雞駅花膠雞米線專門店

营业中

休息中

好耐冇去觀塘原來駱駝漆有好多舖頭經過呢間見到排晒隊就趁墟一齊排雖然前面有成廿個人等緊位但最後等咗十五分鐘就入得都算好快🤎金磚豆腐✨🤎椒鹽粟米✨🤎招牌花膠雞米線✨🤎椰子雞米線✨🤎凍檸檬薏米水✨講咗我覺得最重要嘅米線先係比起譚仔更幼身同爽口嘅米線質地係有咬口唔會太軟腍啤啤嗰種雞件好滑就算本身唔鍾意食雞胸都可以個湯好清甜唔鹹唔油唔口渴個人鍾意椰子雞湯多啲甜啲更滋潤另外小食都非常唔錯值得一試特別係即炸嘅脆皮金磚豆腐✨最後配埋杯薏米水成餐感覺冇負擔可以用呢個價錢有呢個水準認真唔錯👍🏻

一家以花膠雞湯底馳名既餐廳位於駱駝漆大廈，平時都好多食客幫襯上個weekend lunch time 黎試下，排左一陣隊就有位🕰️🔸花膠雞煲翅配飯🍲餐廳招牌菜🔥雞湯煲至乳白色，伴隨住雞香味可見用料十足，花膠有三件，大大嚿，炆得好入味，跟雞湯既香味相融合雞脾肉概有4-5件，煮得細嫩，唔會過生，加上能夠吸收湯底精華既娃娃菜整體湯底非常出色地融合左雞和花膠既湯汁，滿足味蕾🔸麻藥雞伴飯🐔飯以雞胸肉以主，搭配上麻藥蛋及涼伴青瓜🥒雞胸肉一D都唔「鞋」，調味岩岩好，鹹中帶香甜麻藥蛋煮成溏心質感，味道出眾總結: 👉一間係觀塘區有人氣既花膠雞專門店，食物質素亦都對得上其名氣👉推介比喜歡養生，食雞肉既朋友們

雞駅花膠雞米線專門店地址: 觀塘開源道60號駱駝漆大廈3座1樓I室想不到在觀塘工廈都可以食到花膠雞煲翅，同事試左大讚好味，今日下午就去試一下，餐廳位於駱駝漆大廈，好嘢當然多人捧場，雖然已經差不多二點， 但依然有唔少客，好彩等左一陣就有位。⭐️花膠雞煲翅米線當然要試呢度的招牌菜，大大碗好足料，用石鍋裝住，熱辣辣，可以Keep 住温度 ，湯呈乳白色，入口濃郁鮮甜，花膠、雞、翅份量十足，真係不會令人失望。⭐️姬松茸竹笙花膠雞米線金黃色嘅花膠雞湯，味道香濃，配料夠新鮮，加入姬松茸、雲耳、蟲草花、芫茜和香蔥，非常出色。二者相同之處是雞肉同樣新鮮嫩滑，花膠好味又養顏，米線軟硬適中，吸收了湯的精華，爽滑彈牙，真材實料，湯底則各有特色，食完米線飲啖湯，好滿足呀！#雞駅花膠雞米線#觀塘美食#花膠雞煲翅

🐥觀塘養生雞米🐥-今日試咗依間觀塘工廈既依間雞米小店🐥佢地既雞米香濃又冇味精😋唔怪得咁高人氣👍🏼除咗雞米之外佢哋既小食都幾出色-🐥姫松茸竹笙花膠雞米線（$78）雞肉大舊又嫩滑👍🏼湯底雞香味非常濃郁😋竹笙吸完雞湯超好食🤤仲有兩舊厚身花膠😍味道豐富-🌽椒盬粟米（$38）粟米好甜又多汁😍椒盬好惹味🤤而且香得黎岩岩好唔會太咸👍🏼十分推薦-🐥明太子釀雞翼（$20）脹卜卜嘅無骨雞翼啖啖肉😋裏面釀滿咗鹹香既明太子🤤-🥚麻藥蛋（$28）一份兩粒既麻藥蛋😋每一粒都係流心😍仲好入味添-🥒手拍青瓜（$36）青瓜新鮮爽脆🤤味道清爽👍🏼係唔錯嘅開胃菜

今日又係星期六OT既時間，今日LUNCH養生小小，同埋同事行去食花膠雞米線~估唔到星期六都咁多人，我地等左一陣位先入到去坐，現場座位爆滿。我叫左胡椒豬肚米粉，米粉好爽口，同胡椒雞湯好夾，雖然佢俾左雞胸我，以我呢個唔食雞胸既人黎講，我覺得整得幾滑，有別於我平時食開乾爭爭既雞胸，豬肚都好彈牙爽口。我同事就叫左酸菜魚米線，我試過佢啖湯，係唔錯的。佢話啲魚好新鮮，辣度岩岩好又夠酸。我地仲叫左蜜糖雞翼，我咬第一啖嚇親，係爆汁仲要好熱，我覺得雞翼可以叫，真係好好食，岩岩炸出黎不得只，外脆內嫩多汁，好入味，再加埋蜜糖，好好食! 下次會試下佢其他味既雞翼。

