集眾菜館

营业中

休息中

另一半十分愛吃咕嚕肉，這天在網上看到有關這間菜館的報導，說這兒老闆兼大廚出身名店，自立門戶，烹調的「鮮菠蘿拔絲咕嚕肉」（$98）十分了得，便致電訂位，即晚前往一試。店舖地方比想像中大，不過因為樓面只得事事親力親為，有禮健談的老闆娘和兩位女夥計，而且外賣挺多的，所以無論下單、招呼客人還是把外賣給予訂了外賣的顧客，都顯得有點亂。不知是否因為有傳媒報導過的關係，這間開業都有大半年的小店生意都不錯，要不是我早訂了位，也可能要等待良久或是望門興嘆，在另一天才可以成功光顧了。訂了晚上六時的座位，老闆娘在通電話時說八時要交檯，有足足兩個小時吃東西，絕對足夠了。一心來吃的「鮮菠蘿拔絲咕嚕肉」當然必點，這咕嚕肉果然出色，用的是鮮菠蘿而非罐頭菠蘿已見誠意，難得咕嚕肉外層的脆皮真的薄而極脆，脆皮裡面的豬肉雖然不算十分多，但拔絲的效果，極佳的口感，濃淡得宜的味道已能贏得我對它的讚賞，另一半亦感到相當滿意。另一款店中推介菜式「雙蔥珍菌爆蝦球」（$138）大大隻的爽口蝦球，味雖稍淡，可再濃些，配以韭黃、洋蔥、菇菌爆炒，鑊氣充足，仍然不錯。其實這兒吸引的店中推介菜式還有不少，好像餐牌上的「集眾少爺雞」、「原味焗花蛤

今日我同家人試左6款椒鹽賴尿蝦佢地已經預先起晒肉，唔需要剝殼，非常細心。濃湯雞煲翅未上湯之前，已經有一碟翅上枱先，確保每煲翅足8両秤，非常濃非常入味。白切雞好滑唔會有雪藏味。炸大腸炸得好爽，唔會太油同太肥。黑椒牛仔粒牛仔粒唔會咬唔入，當中仲有啲炸薯仔粒，想法非常創新。咕嚕肉本來全晚非常滿意，但佢地將我地點果碟俾錯第2枱，咁都算啦，知佢地啱啱上左報人多左忙左，都體諒。咁枱面食晒野又冇野做，我咪同屋企人拎部Switch黎玩打發下時間，之後等左40分鐘老闆娘終於都拎返俾我地，之後食左碟咕嚕肉大約5分鐘後，老闆娘走黎鬧我地，話咁多人岀面等枱我地仲要係度打機慢慢食慢慢玩，阻住佢交枱俾人喎。哇大佬吖！首先你果碟咕嚕肉我白白等左40分鐘，都冇出聲係催你兩次，你一黎到我地都只係食左5分鐘，係食住打埋果鋪，如果你唔係比錯我地果碟第2枱，我地一早食完走左，仲會係度打機咩？我啲時間就唔係時間？而我老豆等到唔耐煩仲走埋，仲要話我地係度打機阻住佢，我明你俾客鬧，但唔好走黎發我地脾氣囉，關我地咩事？如果你黎齊所有菜我唔走係度打機就係我錯，比你鬧我認！但重點係你地疏忽令到我地白等左40分鐘，問佢又話好快好快到，足足

去年年尾(好像是12月聖誕節之前)幫趁過一次，對其咕嚕肉念念不忘，今天朋友話食小炒，立即建議去這間位於太子的小店，好讓我再回味她的咕嚕肉。上檯了，咕嚕肉熱辣辣，味道保持水準，那微脆的皮面，令包著的豬肉仍保留肉汁，老闆娘說他們是用新鮮豬肉，因為味道會比較理想，另外他的汁做到拔絲的效果，再加上新鮮菠蘿，這一碟份量不算少的招牌咕嚕肉才賣$98，我個人覺得物超所值，令我回味無窮之餘，更是所有客人的必點菜式，真心推介。

