影片
以上资料只供参考，请与餐厅确认详情
天气太热，坐低即刻叫啤酒先至再慢慢拣𩠌，呢只德国麦啤几好饮，真系饮到小麦味，又爽又清凉有冇苦涩味。叫咗个铁板啫啫鸡什，又香口又惹味送酒一流，虽然心入面觉得有啲邪恶但系真系好食。佢个集众招牌鸡都好食，难得有鸡味，只鸡嘅皮好薄，冇乜脂肪肥膏𠮶啲，鸡肉都嫩滑，相入面系半只份量都好足吓。又肉又内脏，梗系要叫返个蔬菜类别平衡返一下健康啦，呢个系龙仔甜梅菜蒸菜心，菜心好嫩好绿，加咗甜椰菜上去原来个味道都几夹，呢个都几好食。
继续阅读
因为未齐人，所以先叫咗个小食边等边食，就系叫咗呢个冷盘，川椒猪手，个猪手都几入味，虽然叫做川椒，但系其实又唔系好辣。另一个小食就试咗冰火鱿鱼，都系冷盘，不过呢个鱿鱼坚辣，叫冰火真系一D都无错，两个小食都好食。终于等齐人可以开餐，我地叫咗4个𩠌，4个都几好食，呢间小菜馆真系劲。先上枱嘅系呢度嘅招牌菜鲜菠萝拔丝咕噜肉，呢个真系做得好出色，个咕噜肉外层系轻轻的脆口，入面粒肉就软林林，个汁都好食，唔系一味死酸。个集众招牌鸡又系好正，只鸡好有鸡味，鸡皮薄，又唔肥，连埋鸡润鸡肾鸡肠，证明真新鲜。呢个盐水花甲好新鲜，又无沙，而且都几大粒肉。个菜都好有特色，菜芯加上甜梅菜原来都几夹几好食，值得推介。
继续阅读
招牌咕噜肉个味道同个口感又真系唔错，难怪差唔多每一枱客人都嗌，佢好食嘅地方就系咕噜肉𠮶个外皮好脆，就算淋咗个酸汁落去都冇影响到𠮶个脆度，但系佢又唔系渣到硬晒𠮶种咕噜肉，佢入面嚿肉系好软滑嘅。贪得意嗌咗个咸蛋蒸肉饼，个肉饼多瘦肉少肥肉。金银蛋浸胜瓜真系超好食，师傅将个胜瓜刨晒啲皮，净系保留胜瓜最远最滑最腍嘅部份，冇谂过胜瓜都可以咁嫩口。最后一个系金薯安格斯牛柳粒，所谓甘薯其实就系炸过嘅薯仔粒，呢个好食，因为薯仔粒吸咗牛肉嘅香味。
继续阅读
朋友澳洲返嚟约食饭梗系要同佢食一啲够晒地道而且有镬气嘅粤菜啦，所以就拣咗太子呢一间小菜馆。招牌咕噜肉叫唔得啦，老板娘话除咗菠萝系新鲜菠萝之外，连咕噜肉用嘅猪肉都系新鲜猪肉，唔怪之得食出嚟又鲜味又乱画，咕噜肉外层嘅皮加咗个甜酸汁之后仍然保留微微嘅脆口，味道真系非常出众。唔好净系食肉要食啲菜，老板娘推介我哋试呢一个甜梅菜龙仔蒸菜心，甜梅菜嘅清甜带出左菜心嘅鲜味，呢个配合搭真系几好食。第三个𩠌就叫咗一个邪恶小小嘅姜葱铁板鱼春鱼卜，呢个𩠌够晒嘢未够晒香口，因为铁板上所以可以保持个新嘅温度，我自己觉得乳酪好食过鱼春。呢度只德国麦啤几好饮，出面好似好少饮得到。
继续阅读
呢间餐厅朋友拣嘅，事前订咗位。原本谂住嗌三四碟𩠌 for 3个人，点知落完单先同我哋讲每人最低消费$200。每道𩠌平均都系$100左右，三个人夹硬要嗌成六道𩠌，根本冇可能食晒。间餐厅离太子站行2分钟，地铺，喺内街。附近乜都有，街市、招牌制作公司、宠物店，同有少量餐厅。啲嘢食系唔差，但系一间喺内街嘅大排档，服务态度ok又唔系特别好，竟然每人最低消费要$200？喺menu又冇写？喺餐厅外墙又冇写，里面都冇见到有黐住？即系要口头讲先知㖞。唔知系咪见人少，所以先有最低消费呢？连商场嘅餐厅都冇每人最低消费$200，系太子大排档食竟然仲贵过商场餐厅。
继续阅读