集眾菜館

营业中

休息中

今次黎食系老細試過好味 所以帶全班同事一齊去食入到去 感覺系室內大排檔 地方都寬敞 無咩裝潢我地叫左以下菜式：芥蘭都爽口 但小辣 惹味呢個泡飯 六個人分 吾太夠分 但整體味道吾錯 不過對比其他菜式味道會相對清淡啲粉絲好入味 蟹肉都爽口佢拔絲個層好脆 感覺好似冰糖葫蘆面頭個塊糖咁 🤣 吾知系咪用左同樣方法泡制。但份量有啲少乳鴿正正常常 無咩特別魚腸咁大個人第一次食 雖然食左一kai 但應該吾會翻dou 吾系我中意食既 但同事就喜歡💕話佢處理得好 如果處理得吾好 會好苦 然後預先落左好重胡椒辟味 系有心機做既菜式 老細話吾系次次有得叫 今次好彩先留到雞腳 豬肺都好味 平時吾食豬肺既我 都食左幾舊 中意佢湯味濃蓋過左我吾中意既豬肺味破天荒飯左兩碗😂😂

星期六食Lunch想豐富少少，於是就叫咗個乾炒牛河另外再加多兩個小菜︰椒鹽炸豆腐同金薯安格斯牛柳粒。乾炒牛河炒得好夠鑊氣，D河粉炒到少少燶邊兼唔會黐埋一齊，油量比我想像中少，D牛肉都嫩嘅似乎無用梳打粉乸過，連埋D芽菜仔同韭黃，好味。金薯安格斯牛柳粒嘅金薯(即係炸薯仔粒)比起個安格斯牛柳粒更好食，可能係因為吸晒D牛肉同埋個汁嘅味，好惹味。椒鹽炸豆腐(其實好似叫黃金豆腐)原來係豆腐粒而唔係大大件嘅豆腐，豆腐粒好滑，我覺得呢個餸同金薯安格斯牛柳粒用黎餸啤酒應該好正。

這間小菜館有常見的小炒菜式但亦特別多鐵板惹味菜(有魚春魚標, 雞什, 豬腸鵝腸)特別啱重口味人士碟頭頗大價錢合理 免加一茶錢 記得預先book位!鮮菠蘿拔絲咕嚕肉$118脆漿是與別不同的鬆化香脆 但脆漿比例太多咕嚕汁有拉絲但酸度及甜度都唔夠可能期望過高 所以少少失望鐵板生啫鮮雞什$98鐵板上熱辣辣吱吱聲 特別香噴噴大量乾蔥大蔥蒜頭香芹芫茜勁香又惹味雞腸、雞腎都好爽脆 雞心就睇下邊個好彩搵到就有得食雞肝索哂汁的精華最入味 加上本身潤味濃 重口味之選 好好食枝竹火腩扣大鱔煲$218大鱔肉爽份量足 枝竹同菇索哂蔥蒜惹味醬汁超正原籠甜梅菜芯蒸芥蘭遠$98啫啫煲或者炒菜通常比較油膩今次食個蒸菜用原個大大蒸籠新鮮蒸出芥蘭遠爽脆唔過腍 大量甜梅菜增味梅菜有先處理過 唔會死鹹 味道平衡得來依然惹味

約咗朋友三人booked咗枱去食晚飯，我自己先到，去到門口有一個十一二歲細路女坐reception，佢叫我入去搵格仔衫老闆娘，我就入去搵佢，老闆娘指咗張四人枱叫我坐。無耐第二個朋友到咗，第三個朋友未到，我哋就落柯打叫咗三個餸先食，等餸期間，個老闆娘埋嚟話我哋未人齊，本來唔俾入，又話舖租好貴，唔齊人回唔到本，我同佢講我叫咗餸食住等，本來心裡好不爽，見佢大緊肚，費事gut佢。我哋坐近出菜窗口，聽咗佢幾次催廚房快啲上菜俾我哋，想我哋快啲走。最癲係佢每次經過我張枱，都重覆話我哋唔齊人影響佢做生意，總共講咗四次。我哋終於忍唔住爆佢，問佢講夠未？首先，出面冇人等枱，我哋食住等朋友半個鐘好過份？有幾枱坐咗好耐齋吹水飲啤酒又冇問題，點解要針對我哋？我哋鬧完佢就收咗皮。我哋叫咗小炒王、蒸勝瓜、醬爆蝦球、蒸水蛋，當時咩mood都冇晒，成餐飯味道如何都冇咩感覺。臨走時去廁所，見到隻有頸繩嘅貓貓綁喺堆污糟碗碟附近，個樣楚楚可憐，唔知咩原因要綁住佢，但感覺佢哋唔係咁善待隻貓。之前聽朋友介紹話小菜好食，今次係第一次幫襯，都係最後一次幫襯。服務差仲嬲過嘢難食！