I arrived with my friends of 3 (total number of ppl) and staff asked us to go in and sat down. Suddenly another staff shouted at us to wait outside instead as people were queueing up and waiting for her order to sit in. We have told her 3 of us have arrived hence so and she insisted us to wait outside where those people are actually still waiting for their friends. Then she found out she had made a mistake then asked us to go in again without any apology but kept mentioning there’s plenty of sea

今次介紹間觀塘隱世小店 好啱喺觀塘返工嘅朋友仔 😍講真食得多茶餐廳都冇癮今次就去咗花膠雞米線花膠湯底好濃好潤 感覺好有骨膠原 再加上舊雞又好嫩 拍得上海南雞 一碗麵簡簡單單 好食，同埋食完之後就充滿力量繼續返工 朋友就揀咗蔥香雞飯 返上面有豉油同少少雞油 份量多啱男仔食 小食就叫咗炸豆腐粒同埋雞翼 其實炸豆腐粒，最緊要係夠熱 啱啱整出嚟個皮就會夠脆 口感一流 一次過飲晒食炸嘢嘅鬆脆又有豆腐嘅軟滑 雞髀都冇得挑剔㗎啦 去骨入邊仲有釀肉 一啖咬落去就啖啖肉性價比高，好扺食，推介大家來試下

觀塘真係好多嘢食，呢間餐廳位於駱駝漆大廈，聽說這家餐廳啲食物做得好出色，所以心中充滿期待，今日就過嚟試下。去到見到好多人喺門外排隊，服務員招呼週到，好快就有位。店內座位不多，但都坐得舒服。花膠雞煲翅配飯 $98(凍咖啡+$8)花膠雞煲翅湯底奶白色，非常濃郁。雞件鮮嫩，花膠口感爽滑，翅吸收咗雞湯嘅味道，超正。食曬成碗湯飯都唔覺得口渴，真係性價比高。胡椒豬肚雞米線 $60(凍柚子梳打+$12)湯底好重胡椒味，雞件嫩滑份量都多，豬肚軟淋又唔會韌，配料有蟲草花和雲耳。米線爽滑掛滿湯汁更好味。麻藥蛋 $28勁糖心，麻油味好香，又入味。📍雞駅花膠雞米線專門店觀塘開源道60號駱駝漆大廈第三座1樓1室

同屋企人出觀塘食dinner，第一時間就諗到一定要食呢間，之前上網見好多人推薦，我都決定黎朝聖一下。我地2個人7點左右到，好彩唔算太多人排隊，咁岩前面2張4人枱未齊人所以俾我地2個入先 (*留意要齊人先入得*) 店舖入面唔算大，又係手機落單，入面上網有d差係收唔到自己data嘅，睇返落單QR code下面有鋪頭WI-FI password，用佢地wifi落單就搞掂。 一人一碗招牌花膠雞湯米線，加多個豆腐。上菜速度算幾快，全部野食都係熱辣辣，招牌花膠雞湯米線雞肉肉質鮮嫩夠滑，好細心仲提供骨礫俾食客放骨。有d  surprise每碗都有兩大嚿花膠，睇到已經感覺好滋潤，湯底奶白色開頭以為會好淡，入口又好濃味喎，唔係味精湯，食哂成碗麵可以飲埋個湯，食完唔口喝。食到一半就上埋岩岩出爐嘅金磚豆腐，細佬忍唔住即時一啖食落口，熱到即刻吐返出黎。炸到金黃色細細粒真係一啖入口岩岩好(切記咪心急，放涼一陣) 外脆內軟，份量的確比想像中多，真係好好食。真心推薦同埋下次一定會再黎!

呢日星期六去觀塘駱駝漆買小朋友用品，午餐時間來食呢間人氣花膠雞米線。午餐時段門口都好多人排隊，入邊店面不大，但係人流轉得好快，等咗15分鐘都有位。❤️招牌花膠雞米線 $68呢個價錢來講花膠都算大塊而且多😍😍，加$10轉了雞髀，肉質好滑。❤️花膠雞煲翅配米粉＄98真係好多花膠，揀米粉會索晒啲湯汁，超級好味。加$10可以轉雞髀。❤️香草雞翼（香草牛油）$42四隻大雞翼，炸得外皮香脆又唔會乾，配上獨家牛油醬汁好好味。❤️麻藥蛋 $28好香麻油味道，係流心蛋。食飽走時仲係大排長龍，都真係值得再encore。

