10 📍鸡駅花胶鸡米线专门店 (观塘)观塘开源道60号骆驼漆大厦第三座1楼I室
继续阅读
餐厅：鸡駅花胶鸡米线专门店 (观塘)地址：观塘开源道60号骆驼漆大厦第三座1楼I室相信喺观塘住或者返工嘅人，都唔会未听过鸡駅花胶鸡米线专门店🍜，原来唔经唔觉佢哋已经开咗两年，仲喺啱啱1月开咗第3间分店，事关骆驼漆大厦嘅分店长期爆满，就算有埋东广场同埋骏业里分店都依然继续有好多客人，认真夸张🤪究竟喺咩因素令到咁多人走去帮衬呢间米线专门店呢？望望餐牌见到有接近20款米线(可以转做米粉、上海面或者饭)，主食价钱多数四十几至六十几蚊为主，而汤底就专心做好浓鸡汤、蕃茄汤、胡椒汤同麻辣汤🌶️，亦有水煮汤同埋拌面比你拣，另外有10几款小食同饮品，有部分仲喺自家制👏，例如今次饮嘅冻柠檬薏米水咁(+$18)✝️招牌花胶鸡上海面 $73话明喺招牌冇理由唔试，汤底用咗足料三黄鸡熬制，鸡汤浓郁鲜香无味精，三黄鸡嫩滑无雪藏味🐔，另外有好几块爽滑花胶，加埋虫草花、木耳等配料，配埋每日鲜制嘅弹牙上海面，够晒丰富又饱肚👍✝️胡椒花甲粉 $58鸡駅嘅花甲粉务求做到碗碗都咁鲜甜，每日都喺新鲜制唔会留过夜，花甲嘅鲜味加埋纯厚嘅胡椒辣香，成为咗成碗粉嘅灵魂😍，我好钟意呢个汤底，忍唔住连埋米线一齐喺咁饮。除咗接近十只鲜甜饱满又唔腥嘅花甲，仲见到有青瓜🥒、娃娃菜、木耳、芝麻、金菇、枝竹做配菜，都咪话唔落足心机❤️✝️麻药蛋 $28捞饭食一流嘅麻药蛋，喺用咗溏心蛋加上多款辛香料调制而成，除咗滋味溏心蛋香，最令人食唔停口嘅喺大量芝麻同香葱，仲有麻油嘅配搭，一试难忘🤤
继续阅读
响网上睇到有人介绍响观塘非常出色嘅米线专门店，就趁有空闲时去试吓。店面唔算好大，我四点几过去就唔使等位。第一次嚟当然点佢个招牌花胶鸡米线，加多10蚊鸡转鸡髀。一如既往，面嚟到第一时间就试个汤得唔得。呢个鸡汤可以话有惊喜，鸡味浓郁，而且清甜，比起拉面果种鸡白汤更浓郁，绝对系我想要嘅味道。加上花胶，感觉好滋补养生。鸡脾好嫩滑，冇雪味，食落好新鲜，如果无骨嘅话就更加perfect🤣。米线有口感同弹性，同出面食嘅有啲唔同，面身比较幼，我几钟意呢种口感。呢个米线暂时食过咁多间嘅No. 1，下次要试吓佢其他款式嘅米线同小食，尤其佢有个花胶鸡煲翅配饭，相信都会有惊喜。
继续阅读
米线关注组都好多人推介，但我成日都见到要排队, 加上骆驼漆大厦🫕药膳黄酒花胶鸡米粉 $72 🫕一上枱就闻到浓浓药膳黄酒香✨ 汤底用黄酒同药材一齐熬煮，饮落顺喉又暖胃💯 花胶咬落爽滑弹牙，鸡肉嫩滑得黎仲吸晒汤汁精华，可以叫米粉或米线，其实米粉挂汤更加好~ 食完成个人~ 㷫烚烚! 好爽🥰 🫕胡椒猪肚鸡米线 $68 🫕猪肚处理得超干净，完全冇异味👍 胡椒汤底辛香够喉，饮完成个胃即刻舒服晒~ 鸡肉份量足，仲有埋爽脆云耳同虫草花，口感丰富到爆🎉 🫕烧猪颈肉 $58 🫕即外层微焦脆口🔥，内里juicy到爆汁！烧烤酱甜甜地，配埋爽弹肉质，食到停唔到口~所以结论是... 排队都值得再食... 个黄色的鸡金汤... 令人回味~
继续阅读
【美食篇】｡ 𝕂𝕨𝕦𝕟 𝕋𝕠𝕟𝕘✨嚟观塘梗系要食人气花胶鸡米线🍜🤤药膳黄酒花胶鸡米线🍜药膳味好浓郁,有红枣,杞子亦有浸浸酒嘅香味饮啖药膳汤成个身都暖笠笠☺️花胶同鸡份量好足,大大件又软腍腍一啲都唔韧#想补身一定要食药膳花胶鸡😊椰子🥥鸡米线🍜椰子味都好浓郁,汤底好清甜一点都唔油腻梛子🥥片好爽,鸡滑捋捋大大件好好食#喜欢梛子🥥鸡的必定要来试🤤米线🍜真系好好食🤤滑捋捋又弹牙😋#米线控必食#排长龙也是常识吧😁
继续阅读
您可能会有兴趣的...