我估客人係唔會盲目支持嘅，呢度長期爆滿就知道大廚嘅真功夫，試過幾次無Book位想Walk-in都係唔成功嘅，所以衣家學精咗黎親都會預先訂位。今次叫咗3樣野，分別係蒜蓉粉絲蒸扇貝、鐵板啫啫生腸同埋鐵板啫啫魚春加魚標。先講蒜蓉粉絲蒸扇貝，師傅蒸得個火喉啱啱好，剛剛熟，於是入面仲係好Juicy，真係好鮮味，我夠膽講好多名店大酒樓都做唔到呢個水準。至於粉絲唔洗我講都知佢地吸收晒扇貝嘅精華，所以千其唔可以放過啦。鐵板啫啫魚春加魚標煮得好惹味，雖然魚春加魚標真係有D邪惡，不過值得為呢碟餸放肆一下，餸啤酒一流。魚春同魚標一D都唔鯹，好食。鐵板啫啫生腸係老闆娘介紹嘅，佢話係用新鮮豬生腸做，所以食落特別鮮味，於是咪試下，真係好食，直頭要將膽固醇暫時忘記先。啤酒就飲呢隻德國麥啤，麥味好香，又易入口，炎炎夏日真係Fit晒，一邊飲一邊食鐵板啫啫生腸同鐵板啫啫魚春加魚標堅正，結果我地3個人一共飲了12支。

每次去太子食飯，就會心思思想食集眾，不過因為真係太多捧場客，所以基本上無Book位都唔洗諗住有得搏吓，所以今次決定去食就梗係預早訂定位啦。今晚2個人只叫了3個餸，咕嚕肉、鐵板啫啫魚春魚鰾同埋什菌豆腐煲。咕嚕肉基本上係招牌菜，差不多每枱都會叫，老闆娘話係用新鮮豬肉做，連D波蘿都係新鮮波蘿，唔用罐頭，所以真係好食，個咕嚕肉嘅皮係封返汁落去嗰種脆皮，而個汁又做到有拔絲效果，果然係招牌菜。其實鐵板啫啫都可以話係呢間小店的招牌，除咗雞什同豬生腸之外，另一款用鐵板啫啫上碟的就是今次老闆娘介紹的魚春加魚鰾，雖然係罪惡D，不過真係好惹味，餸白飯或者餸啤酒真係一流。佢D洋蔥、蔥段、乾蔥頭等等嘅配菜，黐上一粒粒的魚春，真係正。什菌豆腐煲又係老闆娘介紹的，佢話Menu無架。最有驚喜的就是個豆腐好滑，好食，下次去會再叫。

