集眾菜館

营业中

休息中

大家對中餐要求比較高, 因為自己或家人懂得煮, 不同西餐始終我們不會太懂得, 或如何才是正宗如何才是地道幾天假期朋友推介到這間餐廳, 點了集眾極品雞, 鮮菠蘿拔絲咕嚕肉, 陳皮豉汁蒸大鱔, 紅燒妙齡乳, 金沙新鮮魷魚, 酥炸美國桶蠔, 瑤柱蛋白炒飯還有杏汁炖白肺湯鮮菠蘿拔絲咕嚕肉,金沙新鮮魷魚真系非常出色, 一向很喜歡咕嚕肉, 試了不少著名的中餐廳的咕嚕肉, 這間是最好味的. 金沙鮮魷的金沙及脆皮不太厚剛剛好, 亦沒有餘油份, 非常推介一試. 杏汁炖白肺湯亦是巧手之作, 不是很多飯店有

今晚食飯食到一肚氣😡點了炒蟹、鼓油皇蝦、魚香茄子、咕嚕肉、鵝腸、鐵板芥蘭和炒麵。1. 咕嚕肉好食，其他無乜特別，蟹無鮮味，食物偏油。2. 炒麵我想要碟辣醬，服務員來了一碟辣醬，份量好少，我於是叫多碟辣醬，服務員俾完後，老闆娘就走埋嚟，問我食唔食得晒碟醬，不斷話我浪費，我都未食佢又知我食唔晒？😳如果唔想俾碟醬，可以一早講明加多碟醬要俾＄，而唔係企响到質疑個客！3. 服務員下錯單，來了碟我無叫的魚雲，退回魚雲但最後埋單竟然計埋碟魚雲。好彩有check 單睇番其他食評，原來傳說中嘅老闆娘係態度差，今晚自己體驗了，果然係差...差...差😡唔會再去食

朋友介紹住左九龍西咁耐，都未試過唻呢間，最近朋友介紹要食呢間小菜店，話個廚師好厲害，就唻試吓。一入到去，有一個要訂枱的磁場，因為我見門口係無接待員拉客的，反而見到有個老闆娘滿場飛招呼客人。我當然係無預先訂枱，但好彩都有最後一張二人枱。我同老公點左朋友介紹推薦的3個菜式，餸菜個名聽落好簡單，但炒左出唻係一點都唔簡單！各位觀眾！鮮菠蘿🍍拔絲咕嚕肉幾乎每枱都叫，當然呢碟只係呢嘅入門版，無叫果啲，睇得出都係熟客，職員都認得出了，這份人情味我最愛。呢個拔絲😋😋😋，佢個皮係脆的，佢唔係平時食到果啲粉，而係香口但唔痴牙的俐落，你以為佢裡面舊肉無驚喜，佢裡面舊肉先係精粹，完全唔老，好似乳豬咁滑，搞到我要等登咬開佢，睇吓係咩肉唻🤨係仲有少少粉紅的豬肉，太神奇，咕嚕肉，外面脆但入口即溶的感覺真係好味到喊第二碟係小炒王，心諗有咩咁巴閉？平時小炒王，啖啖韮菜，炒得最好食，頂多係香啲，味道大同小異。呢碟，佢一放低我已經呆左大大隻蝦干加埋脆炸芋絲做左主角，呢碟都係好有心思，韮菜佢處理得好好，完全係好易入口，唔會咬到牙都崩，無多餘的油，味道緊係好食到唔停口。最後我哋揀左椒鹽焗魚雲，魚雲食材都好新鮮，不得不提佢啲炸份

一行四人專程過嚟食好西，果然冇令我地失望！老闆娘有禮貌，好招乎，雖然好忙，但係我地做食客都雖要包容，重點放喺食物！川味豬手：涼菜肉脆，川汁味囗新穎，正！濃湯雞煲翅，足料，味和，如果冇估錯翅應該俾到牙揀，絕冇揸流，少爺雞：新鮮雞，浸得夠滑，冇咩好彈，酸菜魚：有別一般垃圾川菜館，用龍躉肉，魚湯，有椒麻味，創新，口感新鮮，原味焗蜆：都係嗰句新鮮冇味彈，用蕃樹蜆，夠大粒肉我喜歡，魚卜：呢個好野，係我最鍾意食既一個，生煎魚卜，面脆內軟，絕冇煮過龍，最後事頭婆介紹多個忍藏炒飯比我地；干魚仔炒飯，飯粒分明，微辣，有鑊氣！埋單都係每人300左右，有翅有雞有魚有單尾，真係性價比極高！重點真係好食，非常感謝廚房的師傅用心製作，希望可以長期keep到呢個水準

