集眾菜館

营业中

休息中

📍集眾菜館集眾菜館 looks like your average restaurant in the hood but their dishes are very promising. Their 鮮菠蘿拔絲嚕肉 has a crunchy shell yet still juicy inside. The tangy sticky sauce coats the meat perfectly. I just wished their portion size could be bigger! 雞煲翅 is really a steal! The chicken broth was super thick and rich. Quite a lot of shark fin too given the whole pot is less than HK$500! 甘薯蜜椒安格斯牛柳粒 is very surprising. Not the beef but the sweet potato! It’s sooo sweet and fried to a crispy shell. A

好耐無食過咁有鑊氣的楊州炒飯及星洲炒米了，咁普通的菜式出面好多時食到的都是普普通通求求其其，你可能會講幾十蚊貨仔仲有D乜野要求woo，不過我想講呢間野收的都是$50以下(無加一)仲要有老火例湯兼跟埋餐飲，所以真係要黎試試。有相為證楊州炒飯$48，星洲炒米$49楊州炒飯好夠鑊氣又唔太油，D飯炒得夠乾身，好有飯香。炒飯的配料都幾新鮮，食佢D蝦就知，唔係千年雪蝦仁而係有彈性有蝦味的蝦。星洲炒米同樣夠鑊氣，D咖哩粉撈得好勻，食的時候唔會一啖好濃味一啖就淡而無味，配料亦非常新解，韭黃蔥段都炒得好香。將簡單的餸菜煮得好食真係一D都唔簡單，似乎大廚對自己的出品都有一定嘅要求，唔係求其午餐快靚正。

呢間真係超值Set Lunch，有碗老火湯仲有飲品一杯，$48有交易，仲要唔係得一款$48，真係抵到無朋友。伙記推介必試乾炒牛河，佢話係用新鮮牛肉炒，才$55，就決定叫黎試下。呢碟乾炒牛河都算少油，牛肉又真係嫩滑，炒得好夠鑊氣，夠晒香，味道好好。另外就叫咗個龍躉籠仔蒸飯，原籠上都幾正，個飯係炒底，蒸一蒸後就吸收咗D龍躉嘅精華，龍躉都幾新鮮，好味道。最後想食菜，於是就叫咗個啫啫芥蘭，熱辣辣，都係好食嘅。

舊年食過一次集眾的賀年盆菜念念不忘，今年佢一出盆菜就即刻幫襯，雖然加了$100，不過仍然係咁好食。佢嘅材料包括鮑魚、大蝦、花膠、鴨掌、豬腩肉、雞、冬菇、蠔豉、髮菜、芋頭、蘿蔔、蓮藕、枝竹及咖哩魷魚等，D材料都煮得好入味，好鍾意佢嘅鴨掌同蠔豉，而佢個花膠都明顯唔係用D平價貨，所以算係物有所值。另外芋頭、蘿蔔同枝竹吸晒D汁，精華盡收，送飯一流。份量方面佢話4至6人，老實講4個人真係會好飽，預6個人會好D。仲有就係鮑魚夠淋，老人家都咬到。

沒有晚市堂食，唯有提早搵食。朋友介紹這家位於太子的小店，小炒夠鑊氣味道好。當中以咕嚕肉最出色，外脆內軟，豬肉肉質不錯，就連青椒黃椒紅椒及波蘿也很新鮮。這個薯仔牛柳粒味道也不錯，薯仔的味道比牛柳粒更佳，炸過的薯仔將牛柳的精華吸收，所以特別好味道。鐵板啫啫生腸是老闆娘介紹的，生腸是新鮮生腸所以好味，而蔥蒜芹菜等配菜亦煮得非常惹味，鐵板上熱辣辣。這個名為雜菌豆腐煲也是老闆娘推介的餸，味道也不錯，豆腐很滑。最後想講這款德國麥啤，真的好飲。