係YouTube睇飲食男女發現到呢間舖😆🍎見到師傅對自己每樣菜式要求極高 用心出品 食材亦係由老闆娘每日去街市親自挑選🥬就咁睇餸菜名會覺得冇乜特別都係啲常見菜式 但一食就知每個餸都落足功夫心機去煮🔥😋👏🏻🏆鮮菠蘿拔絲咕嚕肉 $98 (9/10)呢個真係我食過最好食既咕嚕肉💯冇令我失望外層脆皮薄而非常脆 師傅炸野功力深厚👍🏻選用新鮮五花肉 肉質鬆軟有肉汁 正！糖醋醬汁調配得好好 酸酸甜甜(๑˃̵ᴗ˂̵)質地濃杰 夠熱 做到拔絲效果🤤用左新鮮菠蘿🍍香甜多汁又Juicy 超滿足！🥔金薯蜜椒安格斯牛柳粒 $138 (9/10)不得不讚師傅炸野既功力真心非常出色！😭薯仔外層炸皮超香脆！內綿密～充滿蜜椒既香味！勁好味勁正 食唔停💯‼️牛柳粒軟嫩juicy！如果大粒啲會仲正😳但整體已經十分唔錯 同萬發有得揮！🔥鎮店小炒王 $118 (7.5/10)小炒王係我好鐘意既一個餸🤤每次食中菜或者大排檔都一定會嗌(๑•̀ㅂ•́)و✧呢間小炒王除左夠鑊氣 最特別就係有炸芋條！口感香脆又香芋頭味😆 韭菜新鮮爽脆！配埋蝦乾、腰果、豆芽好香口😚不過整體調味偏淡 唔夠惹味 未算十分出色整體黎講呢間菜館真心出色💯每樣餸都食得出老闆

今晚一個人專程由老遠地方跑到太子集衆菜館一嘗傳說中美味咕嚕肉，大約晚上七時左右到達，一推門見到客人不少，不過還有两張吉枱。我連忙示意老闆娘我是一個人，當她知道我只是一個人幫襯，就黑起塊臉，竟然顯示出我只得一人不願招待，又問我將會點什麼嘢食？我告知她我會點咕嚕肉及豬肺湯，跟著說我只有一個鐘食，你一個人幫襯少少，只食咕嚕肉點夠交租！她說話剛講完就反口，現在無位，所有枱已經有人定咗！當場無名火起三千丈！這間食店現在稍為出咗點名氣，就如對侍客人，再好食都永不光顧！

椒鹽魚錶勁難食好嘔心!!! 軟林林一pet野完全擺唔到落口😪lur左出來🤮即刻冇食慾🤮痴線架 招牌菜椒鹽賴尿蝦🤮食落去完全冇鮮味！完全唔知自己食咗乜～仲話自己係招牌菜喎又貴又唔好食🤢🤮🤮🤮千祈唔好去拔絲咕嚕肉一般😵🤮侍應態度都一般

今日難得去開深水埗太子，有機會來依間集眾菜館，都無失望而回小食是一碟花生，非常香口，停不了口，但小心食得太多會生痱滋，喉痛或出暗瘡。 (少食多滋味)首先講下隻雞都算有雞味，口感幾好，連埋內藏比人睇得出是新鮮雞，價錢雖然有點貴，半隻成$238，都唔係唔值既。值得一試，同埋佢份量都OK架，2-3個人食就剛剛好。同晚仲試左小炒王，份量十足，佢D蝦乾好香口好好食呀，芋頭又炸得非常之脆和香口，真係食到有點停不了口，唯一唔好是多油膩左D，同有少少味精，但用來送飯就真係幾好，就算食哂成碗飯，都仲有好多剩，加上家中唔會煮小炒王依D 香炒炸食品，所以抵食程度算好高。最後仲試了一道咕嚕拔絲蝦球，蝦球非常香口彈牙，個漿入面仲好熱辣辣，個漿唔會太厚，太乾，仲帶點脆，但小心第一口咬落去非常熱氣，雖然係好香口好食，而拔絲又不會令食客食得好論盡，剛剛送到去碗就斷絲，唔會斬絲不斷，絲帶絲又痴筷子，再痴碗，入到口都唔會成口絲，加上拔絲甜要適中，唔會甜到喉「確」，伴菜的菠蘿片都好甜，唔酸的，所以依道菜都是可以一試。 (我見同場的食客就試拔絲咕嚕肉多。)整體來講是感覺幾好，有機會晚上去開深水埗或太子會再試的。

讚1.食左三次，水準穩定地好，生炒骨脆身唔乾，醬汁均，咬落去唔會硬堀堀又無味。招牌雞皮薄而爽，肉質入味又滑溜；魚卜魚春好惹味，但又唔會死鹹，唔怪得次次黎都咁多人彈1. 除左老闆娘，似乎其他侍應都唔太熟食物

