集眾菜館

营业中

休息中

已訂座晚上8:30（3位），8:22分到居然不是留位給客人，仲要叫人座起菜位隔離，仲要同人哋講剛坐滿無枱俾你，你等第二張可能要9、點10點唔定。直係好搞笑，訂枱都求其俾人。簡直唔想做生意。

小弟昨晚食咗、我覺得價錢貴、食物太小。小小店也收開瓶費$80/1支、太不合理。店本身也沒有紅洒買、不應收客人開瓶費。食一次算啦、下次不會再去食、份量實在太小了。而且店員經常説叫哂菜未、好似想趕走客人一樣😂😂

炒一碟菜要45分鐘，老闆娘還說我坐了好耐，什麼道理？然後食時發現碟菜是凍的，又是什麼原因？如果閣下太多時間，又喜歡凍食，便去吧！本人就會把這店列入黑名單。還要四圍跟其他食客説三道四！

集眾係一間我好鐘意既餐廳，我欣賞佢地既菜色可以做到每一道都係標準以上，唔會有邊款特別差，點菜都唔洗太煩惱，某D菜仲好有驚喜tim🤓今次係我第二次去食，3個人點左4道菜： 咕嚕肉：第二次泥，都係要食佢！佢最強係做到外皮非常鬆脆，但炸漿好薄，唔係到到食到；另外，調味非常好，甜酸醬掛汁做得好好！ 😋小炒王：呢個係我最想回頭再食既一道菜，比很多餐廳都做得出色。佢用料講究：佢用左芋頭絲，炸得非常脆；韮菜花非常幼嫩爽脆；蝦乾唔會太咸，林林地。組合起泥非常好食，口感同味道都係一絕！ 🥹黃金魷魚：佢既黃金醬好濃，魷魚炸過，皮係薄同脆，口感非常好。 🤩辣子炸大腸：呢個大腸好出色，辣椒主要係乾椒，食落唔會太辣，野味既；大腸炸得好脆，內里好柔軟，口感非常之好！ 🤤

原本想去食潮州打冷，但點知果間店無開我地就黎左附近嘅集眾食小炒。黎到大約係晚上9點，我同2位朋友都非常之餓，3個人叫左4碟小炒，每碟都好大碟食得好滿足🤤我地叫左金沙新鮮魷魚、鮮菠蘿拔絲咭嚕肉、金牌辣子肥腸、鎮店小炒皇。金沙新鮮魷魚🦑即叫即炸，送上黎熱辣辣，炸得好鬆脆，但炸粉有少少多如果無甘厚粉會更加完美，魷魚夠新鮮鮮甜，配上鹹蛋黃醬超嘢味！鮮菠蘿拔絲咭嚕肉🍍見到好多枱都有叫，真係好好食，咭嚕肉炸得超脆口，裏面嘅肉質都好juicy，配菜青椒黃椒都炒得好好味，菠蘿好有heart係用新鮮菠蘿唔係罐頭菠蘿👍🏽金牌辣子肥腸🌶呢樣都好出色，好多辣椒乾，煮得好嘢味好有鑊氣，肥腸炸得剛剛好唔會話食到成口油，送啤酒一流🍺鎮店小炒皇🌱呢碟都好有驚喜，無諗過甘好味，佢個芋頭絲同腰果炒得好脆口，好味到食唔停口！仲配上蝦乾，蝦乾幾有咬口，愈食愈香！

一行四人朋友們聚會，想搵間好食嘅嘢開心吓，同行朋友極力推介，就決定嚟呢間集眾～.嚟到之後都見到成個場係爆曬嘅，即使book咗位都要等一陣先至可以入座，感覺上好似唔錯，已經急不及待想試吓！.我哋就嗌左1. 兩隻乳鴿 💲1362. 鮮菠蘿拔絲咕嚕肉 💲1283. 小炒皇 💲1384. 酥炸美國桶蠔 💲218.首先講吓兩隻妙齡乳鴿，外皮香脆，乳鴿肉夠嫩口，如果要來食可以預訂定。.鮮菠蘿拔絲咕嚕肉！！呢個超級推介，一嚟外脆，二來唔會死酸死甜，三來d 肉似用梅頭肉，好林好好食又夠入味！！！！！！！！.另外個小炒王，雖然冇平時咁多海鮮或者花枝片，但係佢都有用芋頭條來炒，出面比較少，加上份量足～唔錯唔錯.個桶蠔亦都係其中一個我非常推介嘅，雖然識落有d 濟，但真心外皮炸到非常鬆軟，加上佢桶蠔啖啖肉，真係好好食！.我哋另外再嗌左啲啤酒同汽水，加加埋埋790四個人，真心抵，推介推介