🇭🇰集眾菜館屋企人同朋友食過話幾好食，就帶我嚟試吓👯‍♀️👯‍♀️🔅鮮菠蘿拔絲咕嚕肉 $128炸得香脆鬆化,外脆內軟啖啖都係肉,肉質鬆軟有肉汁咕嚕汁有少少拉絲,但係酸味同甜味都唔夠🔅集眾少爺雞(半隻) $238淡淡雞味,唔算滑,內藏新鮮, 不過不失,略嫌有啲貴🔅陳皮豉汁蒸大鱔$218大鱔肉爽,但以呢個價錢嚟講份量有啲少🔅足八兩濃湯雞煲翅 $438 👍🏼湯底非常濃,顏色似忌廉雞湯,翅好足,仲有少少雞絲🔅金沙鮮魷魚$118魷魚新鮮,但係好油膩,食一件已經唔想再食,最後成碟冇食到🔅蒜蓉炒豆胚 $118嚟到見到好多油,食落似白灼菜咁, 唯一好既係豆苗都夠嫩🔅白飯 $124個人埋單 $1292 , 真心覺得偏貴😰可能係我叫既菜唔係佢地出名個啲啦😓雞煲翅係唔錯既, 咕嚕肉有啲名過於實😅成餐飯都好油膩,食材新鮮但味道一般😵呢個價錢可以更好既選擇😵‍💫

經朋友介绍去食，约了5位朋友去食，食物質素遝可以，只有集眾雞就超難食，有雪味似放咗幾日隔夜餸嘅味道。老板娘和員工大婶嘅态度就更另我哋食了餐難忘嘅聚餐…(飽受很多不禮貌及人生攻击.....) 餐厅食物質素固然重要，對客及服務質素更重要，老板就更加要做好嘅…

今次黎食系老細試過好味 所以帶全班同事一齊去食入到去 感覺系室內大排檔 地方都寬敞 無咩裝潢我地叫左以下菜式：芥蘭都爽口 但小辣 惹味呢個泡飯 六個人分 吾太夠分 但整體味道吾錯 不過對比其他菜式味道會相對清淡啲粉絲好入味 蟹肉都爽口佢拔絲個層好脆 感覺好似冰糖葫蘆面頭個塊糖咁 🤣 吾知系咪用左同樣方法泡制。但份量有啲少乳鴿正正常常 無咩特別魚腸咁大個人第一次食 雖然食左一kai 但應該吾會翻dou 吾系我中意食既 但同事就喜歡💕話佢處理得好 如果處理得吾好 會好苦 然後預先落左好重胡椒辟味 系有心機做既菜式 老細話吾系次次有得叫 今次好彩先留到雞腳 豬肺都好味 平時吾食豬肺既我 都食左幾舊 中意佢湯味濃蓋過左我吾中意既豬肺味破天荒飯左兩碗😂😂

星期六食Lunch想豐富少少，於是就叫咗個乾炒牛河另外再加多兩個小菜︰椒鹽炸豆腐同金薯安格斯牛柳粒。乾炒牛河炒得好夠鑊氣，D河粉炒到少少燶邊兼唔會黐埋一齊，油量比我想像中少，D牛肉都嫩嘅似乎無用梳打粉乸過，連埋D芽菜仔同韭黃，好味。金薯安格斯牛柳粒嘅金薯(即係炸薯仔粒)比起個安格斯牛柳粒更好食，可能係因為吸晒D牛肉同埋個汁嘅味，好惹味。椒鹽炸豆腐(其實好似叫黃金豆腐)原來係豆腐粒而唔係大大件嘅豆腐，豆腐粒好滑，我覺得呢個餸同金薯安格斯牛柳粒用黎餸啤酒應該好正。