一向好鍾意食咕嚕肉有人號稱衣度係全港最好食咕嚕肉一定要試吓❤️一嚟到起碼企左5分鐘雖然我哋有訂位但都冇位坐跟住個侍應姐姐話唔好意思跟住唔知點解俾咗一張勁細嘅廁所門口枱我不過我預咗食依啲餐廳都唔會有啲咩好招呼所以是但啦⋯跟住坐低睇餐牌叫咗支啤酒先再慢慢睇有咩食嘅時候送咗一碟凍嘅豬手俾我哋食、仲有合桃同花生平視我唔鍾意食凍嘅豬手但衣蝶又真係幾好食有少少麻辣但又唔太過分又好夠味後尾睇返才派知依一碟要$88*😋白胡椒魚卜❤️超級大愛😋😋😋又滑又彈口個味啱啱好又香又熱辣辣呢個必叫雞湯翅、叫咗一人份量$98一位、多啲人大煲嘅$400都唔使、湯底超級好味不過$98真係冇咩翅平時都唔鍾意食小炒王但係朋友話依個一定要食芋絲趣博博連平時我唔鍾意食嘅韭菜花都好甜招牌咕嚕肉真係好趣肉又啱啱好、但係我覺得唔夠汁下次可以要求多啲真係好出色嘅黃金鮮魷忍唔住叫多一碗白飯食新鮮出爐嘅乳鴿冇可能唔好食不過佢個味粉仲加咗七味粉同華鹽🥰真係超級好食

今日去集眾食Lunch，點了午市套餐的蠔仔泡飯和籠仔石斑蒸飯。蠔仔泡飯的蠔仔好新鮮，師傅煮到D蠔仔Juicy兼嫩滑，$60有咁嘅質素真係勁，師傅好野。因為友人唔食芫茜同蔥，所以走晒青，不過我自己覺得如果落埋應該更加好食。籠仔石斑蒸飯D斑塊完全無雪藏味(估計應該唔會係新鮮斑塊，因為六十幾蚊點會比到新鮮你，梗係急凍啦)，而且佢係用斑塊而唔係斑件，所以真係啖啖肉，如果用斑件就有機會成舊骨，最重要係鮮味兼唔鯹，個飯係炒過的，所以整體真係味道唔錯。

自從禁堂食之後好耐無得去集眾，今日因工作所以路經，於是決定去食lunch。見到老闆娘例牌問佢有乜嘢好食，佢就推介我試籠仔石斑蒸飯。石斑有四至五件，應該拖過油先至再蒸，所以啲皮有啲𡁻口，味道比就咁蒸好味啲。飯底用蛋炒過，夠乾身，吸埋魚汁，所以真係唔錯。佢哋衣家lunch time叫套餐仲有例湯同埋嘢飲跟餐，我好鍾意佢個湯，因為似乎係無味精，而且個湯底好似係用咗靚了慢慢熬，所以我最後決定唔要嘢飲要多碗湯。$68真係幾抵。

已經是晚上十一時,跟友人到店裡宵夜,本來諗住叫佢個小菜,但睇倒隔離枱食緊雞煲,好香好吸引,於是就order左半隻！據老闆娘講,雞煲係用新鮮雞煮,而且是新推上市,連menu都未見有！雞肉果然鮮嫩,完全冇雪味,仲好野味,不過如果再麻再辣一點就更好,於是我地忍唔住再order多半隻雞🥰🥰好感動,老闆好好人,仲加多左D雞俾我地,麻辣度十分適中,好味！😋😋除左雞煲之外,我地仲order左手切肥牛,鵝腸同埋一碟荳胚,同樣出色,令人驚喜😍肥牛入口溶化,厚薄適中,牛味濃郁😍😍鵝腸洗得好乾淨,伸片走晒D肥膏,爽脆,份量足😍😍😍荳胚即切埋莖既荳苗,比荳苗更甜😍😍😍😍還有就係食完雞件之後加既雞湯,原來係雞煲翅既湯底😋😋宵夜食咁多，肥x死🤦🏿‍♀️