觀塘一直都係花膠雞米線激戰區，雞駅在其中就做到非常出色，除左花膠雞外，其他口味都做得唔錯，今次就試左超補身藥膳黃酒花膠雞!!😚- 藥膳黃酒花膠雞米線 HK$68 🍺🐣🍜冬天補身之選!!湯底黃酒味道濃郁而不失平衡，花膠落得非常多，令到湯底充滿濃濃膠質超養顏!!雞肉煮得非常滑嫩，雞味非常濃厚超正!!蟲草花、紅棗及木耳等配料令整個湯底味道更加豐富，食落都覺得暖身!!米線亦煮得唔錯，微微彈性不會過爛，麵質滑順!!冬天食呢碗一定暖粒粒，夏天食就可以補身!!- 麻藥雞拌麵 HK$68 🐣🍜

雞駅花膠雞米線專門店 (觀塘)觀塘開源道60號駱駝漆大廈第三座1樓I室。我成日都覺得，一間餐廳大排長龍一定有番咁上下質素，有一日去開駱駝漆，見到一樓呢間餐廳排曬長龍咁，我就知要mark低搵日試一試。果然放工之後去到又係要排長龍，無計～有時要食好西就係要等下。姬松茸竹笙花膠雞米粉（$82）湯底係濃雞湯，無味精所以我大啖大啖咁飲，雞我轉左雞髀（$10），雞件好滑唔肥，仲有花膠、竹笙、姫松茸，麵都有幾款選擇，大大碗飲埋湯勁飽。花膠雞煲翅米粉（$98）呢碗雞煲翅，$100唔洗就有，仲要係特別用石鍋上，無將貨就價，俾左幾排翅，好想知究竟點賺錢？。#gpigkwuntong

同friend出街，想食啲养生嘢，就拣咗呢间米线。招牌系佢嘅鸡米线可以拣唔同口味。✨胡椒猪肚鸡猪肚好大块，汤底好浓郁，饮完成身都暖晒✨招牌花胶鸡养生之选，有好大一旧花胶，入口即化，汤都系超级浓郁好香呀。

觀塘多好嘢食就係人都知啦，每當lunch time或者夜晚食飯時間觀塘就會好多人，尤其是喺駱駝漆大廈，今日就嚟到駱駝漆大廈好出名嘅雞米，雞駅度試一試，駱駝漆大廈嘅一樓都算大，但係指示都尚算清晰，出咗lift之後轉左一路直行到尾就到啦大概夜晚7:30嘅時候嚟到，就已經見到好多人排隊，間舖位置唔算多，但係流動都算快，等咗大概30分鐘左右就入到去啦佢有唔同嘅雞嘅米線，你仲可以揀米線揀飯揀米粉，亦都可以加$5轉上海麵，或者加$10轉脾位，亦都有酸菜魚，咁嚟到雞米就梗係食雞啦，佢仲有個期間限定嘅花膠雞煲翅飯，但今日有啲想食啲補啲嘅嘢，所以就嗌咗一個藥膳黃酒花膠雞米線同胡椒豬肚雞米線，仲嗌咗兩個小食，麻藥蛋金磚豆腐藥膳黃酒花膠雞米線手機落單大概5分鐘就有嘢食，黃酒味好香，飲落去淡淡酒味，唔會濃到苦亦唔會淡而無味，加埋啲藥材味，令人係咁飲個湯，感覺好補有2嚿都幾大嘅花膠，仲有6大嚿雞，每嚿雞都好嫩滑，可能臨近閂門時間都偏向係脾位，唔會話好鞋，好似食緊海南雞咁，米線就係偏硬，但係啲湯係冇味精嘅，我飲晒都唔會頸渴，鍾意藥膳黃酒嘅一定要嚟試吓胡椒豬肚雞好驚艷到我，雞都係同樣嘅嫩滑，豬肚有好多舊，大嚿得來唔

環境: 空間較窄，坐位唔多！服務: QR Code落單！未食完，就有唔同staffs過黎問左幾次收得未😅 好趕時間！（p.s. 出面無人等緊，店入面仲有吉位未坐滿).📌花膠雞米線 $68無咩味，無雞味，更加無花膠味！連塩都未夠！加埋米線食更加無味！雞肉好柴！米線偏腍！.📌胡椒豬肚雞米線 $60胡椒味好辣！豬肚份量唔多！同樣地雞肉好柴，米線好腍！.📌凍檸茶（跟餐加$8）茶底好難飲，檸檬吉到爛晒都冇乜檸檬味.Overall, 唔建議！唔好食都算，同行既朋友當晚同我一齊食完肚痛、狂痾🤮！.=========================.食物：1/10環境：3/10服務：2/10抵食度：2/10回頭度：0/10.