這間小菜館有常見的小炒菜式但亦特別多鐵板惹味菜(有魚春魚標, 雞什, 豬腸鵝腸)特別啱重口味人士碟頭頗大價錢合理 免加一茶錢 記得預先book位!鮮菠蘿拔絲咕嚕肉$118脆漿是與別不同的鬆化香脆 但脆漿比例太多咕嚕汁有拉絲但酸度及甜度都唔夠可能期望過高 所以少少失望鐵板生啫鮮雞什$98鐵板上熱辣辣吱吱聲 特別香噴噴大量乾蔥大蔥蒜頭香芹芫茜勁香又惹味雞腸、雞腎都好爽脆 雞心就睇下邊個好彩搵到就有得食雞肝索哂汁的精華最入味 加上本身潤味濃 重口味之選 好好食枝竹火腩扣大鱔煲$218大鱔肉爽份量足 枝竹同菇索哂蔥蒜惹味醬汁超正原籠甜梅菜芯蒸芥蘭遠$98啫啫煲或者炒菜通常比較油膩今次食個蒸菜用原個大大蒸籠新鮮蒸出芥蘭遠爽脆唔過腍 大量甜梅菜增味梅菜有先處理過 唔會死鹹 味道平衡得來依然惹味

約咗朋友三人booked咗枱去食晚飯，我自己先到，去到門口有一個十一二歲細路女坐reception，佢叫我入去搵格仔衫老闆娘，我就入去搵佢，老闆娘指咗張四人枱叫我坐。無耐第二個朋友到咗，第三個朋友未到，我哋就落柯打叫咗三個餸先食，等餸期間，個老闆娘埋嚟話我哋未人齊，本來唔俾入，又話舖租好貴，唔齊人回唔到本，我同佢講我叫咗餸食住等，本來心裡好不爽，見佢大緊肚，費事gut佢。我哋坐近出菜窗口，聽咗佢幾次催廚房快啲上菜俾我哋，想我哋快啲走。最癲係佢每次經過我張枱，都重覆話我哋唔齊人影響佢做生意，總共講咗四次。我哋終於忍唔住爆佢，問佢講夠未？首先，出面冇人等枱，我哋食住等朋友半個鐘好過份？有幾枱坐咗好耐齋吹水飲啤酒又冇問題，點解要針對我哋？我哋鬧完佢就收咗皮。我哋叫咗小炒王、蒸勝瓜、醬爆蝦球、蒸水蛋，當時咩mood都冇晒，成餐飯味道如何都冇咩感覺。臨走時去廁所，見到隻有頸繩嘅貓貓綁喺堆污糟碗碟附近，個樣楚楚可憐，唔知咩原因要綁住佢，但感覺佢哋唔係咁善待隻貓。之前聽朋友介紹話小菜好食，今次係第一次幫襯，都係最後一次幫襯。服務差仲嬲過嘢難食！

我估客人係唔會盲目支持嘅，呢度長期爆滿就知道大廚嘅真功夫，試過幾次無Book位想Walk-in都係唔成功嘅，所以衣家學精咗黎親都會預先訂位。今次叫咗3樣野，分別係蒜蓉粉絲蒸扇貝、鐵板啫啫生腸同埋鐵板啫啫魚春加魚標。先講蒜蓉粉絲蒸扇貝，師傅蒸得個火喉啱啱好，剛剛熟，於是入面仲係好Juicy，真係好鮮味，我夠膽講好多名店大酒樓都做唔到呢個水準。至於粉絲唔洗我講都知佢地吸收晒扇貝嘅精華，所以千其唔可以放過啦。鐵板啫啫魚春加魚標煮得好惹味，雖然魚春加魚標真係有D邪惡，不過值得為呢碟餸放肆一下，餸啤酒一流。魚春同魚標一D都唔鯹，好食。鐵板啫啫生腸係老闆娘介紹嘅，佢話係用新鮮豬生腸做，所以食落特別鮮味，於是咪試下，真係好食，直頭要將膽固醇暫時忘記先。啤酒就飲呢隻德國麥啤，麥味好香，又易入口，炎炎夏日真係Fit晒，一邊飲一邊食鐵板啫啫生腸同鐵板啫啫魚春加魚標堅正，結果我地3個人一共飲了12支。