講左好耐想食唔洗剝殼嘅瀨尿蝦 等到晚市開返終於可以黎食啦😆😆✨鮮菠蘿拔絲咕嚕肉 $128份量都好足 有唔少咕嚕肉😍 一夾起真係有拔絲 食落口個皮係脆嘅！！！🤤🤤而且個粉唔厚！要求佢比啲冇咁肥嘅肉就真係唔係好肥 正 黎緊一定要試呢個👍👍👍✨鎮店小炒皇 $138啲芋頭絲同腰果都好脆 好食😋 蝦乾幾好唔會話好硬好難嚼但就唔係話好香 同埋一上菜已經食都覺得唔係好夠熱🥲🥲🥲✨避風塘拆肉瀨尿蝦 $238終於可以食蝦唔洗自己剝殼🤣 我諗都有十至十五隻 味道唔錯 炸到好脆而個粉又唔厚 有瀨尿蝦嘅鮮味 仲見到有啲係有膏嘅添😋😋😋總括黎講啲野食都好食 有茶有紙巾提供 不過環境就差少少 咁啱我地坐喺條走廊隔離 側邊會見到啲貨 污糟碗 間唔中仲有蚊滋飛飛下 但咁啱後面有隻貓貓😍好得意 食飯時見餐廳都坐滿建議book 左位先黎味道❤️❤️❤️❤️抵食❤️❤️❤️💔服務❤️❤️❤️環境❤️❤️💰晚餐人均$~250✅再幫襯

今日午餐試咗呢一間小炒店，有驚喜。銀芽黑豚肉煎麵份量都算大碟，個麵做得好脆但係又唔會油淋淋，個銀芽同黑豚肉絲扣返個芡汁落去竟然唔大影響個麵嘅脆度真心佩服。炒一炒過的芽菜同韭黃都會令佢地嘅香味更出，送埋例湯同餐飲先至係$51真驚人，仲要無茶芥加一，真係生意難做。呢個炒米粉又係無得彈，炒得乾身夠鑊氣不在話下，連D肉片都咁好食真係厲害。問老闆娘點解咁好食先知道原來佢地係用新鮮肉，唔怪得食落去真係有明顯分別啦。唯一唔好就係等得比較耐，不過好野係值得去等嘅，如果趕時間就唔好去喇。

📍集眾菜館集眾菜館 looks like your average restaurant in the hood but their dishes are very promising. Their 鮮菠蘿拔絲嚕肉 has a crunchy shell yet still juicy inside. The tangy sticky sauce coats the meat perfectly. I just wished their portion size could be bigger! 雞煲翅 is really a steal! The chicken broth was super thick and rich. Quite a lot of shark fin too given the whole pot is less than HK$500! 甘薯蜜椒安格斯牛柳粒 is very surprising. Not the beef but the sweet potato! It’s sooo sweet and fried to a crispy shell. A

好耐無食過咁有鑊氣的楊州炒飯及星洲炒米了，咁普通的菜式出面好多時食到的都是普普通通求求其其，你可能會講幾十蚊貨仔仲有D乜野要求woo，不過我想講呢間野收的都是$50以下(無加一)仲要有老火例湯兼跟埋餐飲，所以真係要黎試試。有相為證楊州炒飯$48，星洲炒米$49楊州炒飯好夠鑊氣又唔太油，D飯炒得夠乾身，好有飯香。炒飯的配料都幾新鮮，食佢D蝦就知，唔係千年雪蝦仁而係有彈性有蝦味的蝦。星洲炒米同樣夠鑊氣，D咖哩粉撈得好勻，食的時候唔會一啖好濃味一啖就淡而無味，配料亦非常新解，韭黃蔥段都炒得好香。將簡單的餸菜煮得好食真係一D都唔簡單，似乎大廚對自己的出品都有一定嘅要求，唔係求其午餐快靚正。