由於附近吃開的小菜舖還未啟市，於是求其找一間，後悔！上菜慢，當時差不多是晚上九時，點菜後也都要等20多分鐘，最後催侍應食物才送上。芥茉牛柳粒只是和暖，一點也不熱，牛柳粒旁邊的核桃淋又唔脆原先想點避風塘瀨尿蝦肉，誰知沒瀨尿蝦；店員建議改為避風塘中蝦，又無其他潮州菜，所以冇問價錢下也回應說好，因為瀨尿蝦價錢是$198，相信中蝦也不會貴過這個價錢，誰知埋單的時候，才知道這道菜要200多元，雖然蝦的味道及肉質是不錯，可是只有七隻，在初六新年期間是很不好的意頭😑也有點貴蒜蓉炒菜心，來到就像白灼菜心一樣，蒜頭很貴嗎？不會再有機會來！

上月於菜館開張不久,經朋友介紹食過一次之後，回味無窮。特別係鮮菠蘿拔絲咕噜肉，一試難忘｡終於等到另一半boxing day有空撑枱脚，一定要帶佢去食一次｡因為得兩個人,食唔倒幾多野。除咗必叫咕嚕肉之外,老闆娘介紹甘薯甜椒牛柳粒,雞油炒豆胚，最後我地再叫多一個頭抽炒麵｡飽到上心口｡每道菜都feel到廚師好用心煮,唔喺hea做｡菜館生意非常好,大家去之前最好打電話去訂位,好彩我地食"早"飯,走嘅時候,全菜館滿座，門口仲有6、7個人在等位｡在現今社會氣氛,菜館又位於高危地區，算唔錯喇｡已與另一半約定，要試晒"必食推介"菜單上的每一道菜。

柏樹街已經靜悄悄地變成美食聚腳地，涼皮、餃子、芋圓，衣家仲有呢間好味小炒，真心讚。鮮菠蘿拔絲咕嚕肉川味豬手鐵板雞什豉油皇鵝腸羊腩煲點了鮮菠蘿拔絲咕嚕肉、川味豬手、鐵板雞什、豉油皇鵝腸同埋羊腩煲，樣樣都好精彩。先講咕嚕肉，皮係脆嘅，考師傅功夫，出面唔係好多地方食到，菠蘿唔用罐頭用新鮮嘅，D汁少少拔絲feel，堅好食。川味豬手係冷盤，佢個汁好香，少少辣，好食。鐵板雞什要黎餸啤酒真係一流，值得一提嘅係佢有隻德國麥啤好好飲。豉油皇鵝腸用嘅鵝腸唔係一般出面食到嘅橡筋鵝腸，佢D鵝腸好新解好肥美，好味。羊腩煲都好足料，而且D羊腩應該唔係雪藏羊，所以份外好食。真心覺得呢間小炒值得再encore。

聖誕節四圍都公眾活動，咪諗住近近哋去呢度試下啦。坐低就先叫左咕嚕肉同金沙鮮魷，諗住邊食邊再落單叫其他嘢。跟住隔離枱先啱啱坐低，唔夠兩分鐘見到佢哋食緊咕嚕肉，咁即係我哋碟咕嚕肉俾錯枱啦。叫個伙記幫我哋跟單，跟住隔離枱第3樣餸都黎埋，我哋一樣都未有得食，真係火都黎，完全冇幫我哋跟番啲單，呢間嘢又貴又服務差，以後唔會幫襯，仲會叫朋友都唔好幫襯。

讚1. 野好食，都有一排無食過咁仔細既小炒，小炒王既韭菜揀得好，條條爽甜無渣，蝦乾入味又唔會硬堀堀，咕嚕肉脆身又開胃，焗花甲好有誠意，隻隻都多汁飽滿2. 服務好好，訂左位，去到現場，等左一陣，其實小事啦，點知老闆娘係咁出黎講對唔住對唔住咁，之後仲同個女黎問我地啲野合唔合胃口3. 價錢抵，每人唔使兩舊水彈1. 廁所係得人驚左啲