每次去太子食飯，就會心思思想食集眾，不過因為真係太多捧場客，所以基本上無Book位都唔洗諗住有得搏吓，所以今次決定去食就梗係預早訂定位啦。今晚2個人只叫了3個餸，咕嚕肉、鐵板啫啫魚春魚鰾同埋什菌豆腐煲。咕嚕肉基本上係招牌菜，差不多每枱都會叫，老闆娘話係用新鮮豬肉做，連D波蘿都係新鮮波蘿，唔用罐頭，所以真係好食，個咕嚕肉嘅皮係封返汁落去嗰種脆皮，而個汁又做到有拔絲效果，果然係招牌菜。其實鐵板啫啫都可以話係呢間小店的招牌，除咗雞什同豬生腸之外，另一款用鐵板啫啫上碟的就是今次老闆娘介紹的魚春加魚鰾，雖然係罪惡D，不過真係好惹味，餸白飯或者餸啤酒真係一流。佢D洋蔥、蔥段、乾蔥頭等等嘅配菜，黐上一粒粒的魚春，真係正。什菌豆腐煲又係老闆娘介紹的，佢話Menu無架。最有驚喜的就是個豆腐好滑，好食，下次去會再叫。

係YouTube睇飲食男女發現到呢間舖😆🍎見到師傅對自己每樣菜式要求極高 用心出品 食材亦係由老闆娘每日去街市親自挑選🥬就咁睇餸菜名會覺得冇乜特別都係啲常見菜式 但一食就知每個餸都落足功夫心機去煮🔥😋👏🏻🏆鮮菠蘿拔絲咕嚕肉 $98 (9/10)呢個真係我食過最好食既咕嚕肉💯冇令我失望外層脆皮薄而非常脆 師傅炸野功力深厚👍🏻選用新鮮五花肉 肉質鬆軟有肉汁 正！糖醋醬汁調配得好好 酸酸甜甜(๑˃̵ᴗ˂̵)質地濃杰 夠熱 做到拔絲效果🤤用左新鮮菠蘿🍍香甜多汁又Juicy 超滿足！🥔金薯蜜椒安格斯牛柳粒 $138 (9/10)不得不讚師傅炸野既功力真心非常出色！😭薯仔外層炸皮超香脆！內綿密～充滿蜜椒既香味！勁好味勁正 食唔停💯‼️牛柳粒軟嫩juicy！如果大粒啲會仲正😳但整體已經十分唔錯 同萬發有得揮！🔥鎮店小炒王 $118 (7.5/10)小炒王係我好鐘意既一個餸🤤每次食中菜或者大排檔都一定會嗌(๑•̀ㅂ•́)و✧呢間小炒王除左夠鑊氣 最特別就係有炸芋條！口感香脆又香芋頭味😆 韭菜新鮮爽脆！配埋蝦乾、腰果、豆芽好香口😚不過整體調味偏淡 唔夠惹味 未算十分出色整體黎講呢間菜館真心出色💯每樣餸都食得出老闆

今晚一個人專程由老遠地方跑到太子集衆菜館一嘗傳說中美味咕嚕肉，大約晚上七時左右到達，一推門見到客人不少，不過還有两張吉枱。我連忙示意老闆娘我是一個人，當她知道我只是一個人幫襯，就黑起塊臉，竟然顯示出我只得一人不願招待，又問我將會點什麼嘢食？我告知她我會點咕嚕肉及豬肺湯，跟著說我只有一個鐘食，你一個人幫襯少少，只食咕嚕肉點夠交租！她說話剛講完就反口，現在無位，所有枱已經有人定咗！當場無名火起三千丈！這間食店現在稍為出咗點名氣，就如對侍客人，再好食都永不光顧！