呢間真係超值Set Lunch，有碗老火湯仲有飲品一杯，$48有交易，仲要唔係得一款$48，真係抵到無朋友。伙記推介必試乾炒牛河，佢話係用新鮮牛肉炒，才$55，就決定叫黎試下。呢碟乾炒牛河都算少油，牛肉又真係嫩滑，炒得好夠鑊氣，夠晒香，味道好好。另外就叫咗個龍躉籠仔蒸飯，原籠上都幾正，個飯係炒底，蒸一蒸後就吸收咗D龍躉嘅精華，龍躉都幾新鮮，好味道。最後想食菜，於是就叫咗個啫啫芥蘭，熱辣辣，都係好食嘅。

舊年食過一次集眾的賀年盆菜念念不忘，今年佢一出盆菜就即刻幫襯，雖然加了$100，不過仍然係咁好食。佢嘅材料包括鮑魚、大蝦、花膠、鴨掌、豬腩肉、雞、冬菇、蠔豉、髮菜、芋頭、蘿蔔、蓮藕、枝竹及咖哩魷魚等，D材料都煮得好入味，好鍾意佢嘅鴨掌同蠔豉，而佢個花膠都明顯唔係用D平價貨，所以算係物有所值。另外芋頭、蘿蔔同枝竹吸晒D汁，精華盡收，送飯一流。份量方面佢話4至6人，老實講4個人真係會好飽，預6個人會好D。仲有就係鮑魚夠淋，老人家都咬到。

沒有晚市堂食，唯有提早搵食。朋友介紹這家位於太子的小店，小炒夠鑊氣味道好。當中以咕嚕肉最出色，外脆內軟，豬肉肉質不錯，就連青椒黃椒紅椒及波蘿也很新鮮。這個薯仔牛柳粒味道也不錯，薯仔的味道比牛柳粒更佳，炸過的薯仔將牛柳的精華吸收，所以特別好味道。鐵板啫啫生腸是老闆娘介紹的，生腸是新鮮生腸所以好味，而蔥蒜芹菜等配菜亦煮得非常惹味，鐵板上熱辣辣。這個名為雜菌豆腐煲也是老闆娘推介的餸，味道也不錯，豆腐很滑。最後想講這款德國麥啤，真的好飲。

🇭🇰集眾菜館屋企人同朋友食過話幾好食，就帶我嚟試吓👯‍♀️👯‍♀️🔅鮮菠蘿拔絲咕嚕肉 $128炸得香脆鬆化,外脆內軟啖啖都係肉,肉質鬆軟有肉汁咕嚕汁有少少拉絲,但係酸味同甜味都唔夠🔅集眾少爺雞(半隻) $238淡淡雞味,唔算滑,內藏新鮮, 不過不失,略嫌有啲貴🔅陳皮豉汁蒸大鱔$218大鱔肉爽,但以呢個價錢嚟講份量有啲少🔅足八兩濃湯雞煲翅 $438 👍🏼湯底非常濃,顏色似忌廉雞湯,翅好足,仲有少少雞絲🔅金沙鮮魷魚$118魷魚新鮮,但係好油膩,食一件已經唔想再食,最後成碟冇食到🔅蒜蓉炒豆胚 $118嚟到見到好多油,食落似白灼菜咁, 唯一好既係豆苗都夠嫩🔅白飯 $124個人埋單 $1292 , 真心覺得偏貴😰可能係我叫既菜唔係佢地出名個啲啦😓雞煲翅係唔錯既, 咕嚕肉有啲名過於實😅成餐飯都好油膩,食材新鮮但味道一般😵呢個價錢可以更好既選擇😵‍💫

經朋友介绍去食，约了5位朋友去食，食物質素遝可以，只有集眾雞就超難食，有雪味似放咗幾日隔夜餸嘅味道。老板娘和員工大婶嘅态度就更另我哋食了餐難忘嘅聚餐…(飽受很多不禮貌及人生攻击.....) 餐厅食物質素固然重要，對客及服務質素更重要，老板就更加要做好嘅…