之前食過呢間舖頭嘅招牌咕嚕肉，$98的價錢唔算平，份量亦唔算大碟，不過味道就真係好好，食得出師傅嘅真功夫，唔怪得去到差唔多每一枱都會叫呢一個咕嚕肉。除咗咕嚕肉之外，今日仲叫咗鐵板生啫雞什，據了解呢一個餸都好受歡迎，雞什無雪味，d蒜頭芫荽蔥段都炒得好香好入味，送飯一流。另外仲叫咗一個川味豬手，冷盤嚟嘅，少少麻辣，都幾好食，豬手有豐富骨膠原，好正。最後要講嘅亦都係最有驚喜嘅，就係呢一個集眾少爺雞，隻雞做得好滑，好有雞味，似乎係新鮮雞做嘅，上碟嘅時候排得好靚，又好睇又好食。

雖然疫情下應多留家中，不過真的很掛住此店的招牌咕嚕肉，所以今日午餐有空，於是決定去幫襯一下。最掛住的咕嚕肉一定有叫啦，好好食，保持水準，有幾好食就唔再多講，你見Openrice上上下下的食評都有詳細介紹啦，不過今日D菠羅好似少咗D﹗跟住老闆娘話今日有好肥美的青口，問我地要唔要，我地梗係唔客氣啦，蒜蓉粉絲蒸，真係好新鮮好肥美，煮得剛剛好，唔會熟過龍令青口的肉質變韌。再食多個豬手同莧菜，二人前又真係豐富咗少少，不過難得出街食就梗係去盡D啦。

呢間小店的咕嚕肉真的令人食上癮，雖然今晚都有叫，不過食晒先醒起唔記得影相。除了佢個拔絲菠蘿咕嚕肉之外，今晚仲叫了鐵板生腸同埋煎焗魚雲。咕嚕肉有幾好味就唔再多講，在場每一枱都有叫黎食就知道佢有幾多Fans。個鐵板生腸係老闆娘推介，唔知係唔係因為用新鮮生腸黎整，所以感覺上比較彈牙，而且唔會有雪味，另外D配料同埋個汁都好惹味。煎焗魚雲的煎焗效果唔錯，整得好乾身，而且食得出D魚雲都幾新鮮，味道都唔錯。最後不得不提嘅就係佢隻德國麥啤，出面好似好少見，好香麥味，又唔會太濃，真係幾好飲，用來餸鐵板生腸真係Perfect。

舊朋友聚舊三五知己諗住食餐好嘅， 上網介紹話好有heart， 點知中伏， 咕嚕肉黑色嘅， 瀨尿蝦一早拆曬肉， 但係食落完全唔新鮮， 炸魚頭淨係食到美極味道， 淨係得啲皮冇嘢食， 服務員態度超級差句句說話有骨， 不停走埋嚟執嘢，坐喺度撳下電話又眼啤啤， 聽講好似我畀錢佢使，唔係佢畀錢我洗仲要收埋啲咁嘅氣， 真係痴X線, 未食完飯就係咁話畀我哋聽啲嘢嚟曬，講幾次， 食餐飯啫，好似我哋阻住你咁樣， 但係我要畀錢㗎喎， 絕對冇下次囉。

一早book咗枱， 入到去事頭婆問完之後企咗喺場中心等咗接近十分鐘冇人理， 我自己做飲食同埋兩個做飲食嘅老細由香港區特登過嚟食（因為睇蘋果介紹約咗好耐先約到出嚟食飯） 三個人嗌咗四個餸， 夥記嫌我哋嗌得少講埋出口， 咁我話叫住咁多先啦有需要再嗌， 嗌佢唔好行住寫埋嘢飲好似同佢有仇咁態度十分惡劣， 啲嘢未食完唔出聲就走埋嚟問都唔問將我哋啲嘢倒埋一碟當垃圾咁， 就嚟食完夥記走埋嚟催我哋埋單， 一分鐘唔夠事頭婆又走埋嚟吹埋單， 自問做飲食真係未見過咁嘅情況，非常惡劣， 咁嘅食物質素加埋咁嘅惡劣服務態度，等收皮啦！