朋友推薦這家位於太子的新開小店，當然抽時間去試一試。點了4款我朋友推介的菜式，分別是菠蘿咕嚕肉、乳鴿、川味豬手及鐵板雞什，另外又叫了杏汁白肺湯。菠蘿咕嚕肉做得精緻，大廚老闆功夫考究，將咕嚕肉做得皮脆內軟，咕嚕汁又適中，剛好薄薄的黏在豬肉的表面，不是平時死炸兼咕嚕汁不平均分佈那種，精彩；乳鴿也做得很好，亦不是落鑊炸至過龍再上枱那種，鴿肉夠嫩兼有肉汁，好味道；豬手是冷盤，那微辣的汁調得很好，豬手亦很入味，唯一是我個人喜歡「林」一些；鐵板雞什餸酒一流，如果再多一點雞腸會更好；杏汁白肺湯很香濃，真的想再多喝一碗。整體質素很高，怪不得長期有人等位，如果去食記住先訂位。

旺角太子的小店 相信廚師就是老闆 躲藏在廚房內專心泡制出品！客人點上廚師推介便沾沾自喜的⋯第一次試了波蘿佛絲咕嚕肉 皮脆肉嫩 豉汁陳皮蒸大鱔 大鱔夠彈牙 但醬汁可入味些更好！第二次點前菜 ：冰火魷魚 川味豬手 避風塘尿蝦熱食 ：鐡板薑蔥魚春魚卜 這魚春魚卜很野味！辣子大腸 煎焗魚雲應是慢火細煎很嫩滑 唯份量很少拔絲咭咾肉 主菜 ：新鮮少爺雞$400 鮮羊腩煲$400啤酒氣水11人 @$180

今晚到了集眾菜館食飯，叫了大班兩只味、花甲水蛋、`菠蘿拔絲咕嚕肉和魚湯烏冬。感覺好好味，沒有味精。特別是咕嚕肉，非常鬆脆，令人回味無窮。再加上食材新鮮，我下次一定會再來。

早前經過太子, 見到有間新既小菜館新開(試業中), 所以同屋企人過黎試下菜, 開頭以為新開冇咩人黎食, 但係坐低冇耐, 就差唔多全場爆滿!  鮮菠蘿拔絲咕嚕肉, 呢個堅正, 一路食, 一路覺得個汁咁得意, 成日一條條絲咁, 睇返餐牌原來個名係"拔絲"咕嚕肉, 另外, 後尾偷聽到侍應向隔離枱介紹, D咕嚕肉係新鮮豬肉整, 唔怪得食落特別好食啦!鐵板薑蔥桶蠔, 桶蠔整得唔好, 好鬼腥, 個鐵板上菜時滋滋聲都知係好野!!!外脆內軟~~~避風塘炒蟹, 平時好少叫呢味餸, 因為覺得得個碟大, 但又冇乜肉, 但係見到個侍應拎左隻新鮮蟹推介俾隔離枱, 新鮮生猛, 又大件頭, 所以唔執損都叫返隻試下, 一試, 新鮮蟹真係果然係唔同D.上湯芥蘭, 老媽子食唔到硬野, 但又想食芥蘭, 落單個時吩咐煮淋D, 以為最終出黎會黃甘甘, 點知又OK喎, 翠綠又淋身!古法蝦子柚皮, 柚皮呢家野, 唔係度度有得食, 老媽子話試下, OK喎, 以為有d澀澀地既味, 又唔係喎, 有種清新口感, 個汁食落同個柚皮好夾!金薯蜜椒安格斯牛柳粒,  金薯香口, 牛柳粒份量足又大粒, 正!