午餐有非常之多款碟頭飯選擇， 四十幾至八十幾蚊， 有湯又凍飲送， 非常抵食之餘食過好多款都好好食， 其中 芫茜皮蛋 龍躉湯飯 係我嘅至愛， 另外梅菜沙鍋鯪魚飯 都非常惹味， 自從我發現咗呢間嘢之後 一個禮拜去四五次食下晝， 慳咗好多錢

伏伏昨晚去～吃了三個菜～看蘋果介紹講到好正禁～原來是廣告看評論又话菜式好～咕嚕肉天下無敵吃完～一句不值～98一碟咕嚕肉～超細分量～粉多～也未感覺有何强項～出菜時間又好耐～收得近100～比 D誠意～大碟少少～吾該98的鎮店小抄王～料少～虾乾少～無魚乾仔無腰果～味道淡口～唯一可取～油少148的核桃牛聊粒～也是分量少當他們分量等於茶餐廳小抄套餐而味道又不特別出色～卻收貴別2-3成我寧可去茶記吃了

之前睇過報導介紹呢間食店嘅咕嚕肉非常出名, 碟碟都係老闆親自炒, 如果炒得唔好仲會掉咗再炒過。今晚訂咗枱同一個非常鍾意咕嚕肉嘅朋友嚟試吓。到達時老闆娘俾咗一張周圍都擺哂貨嘅枱我哋, 我哋寧願等下一張枱, 喺附近行吓, 老闆娘好好人, 差唔多時間打電話俾我哋! 鮮菠蘿拔絲咕嚕肉雖然有期望, 但咕嚕肉果然名不虛傳, 外脆內軟。豬肉全部係瘦肉, 但一啲都唔韌。不過菠蘿有啲酸。避風塘尿蝦肉賴尿蝦已經剝好肉, 方便易食。鐵板薑蔥桶蠔啲蠔都算肥美。

有驚喜 一定要試下😍😍😍鮮菠蘿扙絲咕嚕肉$98咕嚕肉香港有好多地方都有 但如此出色咕嚕肉第一次試 👍🏻 一上枱 那種甜甜酸酸香味咕嚕肉 外皮炸到好脆 聽老闆娘講咕嚕肉係用新鮮五花肉 怪不得咕嚕肉口感咁好食 醬汁包住炸過五花肉 有扙絲效果 外面餐廳冰鎮咕嚕肉通常有一個弊病 就係外皮炸到好厚身 而且好甜 所以呢個咕嚕肉無得輸😍避風塘尿蝦肉 $198避風塘賴尿蝦就食得多 第一次食賴尿蝦肉 聽聞賴尿蝦肉先蒸熟後拆肉 所以食每一啖都啖啖肉 金銀蛋菠菜份量都幾多 而且菠菜好新鮮魚香茄子煲由於咕嚕肉實在太好食 我地最後都要encore多一碟😍 下次要再食過

🍍鮮菠蘿拔絲咕嚕肉 $98全港最出色咕嚕肉！平時食嘅拔絲咕嚕肉一係太硬一係勁痴牙😖但集眾既拔絲甜度剛剛好！夠薄夠脆，而咕嚕肉肉質都好嫩！仲要係用新鮮菠蘿～～💯全枱人食完第一個字都係：哇！😍😍😍😍🍤避風塘尿蝦肉 $198好鍾意食賴尿蝦但係真係好怕好怕拆肉😅所以呢道菜食個手工都抵！賴尿蝦咁少肉佢都可以拆到條條咁多蝦肉😍而且係好 新 鮮～～～～炸粉又薄脆配埋勁多炸蒜，勁香口！🥬金銀多菠菜苗 $88食咗咁多香口野，要點返個菜，超大碟！😂好抵食，菜都新鮮～吾會太咸👍🏻😋😋😋餐牌：

呢位老闆真好嘢，難得諗到一倨好記得嚟，又好笑嘅名。更難得嘅係，一般港式食肆，只要有一兩個正菜，就爆到成行成市，但居然我地今次叫幾碟餸，味味都好好味！朋友話必食「咕嚕肉」外脆內軟，味道又唔太酸太甜，正！冰火魷魚，冰，因為係凍食！火，因為有辣椒！正！雞聽講係用嘉美雞，不過又冇乜特別，唯一比較失望！薑蔥爆生腸魚鳔夠鑊氣又惹味！正！不過講到鑊氣，唔止佢地啲餸，仲成間舖都聞到！你頂得順，咪嚟試吓囉！